Simplylife Bakery Cafe (已結業)

今日朋友生日🎂兩個人又唔食得太多，決定入Simplylife 試試😋今日想食得light啲我叫左個🥢香草燒雞肉沙律🥗$138入面包括有牛油果🥑、蘆荀、波菜、杏仁片、煙肉配意大利黑醋汁套餐包括自家製法式麵包🥖、冰茶一杯、同埋是日餐湯磨菇湯，呢度嘅磨菇湯係用新鮮磨打蓉煮成，而唔係勁落麵粉個啲普通白湯，沙律🥗份量好多食到好飽，減肥食呢個一流👍🏻👍🏻

環境同食物質素都好滿意 $100幾左右有湯有野飲 主菜又好食 份量偏少 南瓜湯好濃味 點埋個包一齊食仲正 麵包好脆再加湯中間吸收哂d 南瓜味 非常滋味竹炭魚柳包配薯條魚柳好大塊無雪櫃味 又唔會好多炸粉寬條麵都唔錯掛住d 汁烤魚 相信就咁食一份真係幾唔夠 烤得幾好皮少少脆 仲有魚汁 唔會乾哂整體都唔錯cp值高既西餐 想食好d又唔太貴可以考慮

偶爾吃一下高尚餐廳也不錯今次同事放工 諗住一齊去嘆下好野食黎左附近yoho 嘅simply life 坐落yoho 價錢都唔平100-200 一個餐雖然裝修高尚 但其實坐位好逼 食得唔太舒服大家都叫左all day breakfast 覺得食物有點兒普通同平時平價一半嘅冇分別而且大家都等左45 分鐘先上台 明明個陣冇咩人食 或者佢想等多啲人叫先一次過整其實食材有啲普通 所以冇咩特別評價直得一讚係個南瓜湯好香濃 又creamy 而且都大大碗 都唔錯嘅

情人節正日唔得閒同老公慶祝，所以今晚諗住隨心搵間餐廳撐下抬腳，見呢間simply life無乜人排隊，所以揀黎呢度食。一坐底未叫野食，店員已經為我地送上餐包，呢度既餐包有兩款，而且可以refill，simply life 既麵包一向都出色！餐湯係蘑菇湯，有好濃郁既蘑菇香味，啲蘑菇唔係完全打成蓉個種，係有碎粒係當中，我幾鍾意呢個湯，幾有質感👍🏼Main course 叫左Chicken burger 同安格斯肉眼扒。個burger 食頭幾啖都覺得唔錯既，幾juicy, 不過食食下就覺得有燶味唔知係咪個包烘燶左，扣分！而個安格斯我地叫左五成熟，雖然切開無血水出，但我覺得偏生，應該無5成熟。而味道方面都ok，塊扒quality唔錯最後一定要講個環境，我地只係坐底食野唔夠一個鐘，我竟然比唔知係蚊定係蚤既野咬左膝頭哥4,5啖，越坐越痕！我老公隔住候褲都比野咬！之後杯野都未飲完就要急急腳走人！食西餐比野咬，唔講以為自己去左大排擋！

大年初一同男朋友出去食飯，周圍都唔開，唯有去yoho搵野食，都算多鋪頭開，周圍都基本上坐滿曬，得simply life唔洗等一黎上左餐湯同麵包，麵包非常不錯香口有咬口，分量好多，餐湯不亦俗。晚餐款式不多，連小食都冇最後揀黎揀去叫左一個扒一個飯，冬蔭公海鮮飯$138賣相不錯，可能未夠creamy，比較水同稀，味道有小小辣，卻未見泰式冬蔭公之精髓，相反見隔離漢堡包非常吸引，離遠已經聞到好香而肉眼扒叫左5成，岩岩好。不過表面熟過頭焦左啲，陣苦味太重。但薯條、個醬、配菜都好好味，相比下，主角便失色了，最後埋單$420，下次會試下yoho其他西餐廳

元朗yoho mall呢間simplylife位於地下嗰層，歐洲風格嘅店舖裝修好靚，好吸引人入去食，部份座位延伸出商場感覺空曠。入到去點完餐，店員會奉上一塊麵包，塊面包都幾好食，軟硬適中，食完正餐就好快來到，我就點左一個牛肉漢堡加薯菜，賣相不錯之餘，個漢堡肉汁鮮嫩，除左牛肉之後漢堡入面啲配料都好新鮮。另外個薯條炸到好脆炸到岩岩好整體黎講呢間simplylife真係唔錯，不過價格方便就中價位，唔算便宜又唔算貴，間中約朋友食飯可考慮選擇

星期六放假早餐當lunch，去左元朗yoho商場，simplylife 食野，brunch set有二十款選擇，款式多，每位$118加一，頭盤選擇咗南瓜湯，南瓜湯非常香南瓜味及好香濃，仲食到少少薑粒及果仁細粒，呢間餐廳嘅麵包蛋糕好出名，每日自家製造，麵包香脆內軟，配合無鹽軟綿綿牛油，簡直係回味無窮，次次黎這間餐廳都會食黑松露忌廉闊條麵，因為忌廉非常香濃仲帶出黑松露嘅香，味道非常夾，闊條麵彈牙，推介推介，仲有吾少🉐️一提餐飲配生果茶，好清新又吾甜，感覺健康，而且餐飲大杯，simplylife保持到質素，態度幾好，環境舒服，所以我都成日去！

今日要入元朗買野，係未早餐既情況下加上又差唔多食到午餐時間，唯有合二為一咁處理，係時間充足之下緊係要慢慢慳黎我個lunch啦，一於就黎到simply life，時間尚早，無乜人，而且環境優雅，加上悅耳既音樂，直頭想叫杯Coffee嘆反下，但我無！醫肚反而最緊要，我叫左個Branch Set - 哥達芝士大蘑菇雞肉漢堡，配上南瓜湯、法國麵包、一杯冰茶，湯好濃郁，塗小小牛油沾上南瓜湯，耶蘇光立即出現地照耀著我之後一個流住芝士既漢堡終於到場，漢堡既雞肉應該係用手打，唔會太un，磨菇上盛滿半溶芝士，蕃咖既配搭，真係再一次看見耶蘇光照耀著我啦！薯條炸得又非常脆口，今日午餐果然有得嘆！

今日weekend， 所以我想瞓晏啲， 起身當然要搵嘢食啦！ 聽到同事話「Simplylife Bakery Cafe」好好食， 一於去食個《brunch》先！ 地址: 元朗元龍街9號形點一期地下G009號舖 ， 其實位置都非常方便， 乘西鐵到元朗站Exit K 出口， 步行數分鐘就到啦！ 好抵食 $118 就有餐湯，餐包， 主菜同飲品。 餐湯係《野菌湯》，充滿香濃嘅野菌清香，口感幼滑， 有粒粒嘅菇菇， 口感比想像中豐富， 味道唔錯！ 餐包口感唔錯， 加上牛油， 更加惹味！ 我叫咗個《車打芝士煙肉牛肉漢堡》，份量十足， 材料包括有牛肉漢堡扒、蕃茄、煙肉 同生菜，加上芝士，非常惹味， 好食。漢堡扒好多汁，juicy , 十分好食。 仲有薯條做伴碟， 薯條熱辣辣， 脆卜卜，非常可口。 我有飲咖啡習慣， 所以加錢叫咗杯咖啡，醒醒神！ 嘆番杯靚咖啡， 真係人生一大樂事。 總結， 不論價錢、環境和食物質素，我都十分滿意， 又係Encore之選！

間中都會來simplylife 用餐，去過好幾間不同的分店，水準都是正常的，唯獨元朗這一間，水準真是有問題。是日下午茶叫了個牛油果醬漢堡拼辣薯條，要了杯cafe latte 加大。個Burger 嚟到時，見個賣相真的一般，因為包皮很燶，明顯是焗過時，但吃落不是熱的....又焗燶又放涼才出食物....乜料？薯條的分量也少得驚人😱應該有十條的。牛肉漢堡表面也是烤得燶燶的真是非常失望，不會有下次了。唯獨杯latte 係正常....唉，咁既質素都上枱，真係亂嚟。

追開我post都知，我成日入元朗搵男朋友飲飲食食。港九新界ge simplylife都就快比我食過今日諗唔到食咩又黎到yoho，見到個雞buger就比佢深深吸引住二話不說衝入去。因為唔食得太重口ge野，所以另一樣揀左個松露雜菌忌廉飯。我地叫左1個餐加餐湯。今日係蕃茄湯我每次都必點。碰巧遇上係蕃茄湯，甜甜酸酸，加埋佢地既餐包一流。佢地的麵包係手工包，食落彈牙，而且掛湯能力強，不愛吃包的我都食左1片🔶哥達芝士蘑菇雞肉漢堡 $118 評分9/10包面焗得有點過火，令到佢有d苦味。 呢間分店有別其他，多左炒洋蔥，少d薯條🍟薯條控男朋友有點兒失望😂但係個buger都係一樣好食！啖啖肉ge雞加芝士，如果個包唔係過左火就滿分了💯再黎個飯🔶松露忌廉雜菌糙米飯 $98 評分8/10因為忌廉芝士關係，味道較容易濟。白米糙米黑米的配撘帶出多重口感，但飯粒偏硬，本人喜歡林一點。菇菌的種類多，食到最尾都仲有菇。份量剛好如果自己一個食可能會相對單調 但充夠飽腹，不過有朋友分享就岩岩好

叫了豬扒，牛扒，燒雞，魚和幾款意粉和家人一起分享食! 全部都是唔好食! 尤其是豬扒，干淨淨硬到石頭甘. 牛扒的肉梅過梅菜，魚淡而無味， 最恐怖是他們的歐式面包，如果你排牙唔係鋼牙就唔好試! 而且一點面包香味都冇! 唯獨燒雞味道可以，但是肉質都是如柴一樣。賣單千幾元，質素比快餐集團還要差!他們的手工意粉和飯其實薩x亞比他們好唔知幾多!

今天首次於該餐廳用餐，餐廳内裏裝修充滿歐陸情懷，食物的味道及上菜速度令人滿意，餐廳的員工亦親切友善最重要價格相宜，结賬時得知原來外圍花園位置亦可供客人選擇，一定會相約朋友再次光臨

約咗朋友食個午餐先返工因為有狗仔，所以坐戶外已經有遮，但都好熱，唔記得個太陽會走嚟走去😅再配合埋啲雲，有幾下真係曬到正💧💧pizza好薄皮好脆焗到咁啡但其實唔係好燶咋朋友個雞沙律，雞肉埋藏係菜下面😂差點以為俾少咗蘆筍好大條，不過無食到因為好幾隻烏蠅係咁過嚟分享😩😩我自己點咗雞肉漢堡大啡菇真係幾大不過件雞肉乾得很，又掛住食唔記得影值得一提係用紙飲管朋友話ice tea轉咗係，不過唔知轉咗咩😬😬南瓜湯正常的，最怕麵粉湯！！如果南瓜再多啲就更好坐戶外係幾好，只係熱咗少少同有烏蠅

星期日既中午一家四口揾地方食午餐我表示3個大人，一架BB車接待員:者係4個啦(之後就咁俾左張飛我,咩都冇講)但裡面明明有好多吉位而本身餐廳入口處係比較狹窄餐廳其中一個廚房員工嫌我們阻住通道雖然佢咩都冇講，但面口異常難睇其實講句唔該借借有幾難連做人最本禮貌都冇我有啲懷疑呢間公司請人既準則同條件以後都唔會考慮光顧