SONIA COFFEE

營業中

休息中

Sonia是和洋咖啡廳，設計使用溫暖的木質材料，搭配柔和的燈光，營造溫馨的氛圍。吊燈帶獨特藝術感，坐在舒適的沙發，背景音樂柔和，服務人員親切友好，讓人心情愉悅，適合靜靜地享受一杯咖啡。和風咖喱吉列海老蛋包飯和風咖喱濃郁，香以不辣，滑嫩的蛋包，掛滿咖喱的香氣，風味十足。酥脆的吉列海老，外脆內彈，感受到日式料理的魅力。和風全日早餐全日早餐豐盛吸引，酥脆的窩夫，倒上楓糖醬，香甜可口。蕃茄酸爽多汁，讓人開胃。厚身的香腸，肉汁油潤，炒蛋十分滑嫩，和吉列魚柳的酥脆形成對比。可樂餅填滿甜甜的南瓜蓉，香甜軟糯。加上野菜沙律，清新又滋味平衡。蒜香鰹魚蜆肉意粉意粉入口煙煙韌韌，香氣撲鼻，蜆肉彈牙鮮甜，蒜片為意粉增添了惹味。鰹魚的鮮味醬汁，令人垂涎。焦糖忌廉布丁震騰騰的日式布甸，表面的奶滑忌廉，及聖誕樹脆餅，打卡一流。入口蜜甜香滑，沾上黏甜焦糖醬， 🍮啖啖濃郁蛋香，讓人回味。

好快到聖誕節，商場週圍洋溢節日氣氛。時不時都會嚟呢個商場做嘢，次次經過呢間café都諗下一定要嚟試下見今日時間鬆動啲、卒之可以坐低食嘢喇。餐廳裝修深桃木色主調好襯Xmas氛圍■ Japanese All Day Breakfast 和風全日早餐~ ADB 基本配搭齊全，有香口炸魚柳，好甜嘅南瓜餅，waffle口感偏硬幸好中間都軟熟。我鍾意沙律中有清爽青蘋果片、蘿蔔同薯仔中和返炸物嘅熱氣，仲有沙律菜，蕃茄同腸仔■ Garlic Clams and Bonito Flakes Pasta蒜香鰹魚蜆肉意粉～ 意粉口感okay無煮到淋，蜆唔大隻勝在無沙。有炸蒜片和鰹魚片佐味，整體味道走向甜■ Soy Bean Warabimochi with Black Honey黃豆粉蕨餅配黑蜜～ 有別於平時食開嘅蕨餅口感，呢個係集軟腍於一身黑蜜汁幾甜、建議先唔好倒太多，按自己口味去調節份量■ Okinawa Blisck Sugar Latte 沖繩黑糖鮮奶咖啡 (本店限定)～ 見得呢間分店有嗌嚟飲下。拉花工整奶味幾順滑甜度唔低，自己鍾意甜食覺得還好

臨近聖誕，這間餐廳已經佈滿聖誕裝飾和播放聖誕音樂，很有聖誕氣氛。 侍應服務態度很好，會主動幫客人添水。我們點了以下食品：和風自家製極上牛肉漢堡雞包飯可以選蕃茄汁或咖喱汁。我們選了蕃茄汁。蕃茄汁是用蕃茄壓碎而成。牛肉漢堡味道不錯。上面鋪了芝士粒和芝士醬。蛋包飯上還有一些香草粒。蒜香鰹魚蜆肉意粉賣相很精美。意粉上面有蒜蓉蘿蔔絲和香草。蜆都幾大粒，大概有10隻。上面有一些脆口炸蒜片， 配搭落蜆肉很惹味。宇治抹茶鮮奶熱的抹茶latte，抹茶味比較濃郁，就像人生充滿美景濃郁感，抹茶和奶味平衡，質感香滑，顏色綠色自然，並帶很濃嘅奶香和沒有苦澀感。黃豆粉蕨餅配朱古力醬這個蕨餅是我們的甜品。蕨餅鬆軟煙靭，感覺亦很清涼。面頭有一些黃豆粉 ，配朱古力醬很好吃。

今日突然間想食日式cafe，想起愉城有一間cafe好想試好耐，咁啱朋友過嚟搵我攞嘢，所以我約佢收工一齊食晚飯。深啡色嘅枱櫈，全面嘅牆壁也是以同色系木板耳邊響起日本電玩音樂，到時以為自己去咗日本旅行。見到有隻狗狗乖乖的陪在主人腳邊，我問店員，她回我說，牠是導盲犬，所以畀佢入店。其實如果好似愉城咁大嘅商場，空間夠多，可以容許寵物進內的話，應該會大添客路。我哋點咗兩個主食和兩款甜品。和風全日早餐，餐牌寫了窩夫，烤蕃茄，和風薯仔沙律，和風香腸，吉列魚柳，滑蛋，可樂餅，野菜沙律。有薯仔，煮淋左紅蘿蔔，青瓜粒，青蘋果粒，撈上沙律醬，上面灑了少少香草。野菜沙律伴上柚子醬汁櫻花蝦照燒雞肉野菌竹炭燴飯，入面有些切粒雜菌，洋蔥碎粒，口感有啲特別，飯粒喺咀嚼嘅期間，有些沙沙聲出來。雞肉也是切粒粒的，沒有很硬，櫻花蝦提鮮，整體營養價值高，大人細路都岩食。忌廉焦糖吉士布丁，上面有著聖誕老人和聖誕鹿角，好有節日氣氛，朋友剛好聖誕離港，就當我同佢預早食聖誕餐。味道方面，好喜歡它的焦糖，布丁好滑，讓人想一食再食。黃豆粉蕨餅配黑蜜，蕨餅有啲冰，要放至十分鐘左右才食，它沒有我想像中煙韌，有點像食軟糖，黑蜜是不錯。兩者比較

💫蒜香鰹魚蜆肉意粉 蜆肉新鮮飽滿, 搭配上柔韌口感意粉和蔬菜絲, 散發出濃郁蒜香味, 蔬菜絲的清脆與蜆肉的鮮美配合得好好, 每一啖都充滿左海鮮的鮮甜與蒜香的撲鼻, 更加豐富多層次👍💫和風自家製極上牛肉漢堡蛋包飯 賣相好似熔岩咁, 好吸睛呀😍用刀切開時, 蛋液輕輕流出, 底下的飯香噴噴, 與茄汁茄膏融為一體, 嫩滑多汁的極上牛肉漢堡, 肉質鮮美, 經過調味後, 啖啖肉汁超香, 好滿足幸福☺️💯🥤沖繩黑糖鮮奶咖啡未飲已經聞到濃濃的黑糖味, 香氣好突出, 獨特的甘甜和淡淡的焦香與咖啡的苦味岩岩好, 入口細滑, 味道香濃, 好溫暖🤗🥤沖繩黑糖朱古力沙冰黑糖的獨特風味與濃郁的朱古力好夾, 沙冰細膩順滑, 入口好rich👍

去荃灣IKEA買完野於是喺附近搵地方食晚餐，喺愉景新城搵到呢間日系cafe就入去開餐喇店舖內已經換上聖誕裝飾，節日氣氛十足。當日大約六點鬆啲入座，安排坐梳化位幾舒服。我哋兩人叫咗兩份主食，揀咗一份甜品布丁後上，仲有一杯桂花烏龍冷泡茶。清香嘅桂花烏龍茶叫咗一份餐廳signature嘅極上牛肉蛋包飯，可以揀茄汁或咖喱汁，我哋就揀咗茄汁。拳頭咁大塊嘅漢堡扒上面鋪咗香噴噴嘅芝士，賣相都好吸引。 第一啖食到酸甜嘅茄汁，唔係誇張，即刻流晒口水 漢堡扒肉味都好香，我就鍾意一啖有齊漢堡芝士滑蛋茄汁同飯咁樣食！另外點咗一份香蒜蜆肉意粉，意粉濕潤度啱啱好，亦充滿蒜油嘅香味，仲有乾脆嘅蒜片，有唔同層次嘅蒜蓉味。蜆肉味道就稍為淡少少，不過份量都唔少。最後上埋甜品，焦糖吉士布丁，裝飾充滿聖誕feel，上面紅色綠色嘅餅乾又靚又好食。焦糖布丁滑溜香甜，為呢餐畫上完美嘅句號。

之前食過三次係下午飲咖啡食甜品都可以，這次晚餐體驗極差。叫左幾份晚餐，餐牌上明明寫凡惠顧晚市套餐附送一杯茶，另加$28就有湯、沙律及餐飲。我們有一份有加有幾份冇加$28，一路等都冇比茶，我問個女侍應佢話要加$28先會有埋杯茶。我話餐牌明明唔係咁寫，佢仲堅稱個晚餐餐牌唔係咁理解，我回佢話餐牌咁寫好誤導，她仲話咩唔關佢前綫事。大佬，我貪你杯清茶咩，但心裡實在很谷氣。我唔想家人都唔開心所以忍住唔爆，不過我必定要在這裡劣評這間餐廳，以後冇下次。

係門口冇見到寫有最低消費只見到寫限時90分鐘點嘅嘢食到咗先講「每人至少一個item」仲要個語氣好隨便又勁細聲我只聽到佢話乜乜乜item後尾自己估係講每人至少要點一份然後我到處望邊度有寫搵咗一陣，個QR點餐網站入面都唔見有其他餐廳一入來都會同你講返或者貼係顯眼嘅地方或者個QR網站入去點餐時會一入去就見到點知佢貼係個板後面邊個會特登去睇板後面先？嘢食都一般 同其他餐廳差唔多建議仲不如光顧其他餐廳食咗咁多間餐廳第一次認為需要po吐嘈

已多次同同事去 Sonia Cafe 食lunch，今次食咗吉列蝦咖喱飯，但最鍾意都係食佢個咖喱吉列豬扒飯，我覺得呢個飯最好食， 同埋佢杯rose latte 都幾好飲，今日比較肚餓，叫多咗個黑糖mouse蛋糕，但係覺得有D甜， 配咖啡岩曬.

星期六返荃灣西興趣班，約埋好朋友👫去愉景新城一齊玩，玩之前一齊食晏，約咗Sonia Coffee，walk-in都有位，大約3成滿，原本俾咗中間位，但我要求坐卡位方便小朋友👧🏻。等齊人就QR code落order，我地叫咗兒童餐A蟹棒奶油意粉🍝（$78），意粉🍝都吸引，仲有炸雞🍗皓食同小丸子，果汁🍹揀咗菠蘿🍍汁，雞皮餃子🥟（$28），脆皮皓皓食，主食叫咗和風吉列蠔蛋包飯和風甘口咖喱🍛（$88），蛋滑，蠔同咖哩一般，飯🍚食唔哂，甜品🍮叫咗靜岡抺茶小豆配豆腐雪糕🍦法式吐司🍞（$68），份量唔多但夠食，有紅豆有蕨餅，吐司🍞可以😌再脆d，咖啡☕️叫咗熱沖繩黑糖鮮奶咖啡（$40），大杯有拉花但冇乜黑糖味。朋友👫叫咗兒童👧🏻餐A、抺茶latte($48)同靚岡抺茶小豆配豆腐雪糕🍦窩夫🧇加豆腐雪糕🍦（$113），不過豆腐雪糕🍦加$15

一直想試下呢間來自名古屋過江龍cafe, 出名飲咖啡，行街見到有lunch set menu, 有沙律，蛋包飯，牛丼等等，一於試下先😊餐座位不多，但裝修復古優雅，落單要用QR code自己落單⭐️和風吉列海老蛋包飯可以選和風咖哩汁或明太子白汁，我選左咖啡汁，我覺得蛋包飯都係要配咖哩先夾😂有4隻炸蝦，熱辣辣食得出係即炸，可惜個汁吾夠咖哩味，比較稀😅⭐️靜岡綠茶鮮奶咖啡咖啡有拉花，心形拉花😍👍好香綠茶味

平價日式西餐呢間算係商場入邊價錢比較親民既餐廳環境都偏向日式西餐用手機落單既, 有晚餐set而晚餐set 有包沙律同湯同指定飲品的確係比散嗌更抵食試左和風吉列豬扒蛋包飯 ($78套餐)海老拿破崙意粉($98)d蝦食落都彈牙以呢個價錢黎講, 真係好ok嫁啦, 味道酸酸地好開胃, 出邊閒閒地都要百幾蚊一個意粉啦沙律同湯 就係普普通通既草莓牛奶用左草莓醬加牛奶, 表面加左早餐類穀物脆脆視覺幾靚嫁,但飲落好甜呢~ 鐘意甜既朋友可以試下~

周末下午茶時段 入座率大約3成見咁鬆動同店員提出可唔可以坐4人枱佢拒絕 只會堅持俾2人枱你坐仲會好細心咁將隔離張2人方枱移開幾吋☺️叫咗個溫泉蛋牛肉蓋飯牛肉又乾又鞋 冇洋蔥溫泉蛋上有大量七味粉調味 撈均後每一啖都有涸喉感另外叫咗個蕨餅做甜品餅體完全不煙軔 上面的抹茶粉亦非常粗糙 結晒塊咁服務方面食完主食叫店員上甜品佢都唔會醒目收盤上甜品嘅時候成枱都係碗碗碟碟另外叫店員俾水佢當聽唔到的枉論其他服務不可一不可再 一定唔會再嚟

真係唔係想做西客阻住人收工，但星期日晚上7點幾8點入座，諗住都係正常食飯時間，真係無諗過會有咁既事發生🙄入到去叫野食雖然都算快上菜，但想叫店員俾水俾碗就西口西面，然後食到8點20分就開始問我地last order，個刻先通知我地佢地9點就關門，我地當下都好驚訝會咁早關門。雖然主食都未食完，但因為想食甜品諗住仲有半個鐘都夠時間食就落左單，然後無耐都根據店員要求埋左單。(到呢度我都仲完全可以理解)但由8點30分開始店員就不斷用過黎收碗碟或係旁邊掃地開始向我地施壓，之後員工仲開始輪流睥同藐我地😡然後陸續有員工走出餐廳去廁所等收工。平心而論，其實如果店員真係想9點就行出個餐廳收工，last order既時間無咩可能係8點20分，你不如直接同我講截左單好過。係一間有收加一服務費既cafe食野食到咁趕，同朋友想講多幾句都唔得，仲要俾店員西口西面、藐嘴藐舌，啲野好食都無用，因為真係唔會再黎下一次，亦強烈唔建議大家黎食😤

第一次寫食評，因為實在太不滿。老實說食物質素是可以的，上菜速度也是可以的。但是職員的服務態度實在太趕客，絕對沒下次。8時左右入座，坐下後我們向店員要求送上三杯水，店員已經開始面斥不滿，西口西面，我們也因此沒有再向他提供加水要求。食物吃了一點，8時25分左右已經跟我們說廚房last order問我們要不要加點甜品，聲稱餐廳9時關門，我們見到還有半小時所以就點了甜品。 甜品很快就送到（當時我們主食都未吃完），隨即就向我們收錢，然後在我們進食過程中，店員不斷輪流向我們西面，眼神對我們施加壓力，更在旁邊打掃地方，執垃圾，收拾桌椅，拖地執枱，然後再派店員過來問我們吃完了沒有看有沒有盤子可以收。結果我們完全沒有享受跟朋友互動的過程，趕快吃完趕快走，我以為自己是上班時間午飯時間出來要趕著回去上班，完全忘了這是一個星期日的晚上。餐廳聲稱繁忙時間用餐時間90分鐘，但是我們整個用餐過程只有約一小時，完全不是在咖啡室應有的用餐氣氛和節奏，食物多有質素也沒有下次，更何況它的食物只是“可以”。blacklisted