Season Plus (已結業)

平日夜晚同朋友嚟呢度食餐勁嘅入到嚟個個都食蠔，我哋都唔執輸，叫咗一大盤生蠔先精選生蠔半打，美國中碼生蠔同法國gillardeau生蠔各兩隻，總共10隻特選生蠔雖然比較細小，但係好在都好新鮮，肉質鮮甜，平平哋又抵食，當過下口癮呢四隻生蠔都好肥美，美國中碼生蠔好飽滿，肉質嫩滑鮮甜，就咁食已經好鮮味gillardeau好巨型，肉質較爽滑，配埋白酒一齊品嚐就最好不過法國生蠔最大隻，一隻手掌咁大，連埋殼拎都真係幾重手煙三文魚沙律幾好食滿滿嘅三文魚鋪係沙律菜，青瓜同車厘茄上面，再加上酸甜嘅意大利黑醋，食完好開胃熊本霜降西冷配薯角，叫咗5成熟煎得好靚，表面金黃，有啲黑椒調味一切開入面都仲係好粉嫩，師傅簡單咁用火seal好塊扒嘅兩面，肉汁完全鎖住係入面，好濃郁食都牛肉嘅香味，而且肉質嫩滑唔好老黑松露芝士焗大啡菇好靚，菇已經焗到外面乾身，上面嘅芝士處於半溶化嘅狀態，有啲甚至變暗紅香脆，黑松露放最上作點綴一切開啲芝士逼不及待咁流出嚟蘑菇焗完有少少水份，食落唔會太乾身，口感唔錯黑松露芝士同菇嘅香味好match，呢個係必叫之選嘢飲叫咗鮮橙汁同熱柚子蜜，橙汁雖然較貴，但係好fresh啖啖橙肉，真材實料雖然係平日

今日係公司超唔開心，喊咗幾個鐘。家姐係呢個時間打電話比我，叫我食飯……當然好啦！可以比我訴苦。地家姐話搵間近近地，順便接埋我放工。觀塘Season Plus。好呀…有生蠔食……正精選生蠔$9一隻，叫咗6隻。生蠔唔算大，但好鮮甜日本一口和牛$68，抵食兼好食。牛肉淋，冇渣，牛香。炸日本廣島蠔$48，一碟有6隻。雖然蠔比較細隻，但漿粉唔厚。又脆。都幾好食黑松露牛肝菌pizza$88，黑松露味香濃，餅底薄又脆。烤焗海鮮拼盤$298大蝦~2隻~肉厚翡翠螺~6隻~只有2隻比較細，其餘4隻都大隻的。比目魚~2件~都幾大件，魚肉好滑，魚油豊富。扇貝~2隻~香濃芝士，配搭非常恰當。好味大啡菇~1隻~黑松露配芝士, 香, 味美 兩姊妹食咗5樣嘢，都係$556。超抵。仲要多謝家姐請食飯

為左慶祝完成手頭上其中一個project! 今晚約左朋友去左食好西。Book 咗係觀塘嘅Season Plus, 因為太耐冇食蠔，所以堅決揀有得食蠔嘅餐廳食。因為朋友唔舒服，所以只係叫左一人生蠔套餐自己食。環境真係幾有feelllll!!🍴一人生蠔套餐(半打+白酒一杯)😊👍🏿:有白酒送，超值又慳左飲品錢。蠔非常鮮甜，係真鮮甜，帶海水咸味👍，可惜之後好飽，唔係一定叫多打。依家先9蚊一隻炸，真係抵到呢！整體/意見:🌟🌟🌟🌟🍴精選沙律拼盤😊👍🏿:超大份，一次食曬蝦，三文魚同火腿配撘，但真係好大份，大到食唔曬。鐘意食菜嘅人會好鐘意。啱曬我！😥👎🏿:沒有，硬說的話是黑醋多了一點。整體/意見:🌟🌟🌟🌟🍴燒海膽芝士多士🤣👍🏿:香脆，當然比普遍嘅烤多士好食，但唔算太岀色。整體/意見:🌟🌟🌟🍴烤焗海鮮拼盤😊👍🏿:海鮮夠鮮當然好重要，做到！而且非常香濃，大蝦真係啖啖肉，其他都好好夠味而且食得岀鮮味？😥👎🏿:可能其他較濃味，所以令到雪魚相對淡味，所以建議食左雪魚先。整體/意見:🌟🌟🌟🌟🌟🍴少爺啤 😊👍🏿:支持本土製作。味道特別，而且麥味足整體/意見:🌟🌟🌟🌟整體對成間餐廳氣氛好滿意，可以好好休息一下😂😂😂😂

餐廳開在一棟新大厦入面，入面餐廳都幾多，但走上一層，就會被此店門口生蠔的海報吸引。餐廳入面有一個很大的蠔吧，環境都幾靜，適合大伙人來歎蠔喝酒。兩款生蠔都是我喜愛的爽脆口感，Gillardeau超大隻，有大概手掌那麼大，滴一點檸檬汁再配上一點cocktail sauce非常鮮味，而且就算整個吞也沒有嘔心感，很怕腥味的生蠔吃完會很想吐。Gillardeau 沒有那麼咸，我比較喜愛吃這款，另外的Irish rock鐵銹味就較重，較細隻，而且海水味更重更咸。這裡的生蠔都都即叫即開，鮮味和品質都有保證。熊本霜降西冷西冷不算大塊，但以這個價錢來說已是超值，就這樣看牛扒跟其他沒有什麼大分別，但是一切開，肉汁和油份就已經流了出來，西冷肉質很有咬口，一邊咬一邊會有油脂慘出，牛味十足。很少吃到有咬口但又油脂豐富的西冷，十分推介。薯角也是新鮮炸起，外脆內軟。慢煮西班牙厚切黑毛豬相較起來豬扒份量就十分大方，厚切豬扒兩大塊，而且每塊塊有2cm厚，豬扒肉質香嫩，充滿肉汁，只是頭尾煎得有點熟，但也不算鞋口。而最畫龍點睛的是其香橙汁，甜甜的跟豬扒十分匹配。

之前朋友去過SEASON PLUS 尖沙咀分店食過之後, 話啲野食好好味, 於是極力推薦我一定要去試下. 後來發現原來係觀塘都有一間分店, 而且仲比較方便我放工後同同事們去食晚餐. 諗都唔使諗, 即刻BOOK位去食好野! 餐廳內的裝修以黑色為主調, 神秘中又帶有情調. 先黎個:  沙律併盤 沙律併盤非常大的一盤, 加左意大利黑醋的沙律酸咪咪好開胃. 除左有機沙律菜外, 仲有煙三文魚, 彈牙凍熟蝦 同埋 咸香的巴馬火腿, 非常豐富, 而且仲滿足哂三心兩意的我.  白酒煮紐西蘭青口 除左聞到非常濃郁的白酒香味外, 原來青口食落仲非常入味. 雖然經過烹調後, 酒精大部分已經蒸發, 但淡淡的酒香同味道依然係口腔中慢慢散開. 青口比較大隻, 口感都唔錯, 肉質嫩口鮮味, Yummy~  香草牛油焗比目魚扒 香草香味扑鼻, 未食先引死人. 比目魚扒亦都好夠味. 白雪雪的魚肉嫩滑細緻, 入口即化.  日本熊本霜降西冷牛扒 五成熟的熊本霜降西冷牛扒, 一刀切開, 裡面顯現鮮嫩紅色, 口感軟腍冇渣. 而外圍輕微烤過所以非常香, 而且完全鎖住左牛扒內的肉汁, 入口有好濃郁的牛味, 簡直齒頰留

早前都有係尖沙咀食過 今次黎觀塘分店再試試佢入到去都係唔駛等位 好快有得坐一開波我地試左愛爾蘭同法國蠔。大大隻，仲有 一陣陣既海水味，性價比高 $39/隻   ，正呀! 之後就黎左精選沙律拼盤$128 。好豐富既一個沙律拼盤，份量又足，有煙三文魚 有蝦 有PARMA HAM!係同MENU張圖係差唔多份量 仲有我中意既黑醋汁    !黑松露牛肝菌pizza 長方形 $88 幾特別。上枱已經聞到好香好濃郁既黑松露味，加上落左小小蘑菇令味道仲香添再加上我同朋友都中意食薄批，唔錯唔錯!祕制醬汁焗豬肋骨 $168RIB上面啲醬汁有茄汁味，完全入哂味，都幾大份架。 我地都一口氣清哂觀塘同尖沙咀一樣水準!呢到真係食蠔既好地方，下次,再黎要主攻啲蠔先!!!

對於一個生蠔控黎講，依一個都可以話係我既數一數二愛，環境清靜，適合三五知己一同聚會，牆上滿有特色字號，店內環境好大好闊落，難得個日walk-in都有位，遲一步都要等位了，所以如果有得book位就最好book定位先！首先緊係要講下我最期待既生蠔，呢間既生蠔好新鮮肥美，蠔殼上有少少海水，海水味都算重！一邊食生蠔一邊配上白酒簡直係絕配。雖然並唔係啲咩特別嘅品種，覺得咁既價錢食到咁既蠔絕對係性價比爆燈。除左生蠔之外都好鬼死中意食青口，所以食生蠔下一樣必點既一定係白酒煮青口清清既白酒味，新鮮既青口淡淡的，味道幾夾，唔會比白酒搶左青口既味道。牛肝菌意大利飯，濃濃既牛肝菌醬汁，蓋上軟綿綿既飯，食落又唔會太濟不過個人就覺得份量少左dd，可能因為太好食所以覺得唔夠食haha由於朋友唔太想食沙律但大家又想試食巴馬火腿所以直接叫左個巴馬火腿拼盤，第一次食覺得好香，鹹鹹地但又唔會話鹹到食唔到！下次一定會再點巴馬火腿！

星期日，同朋友出觀塘食個飯，揀咗依間門而幾高級既餐廳開餐牌，都唔少選擇99蚊一人生蠔餐，仲包一杯白酒，係幾抵既。不過依個價錢都唔可以期望太高生蠔既質素，生蠔既味道普通唔夠鮮味海鮮拼盤係值得嗌既~包咗唔同款既海鮮，大蘑菇用芝士黑松露焗，多汁係唔錯。比目魚都嫩口，唔怕楷。螺同元貝都好味。虎蝦，如果可以加多少少蒜蓉會濃味返d，蝦肉本身唔算好新鮮。羊架$168，一上碟覺得望落好唔錯~食晒薯角係凍冰冰架，有d失望，不過好彩都脆。依間既羊架無得揀幾多成熟，肉質就普通。總體尼講，依間餐廳價錢尼講唔算太貴，份量都幾多！味道方面就唔算太突出，普通水準

之前都試過幾次season plus 喺銅鑼灣同尖沙咀既分店，印象唔錯，所以今日黎到觀塘就一試觀塘分店意大利肉醬千層麵 $128肉醬份量不足，所以感覺一般，有啲小失望添秘製醬焗豬肋骨$168全晚最好食嘅菜式，肉質好腍，用上煙烤醬所以帶有煙燻香薯角都好好味～雖然好味，但兩個人share會比較好，一來我比較細食二來多食會小膩。一人精選生蠔套餐 $99包一杯白酒同半打細size生蠔，可惜今次生蠔質素有小小下降，無前幾次咁好，不過想平平地過下蠔癮都係個唔錯既選擇。炸魚手指 $48/5條熱辣辣炸起既魚手指無得輸比目魚扒 $68 估唔到＄68都有兩塊魚扒，魚肉嫩滑可惜調味比較唔平均，以致底個塊唔夠味。整體黎講，價錢平取勝，餐廳環境都唔錯，部分食物有進步空間，但依然係我既平價蠔吧之選～

田園沙律：上第一度菜，速度頗快，先食菜後食肉，健康之選。生蠔：美國生蠔 海水味濃蜆，青口：本來見佢餐牌有手指公，想試一試蜆，叫了一個二合一，青口有驚喜，還比蜆更好味道，兩樣都很新鮮。美國薯條🍟：份量都頗足，最岩兩三知己食用。而且鹽份剛剛好，配上黑松露忌廉醬，入口回味無窮。將黑松露忌廉醬先接觸舌頭，待醬汁香味散法，再食薯條。慢煮牛：約6成熟慢煮牛，入口香黑叔味，外脆香嫩，肉質細緻，回甘味濃伴菜小番茄吸收了牛肉汁，也絕對不能錯過。

呢個星期每日都忙到透氣都冇時間，今日Happy Friday，同事話不如dinner埋吹下水relax吓，就揀咗間氣氛輕鬆嘅餐廳大擦一餐。Season Plus喺觀塘工業區中海日升中心，同譚仔同一層，不過就喺嗰層最入嗰個位。到咗餐廳見到人頭湧湧，非常熱鬧。【精選生蠔$9/隻】先嚟精選生蠔，$9/隻抵到爛，而且唔細隻，食落味道不錯，入口冇耐就開始回甘。【海鮮拼盤 (冷)$198】都真係幾大盤吓，有原隻波士頓龍蝦、一磅韓國花蛤、四隻法式凍熟大蝦、兩隻加拿大翡翠螺、四隻紐西蘭青口。花蛤有幾十隻，不過部份有沙。翡翠螺同凍熟大蝦都唔算大隻，不過幾鮮甜又彈牙。波士頓龍蝦都大隻而且多肉，肉質鮮爽。【燒海膽芝士多士$68】四塊熱多士，食落係香濃燒芝士帶淡淡海膽味，不錯。【熊本霜降西冷$198】肉質鮮嫩而且咬落去肉汁勁豐富，不過部份有筋。配菜有沙律同薯角，但薯角係凍嘅。【白酒煮馬尼拉蜆$78】蜆大大隻，蜆肉都幾水潤。白酒煮出嚟嘅熱湯略帶甜味，用蜆殻裝住啲湯嚟食，蜆嘅鮮甜同湯嘅酒甜又幾夾，味道相當不錯。現場見到好多客人都有叫海鮮拼盤。喺熱鬧氣氛下，食住大大盤海鮮嘆返杯白酒，輕輕鬆鬆又一晚，身心都大解放，難

呢排好懶豬成日偷懶唔煮飯，又見Season plus 既Facebook廣告$9一隻蠔，睇到心野野即刻訂檯~除左$9隻蠔，仲有生蠔餐既。我地叫左$198/set，有一枝白酒，12隻生蠔。蠔都算大隻，厚身creamy。白酒帶點花香，用黎配蠔都好夾，不過放耐左就偏酸了。但呢個套餐真係抵過自己屋企開蠔啦~ 本身都幾中意食加拿大海膽，貪其肉厚味濃，味道比較鮮甜。$58/份，有2件，過吓口癮都唔錯吖。呢個3 in 1沙律拼盤($128) 夠哂大盤，好豐富吖，有Parma ham，熟蝦，煙三文魚，沙律菜用有機既, 特別爽甜~本來想點薯角同埋炸廣島蠔, 不過見炸物拼盤(可以任選四款),又好似幾吸引喎最後加埋唐揚雞翼, 吉列炸蝦。一大盤上檯香噴噴，不過上菜太快，食完生蠔先食已經放涼左dd，好彩都仲好鬆脆，無咩影響質素。尤其係吉列蝦，炸蠔~每一樣都有4件，份量好足，而薯角仲有黑松露芝士醬配埋添。雞翼酥酥脆脆既外層，非常香口惹味。原來炸物配白酒都唔錯喎

今天是舊同事生日，放工約埋一齊食返餐和聚一聚，同事喜歡食海鮮，之前在尖沙咀食過Season Plus 的海鮮，覺得吾錯，甘岩餐廳在觀塘同事工作附近開了分店，一樣是有同事喜愛的海鮮食，那我們就前往慶生去了。餐廳地方雅潔，座位寬敞。美國中碼生蠔六隻，精選白酒一杯。來杯酒祝同事生日快樂！生蠔新鮮肥美，海水味不會太濃，美味！海鮮拼盤有原隻波士頓龍蝦、法式凍蝦大蝦4隻、加拿大翡翠螺2隻，韓國花蛤足料一磅、紐西蘭青口四隻。海鮮新鮮，份量不少，大蝦、翡翠螺爽口，花蛤一磅勁多，鮮甜無沙。特別是龍蝦，夠大隻又多膏，鮮甜彈牙！威爾斯羊仔架：有4支骨，熟度剛好！厚切不會韌，中間程粉紅色，鮮嫩美味！還有香脆薯角和新鮮蔬菜沙律。精選炸物拼盤(任選四款)：我選了炸日本廣島蠔、唐揚手羽雞翼、日式黃金吉列炸蝦、炸紐西蘭薯角。雞翼皮脆肉嫩，炸蝦外脆肉彈牙，各種炸物都炸得好酥脆，美味可口！

約了在觀塘上班的友人到附近的season plus吃晚飯。星期五的夜晚又是座無虛席、見不少人都叫生蠔拼盤、我們也要了半打精選生蠔跟兩隻美國生蠔。美國生蠔較大隻、啖啖肉、肉質亦較爽口、不過醬汁太濃像茄汁、有點蓋過生蠔的原味。挪威煙三文魚沙律 $58 份量不少、沙律的油醋汁酸甜開胃。海鮮拼盤$198 有原隻波士頓龍蝦、韓國花蛤、翡翠螺、青口等。本人不好花蛤和螺、較喜歡龍蝦、肉比較爽、吃到鮮甜。慢煮西班牙厚切黑毛豬 $198 、慢煮的黑毛豬較軟腍、內裡還呈現剛熟的玫紅色、配上調配的蘋果醬汁、微甜而富果香。

之前已經留意過呢間餐廳，見到有生蠔加白酒set好吸引，就趁今日去開觀塘黎呢度食dinner。呢個商場唔太旺，我地8點到但餐廳都算坐滿人。環境幾寧靜，好舒服！睇完menu，我地兩個人決定叫4樣野：12隻生蠔加白酒set，沙律拼盤，白酒煮紐西蘭青口，同埋日本熊本霜降西冷。一開始上黎就係沙律拼盤，估唔到menu既圖同現實竟然相符！份量超級大，好足料！三文魚，蝦同埋ham配上黑醋真係令人食唔停口！😍跟住黎既係白酒煮青口，差唔多有8-10隻，白酒味重但個人覺得兩者有點格格不入😅好快西冷都上，我地叫左5成熟，但食落好似7成熟，可能因爲件扒太薄，有d難控制。一食入口即溶既感覺好正😍唔會覺得好油好肥。另外特別想講做配菜既薯角，睇menu個時無為意有咩配菜，薯角唔係好多，但超級脆😍😍食到差唔多先發現生蠔仲未上😅明明生蠔應該係starter⋯不過唔緊要，因為呢個性價比真係超高！生蠔係愛爾蘭黎既，隻隻都好肥美，好甜又夠fresh，不枉我今次因爲佢黎食😍