Sole Coffee (已結業)

店名/Shop Name：Sole Coffee (元朗)地址/ Adresss: 元朗鳳攸北街11-15號益發大廈地下19-20號舖種類/Type：Café 下午茶推介/Recommend：超好味的tiramisu coffee, 甘香鬆脆黑松露薯條，creamy牛油果多士，超正的下午茶！大滿足！幸福滿滿！#solecoffee人均價錢：$100-120/人白色門面大玻璃窗，使店內裝修充滿空氣，提拉米蘇咖啡是一種豐富、順滑的咖啡口味和奶油、甜味提拉米蘇混合而成的豪華、奢侈的飲品。咖啡本身通常是濃郁、強烈的口感，帶有巧克力和焦糖的味道，而加入提拉米蘇的味道，如馬斯卡彭芝士、可可粉和手指餅乾，創造了一種豪華、柔滑的質感。提拉米蘇咖啡的香氣溫暖、誘人，帶有香草和濃縮咖啡的味道，令人垂涎欲滴。總的來說，提拉米蘇咖啡是一種美味而精緻的飲品，非常適合喜愛咖啡並追求優雅、精緻飲品的咖啡愛好者。 黑松露薯條炸薯條配上黑松露醬是一道令人垂涎欲滴的美食。炸薯條本身酥脆可口，外焦里嫩，搭配上香氣濃郁、口感豐富的黑松露醬，更是一种美妙的享受。黑松露醬的香氣獨特而迷人，帶有地道的黑松露味與奶油、大蒜等香料的完

行過路過 , 天氣酷熱 , 就入去這間 "Sole Coffee" 飲杯凍啡 , 降一降溫 ~Iced Americano : 號稱得獎的咖啡 , 味道當然會比一般連鎖咖啡店的出品略勝一籌 , 杯咖啡的味道偏向 nutty, 但飲落卻沒什麼變奏 , 味道偏向單調 ~牛油果多士 : 很不錯的 presentation, 多士是酥脆香口 , 牛油果也給得不孤寒 , 配上芝士 , 口感層次和味道都豐富 , 也是非常健康，好吃 ~慢煮雞胸肉牛油果三文治：個 presentation 都是靚的 , 看上去很豐富，咬落口，更感滿足，雞胸肉夠軟嫩，配上牛油果實在是 perfect match, 正 ~Sole Coffee本篇完 ~

平時去開啲Cafe，意粉通常夾兩條就冇，呢一度間Cafe真的是男人份量，就算兩個男人來食都一定足夠。我們喜歡lunch time到這裏，因為有意粉又有三文治選擇，多過就咁早餐。這裏很有心思，每日都會有驚喜，今天的就是黑芝麻latte ，跟餐叫都是加$30。另外，一定要試吓佢啲薄荷葉水，非常之清新，又要解渴。第一個一定要叫的午餐set lunch是牛肉三文治配薯條，牛肉並不是漢堡扒，而是真正A級美國牛肉，食起來很有牛肉味之餘，亦不會泰銀，非常之性價比高。薯條份量真的多，對比起其他餐廳通常只係得10條以內，呢度真的是男人份量。牛肉絕不吝嗇，每件三文治都有三層牛肉，口感非常豐富，仲有一定要試吓這裏提供的芥末，是著名英國品牌，非常配合。菠菜意粉配三文魚整得一點也不油膩，不會很多醬汁，而且意粉份量10分足了，除咗上面的三文魚之外，原來意粉入面都有切碎的三文魚，非常豐富。一朵三文魚花有兩塊三文魚。飲品方面，綠茶latte 茶味香濃，而且拉花10分精緻。Mocha 口感10分濃厚，密度高，非常之香滑，這個真的是必叫

元朗人氣Cafe，提供全日早餐，令大家無論早午晚時段惠顧，都可以食到優質既早餐。Combo set：牛油果蓉、多穀麵包多士、水波蛋、煙三文魚、竹炭多士，荷蘭汁，合時沙律，幼露荀。牛油果蓉口感幼滑，水波蛋又圓又滑；竹炭多士烤得香脆，淡淡炭香味好特別；露荀幼嫩好食。Deluxe All Day Breakfast：有2x煙肉片、2x坎伯蘭腸、烤大啡菇、車厘串茄、煙三文魚、黑松露炒蛋、薯餅及多穀麵包多士，非常豐富。炒蛋夠滑溜，黑松露香氣獨特；大啡菇好軟滑；薯餅酥脆；多穀麵包多士鬆軟。Dirty：入口嚐到Espresso強烈既味道，並感受到熱濃縮與冷牛奶的雙重口感，非常有層次。Matcha Latte：好香厚濃郁，且有淡淡苦澀抹茶味，優質醇香，口味絕佳。藍莓鬆餅和朱古力鬆餅，兩款都好滋味，配咖啡一流。總結，餐廳食材高質，食物用心製作，份量大，性價比高。

🌈元朗地膽出動•chill 嘆咖啡系列☕️🌟用餐體驗：誤打誤撞之下見到雞地附近呢一間cafe，餐牌食物豐富，價錢亦都好合理，又全日早餐、亦都有小食提供👏🏻。今次食完午餐嚟，淨係試咗一杯美式咖啡， 咖啡豆味濃郁，味道亦甘香，尚算不錯，個人喜好會鍾意更有苦酸味不過整體來講都算唔錯。🌟地理位置：鄰近元朗雞地附近，如果外區人嚟嘅話喺元朗站落車行過嚟大約10分鐘。🌟環境裝修：整體來講都算好舒服，但係店面唔算話十分大，如果追求非常大座位或者好多打卡位， 依家小Cafe就未必合適。

有一日朋友在OpenRice 見到呢間餐廳吾錯，所以就book 左位黎試吓。 去到吾算多人，吾駛等位就可以入座。環境都唔錯，幾有文藝氣息，文青可以過嚟打卡，不過舖頭可能比較細，只有幾張枱，同埋啲枱比較細，可能一次唔可以點太多嘢食，不過都係乾淨企理。 然後就攞Menu揀嘢食，Menu設計比較簡單，同埋啲嘢食係買完之後再送過嚟。我同我朋友叫咗Tiramisu咖啡，熱朱古力奶，Avocado Smash, 慢煮美國Prime 級下肩胛翼板肉三文治配薯條，日式蟹膏醬松葉蟹肉忌廉意大利粉同埋加咗煙肉。 首先講吓Tiramisu coffee，非常特別，打卡一流，食物都不過不失。 而朱古力奶就係普通味道，朱古力味唔夠濃。 接著講吓Avocado Smash，牛油果醬🥑都算新鮮，麵包夠鬆脆，配菜有蘆筍，算有啲配搭。 另外關於慢煮美國Prime 級下肩胛翼板肉三文治配薯條，牛肉係厚切有口感，但係肉汁未夠。薯條都不過不失。 最後，日式蟹膏醬松葉蟹肉忌廉意大利粉非常唔錯，醬汁配搭得野味，蟹肉都捨得放，對於鍾意食蟹嘅人來講非常唔錯。不過煙肉可以唔使叫。 總的來說是一間不錯吃的舖頭。

估唔到元朗都有咁高質嘅Cafe，可以話係隱世Cafe，因為都幾難搵，但係其實係西鐵站行過去唔係好遠距離大概5分鐘路程，絕對值得入嚟試一試。下晝2:00嚟到，餐廳依然好多人。見到餐廳有主打慢煮雞肉等等嘅食材，亦有好多精美嘅all day Breakfast同埋意粉。今日叫佢其中一個有水波蛋嘅all day Breakfast，特別之處在於仲會有竹炭多士。食材都好高質素， Cafe用上日本新鮮雞蛋煮出嚟嘅水波蛋非常之新鮮，流心得黎唔會一切就跌走晒啲蛋黃，煮到啱啱好，連埋Bacon一齊食非常之香。大啡菇煮完之後都保留咗好多汁。沙律落咗啲藍莓同埋蕃茄仔撈埋啲酸酸地嘅沙律醋，十分之開胃。嘢飲方面，見到有一個Tiramisu 咖啡，好特別未聽過，所以叫咗一杯試下。原來係杯上面有1塊手指餅，咖啡上面鋪咗一層Tiramisu嘅味道,溝埋咖啡一齊飲，非常之特別，好有新意，值得再幫襯！

📍Sole Coffee元朗鳳攸北街11-15號益發大廈地下19-20號舖.今日同老公放假去咗呢間cafe食早午餐chill下😎，第一次食好有驚喜❣️野食同咖啡☕️都好正🤩🌟Deluxe All Day Breakfast $118呢份All Day Breakfast份量好足，有2x煙肉片、2x坎伯蘭腸、烤大啡菇、車厘串茄、煙三文魚、黑松露炒蛋、薯餅、多穀麵包多士，全部都好好味，飽足感十足😍🌟日式蟹膏松葉蟹肉忌廉意粉 $118日式蟹膏松葉蟹肉忌廉意粉嘅醬汁好香濃，蟹肉好香蟹味又滑嫩，意粉煮得剛好👍🏻☕️Dirty CoffeeDirty Coffee 既材料同製作看似簡單，只需要Espresso 與牛奶，但原來沖調一杯好既Dirty Coffee亦好需要技巧，一定要夠慢咁將Espresso 加入牛奶入面先可以做到不規則既紋理，而呢杯佢做到層次分明，好飲呀❣️☕️Tiramisu Coffee呢個我一睇Openrice就已經覺得用黎打卡好靚呀🤩我以為會好甜，入口又唔會好甜喎，有咖啡香味😋正呀❣️

{煙三文魚牛油果三文治 $90}我吾食牛油果的 於是問下店員可否走牛油果多啲煙三文魚店員好好人 特別幫我整🥰超！好！食！包暖暖的而且少少脆煙三文魚配合蕃茄生菜 冇得輸三文治還配上沙律同蘆筍🥗{Tiramisu Coffee $48}賣相一流 適合打卡手指餅上灑滿可可粉厚厚的Tiramisu Cream配上齋啡 味道剛剛好 吾會太甜或太苦 📍Sole Coffee (元朗)元朗鳳攸北街11-15號益發大廈地下19-20號舖環境: 舒服 寬敞

慢煮美國PRIME 級下肩胛翼板肉三文治配粗直薯條 $138依個afternoon dining 好豐富。有柚子醋嘅沙律，薯條同埋主菜，三文治。三文治用咗意式軟包，加熱完之後外脆內軟同下肩胛翼板肉係perfect match。餐牌比㕑三大塊下肩胛翼板肉，每一啖都好清楚咁食到成個餐嘅主角。牛煮到七成熟，咬落去好嫩滑。柔軟度好高，細筋路。菠菜忌廉煙三文魚意大利麵$98呢個意粉嘅忌廉菠菜醬係餐廳自家製。將菠菜、忌廉、菠菜仲有蒜頭打成蓉。食落去好新鮮，同埋唔會太黏，食得出餐廳嘅用心製作。意粉仲有熟煙三文魚碎，同埋兩大塊煙三文魚片。每一啖都食到Homemade菠菜醬同埋煙三文魚嘅鮮味。Hojicha latte $45 焙茶比起煎茶同埋綠茶咁有香味。佢嘅甘醇同埋拿鐵嘅奶香blend 得好好。而且依杯飲品嘅咖啡因味唔重，下次黎會再叫！

🚩☕️☕️☕️☕️🚩去元朗最適合就係慢活坐低飲杯咖啡😋今次去咗呢間咖啡店，見到佢餐牌有signature coffee, 即刻想入去試吓😉1. Iced Tiramisu Coffee $48只有凍既tiramisu 咖啡, 淨係佢個樣都冇得輸，飲落都唔差好重咖啡味2. Hot Cream Brûlée Latte $40起初以為佢好甜，但係加埋咖啡啱啱好中和左面嗰層嘅焦糖，咖啡亦都好香濃😍係我鍾意嘅味道3. 黑松露薯條 $58即場整嘅薯條黎到熱辣辣，超香，超好食，食唔停

不用解釋，相信不少朋友在過去幾年都用了不少外賣送餐服務。疫情之前，我還真是從來沒有用過那幾個大送餐服務平台，連他們的app也沒有裝。在餐廳用餐最起碼食物熱辣辣，老遠送到來屋企的，賺了方便慳了車錢，但食入口吞落肚的感覺，不能跟餐廳現場比較吧。公道一句，外賣送餐服務平台、餐廳的外賣安排、外賣員等等在整條供應鏈工作的朋友都好艱辛，好努力地持續提升服務和質素，這方面我很感謝，特別是在疫情持續不穩的年代，確實辛苦了。這段時間透過網上外賣平台幫襯過不少外賣，甚少遇上在網絡上看到的各種申訴，很多時更覺得比預期的好，可能是我住的地方雖然偏遠但不太繁忙吧。這間元朗區的sole coffee ，基本上我每個星期日都會外賣幫襯，包裝、新鮮程度和溫度、味道、食物質素樣樣都好，從未失望，這個自選 all-day breakfast 組合而成的brunch，有贊無彈。有機會還真想去餐廳試一試咖啡的水準如何。期待！有這間優質店，元朗區的朋友真幸福。

朋友話見到人打卡好靚，想試吓呢度杯Tiramisu coffee，就一齊去🏃🏻🏃‍♂️地方不算大，座位擺枱舒適，全白裝潢乾淨俐落，有窗口位可以望吓街景，天氣好時有陽光射入嚟感覺舒適🌞食物menu以三文治、意粉等輕食為主🍽️「煙三文魚牛油果三文治」($90) 🌮 有牛油果、煙三文魚、生菜、蕃茄，包得好實，唔會輕易一咬就散開 ✨煙三文魚新鮮，份量唔少，口感肥美，味道唔會過份鹹；牛油果🥑口感幼滑，生熟程度完美👏🏻麵包軟熟，生菜新鮮清爽；味道調味適中，口感豐富，相當飽肚，值得一試💫「All Day Breakfast Lite」($90) LITE都已經幾豐富😄有薯餅、太陽蛋、靚靚車厘串茄、酸種多士同埋烤大啡菇，另加$15加咗坎伯蘭腸；蛋可選炒蛋或太陽蛋，今次揀咗太陽蛋，可以有蛋黃汁🍳Sourdough外邊硬脆，帶麥香，好有咬口，係我鍾意嘅口感😋上面搽滿creamy嘅牛油果碎🥑好食👏🏻「Tiramisu Coffee」($48) ☕️入口咖啡味同tiramisu味比例啱啱好，鮮明分層，cream好滑，濃郁順口，上層朱古力粉鋪滿整個杯面，成個視覺夠哂😊同一時間飲到coffee又食到tiramisu，非

今日在元朗玩，經過呢間裝修簡約既Cafe, 睇menu 見有最愛既牛油果多士，所以毫不猶豫入左去，叫左一份牛油果多士，一份All Day Breakfast, blood orange, 同一杯凍cappuccino。等唔夠5分鐘就有食物上啦，牛油果多士鋪好厚既牛油果蓉，好正吖，側邊仲配新鮮既沙律菜，配搭好fresh 既blood orange, 好正！All Day Breakfast有水波蛋配煙肉，大啡菇同沙律菜，仲有備長炭多士。味道好好，Cappuccino 好香，多士好新鮮好脆口，不過水波蛋煮過左龍，蛋黃熟左咁。整體都好食，值得推介！

Sole Coffee (元朗)📍元朗鳳攸北街11-15號益發大廈地下19-20號舖今日放假一個人去咗Sole Coffee，試咗佢哋嘅All day Breakfast Deluxe🥪🥙。呢度環境簡潔舒服😌有文青feel，岩哂放假靜靜地喺度嘆杯咖啡☕️食吓嘢放空下。食物方面有驚喜，令人十分滿足！All day Breakfast Deluxe包含煙肉片🥓、坎伯蘭腸🌭、烤大啡菇🍄、松露炒蛋🍳、烤多榖麵包多士🍞、炸薯餅🥔、烤車厘茄串🍅同煙三文魚🐟。所有嘢嘅份量都係好豐富，令人好有飽足感。煙肉片同坎伯蘭腸都係好香口😋烤大啡菇嘅口感香軟多汁唔難咬。松露炒蛋真係香滑足料又大份，令人驚喜😻烤多榖麵包多士同炸薯餅都係好脆口，可以夾住食。烤車厘茄串多汁，而且冇酸味又可以解膩，正🤩同煙三文魚都好新鮮，香軟好食。而整體擺盤都令人欣賞👍👍飲品方面我試咗佢哋嘅Ice Americano coffee☕️喜歡咖啡既淡香，凍感咖啡岩哂炎炎夏日，令人好有精神😌推薦佢哋嘅All day Breakfast Deluxe同佢哋嘅Ice Americano coffee。好食，環境又舒服，值得一試同去打下卡！