School Food (已結業)

早幾日特登早啲收工返屯門同太太食飯，本身想食拉麵點知排長龍，於是就揀左呢間韓國野，其實之前喺沙田已經食過一次覺得麻麻地，今次諗住比多次機會佢，但原來真係一次都賺多，先講講環境，坐位都算寬敞，裝修都唔錯，感覺幾舒適。服務質素都唔差，基本上做到有求必應既。但係食物質素就真係有待改善，我同太太都唔算大食，只係嗌左兩樣野唧，先黎既係韓絲熱棒鐵鍋飯，雖然餐牌上有一隻辣椒，但食落除左蛋味同紫菜味其實真係咩味都冇，就連辣味都唔係好覺。之後黎既係冰火海螺彈彈冷麵，餐牌上係兩隻辣椒，黎時心諗應該有返少少辣味掛，點知仲出事，佢係除左比我同太太覺得好辣之外就冇其他感覺，我地亦只係每人食左兩啖就冇食到。真係唔係好明點解差一隻辣椒既反差會咁大，正常次序亦都係食冇咁辣先，但今次真係接受唔到。伏中兩次已經好多，我諗真係唔會再有第三次

見它在屯門開分店都已經有一段日子，那天同事入屯門工作，於是就大家一齊試試！整體來說，食物不算是特別好吃，而且款式不多，價錢仲覺得特別貴添。第一碟到的是烏卒卒　$75 ，即係墨魚壽司卷。每件都是一口壽司，不會散開。飯粒黏性高，可以令壽司形狀非常工整。而且紫菜清脆。加上壽司內的墨魚軟腍又容易咬開，味道幾濃郁。而且表面的醬料都配合墨魚壽司的，開胃功效高。然後就是芝士湯餃子湯麵$75，湯底是有點兒辣，跟韓國傳統的辛辣麵當然是兩回事啦！感覺上只是普通拉麵，而且拉麵是吸收不到湯底的辣味。雖然餃子經過油炸，外皮脆口，內裡餡料仍然是熱的，不過餡料感覺上食材很普通，是普通豬肉而已。而且芝士只是一大塊半溶狀態在湯麵上，難以分割，感覺很沒有誠意呢！價錢收75元就不值了 ! 雖然太陽蛋做到半熟效果，但都是搶不回分數。叻叻豬鐵鎬炒飯 ( 豬頸肉炒飯 ), 第一飯唔熱，亦沒有炒飯的飯香味道。第二，豬頸肉質感不夠爽口有嚼勁，反而過於軟腍，而且豬肉味道不夠強，只吃得出是調味料的功勞。對於這個飯都是失望的。雖然太陽蛋做到半熟效果，但都是搶不回分數。而且收費仲要是88元，感覺真是超不值　！　我再點了一罐韓國啤酒，再加上以

大概5點幾我地去到，只得兩三台人。以為唔好味冇人，員工一推係度傾計。 咁我地有兩架b 車就安排左坐門口原本覺得佢地態度唔好唔多開心，但係一來到食物即刻心情唔同哂先來炸雞條沙律、雞有d 鞋，但汁好好食。呢個拼盤同張相一樣，所有炸物都新鮮炸起無一不歡最後呢個麵係比d b 食既，上面舊天富羅好入味，浸住都唔會唔脆

今日同朋友短聚，朋友指定要食呢間呢！我就第一次黎！先叫左個拼盤，呢個有炸年糕，薯條，沙律，仲有個球形嘅唔知係炸乜配埋個醬汁好好味❣（卡邦尼年糕）呢個配撘夠晒特別！味道不用多說，就是卡邦尼嘅味道，不過都幾溜，會好飽（炸雞沙律）個醬好好味諗住叫個諗住叫個（雜菜烏冬）清清地，點知又係炸架。 不過都幾好味！另外叫左渣果汁$98 一渣其實都幾貴！飲落都ok 嘅！最鐘意呢個壽司，有菜有蟹肉，個汁又好味，感覺好Fresh

叫左個醬菜牛肉牛油鐵鍋飯加四隻餃子，再加左個小食拼盤有肉丸薯條生菜年糕個個，個醬牛飯一到以為佢比錯餐，個飯係用一塊蛋蓋住，之後整開得幾條牛肉絲同幾條醬菜，80蚊左右，我本身食量好小，但食完個飯都好似冇食過咁之後過左陣拼盤先到，有堆生菜，肉丸既物體，薯條，幾條年糕同一兜仔汁，生菜上淋左啲汁好重酒味，估計係味淋，個味重到只食了一條，之後薯條勁似萬年翻炸，直頭變曬色，應該炸過不少放兩次，年糕鞋撒撒，唔知食緊乜，肉丸極乾，入面係類似薯蓉溝粟米，個味不予置評態度麻麻，貼錢買難受，今餐盛惠220連加一奉勸各位食呢間前一定要諗清楚

最鍾意去韓國旅遊尤其是當地的美食，真是百食不厭，講真在香港真的食不到當韓國燒烤肉的靈魂！但反而在schoolfood這裡還可以食到點點韓國美食的風味總算止止渴！先說這個拼盤不得不讚這個年糕，是炸的他可以做到外脆內軟，表面只有小小金黃但脆口中間就有年糕糯糯的質感，推介！再來我至愛烏卒卒飯卷魷魚爽口這個飯一個字-正！最後推介這杯柚子浮水梳打，和偏辣的韓國食物簡正就是絕配！這餐食得滿意又飽足，期待下次再光顧啊！

周圍都話減價大割引，買呀買呀，行到九點幾先知肚餓，拿拿聲走上頂樓睇下有咩食，第一間就係school food，唔洗排隊等位，但職員話10點last order,冇問題啦，快快點菜快快食，可惜因為我地坐係廚房門口位，職員出出入入，都幾眼花，而且又聽到同事間互相不滿講事非，呢part真係幾煩厭。因為我要戒口，所以選了唔辣嘅煙肉壽司和野菜蛋卷，兩種壽司都好食，亞仔叫拉芝士炒飯有d辣，唔食得辣嘅就唔好叫啦，仔話洋蔥份量太多，麻麻地。 雞翼甜中帶辣再加埋拉芝司，實在係好配搭。亞女叫濃湯拉麵都要$6x,唔抵食。老公叫咖哩炸雞拉麵，咖哩味偏甜，似日式咖哩，炸雞皮脆肉嫩，老公話好味👍🏻 唔記得飲品叫咩名，顏色好靚，有菠蘿肉，酸酸甜甜，又係幾好味。

濃湯拉麵: 上網睇食評都知麻麻地, 不過為左飽肚d, 又唔想辣, 照叫la, 點知...真是好似公仔麵law, d 湯又稀又太清, 食落只是得泡菜味, 同埋料又無乜, 普通到爆蟹肉紅菜頭壽司卷:其實係見佢紅色幾靚, 咪試下, 蟹肉少, 主要是菜, 好似食緊草咁, d 飯酸酸甜甜ok ge, 但醬太少, 基本上無咩味....疏乎蛋:熱辣辣上台, 味道ok,不過食得出係味精味, 個蛋一開始食都算嫩, 但因為用石鍋上, 一路keep住熱, 食到最底, d 蛋都變老哂, 仲變焦添.... 

School food 幾時都咁多人排隊, 排左20分鐘左右坐位舒服, 餐廳夠大, 但嘈左少少好鐘意食韓國紫菜卷, 做法簡單但好好味韓燒牛肉卷紫菜香脆, 飯既麻油味濃, 韓燒牛肉惹味烤雞沙律個醬好似平時食麥當勞點麥樂雞個醬雞乾咗少少, 切到一條條口感麻麻哋年糕拉麵同喺韓國食嘅一樣味, 辣度可以接受但個汁可以傑身小小

行開屯門都諗緊有咩好食 見都人氣school food 好多人排隊 就決定一試 好在比想像中快有位 大約半個鐘 可能間school food 都算大 ，另外佢響open Area 郁有開多5 6小枱 做生意 叫左一個牛肉卷同 豬頸肉拌飯牛肉卷 外表睇落去好精緻好令 岩哂少女們但食落口…………外邊有一層蛋包住 薄薄地但冇咩味 佢嘗試用燒汁帶起個味 但醬汁少 半甜原甜咁 入邊包住既牛肉好 乾 一的汁都冇 有的失望豬頸肉拌飯首先…響拌飯上面 必須有既半生蛋 就真係有的太熟 成隻蛋哂完全唔可以拎黎拌勻同的飯一齊食。另外 豬頸肉少 肉質乾 差的以為自己仲食緊岩岩先 的牛肉卷的牛肉乾 完全冇肉汁失望而回 唔會想食多次

希望大家有心睇故事🙏🏻本身啲人已經好冇禮貌，我地嗌三樣野，個金毛男侍應話係禁多喇？好，到埋單個時，條數係268.4(已包加1)(我俾100 x1 ),(A俾100x1),(B俾20 x2. 50 x1)即係290我地擺200係到個時，金毛男侍應趕住去死咁，即時琴埋本野。我地未話我地未俾完。到B擺底90個時，金毛侍應走本野個時口嗡嗡唔知嗡乜野。290減去268.4=21.6但金毛男侍應係俾返1.6我地囉我地咪話找錯錢個短髮女侍應(Rabbit Kan Wai Yin)就話自己係收銀，條數係佢負責找嘅，而且金毛男侍應係單到寫左270。佢自己都數到係270。個短髮女侍應話20蚊對我地公司泥講只係個小數目，你地會唔會諗清楚你地有冇記錯？我地三個都堅持話冇俾錯錢。個短髮女侍應話:地俾返10蚊你地但堅持自己冇錯，根住B話算，我同A就堅持佢找錯錢。個短髮女侍應就同成班同事係到傾，個金毛侍應仲換衫收工。傾左好耐冇理過我地，冇再交代件事！根住我地見到個金毛男侍應走，咪嗌經理。點知又係個個短髮女侍應過泥。A就話可唔可以叫個金毛男侍應泥。個短髮女侍應就話金毛男侍應已經收工(金毛男侍應係行左去角落位同成班人唔

去到市中心諗住食下野。 去到二樓見到呢架店既海報食物賣相好吸引！即刻標上去四樓食！woo!原來係韓國野。我地叫左呢個野！（餐牌相） 係5號！ 影得咁靚，實物係點？比你睇下啦！ 係仲靚呀！超級爆好食！有煎年糕，炸薯條，炸栗米玉波真的好岩我口味，新鮮即使脆卜卜！另外仲叫左 呢個壽司。非常滑口！無得輸 最後就係呢杯肥野飲，兩個飲抵呢！每人分到兩杯幾 味道好似菠蘿味好重既雜果 賓治 ！下次一定要試其他野呀！

忙左成個星期，到左星期五林住食好D，但係老公又唔想周圍去，就反入tuenmun先食晚飯，本來林住去食怎德國野，行過SCHOOL FOOD 又見無咩人，又只係等一張櫃就改食SCHOOL FOOD，一直好想試，今日終於試到⋯⋯我地叫左一個拉麵，一個八爪魚飯，一個明洞炸物拼盆⋯⋯香濃湯拉麵個湯都真係幾好飲又辣，加幾條不知明的泡菜，個麵質地幾好食，有點似公仔麵，但係個麵份糧係正常的三分之二，個湯個味似係好濃的泡菜汁，可能我同老公等左好奈先有得食所以覺得個味OK，衣家林起作為一個即食麵62蚊又真係好鬼貴。老公叫左個八爪魚飯最滿意，一半係新鮮蔬菜，一半係飯，加八爪魚粒，仲有D沙拉油的汁，中間有D 脆脆分開左D 飯同沙律，個飯食落個味似壽司飯，但比較多汁，D 八爪魚就好鮮甜，配合得幾好。。。明洞炸物拼盆，炸薯條就係炸著條，雞肉丸入面有玉米，比較乾身，不好食，炸年糕，對我黎講都係炸年糕，老公就好鐘意，佢係年糕控，沙律D菜都幾新鮮⋯⋯順帶一提，呢到食飯有限時，由ORDER到有野食差不多要20分鐘，上菜時間真係有D 太奈，係到食完我仲要買壽司外賣反屋企食⋯⋯

一直以黎都聽過好多人讚school food 好好味，但一直都未有機會試到。今次一行四人終於可以試下有幾好味啦！我地6點多就等入座，一貫香港餐廳既作風‥檯與檯其實都幾迫下。店內播住kpop，令人食得更開懷。由於行完山既關係，一群餓鬼話要每人揀一味先滿意喎！烏卒卒：我諗好多人都會點呢一個(?!)墨魚好彈牙，整體黎講真係好好味明洞炸物拼盤：充滿芝士味既拼盤，其實本人實在容不下芝士味，但一場黎到都要試下。炸年糕係比較一試難忘，軟軟的，好得意xD鳳梨艾菲：菠蘿味特飲，一大渣我地四人令人可以分到3杯左右，份量可以接受最後點左個軟芝士泡菜鐵鍋炒飯：不好芝士的我當然要”了”開面頭既芝士，由於鐵鍋上，喜歡食飯焦的我當然要食底層既炒飯啦！同埋記得趁熱食，凍左無咁好味呀

School food都已經開左一段時間，奈何次次經過都好多人等位！所以一直都未試到。。今日因為收工時間早左，所以冇咩人等位！一於入去試吓啦😊😊 見到卡邦尼年糕呢個陌生嘅名字實在太得意了！就一於試吓佢啦😁有幾個辣度,我點左中辣！同平時見慣見熟嘅辣炒年糕有啲唔同, 加了卡邦尼醬！醬汁好好食, 年糕口煙煙韌韌, 真係食唔停口！ 水冷面係我其中一款至愛嘅韓國菜式。。每次去韓燒必叫嘅！🌟冷麵口感彈牙，再加上青瓜絲，酸酸嘅凍湯！超正其實夏天食呢個真係一流！不過冬天食又有另一番風味嘅。