Schnee German Restaurant (已結業)

今晚又同老公去東大街覓食，經過一間德國菜餐廳，見好少食德國菜，於是膽粗粗入去試下。店舖小小，因為今日係閒日，所以全店得我地兩個客。除左掛左幾面德國國旗同裝飾外，其實真係冇乜異國情調，一直播住舊嘅廣東歌，電視仲定格喺一套好舊嘅港產電影度⋯😂我地一人叫左一份set dinner。天寒地凍唔食沙律，要蕃茄忌廉湯。熱辣辣，夠酸，味道唔錯，好開胃。主菜叫左黑松露野菌燴飯同香腸拼盤。燴飯嘅燴汁黑松露味都頗濃，質地濃稠，飯粒飽滿，唔錯。香腸拼盤較普通，都係比較常見嘅法蘭克福腸、紐倫堡香腸、慕尼黑白腸，又長又幼果條唔知叫咩腸，最好食係佢，比較juicy，其餘果三種都普通d。有d酸菜絲、小酸瓜中和下，冇咁膩。

食德國菜當然要食德國豬肘！但店員話要等45分鐘，目測店裡有兩檯客人食得滋味既樣子！希望值得等啦！招牌脆皮燒德國鹹豬肘伴酸椰菜烤燒薯角大大隻豬手上檯！正考慮從何落手時，細心既店員細聲提醒話可以代切。

餐廳細細，座位大概十幾張.叫咗份牛扒,不過味道麻麻,五成熟但無咩肉味!德國腸拼盤有點兒令人失望.以為德國餐廳可以食到高質數少少嘅腸仔，點知味道普通到似supermarket嘅腸！不過唔緊要，我地係為咗豬手而黎嘅！好彩豬手皮脆肉嫩,上到抬熱辣辣,味道適中唔係死咸，為今餐挽回唔少分數!

為慶生專誠搭車過來的一餐店舖內感覺細細的不過唔覺空間窄，裝飾簡單，每次可以專注做幾枱客，相信出品應該唔差的了！店員說套餐剛轉了新款式，望過餐牌也決定試試。今次點了套餐巴馬火腿伴蜜瓜咸香的火腿配上熟得剛好甜蜜的蜜瓜，簡單的配搭擺出一幅畫！又睇得又食得。德國麵包藍配金文拔芝士醬有唔同口感的麵包集合在一起，有脆的，有睇落煙韌食落軟糯的感覺的，配上味道適中的芝士醬……！話咁快就食晒D麵包！是日餐湯甘筍忌廉湯，甘筍湯清新入口甜甜的，唔似其他西餐廳的麵糊湯又淡味道又杰。主角出場了！德國咸豬手配酸椰菜薯角店員先給我們看看燒好的豬手，問我們想自己切還是他們代切，我們唔想食到雞手鴨腳，當然給廚師代勞啦！咸咸的豬手真係要配德國啤酒一起享用，一口咸咸咸豬手一口啤酒，爽呀！生啤味香濃厚甜。回味脆而不肥膩的豬皮。酸椰菜有少少酸咗D.薯角也唔錯。炸海鮮拼盤有蝦、魷魚、蠔、蝦多士、燒粟米、車厘番茄及薯片，海鮮炸得吉列脆脆。由於套餐份量十足，食唔晒都外賣攞回家了！餐後來杯香濃的即磨咖啡

今日搵咗呢間試，見網評話好食自己又想食德國🐷🖐🏻，便透過open rice預定功能訂枱。4行人叫咗2份2人餐煙三文魚沙律菜，有4大塊煙三文魚，沙律菜内已落醋，份量剛剛好。麵包籃，有2支又長又脆既手指餅，有2塊手心大小既方形脆餅，有一塊好大嘅德國結麵包，食完已經飽咗1/3。忌廉湯，湯面有少少黑胡椒碎，好濃好味道。🐷🖐🏻配酸菜薯仔，🐷皮卜卜脆但有些少太硬，豬肉淋又有些少肥膏，好味道。帶子意粉，帶子有2大粒，好淋，少少少少辣味，意粉d汁都好味。餐飲可以改果汁，我地飲咗石榴汁，熱情果汁，蘋果汁。4個人叫咗2份2人餐，晚餐要加一，唔駛$1000，抵食。但會建議應該叫一份2人餐再加其他食物，因為份量唔弱㗎。

德國菜在香港已盛行很多年，不過，吃德國菜的機會不多，早到友人提議到筲箕灣的Schnee German Restaurant大吃一頓德國菜，友人說德國菜做得比較粗獷，但味道卻很有個性，當然期待吧！德國香腸是世界聞名，是不能錯過的美點，「精選德國香腸拼盤」（$188）一客有4款香腸，包括紐倫堡腸、農夫豬肉腸、慕尼黑腸及維也納腸，百分百德國風味，腸皮脆口，味道每一款都各有特色，十分惹味，更伴上很特別的酸香薯仔沙律。除了德國香腸，另一道「招牌脆皮燒德國鹹豬肘伴酸椰菜烤燒薯角」（$198）也是不能放過要一試的菜式，嘩！德國鹹豬手震撼登場，店員待我們拍完照後，拿回廚房幫我們切為細件，方便食用。豬手外皮脆到不得了，肉質軟鬆化，鹹香誘人，旁邊更有酸椰菜來中和油膩，值得推介。友人說「維也納炸牛仔柳配脆薯條及田園沙律」（$168）雖名為維也納，但經常在德國餐廳出現，也許奧地利是德國的鄰國關係吧！牛仔肉撲上麵包糠酥炸，外脆內軟，灑下檸檬汁，清爽好吃，減少一點點罪惡感。很可惜對飲啤酒不在行，否則加一杯德國啤酒，就更有味道了！

預早慶祝母親節，經openRice系統訂位好方便，訂了6點食會易有位， 5人點餐叫了脆皮燒德國豬手，香腸拼盤，野菜沙律，炸薯條，黑松露意粉，黑松露意大利飯，德國啤酒汽水唔少得，每樣都保持水準，由其招牌德國豬手皮脆肉咸香，即叫即整所以要等，但等下唔緊要，最緊要夠熱辣辣才會皮脆肉不會收干水份，德國腸拼盤好味食完一碟再叫多碟， 仲有估唔到黑松露忌廉汁意粉都煮得幾好味喎，只是餐廳太細間唔夠銅鑼灣分店大和坐得舒服，會聞到廚房陣陣油煙味，但少少油煙味唔緊要啦，最緊要食物好味就補番數啦!

今天來朋友位於筲箕灣的新居，無飯主婦帶我來到這家位於東大街的德國餐廳。店舖大約有二十個座位，裝修簡單而帶德國風情。食客比較溫文，就算滿座也不覺嘈雜，待應又年輕有禮。餐牌款式豐富，圖文並荗頗吸引。我們點了沙律、羊鞍和一份德國腸午餐。牛唇野菜沙律伴溫泉蛋及油醋汁$98 牛唇薄切，透明的部位微微爽韌，份量頗多。有很香的火箭菜、新鮮的沙律菜和車厘茄。把面層的溫泉蛋拌入沙律中，使整體增加蛋香和更滑溜。慢煮澳洲羊鞍拌菠菜薯蓉和迷迭香汁 $258 羊鞍很嫩滑，外層微微焦香。入口幾乎溶化掉，水準很高，物有所值。菠菜薯蓉，並非用粉開的貨色，兩個薯控吃至停不了口。連伴隨的車厘茄、翠肉瓜和茄子也很新鮮清甜。午餐 $64:田園沙律沙律菜新鮮爽嫩。波浪型香草餅乾條，帶濃濃的香草味和非常香脆。 德國香腸拼盤忌廉薯蓉 外皮脆又爽彈的司華力腸，爆口部位的焦香，味道更是一絶。爽實香濃的香草豬肉腸，塗上滑滑又唔覺滯的忌廉薯蓉，真是令我回味無窮!熱檸檬茶既可清洗味蕾之餘，也可增加舒暢感! 感覺這頓飯感覺物超所值。難怪這那麼快便成為了朋友的飯堂!二人晚餐的菜式頗吸引，定要帶埋男友再來一趟，渡過尋味德國的晚上!

記得上次食純正德國菜已是去年10月嘅德國啤酒節……德國大肉腸、德國啤、德國咸豬手、德國麵團，今日讓我再遇上，欠的就衹有穿德國女僕服嘅啤酒女郎而矣！筲箕灣東大街一向臥虎藏龍，中西日韓各國菜式紛陳，逐間試勻恐怕要排到月底！今晚為咗要重溫德國夢……夢想又到啤酒節……就揀咗呢度……德國大肉腸真係冇得輸一一脆皮的、芝芯的、厚肉的……一碟已經有齊曬，梗係，拼盤喎！招牌喎！講起招牌，冇理由唔叫咸豬手，上碟時侍應細心地先讓我拍照，再幫手切開幾大舊，肉質呈粉紅狀，一絲一絲有嚼勁……枱頭嘅芥辣、酸醬齊備，喜歡點就點，唔點亦一樣好味！驚喜嘅還有德國麵團，又名"德國麵疙瘩", 德語為 Spatz，意為小鳥雀，是德國飲食中常見的一種雞蛋麵，常作為主食。查實喺歐洲，如奧地利、瑞士、匈牙利等都會見到佢架！新鮮焗起嘅麵團滲滿芝士香，面層焗至微焦，起一粒粒，QQ的又彈牙，食佢好過食飯，我話嘅！

上年年尾黎過schnee，不過係銅鑼灣分店，自此後對佢念念不忘，最近意外地發現原來筲箕灣都有分店，又近我同朋友既公司，就打算放工後黎試下啦。入到黎餐廳，見到坐位好少，得30個左右，細過銅鑼灣分店好多，真係好彩有book 到檯，否則真係可能空歡喜一場。餐廳既佈置都好有德國風味，最值得欣賞既係佢地個open kitchen，可以俾客人見到裡面既運作，都幾得意架。揀左好耐，終於揀到我地想食既野啦。黑松露介子意大利雲吞伴輕怡菠菜忌廉汁:其實呢味菜上次黎都有叫，食過翻尋味。菠菜汁做得creamy得黎又唔膩，加埋黑松露之後又無蓋到個菠菜味。雲吞方面，雖然係用芝士做餡，但係味道一D都唔濃，平時唔多鍾意食芝士既我都接受到，整體既配合，真係令人食完一粒又一粒呀。傳統西班牙烤乳豬配香脆薯絲: 烤乳豬D皮非常薄，入口非常香脆，肉質鬆軟鹹香，脂肪亦都比想像中少，伴碟既原來係薯條，仲以為係有椰菜絲呀沙律呀果D添。整體黎講都算唔錯，不過如果可以加返少少沙律既話，感覺會清新D同無咁膩。香燒紐倫堡粗豬肉腸:德國腸係我既至愛，雖然知鹽份高，好無益，不過為食起上黎都會想食。呢份豬肉腸，唔算好鹹，一份共有兩大條，每一大條係

行過東大街想食西餐一定會諗起呢一間 價錢一啲都唔貴 而且通常都有位 食物質素同味道都非常好唯一不足之處就係分量相對嚟講比較少risotto嗰啲還好 相對易飽啲食但例如意粉個啲對男仔嚟講呢就真係可能會好快肚餓喇 餐廳個menu間中都有唔同㗎午餐有最基本既沙律餐 到意粉同德國香腸都有得食 價錢都係around 50至90之間 西式嚟講算幾抵玩呀嘩! 德國香腸呀但餐廳枱唔算多 人多的話就要訂位囉聽講晚餐嘅咸豬手幾好食下次試下先

曾經喺德國生活過一段日子 說實在十分懷念傳統嘅德國菜... 我哋諗左好耐，究竟香港有冇傳統嘅德國菜餐廳呢？除咗比較出名嘅嗰幾間連鎖德國餐廳..今次我同友人特地走到筲箕灣呢一間德國餐廳試一試。  餐廳就喺筲箕灣東大街呢條係出名嘅食街出左，地鐵站再行前少少就到啦。一入到店裏面其實位置唔多大概可以坐到10多人左右 我哋睇一睇餐牌見到有一個二人夜晚套餐。套餐有餐湯麵包前菜亦都有嘢飲先至$438 蚊(重點免加一!) 我哋都覺得好抵所以即刻就叫左呢一個來試一試煙三文魚伴田園沙律前菜係三文魚沙律 煙三文魚有三大片而且生菜亦都好新鮮 大蒜薯蓉忌廉湯 配pretzel 薯仔忌廉湯再加埋傳統德國蝴蝶結麵包同埋餅麵包脆片送湯成件事好夾主菜終於登場~~~~招牌脆皮燒德國鹹豬手配酸椰菜烤燒薯角去德國餐廳當然要試一試豬手啦！佢嘅豬手外皮燒得好香脆，而且肉質亦都好稔再加埋薯仔酸菜，仲有佢哋亦都有甜嘅芥茉醬提供感覺真係好似返咗德國一樣好多酸菜! 店員細心為我們切開豬手~~~另一個主菜牛油帶子龍蝦汁菠菜意大利粉意大利粉有兩大隻牛油帶子，帶子亦燒得好乾身好香，龍蝦汁亦都好濃意粉質地剛好。整件事配搭很完美最後仲有餐茶 我同

同朋友想試呢間嘢好耐㗎喇， 因為佢嘅德國咸豬手好似好吸引咁，所以今日就特登嚟試下隻鹹豬手個皮真係非常非常之香脆，非常之好食，我哋四個人叫咗個二人餐另外叫多咗個薯餅喇同個香腸拼盤嘅，都好好食由其是個薯餅覺得好驚喜， 同埋杯無酒精嘅麥嘅飲品都好好飲好得意大家可以試下 大致上呢一餐真係好滿意，我啲朋友都覺得非常之好食非常之滿意冇諗過一間細細嘅鋪頭都有咁好食嘅嘢， 最重要佢嘅價錢非常合理，我哋食咗咁多嘢都係大約1000蚊左右就可以啦

When I came to shau Kei wan, I must try to go to Main Street east to have a tasty meal because it has the most popular restaurants.pumpkin cream soup. A little bit creamy with a very good smell of cream. Pumpkin is not outstanding but still it is good.sausage platter(lunch). 3 kinds of sausage is given and it is good. With a very tasty flavour and smooth smashed potato.But a little bit small when it is a main course in the lunch set.

行完山行到去筲箕灣東大街一帶，好多美食餐廳 我地揀左一間食德國菜的小店Schnee German Restaurant 中、日、泰都食得多，本身都少食德國菜所以特別有驚喜 細細的餐廳裡接近枱位置掛了德國旗 有午市LUNCH SET ，幾十蚊價錢食到德國菜LUNCH 算係抵食 小店座位大約可以坐有20 個客人這個時間都外藉朋友們來用餐 精選2人晚餐 都不錯，還有免加一服務費 下次晚上來吃可以點這個套餐， 抵食德國菜晚餐 仲有空運德國腸，淨係膠都有好多種類 雞肉腸、豬肉腸、芝士腸、咖哩腸以及黑腸 見到好多單點主菜，我心思思想叫招牌脆皮燒德國咸豬踭 因為要焗的關係，店員話需要等45分鐘左右 一場來到都只等佢出場呀 總覺得小店真的很花心思在碟上 印有自己的小店名 店員準備了黃芥末醬及甜芥末醬點來食用 招牌脆皮燒德國咸豬肘伴酸椰菜烤燒薯角 $198大大隻咸豬肘到喇店員好好可以給我們自拍下再幫我地切開一件件 半邊有幾粒小薯仔 個脆皮脆得來易入口唔會梗身，仲脆卜卜咬落去仲咯咯聲非常滋味 而它的肉質很滑嫩，不會覺得油膩 鹹度好岩香港人口味，不會過鹹 因它們都調較過醃制既