SENSU (新城市廣場三期) (已結業)

今日同朋友去咗沙田行街 買咗好多嘢就周圍搵嘢食 見到呢間Sensu餐廳 環境一流 價錢大眾化 食物睇落幾靚 應該幾有質素 就決定入去食飯啦松露雞肉牛油果開面三文治 聽個名就知道十分足料 松露嘅味道完全突出曬所有食材嘅鮮味同香味 加上鮮嫩嘅雞肉 creamy嘅牛油果同埋酥脆嘅麵包 成個配搭同出面食到嘅三文治簡直爭九條街意大利辣肉腸麵包薄餅 餅皮好脆口 配上酸酸辣辣嘅意大利辣肉腸 幾開胃和風牛肉照燒汁蛋包飯 牛肉肉味香濃可口 加上甜甜地嘅燒汁 煙韌嘅珍珠米同蛋味十足嘅蛋 令人食得好滿足

一心想食精緻tea set，上網搵到sensu有，特登過去食，年初四疫情未放緩，人流唔多，全場只有4至5枱客。Tea由1430開始供應，選左MeTime，有4件甜點同兩件咸點，配冷泡茶。整份tea set賣相精緻，簡單既擺盤已經好吸引。兩款咸點都好好味，特別係巴馬火腿既露筍，非常新鮮。至於甜點，焦糖咖啡撻焦糖味唔突出，比較似朱古力咖啡撻，但唔會好甜，適合怕甜既朋友；至於馬卡龍，同行小朋友話好好味，所以我無機會試；雲朵蛋糕好既餡好特別，值得一試；而瑪德蓮蛋糕就正常水平。雖然餐配一杯普通冷泡茶，但正正適合食完甜點後解解膩。想要平民悠閒teaset，絕對值得去試

今日與朋友到沙田新城市廣場第三期食午餐，見到餐廳環境不錯所以入去食，環境舒適適合同朋友閒談食嘢，每樣食物都用心去做而且都好好味。侍應服務態度都非常誠懇，價錢也實惠，值得再去😋

位於沙田站，新城市廣場第三期「Sensu」，新開的餐廳，餐廳以藍色小鳥為主題，裝修以森林風格，仲有好多藍色花、鳥籠做裝飾，環境好靚，打卡影相一流！我哋一行2人晚上去食，不用等位直接入座，餐牌有個會員套餐幾抵食，所以我哋就叫咗呢個，而且可以即時用手機入會，非常方便，2人套餐，我哋埋單4百尾，食物非常精緻好味，飲品整得好靚又好飲，份量ok的，下次我哋會再去試吓午餐，「Sensu」值得去打卡或食嘢的餐廳！

從店外望入餐廳，鳥語花香🦜🌹…不單止吸引我們的眼球，還令我們不由自主的走進去…鰻魚招牌旋風蛋包飯（5/5）外型似富士山🗻的蛋包飯，滑滑又Juicy旋風蛋緊緊包住鰻魚飯，珍珠米粒粒都沾有鰻魚汁，夾什鰻魚件，非常惹味。意大利豬肉腸蘑菇麵包薄餅（3/5）還以為是薄餅底，但原來是用法式麵包做底，上面鋪滿芝士、辣肉腸、蘑菇，材料十足，味道香濃。略嫌麵包底太厚，口感好硬！黑松露薯條（5/5）如果個肚有quota就真係要食薯條，厚肉而且有薯仔香味。Be Strong（4/5）用碟豆花做成的梳打特飲，夢幻般的紫藍色好吸晴，微甜中帶點檸檬酸味。伯爵奶茶配黑糖寒天（2/5）還以為有一層層啫喱，但原來只是一杯普通的伯爵奶茶，比個杯的顏色欺騙了！

呢間cafe 聞名已久 !! 一直都好想試 但無機會...去親沙田經過 都見到好多人排隊 ..  特別係晚市 要勁等所以今日襯早放工 即刻坐車去 終於比我試到喇 !環境好靚, 鋪天蓋地粉藍色 ! 連天花板都充滿乾花啊不過位置間距離就窄dd... 所以最好早d黎食啊 襯未太多人～MENU有多款食物同飲品～食物大致上分為: sandwich/ bread pizza, pasta, main, snack, salad & soup😋和風牛肉照燒汁。招牌旋風蛋包飯 $128係呢度嘅signature dish ! 內餡可以揀: 香辣雞肉 $98/ 三文魚野菌 $108/ 和風牛肉照燒汁 $128因為唔食辣 又唔想食三文魚 所以揀左和風牛肉～蛋炒得香滑, 包住牛肉片同飯粒飯粒 索滿日式燒汁 , 好正份量都唔細 .. 兩個人share .. 夠飽 !🥑松露雞肉牛油果開面三文治 $78一咬就覺得好清新 !雞肉同牛油果 沾滿松露忌廉 .. 勁香法包keep到好香脆 ! 呢個幾有驚喜～🍯 伯爵奶茶 配黑糖寒天 $48🦋藍蝶花香芋奶配寒天 $48兩杯都意料之外地好飲 !! ✨ 初頭以為得個樣.. 🙈伯

Boxing Day 夜晚見有位就入左去食一行3人都嗌左唔少野1. 和風牛肉照燒蛋包飯 推介👍🏻滑蛋夠滑！連同醬汁同牛肉一齊食，好味2. 蟹肉大蝦扁意粉蝦肉大粒不過冇蝦味😂意粉正常3. 意大利辣肉腸意粉配合蕃茄酸酸地好開胃4. 飲品 rum coke個味好似藥水😂5. 柚子香橙citrus orange jelly好打卡able既飲品但飲落冇咩驚喜🙊6. 甜品 蔚藍星球附上小搥仔用黎揼個星球外殼玩味十足都係打卡首選星球入面類似係木糠布甸底層既cream係伯爵茶味好好食7. 伯爵茶味卷蛋夠味，同朋友share食少少甜野會更加開心8. Buffalo wings 單骨雞翼好辣，比較出面餐廳係辣得多整體黎講都唔錯😋

位於新城市廣場三期嘅sensu,一直都係附近返工嘅ol 食飯打卡嘅好去處。今次肥雞就入去試咗佢兩個菜式，第一個就係黑松露牛油果雞肉多士，呢個多士肥雞真心想讚下，帶有獨特香味嘅黑松露油的上慢煮嘅雞胸，餵為冇咩味道嘅雞胸添上一絲神秘嘅味道，再配埋香滑油香感十足嘅牛油果，香脆嘅多士做底，每一口都有種鹹香嘅感覺，而且一啲都唔乾。再試埋佢嘅招牌旋風蛋包飯，入面係佢嘅慢煮牛肉，配埋炒飯底，蛋香濃嫩滑，牛味十足嘅炒飯配埋忌廉汁，肥雞覺得都幾好味。再試埋佢嘅招牌特飲 ，呢餐肥雞覺得好滿足。

日式西餐廳一向都啱港人口味。冇得返鄉下惟有食個日式西餐試吓啦，晚市佢有dinner set ，會員可以$368享用，開頭以為係一人set，原來呢個價錢係二人set，我地4個人差啲叫左4個二人set，最終我地叫左2個二人set。講返個set，Appetizers 招牌沙律小食拼盤，湯有周打蜆湯或者龍蝦湯，日本舞茸牛肝菌意大利飯或香辣蝦蒜蓉蟹肉大蝦扁意粉我地兩個揀哂黎試，加埋main course 4選1，香煎豬鞍伴蜜糖芥末醬同埋香煎牛仔骨配日式照燒汁，仲有甜品朱古力布朗尼。成個二人set 5個courses 勁滿足。整體每樣食物都乎合水準，呢個價錢，性價比非常高。不得不提呢度既cocktail 係勁啱打咭，連個名都好正：So HOT!、So Far So Good、So Smooth、So Strong，So You Are、So Exciting剩係㨂到玩一輪，仲要勁有心思整到好靚。整體來講呢間可以再去。

平日下午放假陪陪家人, 帶家人行街街買聖誕禮物。因為今朝都訓到自然醒, 行到有d攰先搵地方食個late lunch。門口既藍色花草已經吸引左我入去🦋入面頭頂仲有好多呢系列既乾花🌾同白色鳥籠🕊 就連平時唔鍾意花既我都睇到好幸福難怪平日下午都爆場Relax, dream big, breathe, good time 係掛係餐廳入面既四個霓虹燈箱, 提醒我地chur還chur, 都要留返d時間透透氣鬆一鬆呢度既環境同美食又真係幾岩做呢件事. 最叻係個外望既窗竟然可以夾到出面大樹既綠葉, 咁就唔會望到對面既樓景, 係綠葉前打多個招牌燈, 充分利用到景觀連d cutteries都好靚好有質感野食都係睇得又食得！鍾意佢既份量夠足旋風滑蛋做得好靚🍳 上面放左少少saffron點綴包住既竟然係炒飯底超有誠意🍘 而且份量都好多, 令到成個omelette好飽滿三文魚粒同野菌🍄用左日式醬油風味炒, 加埋絕配既奶油超惹味法包小多士放滿🥑creamy既牛油果雞肉🐥, 最正既係用超香既黑松露油加埋番茄片🍅同沙律🥗較refreshingSensu Signature特飲用繽紛色既杯裝住, 好岩打卡八款手搖茶飲口

位於沙田嘅網紅打卡店，今晚終於都有機會嚟探店喇🎉只係門口呢個打卡位，已經令我心心眼😍睇返餐牌，價錢對合理，而且內容亦都十分吸引，絕對call out 咗我既「選擇困難症」😆場內佈置以鳥籠及藍色花花為主，每個角落都係打卡位，令人非常興奮😆，趁仲未係繁忙時間，人少少就早啲入嚟四圍打卡😝最令我估唔到嘅係飲品都非常多選擇，而且配搭罕見😄松露雞肉牛油果開面三文治～松露味非常濃郁，店家絕對冇吝嗇！當中牛油果非常creamy ，熟成程度剛好，雞肉切成一小粒，十分易入口，呢個菜式可以食得非常優雅😊和風牛肉燒汁旋轉蛋包飯～蛋味非常香濃並且非常嫩滑，蛋汁既層次均勻，牛肉飯亦都非常夠味，沾上燒汁更覺惹味。茉香紅豆鮮奶綠茶配黑糖寒天～紅豆、綠茶呢個配搭，絕對穩陣，加埋微甜嘅黑糖寒天，估唔到有畫龍點睛之感！炭燒烏龍鮮椰奶黑芝麻配寒天～黑芝麻味非常濃郁，用上椰奶襯托非常特別！極推！特飲嘅杯蓋都係一個特別嘅設計，可以開到好大，攪拌飲料至均勻，另外，餡料如紅豆⋯⋯都可以更容易找出，不至浪費👍🏻

適逢假日 同屋企人出沙田行街 因為有coupon折扣關係 就揀左呢間靚靚餐廳試下 黎到唔洗等位就即刻入得上菜速度好快 落單等左大概十至十五分鐘所有餐已經黎齊 先試下賣相好吸引既明太子海鮮麵包薄餅麵包外身烤到好脆 香濃芝士同明太子味都幾好食😋再黎小食 水牛城雞翼 辣度岩岩好 差唔多成盤比我食晒 另外點左三款主食 牛肉旋風蛋飯 屋企人鐘意食但相對 和牛溫泉蛋意粉 我就比較鐘意意粉多啲 肉味香啲 同比較濕潤 幾好食 而另一款黑松露卡邦尼意粉都好味意粉掛滿汁 蛋味提升左個意粉滑既質感同味道 亦都係我favourite 飲品叫左so far so good 同桃汁 個樣好靚 岩晒打卡 個人比較喜歡桃汁味道不過唯一係太細杯 好快飲晒 整體評分都好高 上菜快 環境舒服 菜式好味 同埋店員都好有禮貌⭐️⭐️⭐️8.5/10👍🏻👍🏻👍🏻

同朋友係沙田踩完單車之後搵左呢間cafe試下，主要係運動完大家唔係好肚餓，所以呢間輕食cafe會比較適合星期六夜晚顧客唔少，不過我地比較早食飯所以唔洗點等位，四個人share所以可以每款野食都點黎試下沙律味道正常，不過冇咩擺盤比較可惜，蛋包飯味道唔錯，隻蛋包得幾靚，可以一試，意粉係經典既肉醬味，令我諗起以前細個學校Christmas party果盤意粉，不過係幾好味既，係份量少左D啫，佢個三文治有驚喜，外觀靚，材料足，面包脆，醬料好味，係四個人分要切果下比較麻煩only，後尾再點左另一個味道既都係唔錯，大家可以點黎試下至於飲品我地點左兩杯mocktail黎打卡，個價錢起碼有一半係for個外觀，所以味道只係正常，size亦都唔大，如果唔打卡未必需要點最後埋單接近 700，用左6張openrice個9折既 100蚊券，人均就160左右，不過如果大家係諗住食飽而又唔係細食的話，人均一定過200，所以呢方面就自己衡量啦

同事話沙田新開左間好靚既餐廳，好啱打咭之餘野食仲要好味，所以今晚即刻拉左老公去試。起初老公餐廳門口都懷疑會唔會真係得個樣架，好彩最後佢食完都覺得滿意。餐廳個裝修真係好靚，俾我一個好夢幻既感覺，幾舒服又啱打卡。今晚叫左佢地個招牌菜和風牛肉照燒汁蛋包飯，意大利辣肉腸麵包薄餅。首先蛋包飯個賣相真係一流，果然係佢餐牌所講咁係旋風形容既，好特別，食落覺得個蛋都好滑好香，蛋包飯仲可以有保溫既作用，令個飯keep到暖暖地，入哂牛肉既味道，果然係招牌菜。辣肉腸麵包薄餅，個包底本身好香，加埋辣肉腸好惹味，份量都唔少，唔錯。最後叫左兩杯野飲，伯爵奶茶配黑糖寒天，同埋鮮奶紫薯寒天，兩杯野飲調教個味道都好好，寒天就好似啫喱咁口感好滑好特別，最正係佢用膠杯裝，方便我地可以拎住一路行街一路飲。整體上呢間Sensu都幾好，下次飛甩老公同姊妹行沙田果陣再試先。

難得出沙田，梗係試啲特色野啦～依間餐廳以夢幻藍調花系為主題，粉藍氛圍下有好多不同色調既粉藍植物、烏籠和鳥，好夢幻～我地點左依度既特色蛋包飯 - 和風牛肉照燒汁蛋包飯。熱辣辣出晒煙，上面既滑蛋真係幾滑，加上佢既和風燒汁超香。為左配合炒飯易食，將和牛切粒同炒飯一齊炒，牛肉味濃郁，加上和風燒汁吊味，令味道提升😁麵包、薄餅經常食，但麵包薄餅就第一次見，所以點左 -意大利辣肉腸麵包薄餅🍕原來係一個脆切開後舖上芝士、辣肉腸、紫洋蔥、香草～辣肉腸少少辣，帶肉既咸香，芝士味濃厚配上香草，味道真係幾似薄餅，唯獨佢多一份麵包內裡既鬆軟和脆皮，跟薄餅既口感有分別～老公晚上唔飲咖啡，所以點左杯🍠鮮奶紫心蕃薯配寒天。奶味香濃，加上紫心蕃薯既香，仲有寒天既QQ口感👍🏻而我就當然係飲奶茶系列啦 - 伯爵奶茶配黑糖寒天。上面一層芝士奶蓋味既layer, 下面既伯爵茶香濃，加上香甜既黑糖寒天，仲有鮮奶既香味，依間餐廳既飲品真係調配得唔錯🥰