Shibui 洋食屋 (已結業)

次次經過侯王道都被餐廳的外貌吸引，因為真的與別不同！今晚約同好友吃晚餐，好在朋友有訂枱，否則白行一趟。餐廳裝修以古董復古風，是兩層高日式洋食屋，餐廳播放耳熟好聽的日本歌，氣氛輕鬆舒服。店員非常友善，為我們送上水及餐牌，餐牌分前菜、主食及甜品，我們點了吉列廣島蠔、鰻魚玉子燒伴炒麵，北海道豚肉生薑燒伴飯、焦糖香蕉窩夫配雪糕。吉列廣島蠔一上枱已聞都好香，外脆香口，內鮮味十足而且Juicy，我同友人也大讚好味，想叫多一客。鰻魚玉子燒伴炒麵足料豐富，大大片鰻魚鋪在玉子燒上面，多重口感，配上炒麵食味道好。北海道豚肉生薑燒伴飯份量多，豚肉片有咬口，調味剛好，十分好伴飯！焦糖香蕉窩夫外脆內軟糯，我十分喜歡這個口感，配上雪糕食感覺十分滿足！

是日同HONEY去開九龍城，真的見到哩間昭和STYLE的日式餐廳，真的一入到去，聽住80代的J POP，真的好像去左日本咁，同HONEY點左個鰻魚玉子燒伴炒麵，北海道豚肉生薑燒伴飯，昭和布丁，明太子雞翼，同埋青之空飲品青之空青之空由橙、檸檬、日本柚子雪芭及梳打，真的好靚又打卡~~飲落好清爽北海道豚肉生薑燒伴飯北海道豚肉生薑燒伴飯 飯同餸系分開，同埋份量都好足夠，佢地擺盆真的好靚鰻魚玉子燒伴炒麵鰻魚玉子燒伴炒麵都系少開上，粉麵都好惹味，鰻魚玉子在碟上真的好靚，最鐘意佢餸同都分開，真的容易食好多，明太子雞翼明太子雞翼真的好惹味，同埋啖啖肉味道真的唔錯，邊聽日文歌，邊食野，真的好像去左日本咁，真的好掛住日本的美食YO!

限時75分鐘其實食得非常之趕再加上啲嘢食嘅份量極度之少想食的蛋包飯話冇，但當時只係晚上7點就賣哂根本係一間只係影相嘅餐廳，唔係一家去食餐飽飯嘅餐廳以下的價錢已包括加一服務費計算鐵板和牛太陽漢堡扒 $262基本上呢個餐呢油到爆，高和牛漢堡扒其實一次就幾乎散晒咁滯，至於其他秋葵翠玉瓜都浸油咁唔太好食，咁你食完個飯囉係充斥着油膩感，並唔係一啲好飽肚嘅感覺可樂餅$108覺得性價比唔高，而且最主要就係食得好趕咁，未能好好品嘗，感覺好普通。小食拼盤$108應該成餐飯較為似樣呢碟，新鮮炸起係好食最後食個甜品櫻桃裝飾連影相都唔好睇，個布丁冇咗裝飾真係爭好遠個布丁收得人成$53 ，好hea布甸$53 成餐飯都好bad feeling 叫人倒果水都慢手慢腳咁已經食到成油想快手啲飲水架喇反知黎過一次不想來吧

🔴九龍城昭和風洋食屋·͜· ︎︎門口勁靚！好似去咗第二度旅行咁•*¨*•.¸¸♪打卡度十足(｣ᐛ )｣ ̖́-入到去見到裝修繼續係復古風格˶˙ᵕ˙ )ﾉﾞ 🟠 渋いSHIBUI咖喱吉列十勝豚伴飯🍚豬扒炸得幾好🐷少少似豬柳因為有少少肥??😹 不過配埋個汁/個咖哩食都ok🫱🏻‍🫲🏿椰菜好食係清甜的👍🏻咖哩入面有2舊茄子🍆好食🤭望落份量唔多但其實夠飽·͜· ︎︎🟡 渋いSHIBUI和牛可樂餅🥧即炸又唔會overcook~而且如果一個人食就都幾大件🤣食完佢都飽咁所以記得點醬如果唔係可能會少少膩~建議share唔好獨食🤣🟢燒明太子雞翼🐣即叫即炸熱辣辣少少辣好香口🤭🔵昭和布丁🍮好食！夠濃郁˶˙ᵕ˙ )ﾉﾞ 唔會太淋，反而有少少漿口感唔錯🫱🏻‍🫲🏿🟣菠洱梳打🍍幾特別！包含咗陳皮+普洱+菠蘿同紀洲南高梅~ 飲落酸酸甜甜👍🏻 幾開胃🫱🏻‍🫲🏿冷泡茉莉花茶🍵茶味幾夠，淡淡茉莉花味🌿

♡‎ ♡‎‎ ♡‎ ♡ 九龍城 - shibui 洋食屋 ♡‎ ♡‎‎ ♡‎ ♡‎ 九龍城除咗泰國餐廳外其實仲有好多好野食今次介紹呢間shibui洋食屋好有日式復古感覺好似去咗個小旅行咁門口已經超吸睛我哋食緊嘅時候都見到好多人被門口吸引住餐廳入面啲櫈好似展覽館咁張張都唔同Menu 有好多日式料理太陽鐵板和牛漢堡扒238＋芝士10呢個漢堡扒充滿住和牛濃郁香氣亦有啲脂肪 超好食側邊亦有配菜月光蝶58呢杯飲品好特別 係蝶豆花檸檬汁咁配埋碎冰 飲落酸酸甜甜好醒神焦糖香蕉Croffle配沖繩海鹽雪糕 78喜歡海鹽雪糕咸咸甜甜易入口仲有香蕉 好夾呀◆*．◆*．◆*．餐廳資訊◆*．◆*．◆*．Shibui 洋食屋 (九龍城)九龍城侯王道22號地舖喜歡我嘅分享：請follow, like and share @elaine.eat 🔎冇頭緒：#elaineeat🔎發掘同區美食：#ee九龍城🔎發掘同類美食：#ee日式

九龍城一直都有好多好有特色既餐廳😚之前一直都想試呢間好有日本復古風既餐廳 但原來入面座位係好少 記住去之前要book位😉💕鰻魚玉子燒伴炒麵 $148鰻魚足足有半條咁多😍大大條放左上玉子燒上面🤤滿滿既鰻魚汁好鮮甜 令到玉子燒更加甜🤤一齊食仲更加軟嫩 令到冇淨係食鰻魚咁重味 成件事balance返😋炒麵都好有日本食到既味道 一定要趁熱食‼️如果唔係好易變左一餅野🤣炒麵上面放滿左木魚同洋蔥絲☺️連埋鰻魚同炒麵一齊食又有另一番風味🤤唔錯😚💕SHUBUI咖喱吉列十勝豚伴飯🍛 $178超級引既吉列十勝豚🐷炸得好酥脆 每件都好厚切🤤係比想像中難咬開🥲鍾意既可以沾上少少咖喱汁食 口感更加豐富🤤咖喱帶有微辣 唔係好食辣既朋友其實都會食到😌入面仲有茄子 好得意🤣最鍾意係加左一堆椰菜絲😍淋上左柚子醋 超開胃 可以解下膩😋💕昭和布丁🍮 $48必叫既布丁🥰🥰🥰入口好滑🤤食落去好有蛋香味 好濃郁‼️唔會過甜既焦糖 令到成個布丁更加有層次感✨✨💕青空 $68💕朱古力 $58超打卡able既青空竟然味道都唔錯🥹其實係一杯有橙同檸檬味既藍色梳打🤩再加左一球柚子雪芭🤤店員建議攪勻再飲 成件事超級fresh🥹又唔會好藥水味好甜😌

《SHIBUI咖哩吉列十勝豚伴飯》$175吉列豬扒炸到金黃色 很是吸睛炸漿跟麵包糠製作成厚薄適中鬆脆的外皮 入邊肉汁鎖住 夠鮮嫩配上微酸的椰菜絲 油膩感也得減卻日式咖喱汁帶甜 撈埋日本精米飯食 係洋食屋的名物 咖喱汁唔夠可以再添啊🍛.《芝士牛肉丼飯》$138係Lunch menu其中一員芝士🧀洋蔥🧅炸蒜🧄 讓肥牛增添風味🥓加$48升級 包了特飲和是日甜品特飲是match latte🍵🧊甜品是雪糕窩夫🍨🧇一個滿滿的午餐

屯馬線真的很方便自從開通地鐵線之後，的確多左黎九龍城以往九龍城比人感覺都係食泰菜今次朋友介紹話呢度有間好靚嘅日系洋食屋呢度可以影下靚相門口已經好日系古典建築入到去感覺好夢幻每一個角落都令人讚嘆懷舊電話 小火車 加上小桌燈整體的燈光較暗  氣氛很棒感覺好似置身於拍攝懷舊日劇的場景般又竹仿佛去探訪地道日本人的屋企睇得出店主在裝修設計上花了不少心思 //三式薯條 $68//薯條是即叫即炸😋外脆內軟入口即化，相當有誠意。三式薯條意思是三款醬：SHIBUI醬、黑松露芝士醬、大阪和風醬自己比較喜歡黑松露芝士醬，黑松露味相當突出，非常惹味，食下食下就清空了 //燒明太子雞翼(2pc) $58//雞翼表皮香脆 香味十足入面釀了滿滿的明太子餡口感微辣而香口，明太子控必點！ //咖哩吉列十勝豚伴飯 $175//吉列皮做得出色，十分酥脆豚肉肉質嫩滑，仍然鎖住肉汁令口感Juicy值得一讚咖哩汁分開盛載，可保留吉列的酥脆咖哩汁味道甜而不辣，十分惹味用來點豚肉食及送飯一流，好快就食曬碟飯 //昭和布丁 $48//最後當然要食埋甜品，這個昭和布丁一定要點，日系代表，打卡一流布丁奶滑夠creamy，焦糖味濃又不會過甜

趁放假就約左好朋友去bookmark左好一段時間既餐店食野兼打卡我哋一早book左要黎呢間裝修行日式復古風既洋食屋呢度既裝修的確花左唔少心思，好似走左去日劇既懷舊場景咁我地中午去到，既有lunch set又發現有新菜式既meun，不過我想食既焦糖布甸就售罄，唯有留待下次啦我地最終決定order一份lunch set同單點一份鐵板牛舌芯一齊shareset lunch會包有餐湯同前菜我地要左呢款 鰻魚玉子燒伴炒麵既lunch set鰻魚玉子燒同炒麵係分開呈上，賣相吸引～食落既味道都唔差，炒麵係好傳統既日式澆汁風味，食食下好有食緊大阪燒既感覺而牛舌芯絕對係私心推薦，食落既香又軟，我同好朋友都好岩食跟餐仲可以加錢轉配特飲同有是日甜品添～除左環境之外，就連食物同飲品都非常打卡able希望下次可以試下呢度既焦糖布甸啦

今日同朋友嚟到九龍城，經過Shibui 洋食屋就俾佢嘅門口引住呢～不過未開門嘅關係，我哋決定午餐時間個陣先再過嚟。餐廳入面嘅裝修好似俾返咗去日本一樣 ，放置不少復古傢俱同小裝飾 ，加埋柔和嘅日本歌曲，俾人一種輕鬆嘅感覺。我哋叫咗名古屋風冷湯拌麵、唐揚小食拼盤同芝士旋風雞蛋包飯。 芝士旋風雞蛋包飯唔單止外型吸引，芝士同蛋香味濃，旋風狀嘅滑蛋加埋芝士，口感順滑，而入面包住茄汁炒飯，雖然味道酸酸甜甜，但係成個飯嘅味道好夾呢！名古屋風冷湯拌麵嘅拌麵汁味道特別，有淡淡清香同濃郁嘅鰹魚味，加上紫菜、雞蛋、肉碎、木魚嘅配料，整體口感豐富，好惹味呀～而唐揚小食拼盤有雞軟骨、魷魚同一口脆芝士，上菜嘅時候熱辣辣脆卜卜，又唔會炸得過火，啱晒一面傾吓偈一面食呀！下次可以再嚟食嘢放鬆下

上星期同朋友去咗九龍城呢一間好啱打卡嘅昭和洋食屋，入面環境充滿復古色彩，食物質素都唔錯。🍜味噌奶醬燒雞塊烏龍麵 $128呢個烏冬有驚喜🥰 烏冬同味噌奶醬好夾，creamy得黎又唔會好膩。味噌奶醬調味啱啱好，雞塊燒得好香，肉質嫩滑，仲有洋蔥同雜菇好足料。😋🧡燒明太子雞翼 $58/兩件明太子雞翼燒到金黃香脆，入面漲卜卜，係滿滿嘅明太子🥰🥰 好香口，雞翼啖啖肉，配埋明太子好惹味。🍮昭和布丁$48甜品叫咗呢一個布甸，好香吉士味，入口滑溜，唔會太甜，幾好食。🗻赤 富士 $58赤富士用咗洛神花、玫瑰、雜莓等製成，酸酸甜甜好開胃。

<<日式昭和洋食屋🎋>>.九龍城最多係泰國菜食店/火鍋店，有日行過突然俾一間餐廳門口裝修吸引到，鬧市中見木飾面牆身，帶有一扇窗及和風式木門，睇睇menu 全是手繪設計非常靚，原來食日洋fushion菜，於是bookmark 了，今日係時候幫襯下。.🟥Shibui 咖哩吉列十勝豚伴飯 🍛 $175 🟧吉列外皮夠鬆脆不過厚，總算保持到肉汁，不過如果豚肉厚切d 會更滿足。而咖哩汁加分，先微甜後辛辣，非常惹味撈飯一流.🟨Shibui 可樂餅 $98🟩超厚超大件， 外層脆口內裹塞爆宮崎A4免治和牛。牛味不算太濃郁，但十分juicy 漏哂汁，亦頗膩。.✨重點推介✨🟦味噌奶醬燒雞塊烏龍麵🍜 $128🟪醬汁超creamy濃厚，配上烏冬很滑溜，重點洋蔥絲都炒得香，錦上添花。不過要趁熱食，凍咗個汁會變杰架.⬛甜品：昭和布丁🍮 ⬜卡通片老是常出現的下午茶甜點 - 有粒車厘子的布甸。布甸有豐富雲呢拿及蛋香味，加上忌廉更滑溜。.🟫 飲品🟫✨青之空 $68 飲品美美的海洋藍色超打卡able,味道有點似波子汽水，帶橘子味道，配上柚子雪芭非常清新。.✨赤之富士 $58像紅莓汁酸酸甜甜，

九龍城係以前細個成日都會去嘅地方，但一般去佢嗰度都係食泰國菜為主，今次特別一啲同朋友試一試佢哋嘅西餐廳。喺門口見到佢哋裝修燈光橙橙地暗暗地顏色幾有格調，而且感覺店裏便比較寧靜，適合同知己朋友傾偈談心。今日兩個女仔識主要都係揀咗小食同甜品為主，點咗小食拼盤裏邊有唔同嘅雜物，包括魷魚圈、炸芝士波波、雞軟骨等等……另外點左一款鰻魚炒麵，佢哋做出嚟個賣相好靚，鰻魚好大條，配埋鰻魚汁整出嚟上碟好似一個甜品咁靚，炒麵另外上。最後點做一款甜品香蕉雪糕窩夫，雪糕有濃烈嘅忌廉牛奶味，而其中最鍾意食佢哋窩夫嘅口感好彈牙，兩個人share份量啱啱好每款食材都係一人一半。總括今日嘅晚餐，而家請你講兩人食用，一共只需要$300左右，除返開每人都係百幾蚊，而且西餐廳佢哋嘅份量夠晒多同大份，兩個人我哋都食唔晒，味道方面特別推薦試吓佢哋嘅甜品，我哋今次剪咗其中一款剝褲時，見到隔籬枱都係有點甜品，賣相都好似好吸引，感覺佢哋用心製作賣相精美，而環境方面地方雖然唔算太大，但係感覺好舒服寧靜，而且每張枱都有一定嘅距離，有私人空間嘅感覺，最後店員嘅服務態度都唔錯，總括而言係一間值得推薦嘅西餐廳。

想不到在九龍城除了泰國菜之外，還可以吃都日式西餐廳。我喜歡他們的原因是，吃起來感覺很柔順，風格也很舒適，坐得特別舒服裝潢門面就像在跟日本看到的一樣，格調古典高雅，店內一陣古日本的洋式風格，感覺十分舒適服務正常， 有日本餐廳的水準我自己一個來，就簡單點了一個渋いSHIBUI 咖喱吉列十勝豚拌飯$175質素不錯，炸豬排的份量/厚度剛好，澆上意大利黑醋， 解了一點肥膩感。豬排也不是一味的肥或瘦，而是瘦中帶一點點的筋，外皮十分香脆，不輸豬排專門店！咖哩飯帶微微的辣味，入口以甜為主，拌飯吃超下飯，加上軟稔的茄子，不一會就吃完了！最後加上微酸的生椰菜絲，補充一下膳食纖維很舒適的一人晚餐！

📍Shibui洋食屋九龍城自從有左鐵之後就開多左好多餐廳，尤其係cafe，但呢間Shibui洋食屋主打日式西餐廳，裝修以日系作為主調，有如置身懷舊日式餐廳既感覺，座位唔多，空間感十足，成餐飯都食得好舒服。👅鰻魚玉子燒炒麵 $158鰻魚用左傳統蒲燒汁，上枱都好肥美大件，入口質感都算結實，底下既玉子有燒過，好香好滑，一齊食都好夾，炒麵就係另上，放左大量木魚係面，入面仲加左蘿蔔絲同椰菜絲一齊炒，個人覺得日式醬油味偏濃，但整體質素都唔錯。👅卡邦尼蝦球焗法包 $95總共有四片大法包，每塊既面頭都有好大粒既蝦球，底下既卡邦尼汁都好多，法包沾完卡邦尼汁黎食都幾襯，法包本身偏脆硬，加左卡邦尼汁黎食就更易入口更惹味，而蝦球都好彈牙。👅芝士旋風蛋包飯 $88外表賣相已經好吸引，面頭塊芝士輕輕用火燒焦過呈半溶感覺，蛋完全蓋過炒飯，炒飯味道酸甜，食完都唔會太膩。👅抹茶拿鐵 $58飲品整體合格，抹茶味都足夠，奶底好香好出味，再打左d cream係最頂，打卡一流。👅雪糕迷你窩夫 跟餐+$48窩夫細細個好得意，口感鬆軟，仲係暖暖地，夾住凍冰冰既雪糕一齊食就更滿足。