Seafood Stand (已結業)

非常好吃！！ 點的是羊肉的漢堡 肉的汁水特別多 很嫩 醬也好吃 一個漢堡簡直不夠吃！ 薯條炸魚什麽的挺脆的 但是吃多了有些膩D羊肉有SO味真係幾好架 好鐘意食呢隻味 整體黎講我都覺得好OK

之前食過兩次，都系覺得好好味！今次叫左深海雪魚burger和至尊和牛burger，d牛肉軟軟的，無論咩burger既汁都好令人追住咬第二啖，d汁非常夠味，仲會有濕紙巾和手套提供，吾怕整污糟對手，值得推介食

來到東大街.本來想食煲仔飯,行行下見到一間幾型格的Burger店,還有不同種類的海鮮,沙律,意粉,薯條等小食的西餐廳,行入去充滿美式風情,店只招待我們坐在靠牆的四人座位,非常寬敞一打開menu,食物種類很多,由其是burger,款式新潮,每個都想試下,我就選了"Hot Item"-牛魔王漢堡和牛漢堡被半溶的芝士緊緊包裹著,豐厚,以切碎再整合的牛肉製作漢堡扒,勁juice,牛味夠濃還加了半份龍蝦我們都被它那漂亮的賣相吸引來個「相機食先」。賣相漂亮之餘，它們的味道更比我們想像中還要美味可口。龍蝦肉多之餘，肉質又爽口彈牙，而且非常鮮甜。不用醮上任何醬汁!而且鮮甜味十足，的確美味可口!法國白酒汁煮青口熱辣辣送到，大隻青口肥美肉鮮，白酒汁濃稠，顆道剛好。朱古力頑皮馬騮朱古力味道濃郁，裡面mixed了香蕉，士多啤梨，波蘿，Oreo ,非常多層次。東大街一間非常美式風情的西餐廳決定下次黎要食seafood platter 。

東大行真係好正想食咩都有~今日就嚟試一吓Seafood STAND真係好多唔同款可以揀，有鰻魚，軟殼蟹，羊肉等等...叫返個海鮮拼盤先!拼盤嘅海鮮種類都算多，有帶子,翡翠螺,蝦,蜆,魷魚,新西蘭小龍蝦!大部分食材都算新鮮,但小龍蝦可能急凍太耐新鮮度較底。再嚟多個芝士薯條，條條都肥嘟嘟好味最後就試埋呢款蝦兵蟹將漢堡，包住軟殼蟹嘅炸粉炸得非常鬆脆，再加埋新鮮蕃茄生菜同埋個醬汁感覺好新鮮!陪碟嘅沙津菜竟然用上咁少見嘅冰菜成件事真係加返唔少分!

Lots of burger and seafood choices. Surprised me with lots of beverage choices include beer! Happy there are Buy one get one beer promotion tonight. Chocolate raspberry milkshake - called the Monday. Sweet and cold drink to match with my burgerHomemade lemonade is good tooTo try something new - we chose the eel burger which the eel is super big and tasty. The secret sauce inside gives an extra taste to it The waitress recommends us the seafood platter. The plate is huge which contains vary seafo

筲箕灣東大街美食雲集，要嚐遍整條街的食店絕非易事。今趟歌利亞和祖利安先嚐Seafood Stand ，再戰糖品。Seafood Stand 的 Burger 非常吸睛。歌利亞最近在看叢林的法則，族員們每餐都在吃鰻魚(而且吃得很滋味！)，於是選了新推的香烤鰻魚漢堡，滿足一下食慾。原條香嫩的鰻魚夾在香脆的麵包內，加上蕃茄和生菜，口感豐富，吃起來相當juicy 。伴碟的沙律菜更有罕見的冰菜，爽脆新鮮。香烤鰻魚漢堡無論視覺及味覺都有驚喜，值得推介！(店員還貼心到附上餐刀和膠手套，吃起來不會狼狽。)我們另一道菜選了煙三文魚鮮蝦菠菜意粉，意粉的軟硬道及醬汁的濃淡道適中，美味，但沒Burger 般驚喜。餐廳的啤酒正做「買兩支送雞翼一客」的優惠，但歌利亞身體不適，不宜凍飲(否則也想嚐嚐Hong Kong Beer)。本想點鮮蠔湯，可惜售罄了。

中意食海鮮, 又中意食burger, 即時諗起早排經過seafood stand, 立過下menu有海鮮burger食, 價錢亦唔太貴, 於是今晚相約同事去嘆返個dinner。平日既7點左右, 餐廳內未見人流, 約8點多, 餐廳就坐滿一半食客。呢度主打burger, 牛、羊、魚、鰻魚、龍蝦等等, 什至連素食漢堡都有, 更有炸物小食/海鮮拼盤, 滿足不同客人喜好。【菠蘿椰子沙冰】HK$39甜甜的椰子味很突出, 配上微酸既菠蘿味, 甜中帶點微酸, 很清新解渴。【小食拼盤】HK$88炸物拼盤包括有少量沙律、炸雞翼、炸芝士條、粗薯條同埋格格脆, 炸物炸得很香脆, 很乾身, 表面一D都唔油膩, 咬落去脆得有聲。炸芝士條外脆內軟, 咬開一拉, 芝士仲可以拉起長長既絲tim...【Lobster Burger】HK$148開邊半隻龍蝦、漢堡、沙律、薯條, 多樣種配搭相對其他餐廳黎講, 呢個價錢的確很實惠。可以自選炸洋蔥圈/薯條, 而開邊龍蝦更可以自選蒜蓉/芝士, 而我就揀左蒜蓉。開邊龍蝦面層加上大量蒜蓉再用火稍為燒過, 令味道更為香口, 龍蝦肉肉質爽口彈牙, 蒜蓉沒有完全覆蓋龍蝦鮮甜味, 反而令整體

東大街入面有好多食店, 由頭行到尾覺得有幾間都幾吸引,  平時好少過港島, 今次就揀左哩間黎食! 主要因為裝修吸引, 黃色大門好易認!可能因為未到7點晚飯高峰期, 唔洗點等就入得去兩個人的晚餐! 我地叫左一個小食拼盤同一個burger set, 另外每人叫左一杯飲品先來小食拼盤: 入面有沙律菜, 雞翼, 芝士條, 薯條同薯格最中意食香口野! 芝士條一定要趁熱食, 一咬開~可以拉出長長既芝士絲!!!而雞翼外皮甜甜地!好惹味!終於都主角出場! lobster & burger我想講! 哩個set真係要叫!!超級抵食!!!一個足料burger + 半隻龍蝦!! 仲有沙律+薯條先講沙律, 同小食拼盤果個有少少唔同, 哩個沙律有冰菜!! 估唔到冰菜係咁岩做沙律!!!個burger好足料, 啖啖肉! 又juicy!大大隻龍蝦有好多蒜蓉鋪面, 好香!咁多野食都只係$148咋!!!!!!!太抵食!!!出面淨係一個burger都差唔多二百蚊啦!補上burger近鏡一張!!!塊肉真係好厚嫁!因為有龍蝦食, 餐廳仲好貼心咁比埋手套你方便拆殼!至於飲品就叫左杯Chocolate Monkey佢係由朱古力, 香

香烤鰻魚漢堡你地冇睇錯呀 係呀係一大條鰻魚😍一尺長 係橫跨成個漢堡！份量絕對同日本壽司店有得揮！鰻魚淋上滿滿既照燒汁食落肉質肥美😳☺️啖啖肉再配上濃濃炭火燒烤味同其他配料一齊食 又出奇地夾！😋-法國鮮蠔湯絕對唔係普通忌廉湯加蠔肉!湯非常濃郁厚身 啖啖蠔肉味唔會太咸 冇味精最重要係依個蠔湯完全唔腥😳☺️👏🏻依個份量都幾抵 兩個女仔share都好夠😋-龍蝦司令卷期望太高😢四四方方既包雖然塞滿龍蝦肉但係個包太普通 好似食緊排包冇焗過既感覺 完全唔香脆😿龍蝦肉都幾爽🖖🏻可惜太多沙律醬汁 略微搶左龍蝦鮮味🙁龍蝦面層都塗抺左牛油不過建議其實直接塗係麵包會比較好🙁-法國白酒汁煮藍青口好似飲緊湯咁 青口好新鮮 煮得好入味☺️😋👏🏻

其實我同K小姐早在「東大街」未出名前，已經開始縱橫筲箕灣！今次有幸再臨筲箕灣，就搵左Seafood Stand 試下！餐廳主打Burger, 我地當然要試試！1) 至尊和牛漢堡 - 招牌Burger之一 （應該系，除非吾系）- 味道都OK ! 份量都適中！2) 野菜農場烤菇堡 -（因為有人要扮健康，所以選擇素食）- 烤菇好多汁！3）白汁煮青口 - 份量足夠2個人食！味道調配得吾錯！推薦！老老實實！如果大家對Burger冇特別太高的要求，可能M記已經滿足都你！下次我會再試其他特色burger, 至少其他地方食吾到！整體好評（淘X mode)!

10月2日假期天,三人行到筲箕灣東大街揾嘢食。好耐冇食過Hamburgers,見到大大隻Handmade Premium BURGERS在玻璃門上,就是咁给他吸引了入去生低。不過坐低想ㄧ想漢堡包不是一定要手整的咩！店內得二枱客,可能是假期吧!這個Chef's Salad with sliced roasted chicken 買相不錯。雞烤得很好,肉質軟,烤汁香。Chicken and wild mushrooms burger. 磨菇很香,配合了芝士,很汁多味美。Japaness eel burger那塊鳗魚冇得彈,但不知為何包皮皺起,買相不佳。個包整體的味道就很好。

我同老公點左「牛魔王」走芝士，「蝦兵蟹將」「炸魚薯條」同汽水一杯，「蝦兵蟹將」同「炸魚薯條」係合理時間到，味道講真，一般，我地點既「牛魔王走芝士」一直都未黎，第一次追，侍應話做錯左「黑松露和牛」仲同我講價錢貴啲，都有芝士，問我地等，定食呢一個，我走得芝士，即係話唔食得芝士，絕對唔係平定貴嘅問題，好喇，我地等，等左一陣，第二次，黎左「牛魔王」，點知都仲係有芝士，個侍應走返入廚房，我哋仲聽到個侍應喃喃自語問廚房識唔識中文，好喇，我地又再等。第三次，終於等到「牛魔王走芝士」，點知今次連帶住既係一隻活生生，係個Burger上走來走去嘅曱甴，我第一眼望到都打個特，個侍應嗰時望住我，已經冇嘢好講，飛奔返入廚房，其實等咗咁耐我地已經諗住走架啦，點知個侍應換咗另外一隻碟（白色既），將同一個burger拎比我地，果一刻我哋真係呆左。當然我哋以9秒9既速度離開餐廳，諗住俾錢啦，點知連張單都錯，收埋我「牛魔王」既錢，最後佢free左我一杯汽水同埋俾咗九折我地。我明白飲食業難做，但同一台客，咁樣出錯法，係咪太過分呢？走芝士真係咁難？

好耐無黎過東大街食野啦！有好多新既餐廳，咁岩經過呢間餐廳派緊優惠券喎，加上睇menu又好似好吸引，有海鮮併盤呀就即管入去食下啦一入店內，就已經望到成間鋪，雖然唔大，但坐得都幾舒服的，d位唔會好迫仲有小食送添有手工啤呀我地每人叫左1支左手邊：熱情水果味既手工啤，酒味濃d，同樣地果味亦都出d，我覺得呢隻好飲d右手邊：芒果及熱情果味，飲落好淡，無咩果味，所以岩d無飲開酒既人飲蝦兵蟹將漢堡個包是脆的仲係熱的軟殻蟹好大件，由上至下都脆卜卜的好有口感，中間仲有2隻大蝦添香烤鰻魚漢堡好有睇頭條鰻魚好長，不過我覺得烤得唔夠火候，而且鰻魚汁都較少，所以味道有點遜色，個包同樣亦都係脆的主角出場喇......海鮮併盤好有份量，有蜆，蝦，魷魚，青口，螺，帶子&瀨尿蝦，味道好正不過帶子就overcook左，無咩口感

Seafood Stand今日係西灣河收工，難得與聞名港島東的東大街如此接近，所以決定食埋晚餐先番屋企。相比起平時假日來時街道食客明顯較少，終於唔駛等位。見到今次介紹的Seafood Stand菜單，係我鍾情的食品之一 — Burger，而且餐廳現時有$10現金卷送，毫不猶豫就入左去。至尊和牛漢堡漢堡仲有得選擇幾多成熟，今次叫左7成熟。由於漢堡內食材較高身，建議大家進食時千萬不要拔走竹簽，否則將會食得十分狼狽，但另一方面如果你不是太講究儀態的人，也是別有一番風味的，因為漢堡肉汁juicy得有泛濫感覺，十分欣賞。炸魚薯條薯條非常足料，俗稱的「us實」，夠脆就是王道。炸魚內裡肉質非常鮮嫩唔會老到一粒粒，冇雪藏味，唯獨炸粉較硬，如果鬆脆一點更好。職員服務夠主動，親切有禮。餐廳現時正做優惠推廣，樽裝啤酒有買一送一，部分啤酒更買兩杯送雞翼，岩晒鍾意收工happy hour的我，但無奈今日要渣車，希望優惠唔好咁快完，我會再來的！加油

昔日的筲箕灣曾經是魚民聚居的海灣,因此海產收穫甚豐。直至愛秩序灣避風塘也遷冊了,筲箕灣已經脫胎換骨,今非昔比。曾經的漁港,搖身一變,成為美食集中地。 筲箕灣東大街曾經是賣魚蛋粉出名的街道,現在中西美日韓,國際美食共治一爐。 這次再訪東大街,同樣是吃海鮮,但卻是西式吃法。 只是看裝潢,就知道這裏是美式漢堡海鮮店。 店內的燈光相對較昏暗,餐枱和座椅的擺設亦非常簡潔。 牆上的手繪粉筆畫,非常生動又有特色。 第一次到來,就請店員為我們推介最熱門的菜色。 屬於前菜的 Fish & Chips (炸魚薯條),份量不算多,魚肉略嫌細片,但勝在夠新鮮熱辣。這碟小食當中的靈魂 ~ 薯條,就炸得非常鬆軟香脆。 炸魚採用的,並不是我們一般所吃的 Cod, 而是選用了較瘦的 Snapper, 所以魚肉比較薄和細片。如果可以的話,真想多點一客薯條來吃呢。 接着出場的,就是店主推介的皇牌產品 ~ Commander Lobster Roll (龍蝦司令卷)。 熱狗包內塞滿了大大舊的龍蝦肉,配上簡單清淡的調味,能帶出龍蝦的鮮甜。實在太美味了 ! 餡料比麵包的份量還要多,一切開,餡料就會傾盆而出,