Steamy Manor

營業中

休息中

最近搵到旺角有間餐廳「Steamy Manor」以女僕餐廳風格招徠，很特別，真係忍唔住要同朋友過嚟觀摩下。餐廳大約可以坐到廿幾卅十人。點菜下單都要提起枱上面的鈴鐺搖響招女僕過來下單。首先送飲品來，女僕說要施展魔法咒語，挺可愛的。另外，佢有個直筆套餐，其實即係即影即有相，再係相上面寫字。Lunch set照燒汁雞扒蛋飯 $58雞扒香口嫩滑，太陽蛋我將佢放在飯上弄散，與飯拌勻，很好食😋檸檬水 (跟餐 +$20)檸檬片有三、四片，好足料特別套餐set B $168沙律🥗新鮮小食：薯條、炸魚炸魚很脆，很大件，切成小塊沾上蛋黃醬好正。薯條很好食煙三文魚波菜意粉煙三文魚好夠咸，意粉軟硬適中，配上的意粉汁都好好味😋士多啤梨乳酸益加多味較濃，但都飲到淡淡士多啤梨味。女僕為我們施展魔法咒語，咒語要跟住佢講㗎！都幾特別嘅體驗。牛角包窩夫 $78牛角包好脆好香口，配上朱古力雪糕，一熱一凍豐富口感👍🏻。美女女僕還為我們設計朱古力醬圖案，好可愛呢🤩

其實一直都好想去日本女僕cafe體驗下🤵‍♀️，不過一直都未有咁嘅機會。早排有朋友講開呢個話題，佢話最近旺角都開咗間新嘅女僕cafe，咁我就唔錯過呢個機會，過去體驗下女僕cafe究竟係點嘅呢？ 當我哋一步入cafe門口，女僕會敲鐘🛎，然後通知其他女僕一齊用超萌日式招呼語嚟歡迎我哋。 呢間餐廳以蒸氣朋克做主題，而女僕嘅衣著都配合番個主題，客人仿如走進時空之旅一樣。 餐廳會有1日限定女僕，大家可以事前上佢哋個社交平台瀏覽下有邊位女僕，過嚟支持下。 呢度嘅用餐小時係90分鐘，如果想續鐘就要消費滿78蚊， 係呢90分鐘入面，女僕會主動走過嚟同你傾下偈，當然你可以選擇自己靜靜地食下嘢啦或者玩下board game🎲。 另外， 仲可以額外買女僕嘅相或者表演💃，如果$50有直筆，女僕會簡簡單單喺張相畫啲圖案；而$65買宿題， 呢一款女僕會畫得比較多少少嘢係喺張相上面；如果$80 就可以睇表演例如唱歌跳舞等。 今次我哋揀咗兩個set dinner， 跟餐有沙律🥗、一個主食、兩款小食同埋一杯飲品。 主食方面揀咗蛋包飯同埋漢堡飯，而小食方面就揀咗雞翼、香腸、炸花枝丸同鹽酥雞。飲品就揀咗荔枝紅茶同芒果梳打🥭。

朋友👱🏻‍♀️帶咗我嚟呢間喺樓上嘅女僕餐廳（メイド喫茶 / メイドカフェ / Maid Café），呢度有得食嘢有得傾偈有得睇表演，仲有女僕對住食物施展魔法🤣，女僕咖啡店喺日本🇯🇵非常流行大家都知道🤣我哋揀咗 $168「特別套餐 Set B」，包「沙律、主菜、小食、飲品」🤣女僕妹妹對住食物施魔法，咁樣可能會好味啲🤣$80「表演」：揀咗女僕妹妹表演唱歌🎤，佢好俾心機唱，幾好聽😁；整體氣氛相當 relaxing 😁- 沙律 - 沙律菜新鮮簡單幾好食- 有「紅酒墩牛肉配飯/漢堡飯/卡邦尼意粉/香蒜蝦菠菜忌廉汁意粉/明太子忌廉意粉」 - 揀咗「香蒜蝦菠菜忌廉汁意粉」，蝦仁🍤爽滑，意粉少少硬身，配埋菠菜忌廉汁，幾好食🤣- 小食拼盤任選兩樣或加 $20可選三款 - 揀咗「雞翼、炸餃子、炸花枝丸」，全部都炸得幾香口😁- 特飲或咖啡 - Cappuccino，夠滑👍- 甜品（+$48）：揀咗「雪見蘋果多士」，甜甜哋幾好食🤣

格調一流，令人放鬆，是個好地方！女僕比一般侍應更殷勤，可以玩遊戲聽音樂。食物很美味今日的限定女僕又親切又可愛，難得聽到表演餐十分開心！楽しい 一定推介的女僕餐廳！

Steamy Manor的環境佈置充滿了優雅的氛圍，華麗的吧台與餐具，營造出一種輕鬆愉悅的氛圍。 女僕的態度親切，服務周到。 食物價錢也十分划算。非常適合同朋友一齊聚會食個lunch跟下午茶!

趁今天氣熱到喊，就上到呢間cafe g食吓個咖喱豬排飯，加埋杯水蜜桃梳打，為呢個暑熱天帶來清涼感覺，正環境愜意，而且有埋board game ar,飛鏢呀，仲可以同maid 吹水，係打工仔放飯甚至假日消閒好地方

位於旺角太子之間的女僕Cafe, 重點定必是女僕,高質之選,每位員工也精挑細選。前菜沙律。新鮮的蔬菜配上香醋醬汁,清新爽口又不失層次。這樣的開胃前菜,為下一道菜作好準備。小食方面,酥脆多汁的炸魚,咬下去外酥內嫩的滋味欲罷不能;鹽酥雞外層酥香內裡多汁,停不下口 ;雞翼肉質肥美,恰到好處,滿足了舌尖的各種味蕾;薯條,金黃酥脆的外表下是鬆軟可口的內裡。卡邦尼意粉,濃郁的奶香與煙燻培根的誘人氣息交織在滑嫩的意粉之上。冬陰功意大利燴飯,融合了泰式與義式的絕妙滋味,酸辣鮮香的風味,回味無窮。米飯煮至恰到好處,每一粒都飽含著醬汁的精髓。

第二次去maid cafe。今次去嘅呢間好大,啲裝修都好靚！！！啲maid都好靚好可愛又溫柔😋仲會好詳細咁介紹有咩餐！啲嘢食都唔錯仲有得施魔法係好好嘅體驗～～～

啲女僕好靚女又溫柔，真係好好玩，體驗感好好，仲會溫柔咁同我傾計同埋介紹餐單嘢食，都埋野食嚟都會有施魔法🪄的互動，好認真回應我嘅心願😭😭😭😭下次會繼續嚟

當我踏進爽YY女僕Cafe的大門時，立刻被一群穿著靚靚女僕裝的服務生們熱情歡迎，讓我感受到彷彿置身於日常生活中的主人般的特別滋味。這家Cafe不僅提供優質的服務，更有讓人驚喜的活動，例如玩掟飛鏢，讓用餐體驗更加豐富多元。而且，Steamy Manor的位置極佳，靠近旺角地鐵站，從落地大玻璃窗還可以遠眺彌敦道的熱鬧景色，讓用餐環境更加愉悅。在這裡，我選擇了Set B午市套餐，包括沙律、煙三文魚菠菜意粉作主食、小食拼盤任選兩款、特飲或咖啡，並加$48配甜品，我們選擇了雪見蘋果多士。午市套餐的價格相當實惠，而且選擇多樣化，讓我們可以品嚐到不同風味的美食。我點了一客照燒汁雞扒蛋飯，味道鮮美，配上蛋飯的香氣，讓我胃口大開。此外，小食拼盤的選擇也相當豐富，我們點了炸魚、炸餃子、炸雞粒和雞翼，每一道小食都炸得酥脆可口，讓我愛不釋手。在爽YY女僕Cafe用餐是一次愉快的體驗，不僅可以享受美味的食物，還可以感受到服務生的熱情服務，讓我感到宾至如歸。這裡的氛圍與菜色絕對值得一再光顧，讓我期待下一次再來品嘗更多不同的美食。

Steamy Manor地址 : 旺角彌敦道726號7樓味道指數：⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐⭐服務指數：⭐⭐⭐⭐⭐食物推介：黑松露忌廉蘆筍海鮮意粉、卡邦尼意粉、薯條、雞翼、香腸、鹽酥雞、炸魚、蒜蓉包餐廳位於旺角鬧市，旺角地鐵站或油麻地地鐵站步行五分鐘內便到。餐廳環境優質高雅，還有一些盒裝遊戲和訂飛鏢遊戲級食客消磨時間。❤️❤️❤️店內最特別的就是有非常美麗又可愛的女僕點餐，我們叫餐時必須要用響鈴，女僕便會過來給我們點餐，然後食物到的時候，女僕又給我們施魔法，令到食物更加滋味。😍😍😍今日去點了特惠午市套餐，真是非常優惠，除了免收加一外，$58就有高質素的午餐，而且還有七款給我們選擇，我們點了黑松露忌廉蘆筍海鮮意粉和卡邦尼意粉，另外還加了芝士、雞蛋和漢堡，非常之豐富。另加20元可以有特飲或咖啡，如果穿著校服或者出事有效學生證，會送檸檬紅茶或檸檬水一杯。😋😋😋小食拼盤三款任選$88：我點了薯條、雞翼、香腸、鹽酥雞、炸魚、蒜蓉包。各類的小食也非常突出，外脆內暖，絕對有誠意。❤️❤️❤️下次再光顧的時候，我必定和女僕合照，我給他們點唱。😉😉😉

人一世物一世，咩都要試吓。喺朋友嘅提議下，我哋決定試吓去女僕Cafe😄😄坐低之後，女僕會介紹返餐廳入面嘅一啲規矩。枱面上面有個「鈴鐺」，係唔可以玩嘅😆😆睇完餐牌，見佢哋有套餐價錢上同其他Cafe比較，咁依度都好經濟實惠，起碼唔需要下下散叫👍🏼👍🏼如果唔使睇表演，淨係食嘢飲嘢， $200有找，已經有沙律、主食、飲品，抵啦我哋每人嗌咗一個set B每個set可以揀兩款小食，可以咩都食啲，開心！最鍾意嘅就梗係薯條啦，即叫即炸，夠晒香脆！炸魚份量強勁，超大嚿！冬陰功海鮮燴飯雖然賣相一般，但味道唔錯，酸辣味道，啱晒夏天都幾開心依度有得食墨汁意粉😁😁墨汁海鮮意粉，鹹香味道突出，配上幾款唔同嘅海鮮，好食😋再嘆埋杯凍飲同朋友傾吓偈，食吓嘢，望住啲女僕走來走去，同其他客人互動，成個環境氣氛感覺都幾輕鬆愉快

今日剛剛響午飯時間，我坐著星穹列車來這異世界旅行，因為有某較熟悉的女僕食過炒烏冬，真心想試吓係咪好好食？上到去叫，炒得夠火侯，又熱騰騰，有種溫暖的感覺出哂來，正爆

今次有朋友帶路，去咗旺角嘅女僕Cafe。平時好少嚟，估唔到體驗都幾好喎！一入到嚟就有女僕同我哋打招呼，仲會細心介紹餐廳嘅食物。佢哋會同顧客傾偈，如果你買表演券仲會有跳舞唱歌表演。今次同場有其他人課金，所以免費都睇到唔少表演㗎！佢哋跳得好落力，出力到個台震吓震吓，不過好安全的大家放心！雖然主打女僕，但係食物都有好多種類嘅選擇㗎。我哋叫咗兩個套餐，有沙律小食x2主食同埋飲品，分別係$168同$188都幾抵食。一開始嘅沙律有蕃茄仔同埋柚子酸汁，好開胃。小食我哋試咗花枝丸、蝦餅、鹽酥雞同炸魚。花枝丸就炸得好香口，鹽酥雞翼好脆，蝦餅就夠彈牙爽口。炸魚好大份，女僕極力推介，多到食唔曬，有啲檸檬味幾特別，洗得乾淨食得安心。主食方面第一個叫咗檸檬大蝦意粉，個汁酸酸甜甜，平時好少食到呢隻味，朋友中意到連小食都點呢個汁，佢仲講笑話想舐晒佢。意粉偏硬身啱啱好。仲有幾隻大蝦添，好彈牙！第二個我哋挑戰咗冬陰功意大利飯，聽個名兩樣嘢大纜都扯唔埋好似好伏咁，最後竟然食晒！啲飯粒粒粒分明，夠曬有意式風味；個汁鹹鹹辣辣，真係同冬陰功一樣，好有泰國風味。不過要注意嘅就係佢比較辣，食唔到辣就唔好挑戰啦，會胃痛㗎。飲品朋友叫

最近2次都上來食佢個午市餐琴日食咖哩豬排飯仲有女僕驚喜施魔法，本身野食已好食，有埋魔法仲更好食而且驚喜地有埋board game，咁就可以響午飯時間歎足一粒鐘，正今日試埋佢個黑松路海鮮意，鑊氣夠，汁又香，贊爆今日仲叫埋蘋果紅茶少甜，這才是我中意的三分甜計埋早前試過女僕好聲音，board game大會，加埋飛鏢大會，呢啲叫午市人的福音。