Season Plus (已結業)

這天放工後，非常疲累，在西貢搭車回家在觀塘落車，太累太肚餓於是找個地方吃飯。本來想找個地方吃拉麵，但太多人，於是去番工業區個邊食飯。這裡吃過多次，我爸爸說質素不錯，多選擇又平，是晚餐好選擇，很多觀塘工作的朋友都會來吃。這間西餐廳叫Season Plus。先叫全場都食的生蠔拼盤，一打任你吃，加上白酒都是二百你仲有乜投訴，吃完一打，我們上癮再叫多一打。另外，叫了熊本霜降西冷，牛扒還可以，但朋友就說太過熟，沒有霜降西冷應有的油份，但又係個句，二百就有日本牛食，點都值得，平時外面百幾都只是吃不太好的牛。牛肝菌意大利飯煮得煙韌無比，牛肝菌的香叫人吸引，是很快便會清枱的食物。烤焗海鮮拼盤最有氣勢，有大蝦，翡翠螺，魚同扇貝，全部質素不錯，最喜歡其以芝士為主的煮法，但又不會叫人覺得太飽太油膩。又海鮮又牛扒又白酒都不用三百一位，怪不得周中也這麼多人來吃，如果行去呢邊，值得試下。

今晚來到觀塘日昇中心辦點事，附近街道入夜後很清靜，但估不到日昇中心內的餐廳卻十分熱鬧。一樓的盡頭有曾經在銅鑼灣吃過的Season Plus，想起它們的生蠔套餐很抵吃，於是便想再嚐。餐廳環境比起其他分店更有西式酒吧感，面積亦較大，比較寬敞；燈光亦暗較有情調。先來一個《意式巴馬火腿沙律 $88》開開胃。巴馬火腿薄身有咸香，沙律菜淋上了黑醋的很清新。生蠔拼盤(連白酒一支) $198 實在吸引，但《香檳生蠔拼盤 $298 / Set配一支香檳氣酒》更吸引，於是點了一set，但可惜當晚餐廳沒有本身的生蠔種類，於是轉了14隻愛爾蘭生蠔給我們。生蠔不算大隻肥美，但夠新鮮，加點檸檬汁更顯鮮甜。香檳氣酒味道香甜很易入口，女生必愛。再點一個《意大利肉醬千層麵 $128》作主菜。千層麵最上層沒有焗至乾硬，不錯，而每片之間都夾著肉醬很惹味。

經常來觀塘這邊的車房買車零件，都很少會到附近找吃的，因為觀塘很難泊車。今晚朋友相約我到觀塘駿業街吃晚飯，我在頭痛泊車之際原來日昇中心有停車場而且朋友正正就在日昇中心的Season Plus餐廳等我呢。朋友早已點了《烤焗海鮮拼盤 $398》，她說天氣凍，吃海鮮也要吃熱的。海鮮有比目魚扒兩塊、蒜蓉焗蝦、焗芝士釀大啡菇和焗翡翠螺、焗芝士帆立貝。比目魚扒魚脂多、入口滑溜，但味道淡而無味，我想應該需要先調味一下；蒜蓉焗蝦不算新鮮但蝦肉尚算彈牙；芝士釀大啡菇多汁香濃；焗翡翠螺螺肉味道夠，大粒彈牙有嚼感。《蒲燒鰻魚(原條) $168》蒲燒鰻魚味道香濃，鰻魚肉腍身入味，魚尾有焦香。《黑松露牛肝菌薄餅 $128》主食點了薄餅，餅邊煙韌香口，薄餅餡有香濃的黑松露配牛肝菌，整體不算油膩，份量亦剛好足夠每人2-3小件。

觀塘Season Plus 上次黎過，地方闊落，所以今次又再黎過。田園沙律-首先一定要食返個沙律開胃，沙律落咗黑醋，無平時既沙律醬咁肥，沙律既份量好多，基本上沙律菜都有4款以上，沙律菜幾乾淨，亦唔會太濕。芝士焗扇貝-扇貝大粒鮮甜，而芝士份量都好多😆 面頭仲有少少香草💕芝士肉醬千層麵-唔講唔覺，而家好多餐廳都無千層麵食，呢到難得有，一上枱已經好香，即刻叫黎試試，味道出奇好味，肉醬多個千層麵，而千層麵既口感突出，勁正!辣肉腸pizza-味道還好，餅底較厚，食落有嚼勁，不過個人較偏好簿餅底。薯角-份量多到嚇人，食極都食唔完，薯角炸到好香脆，入面好粉且好有薯味，推介。

星期日，在毛毛雨的晚上，在觀塘的商業中心，人流稀少，因要過來辦一些事來到這裡，本來想去有名的熟食中心吃星馬菜，那刻才記得原來晚上那有名的星馬菜是關門的。 朋友立刻發功在openrice找個地方，我們都想吃點暖暖的，於是找了間主打海鮮的高檔餐廳，吃點暖身物。 看menu，價錢相宜，地方舒適。 先上場的是白酒煮馬尼拉蜆，扁身的馬尼拉蜆都算大隻，加上濃烈的白酒，非常配合，暖身一流。 但之後就來個冰火，愛生蠔的一定會高興來和它拼老命，白酒生蠔拼盤只是$198，有十二隻來自世界各地的生蠔，加上送增的白酒不是那些入不了口的house wine ，清新得來又不會太酸，冰凍白酒配生蠔絕對是一流的配搭。 餐廳介紹話熊本霜降西冷都係推薦，睇樣真係唔錯，但係吃下去我覺得沒有想像中好，油香冇咁強，但西冷的牛味卻是濃濃的，如果是medium來說，是有點過熟了，我想這個的掌握手法較眼高手低，令牛扒感覺無咁精彩。 當然要吃些主食，選擇不是太多，兩個都點了，牛肝菌意大利飯，是正常的質素，risotto的溫度和texture都剛剛好。 我喜歡意大利肉醬千層麵是因爲整個份量很對，不會太過火，又不會像pizz

老公今晚提議食西餐，突然醒起之前朋友強烈提議一間位於觀塘嘅餐廳Season Plus所以今晚決定帶老公前往一試! 餐廳位於觀塘商貿區內的中海日升中心一樓，去到一樓直行再轉兩次彎便到？門口也有多張大menu可以預覽食物，而且很多不同的精選和推介，光看門口menu已急不及待要一嘗呢！店員十分有禮地安排我們入座。店內十分有格調，啱曬勞碌工作一天過後到此chill下寬敞的吧枱，真令人想小酌兩杯呢！店內很多食客也order了生蠔拼盤。生蠔拼盤十分抵食，還跟配精選白葡萄酒一枝呢！因為老公今天揸了車所以不能飲酒，店員也禮貌地推介了精選生蠔拼盤給我們。精選生蠔拼盤是Irish Rock No.4, 每set有12隻生蠔十分清新，有小小海水味，加小小檸檬汁和sauce搭配。入口後十分爽口清甜！實屬必食之選！不飲酒的我們點了葡萄梳打，甜味剛好，配搭生蠔也十分不錯呢！前菜點了芝士黑松露焗大蘑菇一上菜便傳來香噴噴的黑松露味！啱曬我同老公呢兩個黑松露和蘑菇愛好者！老公話一食入口已陣陣黑松露味衝上腦 而且芝士還能保持軟軟的狀態整個配搭一流！主食方面點了每月精選的熊本霜降西冷OH MY GOD!!!!!!我同老公真

去將軍澳做完正經野，探埋朋友，又係時候要醫肚了，我地揀左觀塘既seafood plus, 佢有三間分店， 駿業街中海日升中心係其中一間。一去到。。地方好大，我地兩人安排坐卡位。闊落些。成個餐牌都好吸引，我地先揀左兩個set 先， 咁抵唔係唔叫嘛？！我地揀左生蠔set, 1打生蠔加枝香檳都只係$298喳！抵食啦！生蠔好新鮮呢！大有大隻好味，細有細隻鮮甜！枝香檳都好好飲呀，易入口！我地仲叫左烤海鮮，有咁多野都只係$398喳！有大蝦翡翠螺扇貝比目魚同大啡菇，樣樣都好新鮮，大啡菇我最鐘意，完全無烤到乾晒！仲叫左魷魚筒，pizza 同意大利飯，意大利飯好入味，飯既軟硬度剛好！贊！

今日同朋友聚會，提議黎這間Season Plus，入到餐廳感覺好舒服，好闊落，仲帶有一些浪漫情調。餐牌上既食物種類都好多，價錢合理。我們選擇了最強人氣number 1，生蠔12隻連意大利白酒一枝。生蠔好新鮮又肥美，拎到上枱見到條邊仲郁郁下，味道鮮甜，海水味適中，配埋白酒係一流既享受！之後當然有order埋最強人氣number 2啦！慢煮美國安格斯牛柳12oz，厚切既牛柳煮到5成熟，每一啖咬落去都係肉汁，牛味唔算濃但肉夠嫩。配埋旁邊萍果一齊食，既清甜味又能夠帶出牛柳味道。萍果係燒過既，減少左酸味。小食係芝士黑松露焗大蘑菇，焗蘑菇色澤好吸引呀，切開已經好多汁流出黎，食落口超級juicy呀。仲有面頭既黑松露好香，呢個小食真係無得彈！

屋企人最近轉左喺觀塘工作，她發現觀塘區多左好多美食，於是，weekend 前來試下Season Plus 位於駿業街中日升中心餐廳裝潢簡㓗舒適，氣氛柔閒，令人心情愉快本月優惠好精彩生蠔拼盤Irish Rock 新鮮、甜美，重有少少海水味道，198.00/set 連白酒，十分抵白酒果味香濃，易入囗熊本霜降西冷，外面微煎，色澤鮮明，賣相唔錯西冷好香，有牛味，蘸埋微辣燒汁，味道更有層次脆薯角脆卜卜，作為佐酒小食，十分夾牛油蒜蓉焗大虎蝦蒜蓉昧道香濃，令到虎蝦鮮味更突出餐廳好適合朋友聚會，下次定會再來

有朋友生日，想找一間西餐廳做生日，當然唔可以馬虎，於是搵了一間評語不錯的西餐廳。訂了位不用等候，即時入座，職員十分禮貌，我們四人入座後即時點餐，由於每款菜式都十分吸引，選了很久，最後選好了就立即點菜。這間好像是一間蠔吧，當然一定要點，我們點了個生蠔套餐，有一打生蠔及一支白酒。我們點了一支果味比較重得白酒，我覺得配搭十分好，有白酒送海鮮一起吃，感覺完美。前菜點了芝士黑松露焗大蘑菇、燒海膽多士、炸流心芝士，這些隨後上菜，不算太油膩，四人份量剛剛好！我們並點了海鮮拼盤、黑松露牛肝菌Pizza及白酒煮馬尼拉蜆，Pizza皮很薄，未到十分好，海鮮拼盤裏面有龍蝦，有青口等等，喜歡食海鮮嘅我哋，三扒兩撥就將這些掃清，哈哈哈！主菜我們叫了兩個套餐，分別是慢煮西班牙厚切黑毛豬配異色巴拿馬火腿及慢煮美國安格斯厚切牛柳配煙三文魚沙律，話明慢煮，當然要等所有食物食完後最後才上菜，這兩個扒令我喜出望外，肉汁十分豐富，而且這兩塊扒十分厚切，雖然我不吃牛，但聽我的朋友說這個真是極品，食牛的不二之選，至於我吃的黑毛豬，肉汁亦都豐富，如果一行四人，主菜叫兩個就已經足夠。最後埋單每人只需＄450 ,如果吃到這樣質素的話，

今日諗住星期日，想食得好一點，於是上網搵了一間睇落感覺比較好嘅西餐廳，就係Season Plus了！坐低之後，先看看餐牌，其實揀了很耐，因為樣樣都想食，哈哈！其實我都花咗很多時間點菜，前菜揀了芝士黑松露焗大蘑菇、燒海膽多士、炸流心芝士，這些都很好食，這些菜式都很特色的及出色的。另外，叫了一個生蠔拼盤送白酒，我們一行四個人一打生蠔及一支白酒份量剛剛好。上菜的速度不算快，可以慢慢食，這間餐廳速食是不適宜的，特別要提一提是兩個主菜，我們叫了兩個套餐，分別是慢煮西班牙厚切黑毛豬配意式巴拿馬火腿及慢煮美國安格斯厚切牛樓配煙三文魚沙律，這兩個扒肉汁十分之豐富，如果100分滿分，我會給他滿分！另外，我另叫了白酒煮馬尼拉蜆、海鮮拼盤及黑松露牛肝菌Pizza ,這個Pizza皮十分薄，口感十分豐富，味道剛剛好！總括來講，每人四百幾蚊確實超值，食物品質十分好，烹調用心，我覺得無論慶祝生日、招呼朋友， 十分適合，而且環境寧靜，雖然在觀塘工業區，地點不算隔涉，所以這裏是一個十分好的選擇。

又係觀塘搵好嘢食，一定係去工廈搵好嘢，估唔到今次喺冇收穫，一於去番幫襯開嘅好東西。先黎意大利肉醬千層麵， 麵同麵之間， 肉醬嘅比例啱啱好， 完全唔會覺得過量咗，肉醬鮮茄味十足，甜甜地又帶點酸味，味道可口，醒胃提神。 值得一提嘅完全冇諗過，份量係咁大，好彩同朋友都肚餓，如果唔係都驚食唔曬，浪費食物。慢煮西班牙厚切黑毛豬， 慢煮肉質鮮嫩，肉汁豐富，完全冇overcooked嘅問題。蘇格蘭煙三文魚， 穩陣， 無雪味，前菜一流。飲品熱柚子蜜， 柚子味十足，但係又唔會苦，唔錯嘅選擇。下次再嚟同朋友再食過，希望下次食下海鮮大餐。

酒肉朋友由外地返港，第一時間就梗係約飯局啦，既然講得係酒肉朋友，又點可以無酒無肉去招呼佢地呢？好！今次一於齊齊試新野，睇下呢班友仔會唔會炸形先！ 見未齊腳先開支酒濕濕口，叫多個parma ham 黎送下酒，個ham 味道不過不失，支紅酒都幾抵飲。 之後再黎一個芝士大磨菇開一開胃。話咁快就已經清左一支紅酒。 終於等齊人啦，即刻order 其他野食，首先試左兩個海鮮，魷魚桶同青口配蜆。份量都幾足下既，有鮮味。魷魚桶啖啖個下堅係過足口癮。青口同蜆雖然唔係好似魷魚桶咁啖啖肉，不過勝在味道鮮甜，總算各擅勝場啦。 一支酒點夠喉，再黎多支紅酒，叫多幾款主菜嘆下先。第一款要講下既係慢煮牛柳，肉味重，以慢煮方式最容易保持香濃既牛肉味，同埋保持肉質既鮮嫩，無他，叫得慢煮，慢工出細貨嘛。 既然開左紅酒，就不妨叫埋個羊架食。威爾斯羊架，特色係肉質嫩羶味稍重，個人黎講十分喜愛呢款羊。而餐廳亦都保持煮牛扒既水凖，羊架都煮得好出色，外表香煎封肉汁，内裏肉嫩帶少少pink，咬落去肉汁飛晒出黎，一流。

Happy Friday 失驚無神男友又話想去食西餐，叫我搵定去邊度食，真係頭都大埋。即刻去OpenRice搵靈感，見到呢間近期好紅嘅新餐廳，就即刻打電話訂枱。出左糧天氣又凍凍地，真係要食豐富d先夠保暖！呢度小吃、海鮮、扒類、飯意粉薄餅主食樣樣齊，種類咁多，真係唔知點揀好！唔理喇，叫左d小食先，食住再諗啦！韓國燒汁魷魚筒（原條）$168，原條上碟賣相好吸引，燒至外層焦脆而已，最緊要沒有過燶，咬落煙韌彈牙，燒汁夠哂惹味！最愛食魷魚蘇，一條條咬落好過癮。炸美國薯條加黑松露蛋黃醬 $68+$38，新鮮即炸上碟，個樣好醒神飽滿！加埋絕配黑松露醬冇得輸，份量比想像中多，大條薯條夠哂粗，係一流嘅佐酒小食😋威爾斯羊仔架（4件）$268，切開逐件煎香，甫上碟已聞到油香四溢。急不及待切一件來試，是medium至medium well的呈度，羊味不算羶，肉質偏實一點，最欣賞它毫不吝嗇俾左大量薄荷啫喱醬伴碟。牛肝菌意大利飯$128，肝菌味道很濃郁，飯很黏，比平常的意大利飯和軟身一點，伴有磨菇更能帶出菌味，份量夠兩個人分享。這裡賣的菜式都實際不花巧，食物質素卻能保持一定水準。服務不俗，午市更有百元以下的海鮮拼

親戚從多倫多回來，他們聽聞觀塘區變了很多，要我帶他們來看看。左想又想，想起了駿業街新開的西餐廳，值得帶他們來一試。意大利巴馬火腿盤$168，親戚們都是嗜酒的人，當然要點能送酒的食物。拼盤有三款火腿，兩款Parma ham 和一款salami，賣相精緻，誠意十足。紅酒Chateau Trimoulet 2009 St. Emillon GC$398，酒牌的價錢公道合理，這支是法國波爾多的merlot + cabernet franc ，2009是好年份，不會差得到那裡去。medium bodied，配火腿或牛扒都得宜。意大利辣肉腸薄餅$128，主食我們點了薄餅，大家分享來吃，熱烘烘即叫即做，長方形狀易切易吃，相當厚的芝士層夾著粟米和辣肉腸，好味！蔥蒜岩鹽馬尼拉蜆$148，一碟有10隻，每隻大小平均，無需多餘嘅調味，簡單而岩鹽蒜香和香草便能帶出蜆肉的肥美鮮甜。慢煮美國安格斯厚切牛柳12oz$348，分量十足，足足有1.5寸厚，非常juicy。慢煮很花時間，能保持肉質鮮嫩多汁，外層再烤一下便能帶出表面的肉香。上碟時已切開分好，從肉的紋理便可清晰看到，肉裡面富彈性又多汁，肉汁卻又沒有全瀉出來，