SPORTS bistro

營業中

休息中

今次就第二次過嚟Bistro呢間餐廳食飯，自從上次食咗個夏威夷蓋飯之後，覺得西式嘢食應該都有返咁上，就揀咗食紅蝦意粉。 一擺上嚟嘅時候講真隻蝦嘅size係有啲嚇親人嘅，都幾大隻下，色澤紅潤，肉質鮮甜，口感滑潤，唔洗專家都會食得出係新鮮海鮮。意粉搭埋個醬擺入口，啖啖都係清新嘅味道，口感非常之有層次。 跟住朋友今次就試星洲炒米，因為我本人唔太好食辣嘢，朋友本身就愛辣之人，就評價話個炒米唔夠辣，我就覺得都接受到。米粉同配菜、肉同香料夾埋，睇得出廚師嘅心機！

其實自己本身唔係住呢馬鞍山呢頭，都係聽朋友講先知西沙呢頭有間叫SPORTS Bistro嘅餐廳，係附近做完運動之後特登走入嚟試下。首先就係餐廳環境唔錯啦，菜式同飲品都多款式揀嘅。主菜就揀咗台式牛肉麵，首先牛肉麵最緊要就係個湯頭啦，咁就真係要讚返係幾香幾濃郁下嘅，麵就入口彈滑，加埋夠曬咬口嘅牛肉、蘿蔔同配菜，每一啖你都感受到唔同食材係口入面個層次感，真心推薦可以試下！我自己就本身唔係好食辣嘅，但呢道西班牙辣肉腸煮青口就真係一試難忘，青口本身就已經啖啖肉，加上辣肉腸個汁互相融合完全係完美嘅結合，如果本身真係唔慣食得太辣嘅，可以叫返杯健康果汁沙冰，再加埋其它菜式中和下。如果美中不足要挑剔嘅就係天色無咁好嘅時候，坐室外影相打卡會爭啲啦🤣，同埋商場仲裝緊修，飯後散步無乜嘢可以行。但嘢食水準係唔錯嘅，推薦各位入嚟附近玩嘅朋友入嚟試下。👍👍

今次係第一次嚟西沙GO PARK呢間SPORTS Bistro食嘢，新開未係好太多人。餐廳環境清幽，有室內同室外位置可以揀，可以食住嘢睇山景。Menu嘢食都多選擇，我就揀咗個夏威夷蓋飯，配菜就揀三文魚、牛油果、青瓜、熟蛋同芒果，成個飯搭配埋個醬都幾香同開胃，如果唔夠食都可以加10蚊再加配菜。另外就係個擺盤雖然靚好啱打卡，所有菜式一眼睇曬，但因為個盒身好淺，用匙羹嘅時候好容易撩曬啲菜出嚟。總結而言係好食嘅，食物方面我畀滿分！至於嘢飲方面都揀到有啲眼花瞭亂，有咖啡、茶、酒類，仲有走健康路線嘅蔬果沙冰揀。睇咗好耐最尾都係揀咗杯牛奶咖啡，但見同行朋友杯沙冰整得幾靚咁都忍唔住偷咗幾啖飲。其中有杯「綠野鮮蹤」入面有羽衣甘藍、奇異果、青瓜同蜂蜜，有啲客人覺得係青草味，我哋就覺得幾清爽，如果夏天或者做完運動飲就仲啱。最尾畀個小意見，QR Code落單個度可以調一調啲資序，嘢食行先，跟住先係嘢飲。但anyways，整體質素都絕對值得有下次。期待遲啲附近有多啲設施開，玩完可以再過嚟食飯！

黎左幾次食飯，今日第一次食咖喱牛配薄餅，感覺偏印度咖喱(可以再辣少少)，好正宗，好好味！真係要加多碗飯先得！清哂！鮮奶咖啡看似平平無奇，但係真係好飲嘅。一邊食飯一邊食景(有山有海，可惜無影)，真係幾重享受。

每逢初一十五，我都會吃素，有時很難找到合適的食物。昨天我試了個素夏威夷蓋飯，真的不錯！有多種選擇可以搭配，還可以根據自己的喜好進行調整！再加一杯慢榨果汁🍹，十分滿足😌。菜單上還有幾款素食，下次再試試！

住左西沙咁耐，終於等到一間靚景又好味嘅餐廳！淨係風景已經贏曬，成個環境都好舒服，之後黎做運動食飯一定好放鬆。好難得馬鞍山會食到夏威夷蓋飯，仲要好新鮮，份量好足，擺盤都好特別。今次揀左吞拿魚，芒果，椰菜花，牛油果同玉子，估唔到又幾襯。特別係個醬，好開胃👍🏻仲試左杯沙冰，呢杯叫Fantasy，士多啤梨同香蕉又幾夾，曬完太陽飲杯低卡鮮果沙冰👍🏻👍🏻下次會約埋朋友一齊入黎試下dinner menu，整體體驗都幾唔錯！

第一次去到西沙咁靚的環境，欣賞美麗的風景！去左暫時只得兩間餐廳，我哋去左2樓嘅SPORTS bistro醫肚，都算沒有令人失望，仲有驚喜添！我叫左個海南雞飯餐，包左一碗湯，D雞肉好滑，湯都好熱，而且價錢合理！係靚環的風景下食野，心情都靚D，值得推介。下次嚟要試下！ 另外佢哋有提供兒童餐，價錢都不貴，而且佢哋有仲有提供一些小玩意俾我哋小朋友解悶，上次我哋有一份小畫簿同顏色筆俾左小朋友畫畫，咁我哋大人就可以輕輕鬆鬆咁傾計。

這間餐廳的環境真的不錯，裝潢很舒服，氣氛也很好，適合和朋友聊天或小聚。不過，食物的質素就有點讓人失望，味道平平，沒有特別出眾的地方。最令人震驚的是，竟然在沙律裡發現了一隻整隻的大蜻蜓！這實在太誇張了，完全無法接受。希望餐廳能更加注意食材的清潔和處理，這樣的經歷真的讓人對這裡的食物安全產生極大的疑慮。

食物普通偏貴，一碗食幾啖就完嘅喇沙$9x，海南雞得3舊⋯ 咖啡都要成50幾蚊杯。而且已經係最平嘅嘢，其他餐普遍都要百幾二百蚊。暫時成個商場好似得呢間營業緊。餐廳明明賣緊幾百蚊消費嘅嘢，個大屏幕竟然係播tvb新聞，好似茶餐廳咁，扣好多分，而且有冇諗過播tvb新聞令人倒胃口？至少我唔會再嚟。

西沙 Go park中伏記，第一次食飯食到鬧人。 Go Park得呢間餐廳開咗,去到攞飛，職員話要等比較耐可能要等個半鐘，諗住反正都入咗場泊車，等多一陣先走啦，結果等咗20分鐘就有位。坐低後叫嘢食，叫咗一個刺身蓋飯，兩個兒童餐，刺身蓋飯好快嚟咗，但係兒童餐等咗成45分鐘都未嚟。身邊俾我哋遲入座嘅人，已經全部有嘢食，中途已經催咗一次職員，話係有單嘅，等一陣因為比較多單，好，明白，再等。但最後都係等太耐，忍唔住鬧人，餐廳夾單唔出奇，有人嗌同一款食物先煮唔出奇，但係咪兒童餐冇人嗌就永遠唔煮，要夾單都要睇都睇吓次序，唔好要人等得太離譜啩。成舊水一個兒童餐，便利店叮叮意粉級數，仲要等45分鐘先煮到出嚟唔知點解呢度放唔到相，係咪因為劣評？

之前喺FB見到有人post單車相去GoPark，所以今日抽空過嚟睇下。一落車就感覺到有啲驚喜，原來呢度係一個“大地盤“，d樓都未起好，商場十間有九間半都係封住、未開嘅。搵左一陣終於搵到呢間餐廳，Sport Bistro。餐廳內環境好舒服，遠眺八仙嶺、船灣淡水湖，被一大片綠油油嘅樹包圍住，感覺好唔似喺香港。今次試咗佢哋嘅Pull Pork Burger + 一杯冰凍嘅Latte，味道唔錯；唯一感覺不良就係我冇預到會係帶點辣。再睇返餐牌，上便完全沒有提示建議大家嚟食嘢時要預先問定

難得放假同朋友仔去左GO PARK新開嘅SPORTS bistro到chill~本身好驚會勁遠，原來都幾方便呢，我系烏溪沙站撘581去，10分鐘內已經到左GO PARK門口！一上到去係超wide嘅山景，仲可以望到哂成個GO PARK嘅運動設施，加上嗰日天氣更好～真係勁想衝落去打網球呀！嗰日揀左台灣牛肉面，冇諗到個湯底超濃超驚喜！牛肉都好嫩好彈！鐘意古早味嘅就一定要試下啦～同埋叫左杯Skin booster，真係勁freshhh又打卡able，好岩女仔們飲！臨走之前，啲staff都好friendly咁樣同我傾下計，下次入嚟打波一定會再去食！

呢間SPORTS bistro餐廳真係好正，特別係佢哋嘅海南雞！肉質鮮嫩，配上香噴噴嘅雞油飯，食落去每一口都係滿足感，真係令人回味無窮。加上佢哋嘅醬汁，令味道更加升華，簡直係完美搭配。而我最鍾意嘅就係開心果Latte，無論係味道定係外觀都一流。香濃嘅咖啡配上開心果嘅獨特風味，飲落去既香滑又有層次感，真係好特別！飲完都覺得心情特別好。而且，餐廳環境好舒適，設計得好靚，光線柔和，真係一個放鬆嘅好地方。運動完之後，嚟呢度享受一餐，完全係最好的選擇。服務人員都好友善，有賓至如歸嘅感覺！總括而言，呢間餐廳嘅食物質素高，環境優雅，非常值得推薦！下次一定會再嚟！

早兩日同朋友去左馬鞍山閒逛，朋友說馬鞍山有個新地標go park最近開了，於是就臨時決定去走走，在馬鞍山中心乘581號大概15分鐘就到了，倒算方便。去到看了一遍設施加上朋友有點累，就在2樓進了一家新餐廳吃飯。漢堡排是招牌菜色之一，拿起湯匙羹一切，肉排就馬上分離，放進口中咬下去口感很鬆軟，漢堡排份量很多、非常多汁，切開都有肉汁流出。漢堡外脆內軟，將蛋黃放在上面戳破，看著蛋汁慢慢流下，拌入醬汁與食材，入口滿滿香氣，這個搭配送飯一流，那肉真係超厚，漢堡排很多汁軟嫩，配蛋黃飯和配菜都很好吃。飯後點了一杯芒果+梨既冰沙，呢度特別之處係可以選擇用椰子水或奶做底，由於天氣炎熱我就揀左椰子水，估唔到又有驚喜喎，非但唔會太甜，仲十分清涼解喝。以後又多一個飯堂了。

得閒就來試間新開餐廳，大學站來，大約10分鐘車程，都幾近，環境係加分既，室內係依家好少餐廳有既高樓底，木色系裝修，望出去又有藍天白色，太陽好曬，心情都自然好曬！食物款式算多，有西式扒，台灣麵，咖哩，all day breakfast，可能因為近住GO PARK Sports，客多運動人士，健康之選都5少。如想high tea，搵個地方同fd吹水，都有咖啡，茶，或酒，重有甜品食。今日試牛肉漢堡飯，飯就不過不失，不過用牛旁做伴菜好特別！雞蛋仔甜品就5錯，colorful，大小朋友都岩，都大份，有幾個人share就好d。