Smile Yogurt & Dessert Bar

營業中

休息中

事緣買完一杯乳酪雪糕之後企近門口度食，跟住職員就話唔好喺度食，而且趕我哋走，態度非常差。下次吾會再黎食，之前喺旺角分店度食都冇咁嘅問題，香港服務業差唔係冇原因，所以啲人個個都北上。

同朋友食完飯又心思思想食下甜品🍧就諗起呢間yogurt 😍今次叫左Mango fever🥭想講呢講既yogurt 真係勁大杯，絕對可以當一餐食！頂頂粒芒果雪葩超fresh ,入面仲有芒果布甸，芒果粒等等材料，食完真係超級大滿足😂

Smile Yogurt乳酪雪糕界世一，乳酪味濃亦唔會太酸！雖然大約$60/杯都唔算平，但勝在份量超足，食一杯真係唔使食飯。今次食咗兩款味，分別係左邊A款（Vanilla Sky $54）配料有杏仁酥片、雲尼拿汁、芒果、藍莓、脆粒，好FRESH嘅味道配搭，有啲酸味水果配搭，比較開胃。右邊係G款Mango Fever $69有芒果、芒果布甸、棉花糖、芒果雪葩，全杯都係芒果主題，芒果愛好者嘅可以試下。

天氣雖然好凍～但都無阻想食雪糕嘅心🤣本身想喺西貢食乳酪雪糕～點知去到岩岩Closed😭突然諗起返屋企經沙田～可以去買Smile食🤩今次揀咗Coffee再額外加抹茶麻糬～好好食🤤

天氣回暖，想食返啲凍嘢，Smile Yogurt 由第一間K11店開始食, keep 到一貫水準Wild Summer 菠蘿脆片不太甜，荔枝配Froyo酸酸甜甜好味 用OpenRice餐飲券有八五折下次再試其他味

今日食飽飯，有啲口痕想食甜品！去左沙田新城市嘅smile yogurt 食乳酪雪糕，叫左一杯叫The garden嘅乳酪雪糕試試😋配料好豐富，千層網酥口感有啲類似蝴蝶酥，好濃牛油味，幾香口。荔枝玫瑰汁味道都唔算好出，唔係好食到荔枝味，反而桂花果凍有驚喜，但彈口得黎有少少桂花香，配埋啲雪糕一齊食好正！杯底仲有啲餅乾碎同蛋白脆可以中和番雪糕個甜味。整體都好滿足，但份量比較大杯，建議兩個人share🤤

昨天在此分店預訂了生日蛋糕，問smile yogurt有冇提供生日牌，大量雀斑嗰位中年女店員用非常冷漠的口吻告知有兩款生日牌提供，分別係紅色同粉紅色，想襯返個蛋糕就同佢講想配返粉紅色那款，全個購買過程該店員都係keep住冇笑容冇音調好唔願意你幫襯嘅咀臉。到今日去拎蛋糕，中年女店員繼續貫徹佢冇笑容冇音調嘅服務態度，再指揮灰色年青高大男店員拎蛋糕比我，比蛋糕我check時冇打開全個盒，只係開左一邊，仲要佢係放喺高枱上面比我check，基本上只係睇到蛋糕側邊，蛋糕面完全睇唔到😑咁都算，提佢比個粉紅色生日牌比我，佢哦完一聲都係比返橙色嗰個，由於我覺得佢態度都同女店員一樣，非常一般，所以我專登望下個生日牌啱唔啱，果然兜口兜面提都係錯，叫佢換返比我，佢同女店員都聽到但完全唔覺得有問題，一聲唔好意思都冇。其實成個沙田連城以至新城市都係蛋糕店，蛋糕志在慶祝時開開心心，但拎蛋糕已經令人唔開心，咁嘅服務幾好食都假啦！唔會再幫襯沙田分店，唔想做嘅就唔好做啦，好多人等住有工返！服務想比0星！

行過好想食雪糕，即管試試呢個同Korres聯乘嘅《仲夏養膚希臘乳酪杯》🍽️ (6./10)Components 🧪 -藍莓🫐-焦糖杏仁脆片-Macaron -蝶豆花果凍-餅碎整體其實不過不失嘅，但係個Macaron嘅味好人工甜，而我本身最期待嘅就係個macaron🥺所以如果有下次，我都係揀番Premium嘅choices喇，因為整體都冇乜特別，主要都係餅碎同埋蝶豆花果凍🤣🤣🤣Revisit!?YES💗(但唔係呢隻味)

光看賣相已經非常吸引，定時會推出最新口味。左邊是Passion Love，有朱古力榛子布甸、士多啤梨脆粒、自家製脆粒、紅莓棒棒、士多啤梨、紅絲絨蛋糕以及心形朱古力(HKD75)右邊是Smile 2023，有千層酥網、士多啤梨、士多啤梨脆粒、馬卡龍、黑加侖子布甸、芝士脆粒以及、自家製脆粒 (HKD72)多層次配料，口感不錯又好味，沒有油膩感，即點即製乳酪雪糕香口可滑，酸酸甜甜，消暑開胃。希臘乳酪比普通乳酪多咗一重過濾程序，過濾咗其中水份同乳清，所以味道比普通乳酪更濃郁，蛋白質亦比普通乳酪高兩至三倍，仲含有豐富活性益生菌，有助促進腸道健康，提升抵抗力。

今日咁啱經過新城市，見到這一間乳酪雪糕店，叫了一個vanilla sky，入面有Almond Flakes, vanilla sauce, mango, homemade crumbs同blueberry。感覺食料新鮮，味道不錯，價錢雖少貴，但鐘意食乳酪嘅朋友一定要試試。

📍Smile Yogurt & Dessert Bar經常行過都見到鋪頭門口有好多人拎住一杯杯froyo，賣相好吸引(๑ ́ᄇ`๑)最後都係俾佢哋吸引左入去試吓～選擇有好多！對於有選擇困難症嘅人嚟講真係一大難題φ(ﾟ-ﾟ=)🍽食物👍🏻I Love Green Tea $68 7/10✨第一層係芝麻片、糯米糍同brownies，全部都係綠茶味～綠茶/味唔算太濃，帶少少回甘，糯米糍同brownies都有啲偏甜，不過因為個base係原味yogurt，甜度唔高帶點酸酸maymay，所以整體幾夾～煙韌嘅糯米糍同厚實嘅brownies 令成杯嘅口感更豐富～✨中間有一層係綠茶布甸，呢層冇咁甜，綠茶味都突出左，軟滑嘅布甸又令成杯層次提升左～✨最後有自家製脆粒，有啲似木糠布甸，整體同Yogurt都好夾～✨成杯真係好足料！自己食晒一杯之後可以連飯都唔洗食🤣同埋froyo真係買少見少，好懷念以前可以自己唧Yogurt然後toppings加爆嘅年代🥹（出賣年齡系列）而家雖然唔可以自己唧，但係食一啖啲回憶返晒嚟～～（轉圈圈）👛人均消費 ~$68(冇加一)⏱冇限時

最近天氣太熱，小編重新迷上咗𝚂𝚖𝚒𝚕𝚎 𝚈𝚘𝚐𝚞𝚛𝚝近呢兩個月起碼食咗𝟺、𝟻 次！ᕕ( ᐛ )ᕗ➜ 𝙵𝚘𝚕𝚕𝚘𝚠 𝚑𝚔𝚏𝚘𝚘𝚍_𝚗𝚘𝚝𝚎 𝚏𝚘𝚛 𝚖𝚘𝚛𝚎-♡𝚂𝚖𝚒𝚕𝚎 𝙲𝚘𝚏𝚏𝚎𝚎 $𝟻𝟺個𝚢𝚘𝚐𝚞𝚛𝚝 𝚋𝚊𝚜𝚎 係一如既往嘅好食～曲奇同啫喱食落都有香濃咖啡味一𝚍 都唔敷衍(≧◡ ≦) ♡推介畀想食甜點又怕太𝚑𝚎𝚊𝚟𝚢 嘅你🫶🏻

試過好多乳酪雪糕都係偏酸既。但依間既乳酪雪糕一D都唔酸，仲好好食😆😆而且門口會放D雪糕模型係度，好吸引🤤🤤🥢Wild Pineapple $52有塊菠蘿脆片插係乳酪雪糕度，菠蘿脆片有D薄，食到淡淡既菠蘿味。個面會淋左D紅桑莓汁同荔枝肉，酸酸甜甜咁，幾夾。中間個層有芒果肉同自家製脆粒，甜甜既芒果同脆粒加埋個雪糕一齊食，好有口感🤤令人食完一啖再接一啖，停唔到落黎😋🥢Vanila Sky $52有塊杏仁脆片插係乳酪雪糕度，杏仁片好香脆，幾好咬😆個面會淋左D雲呢拿汁，令到杯雪糕更香雲呢拿乳酪味。中間個層有芒果同自家製脆粒🤤最底個層係藍梅，但藍梅就酸左少少。評分：味道：⭐️⭐️⭐️⭐️⭐️️環境：⭐️⭐️⭐️⭐️整體：⭐️⭐️⭐️⭐️————————————————————————

Smile yogurt已經係開左好多年，都算係乳酪雪餅既始祖👍🏻前排經過好想再食返多年無食既味道，所以就簡左款classic既試下🤣✨The Garden 當日因為咁岩無左紅梅棒，就用左蝴蝶酥黎取代 味道岩岩好，唔太甜又唔太酸 味道同配料夾得好😋桂花啫哩好清新，夾埋酸酸甜租既乳酪雪糕就岩岩好👍🏻坦白講價錢唔算平，不過如果偶爾掛住乳酪雪糕，或者經過口痕想食，都係值得一試😆擺盤咁靚仲可以用黎打卡Tim🤭

以前係街食親乳酪雪糕都係偏酸，搞到對乳酪雪糕印象麻麻，同女朋友行街經過，佢話好好食，咁就試下啦叫左autumn treats，但係我發現原來Menu係冇呢樣野🤔可能係新出Autumn Treats ($62)上層有杏仁脆片同埋朱古力糯米糍，中間個層有栗子果肉，最底個層係芒果。呢杯野真係一路食一路有驚喜，首先佢嘅配料好好食，杏仁片好脆又香，仲要好大塊，好足料，加埋芒果醬同朱古力糯米糍又幾夾，最驚喜係食到下層有栗子同芒果肉，覺得好fresh，係估唔到呢兩樣野係可以咁夾，好特別好好食😋差D漏左重點，就係佢嘅乳酪雪糕一D都唔酸，同埋D配料一齊食簡直係Perfect match，望住杯雪糕相又想食🤤