影片
港鐵奧運站 C1 出口, 步行約3分鐘
繼續閱讀
電話號碼
26703188
開飯介紹
位於大角咀的西餐小店，座位不多。主打重量級巨型牛扒，亦有供應多款手工啤酒，適合與三五知己聚會談天。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
公眾假期
12:00 - 15:00
18:00 - 22:00
公眾假期前夕
12:00 - 15:00
18:00 - 22:00
*6點之後只提供外賣服務
以上資料只供參考, 請與餐廳確認詳情
有關獎賞計劃
相關文章
今次我地去左大角咀既一間西餐小店食晚飯，佢舖頭唔大，但係坐得舒服，燈光偏暗，有d cafe feel，佢地有一人餐，有二人餐，仲有其他單點食物，我地就揀左二人餐食😄二人餐主菜：慢煮霹靂香辣春雞（$448）餐廳既二人餐價錢取決於主菜既選擇而定價，其餘所有選項都係同價‼️是日餐湯當日我地飲既係西蘭花忌廉湯，賣相唔錯，味道都幾好🫕是日沙律餐湯可以轉沙律，我地就每人要一份，沙律菜新鮮冇黃，胡麻醬都唔慳，絕對充足，所以好滿意個沙律🥗黑松露靈芝菇意大利飯呢個意大利飯重芝士，我勁鐘意，靈芝菇既量都唔少，黑松露醬好creamy，啖啖都充滿醬同芝士，好岩我食🧀 🍄🟫牛油芝士雞翼雞翼新鮮即炸，夠曬脆，雞翼表面淋滿芝士粉芝士粉，我呢d芝士控梗係鐘意😋慢煮霹靂香辣春雞黎到主菜真係好大驚喜，如果有去外國旅行食過一間叫nandos既烤雞餐廳，一定鐘意呢個辣春雞，佢地可以話接近複製到出黎，果種香料辣汁既味道好正，再睇番menu，原來英文係寫piri piri chicken，即係nandos既煮法一樣味道，可以係香港食到呢隻味，直頭係欣喜若狂黎形容🤩🤩🤩🤩福岡縣芝士蛋糕最後仲有芝士蛋糕做甜品，賣相幾靚，芝士唔會‘漏’，今日食左咁多芝士都未覺厭，食埋芝士蛋糕就perfect🍰呢間餐廳環境都唔錯，仲有唔同特價優惠，星期二既牛扒買一送一，又有任飲啤酒，最正就係我搵到nandos味道，如果佢地有埋個醬無限點就好，到時我真係要瘋狂去食先得😆
繼續閱讀
雖然Openrice好多好評，但由於打手太多，所以唔敢盡信😂。趁某APP訂枱有半價優惠，BOOK左星期一晚6點去試😏。餐廳有二十個位，當時只有一枱食客。大概7點半左右，人流依然唔多，全場只有半滿。我地兩個人點左兩款主菜同一款小食，食物份量唔會因為半價而縮水之餘，仲幾大份下，我地都食到好飽!!🙈小食叫左芝士煙肉薯條$68(原價)即使以原價嚟講，份量都好合理，兩個人share剛剛好。芝士似係用火槍燒溶，所以薯條食落有少少火炙味；鹹香嘅煙肉唔係脆口，口感偏硬少少；幼身薯條入口無咁薯香，同埋唔脆。好彩拉絲芝士同冰凍嘅酸忌廉挽回少少分數，整體OK，不過有改善嘅空間。主菜本身想試下佢地個霹靂雞，但發現原來係我最唔中意嘅春雞🙉，所以最後改左BBQ豬骨。BBQ豬骨$178(原價)估唔到呢個價錢可以食到八支骨!!😯 出面好多餐廳起碼賣二百蚊以上。BBQ醬微辣、唔太酸，食落醬汁唔會太濃；排骨焗到啱啱好，好輕鬆就可以骨肉分離，又唔痴牙。😋個餐配嘅薯條是粗薯條，有薯香、而且脆。🤤沙律菜都唔馬虎，已經完全瀝乾水、而且幾新鮮。另一款主菜叫左Prime Angus 12oz $428(原價)本身叫左5成熟，不過overcook；肉質少少韌，但食落幾有牛味，如果生番少少會比較好。牛扒碟邊放左少少蒜鹽，沾個鹽嚟食，我覺得好加分!另外仲有個牛扒汁配埋，食落比較韓式；職員另外亦比左個芥茉醬，一塊扒可以試到三款口味。跟埋嘅薯菜亦不容忽視，煎到好香嘅菜，同埋外脆內粉嘅薯仔粒。🤤我反而覺得服務更令我印象深刻👍，職員好細心，主動搬張櫈比我地放袋、又拉張枱比我地放食物、主動斟水、拎碟比我地share食物、問我地食物意見等等，好多小細節，都睇得出餐廳好比心機經營，希望佢地可以繼續做落去!!最後半價連原價加一後，共$405，非常抵!!題外話，原來餐廳蓬星期二做牛扒買一送一promotion，大家有興趣可以去試。
繼續閱讀
餐廳以梵高畫作🖼️為主題，掛上唔同嘅油畫，充滿藝術氣息。而且燈光昏暗，幾有情調。菜式方面，西餐基礎上有加入一些日式元素，幾特別。WELLINGTON SET FOR 2 $698🥠輕煎鵝肝：平時常食嘅都係一口鵝肝，依個上枱時真係有驚喜，好大一塊😍鵝肝煎到金黃色，好香口，充滿脂油嘅香氣，加上底層又薄又脆嘅法包，好食😋🦪磯燒飽魚：飽魚幾有咬口，面層加上飛魚籽，調味帶少少鹹甜。🥣龍蝦湯：整體香，蝦幾彈牙。🦀甲羅燒燴意大利飯：之前只係日式餐廳食過甲羅燒，第一次嘗試配上意大利飯依個組合。非常多蟹膏🦀，加入自家製白酒忌廉汁，整體勁creamy，勁濃郁！🫢食到少許黑胡椒香味，飯有些生米。整體相對比較膩，不過就好好食。🥩傳統英式威靈頓牛柳：醬汁有些似日式燒汁，牛柳好厚身，有咬口，中間層碎菇都幾香，有些可惜外層酥皮唔脆。🍰福岡縣芝士蛋糕：芝士幾香濃，口感綿密，配上帶微酸嘅乳酪醬，唔錯。
繼續閱讀
🍽️食物方面：🥂Dinner Set Menu for 2💲488🎃是日南瓜湯 好濃味 唔會太漏🐤牛油芝士雞翼6隻單邊勁脆 成兜🧀粉🍝忌廉明太子意粉 多蝦彈牙 夠味 成碟清🐮香煎紐西蘭肉眼扒10oz好厚肉 有薯條 細粒蘿蔔波都好食🫚薑汁檸蜜💲25 幾得意 夠薑🍾有free flow💲128/hr💲228/2hrs📷打卡方面：擺盤精緻 燈光暗啲有feel 好多藝術畫 仲有介紹🔈環境方面：職員溫柔有禮貌 會換碟會問你上得菜未/準備好食甜品未多熟客食 一齊傾偈💬其他資訊：📍Starry Night 大角咀博文街8號地舖💰收+1, 人均💲285
繼續閱讀
點咗個Set Dinner for Two前菜Starters ：(+$20升級）•龍蝦湯 Lobster Soup 好濃郁龍蝦🦞味，少少鹹海蝦煮得好彈牙夠新鮮！好食！主菜Main Course：•慢煮霹靂香辣春雞 •Slow Cooked Piri Piri Spring Chicken 少少墨西哥風味、鎖住雞肉肉汁不過食落我覺得有啲辣 果然係辣春雞 ！附送嘅薯條就算放耐咗都脆口！加咗鹽同埋胡椒調味！唔使額外點茄汁！ •溫泉蛋卡邦尼扁意粉 •63 °C Egg Linguine Carbonara 溫泉蛋Temp. 控制得剛剛好！與卡邦尼意粉拌勻，食落口好滑好有蛋味卡邦尼汁又多又濃郁小食 Snack :•牛油芝士雞翼 Parmesan Chicken Wings係單骨雞翼！ 唔擔心會食得好論盡！🤣配埋芝士粉，整體來講唔算好厚炸粉就咁單食都好食！甜品 Dessert :•福岡縣芝士蛋糕 Fukuoka Cheesecake 芝士味濃厚奶味重，蛋糕算比較厚身食落唔算好膩！飲品 Drink:•雜果賓治 Spring Fruit Pouch 👍🏻本身想試楊枝甘露！當日賣曬！餐廳逢星期二晚牛扒仲買一送一 好抵食
繼續閱讀