Seafood Stand (已結業)

個人唔特別鍾情包類食品，但遇上味道出色，而且價錢又合理嘅burger，難免都會心動嘅！💓·👑 牛魔王漢堡（$68）9/10分幫襯過Seafood Stand 2次，佢哋有唔少款式嘅burger，而我2次都揀咗餐廳熱賣嘅「牛魔王漢堡」🐂🍔！成個burger好大個，將把刀拼埋去睇就知真係唔少野。😂 個口唔夠大一口咬落去，每次都要將佢分拆嚟食。🍴·漢堡扒好厚身，牛肉味十足，淋上大量嘅芝士醬汁，好惹味！😍 而個包都整得好有心機，面頭有少少脆，而入面就好鬆軟，就算唔連塊扒一齊食，都唔會覺得好乾好難入口，值得欣賞！👍🏻·餐廳裝潢都幾靚，不過個人唔太欣賞d櫈，因為冇櫈背可以挨落去，坐落去未算可以完全放鬆。🙈·整體嚟講，以食物味道同性價比取勝，係值得再encore嘅餐廳~~ 😋

I used to like this burger place but not after today. The veggie in the signature burger was so weird and left a stem flavor all over you mouth. And the beef was way over cooked. They used to be good with reasonable veggies and juicy meat. Can’t believe there’s such a huge change, not in the good way.I can tell the staff wanted to finish her job so much cuz she removed my utensil bucket before I finished. Well I had to grab myself a fork for the salad. And you know what? The pieces of lettuce wi

想食好食既Burger,唔一定要下下要成舊水，紅磡seafood stand 既包水準唔錯，最平只係50 幾蚊起咋牛魔王漢寶 係呢到既熱賣item‼️ 牛肉好鮮好嫩滑，咬開仲係迷人粉紅色添，仲要肉汁多到滴晒出黎，配埋蕃茄，菜同佢個芝士汁，口感超豐富蝦兵蟹將堡 見到咁大隻炸軟殼蟹已經好滿足我既視覺有大蝦同軟殼蟹，炸得酥脆，唔油膩，配埋芝士，蕃茄同生菜，非常夾，不過因為好足料，食得有點狠狽海鮮拼盤 樣樣海鮮都有齊，配埋蒜蓉汁，惹味香濃大蝦同螺好彈牙，其他都唔差脆薯條 記得要配佢既秘制茄汁，入面加左黑椒，同薯條好襯雞翼 好食但唔算太特出，size 都大大隻❗️牛肝菌羊柳意大利飯 羊一啲都唔羶，平時唔食羊既我都爭食，幾嫩卡邦尼煙肉意粉汁夠濃夠多，整體味道Ok,不過份量就細左啲舖頭就細細地，所以要預會坐得迫少少架，總括黎講味道幾好，值得一試

服務流程係先去櫃檯點餐付款，然後侍應會送上食物。男士可能來要order個burger再加多一兩樣小食。三五知己想搵個地方飲嘢，最好就係去一間有酒飲有嘢食嘅地方。今晚去咗呢一間西式餐廳，地方舒服，食物水準都唔錯。有手工啤酒，有飲品，有小食，有主菜。舖頭主打海鮮漢堡包。服務流程係先去櫃檯點餐付款，然後侍應會送上食物。男士可能來要order個burger再加多一兩樣小食先夠飽。食物價錢唔貴，不過分量略細。不過，餐廳採用即棄餐具唔係好環保，希望可以改善一下。

跟同事兼好友吃午餐，巧合之前路過這家有點名氣的漢堡店，環境不錯，又不用等位就進去了。店名叫seafood自然是點seafood。不約而同在lunch set裡選了同一個餐。-海螯蝦香辣醬漢堡-厚脆包皮夾著炸蝦三大隻，包跟蝦都是新鮮烘起炸起，burger就是要即點即做才合格。蝦肉結實 sauce辣中帶甜，lunch set有南瓜湯蜜桃茶，一般貨色；配菜薯角香.熱.惹味，標準的邪惡。-坐著高腳椅，訴訴苦訴訴甜，聽著鄰座鬼佬高談闊論，突然，好想來杯啤酒，sick個pm leave.

高質漢堡喺香港唔容易搵，就算搵到，價錢都未必合理，筆者認為Seafood Stand係性價比較高嘅漢堡餐廳！試過佢咁多款漢堡，首選牛魔王漢堡，首先個漢堡包表面香脆，食落鬆軟，塊漢堡扒厚肉、多汁、牛肉味濃，煎得恰到好處，好香但牛肉仍然好鮮嫩，配合雜葉、蕃茄、同濃濃芝士味嘅醬汁，口感更加豐富，亦增加咗味道嘅層次但又唔覺油膩，食完之後非常滿足。 如果唔夠，可以點佢嘅小食，個人幾鍾意食呢度嘅粗薯條，配啤酒或其他凍飲一流。不過，呢度嘅咖啡質量一般，我寧願推介大家飲佢哋特飲，比較特別。 餐廳環境方面，保持得乾淨企理，餐廳面積細，但坐位之間唔算擠迫，坐得幾舒服，不過比較適合成人幫襯，如果帶小朋友去，會坐得比較辛苦。

又經過呢間漢堡店… 見到佢menu有新包就入去試下啦本身都幾鍾意食炸魚… 見到有個new字嘅深海雙層炸魚堡… 即刻就叫咗等咗十分鐘到漢堡送上嚟啦… 魚柳都幾大塊炸得都幾香… 食落去粉唔算太厚夠晒脆叫多咗一客薯條… 雖然熱辣辣咁上碟不過炸完都有啲淋淋哋…少少失望炸魚包都幾好食…不過個薯條冇咁好食啦

之前都有好多post都係話呢個女人不知所謂，如果我有睇post我唔會黎囉🤬其實我食開尖東嗰間，由佢地開店開始幫趁。今日途經紅磡就食呢間唔使諗，間野無乜人，入去見到好耐之前喺尖東嗰間嗰個女人（果時可能剛剛開態度仲好好）。我自動波去收銀處落order,我見個女人整緊野飲我就得一等，企左係到一陣先話唔該，佢完全冇諗住理我，我問係咪唔係佢落單。剛剛有個熟客行埋黎同佢講byebye,佢即刻停晒手上工作行埋黎近收銀位同啲熟客吹左幾句，都係唔答我。我見佢行左埋黎我再話唔該落單，佢西住面話唔通放低晒啲野啲幫你落單咩？但都係唔係幫我落單架又行返埋去整佢杯野飲！嘩⋯⋯我心諗你連叫人等等都無喎，我即刻想走，如果唔係我朋友無力行唔想再搵地方食飯，我走咗啦。我強調我由頭到尾都好有禮貌唔該前唔該後架野食幾好都死架，咁巴閉，我唔會再黎囉。

又係一個人午餐既時候…本人都叫做有少少薯條控…又唔想食連鎖快餐店…梗係要周圍搵下小店舖頭唔算大…午餐時間都幾多人…由於漢堡同薯條都係即叫即整…所以都要等一陣先有得食叫左個牛肉漢堡加薯條有埋少少沙律菜…都好新鮮漢堡size都幾大…牛肉都厚…食落都夠晒牛味同肉汁…夠晒熱…芝士都溶得啱啱好薯條當然就係即刻炸…上面灑上左黑椒同鹽夠晒脆…份量都夠多…加埋個漢堡真係飽晒雖然無叫野飲...但係有杯任添任飲檸檬水推介比薯條控

有次同男朋友去紅磡搵野食，見到間裝修幾有特色既burger bar and restaurant,所以就入左去食。間舖裝修有d American style 又有d cafe feel，好多木傢具，幾適合打卡用。去圖先我叫左個羊肉意大利飯，男朋友叫左個牛魔王，因爲兩個都係menu廚師推介，所以要試下。個意大利飯軟硬適中，綿軟軟得黎飯心帶d咬口唔錯。另外，個羊都整得幾好食，唔會好韌。個牛魔王應該都味道唔錯，男朋友好快就食哂，仲要冇留比我

之前都食過一次見有新包所以試下嗌左吉烈珍寶蠔第一啖都有啲奇怪做乜咬落去空nail nail原來係將三隻蠔仔夾埋一齊炸扮係全隻蠔本身黎果陣吉烈蠔已經夠細點知原來係呃人蠔仔細到係食指既一節咁細三隻扮一隻搏無人知離晒譜好似俾人厄左咗兩次買咗兩個漢堡包，一個係沙嗲雞堡另一個係煙肉蛋黑豚漢堡黑豚漢堡冇咩特別，覺得配茄汁一啲都唔好食好在之後隻蛋係流心，咁就好味番啲冇咩特別，可以唔使嗌沙嗲雞堡沙嗲汁幾好食，雞扒煎得幾香，但係會漢堡包食呢唔可以話唔好食，但係都係冇咩特別好似食泰國串燒夾住塊包咁

平時都唔會寫食評, 今次真係忍唔住要寫平日放工時間6點幾去呢間餐廳, 見門面都唔錯咪入去試下. 入面都唔太多人, 入到去因為無職員理會, 所以我地自己搵左個位坐底再揀野食. 之後準備行去收銀買野食禁岩前面有個外籍人士買緊野, 禁好正常係後面排隊一直都無做過任何令人煩厭既事, 禁到我買啦, 個中年女士勁差態度 : " 食咩呀!!!"   我心諗嘩,,, 我叫野食姐洗唔洗好似得罪你禁? 態度禁差?  之後我想要茄汁, 男朋友幫我去問, 佢問第一次" 唔該有無茄汁呀? " 個中年女士無答佢, 禁男朋友以為佢聽唔到, 咪行去另一個位係佢面前再問一次. " 唔該有無茄汁呀? " 個中年女士好惡禁話 " 得啦, 聽到喇, 轉頭啦!!! " 你一早聽到你又唔答人唔出聲.... 個中年女士得閒到企係收銀位到幫D 指甲畫花囉.... 其實你唔想做咪收擋囉, 洗唔洗態度差成禁? 野食送到, 但真係伏 !!!! 野食唔好味, 但價錢唔係便, 仲要態度差到禁,,,, 伏!!! 一定無下次.   

呢日天氣特別熱，一定要搵個冷氣夠勁既地方食晏先舒服。Seafood stand 環境舒適，冷氣幾勁，而且掛住杯冰蜜桃茶，所以再黎。叫左黑豚肉堡餐，有跟南瓜湯。上次好好飲，今次太咸😥 上次既湯有迷迭香撒面，今次無，唔靚所以都無影底。😅漢堡既黑豚肉唔太厚，可能良心發現😂所以仲有煙肉同煎蛋，煎蛋仲係流心😋 再加有蕃茄同新鮮生菜。雖然個汁只係樽裝茄汁，唔特別，但整體黎講算好食。薯角即炸又調過味，菜沙律新鮮👍🏻都非常好又唔知咩原因，係咪知天氣熱，抑或知我鐘意飲佢杯蜜桃茶，又或者上次無晒杯，呢日既蜜桃茶特別大杯😂 又冰又凍又香又甜又酸味味，真係好好飲，好鐘意❤️上次都好好飲，但細一半。可能真係無杯，因為催左幾次先出比我地 😂講埋上次食左乜。朋友食軟殻蟹意大利飯，好唔好食我唔知，但佢話好食。我就食羊柳意大利粉。羊肉唔新鮮，好羶🙊 羊肉羶通常係因為皮同脂肪而有，但塊羊柳唔覺有咩脂肪，更加無皮，但就羶到不得了... 好彩勉強我都仲食得落除左以上，Seafood stand 有賣啤酒，我見有幾款仲係香港手工啤。有時想啤一啤，都可以黎呢度。要先去cashier點餐比錢先可以有得食😁

想食好西但又唔想咁貴，行過經過呢間就啱哂喇！呢間嘅價錢都比出面西餐平，但質素絕對唔輸蝕喎🤪小食嗌左洋蔥圈，$33但份量勁多😱兩個人食都有啲多🤣食物夠熱夠脆，唔算好油膩，點埋茄汁食仲好食✔️本身嗌左鮮蠔湯，但咁岩賣哂 所以老闆免費為我地轉左龍蝦湯～ 不過飲落就普普通通，如果加返啲龍蝦肉會更好🤩 主菜點左軟殼蟹意大利飯。軟殼蟹係成隻上，非常夠皮😍意大利飯偏軟身，醬汁調得啱啱好，食落唔會好濟。軟殼蟹同意大利飯呢個組合比較少見，味道不錯，推介！最後嗌咗個烤雞漢堡包，醬汁轉左千島醬。雞扒有點偏乾，不過個包烘過夠熱，整體黎講都算ok嘅🤓要喺市區搵到呢個價位又好味嘅野食都真係幾難🧐但呢間價錢合理，食物質素都唔錯，黎開紅磡一定要試下！！

Came to Whampoa to walk around as I love this old/new area and stumbled into this little seafood and burger joint.We ordered a soft shell crab and prawn burger, deep fried squid, and fish & chips.Everything was fresh out of the fryer AND soaked in oil…needless to say, my sensitive stomach immediately protested, sending me home in a bad way.Not sure why everything was so oily…more so than your avg fried food, anyway…lets talk about flavours!Burger was ok…flavour mostly came from the sauces, not a