影片
港鐵炮台山站 A 出口, 步行約6分鐘
繼續閱讀
電話號碼
46625625
營業時間
今日營業
12:00 - 15:00
18:00 - 22:00
星期二至日
12:00 - 15:00
18:00 - 22:00
以上資料只供參考, 請與餐廳確認詳情
這間扒房位於北角木星街，鄰近炮台山站，主打牛扒及西式料理。店內分為室內外，室外可帶同寵物用餐，裝潢以型格的黑色為主調。午市時段設有十一款套餐，跟配基本飲品及餐湯。西冷牛扒配龍蝦 - $168西冷牛扒烤得表面略帶焦香，切開裡面保持嫩軟多汁，有獨特的牛肉風味，邊緣的嫩筋香脆；半邊波士頓龍蝦肉質緊實有彈性，肉汁又香又甜，有甘香的龍蝦膏，更鋪上芝士醬；金黃酥脆的炸粗薯條毫不油膩，有軟綿的薯肉；芝麻醬沙律新鮮翠綠，還有多汁的車厘茄好清爽。檸檬奶油醬蟹肉扁麵條 - $78煙煙韌韌的扁意粉充滿彈性，掛滿幼滑細膩的檸檬奶油醬酸酸甜甜，有絲絲香甜的蟹肉。香辣蒜片大蝦 - $78六隻肥美飽滿的去殼鮮蝦爽滑彈牙，有惹味的蒜香，又帶點香辣。Soda Water +$5Nescafe Ice Coffee +$5除了多款罐裝飲品，還有啤酒及雞尾酒等酒精類飲品。
繼續閱讀
見到佢棟個牌出嚟寫住星期三$68龍蝦蒜片意粉 跟住又見到一對公公婆婆一人一份$68食到舔舔脷。有街坊認證，即管試吓！打開個Menu，見到好多食物係寫住菲律賓，唔知係咪菲律賓餐廳嚟？open kitchen見到廚師都唔係好似香港人…..唔知係咪菲律賓人呢？叫咗一份$68龍蝦蒜片意粉，好唔錯喎！意粉好香，龍蝦係Grill過嘅，面頭嘅汁都燒香過好好味，同埋個調味有啲特別，唔知係咪菲律賓口味，總之一句講晒就係好味！半隻龍蝦嘅肉質都好，好爽好甜！呢個價錢喺第二度食個意粉，貴一倍都可能冇咁好食！另外叫咗個燒牛骨髓配牛尾，我冇食過牛骨水呢樣嘢，都幾驚喜喎!牛尾都炆得好好，佢個調味係偏甜，同外面嘅做法有啲唔同, 啲肥膏連埋啲肉真係好正! 配菜嘅薯條都好好味！仲有叫咗一個蝦，鐵板上面用好多油去爆，又係好惹味嘅一個菜，加上佢酸酸may may，好開胃! 唔知又係咪菲律賓特色呢？出門口唔知老闆定係佢哋職員仲同我哋講拜拜。佢話每個禮拜晚上都有推廣。紮低咗大概係咁：Tue: $98 steak 2塊Wed: $68 lobster pasta Thu: $68 all pastaSat & Sun: 唱歌娛賓 live show一於搵個星期再試埋其他！總括嚟講呢間餐廳抵食之餘，好有餐廳自己嘅風格！小店亦都好努力做好多新鮮感比顧客，非常推介！
繼續閱讀
難得星期日放假，今日出城去北角個邊行下😆醒起朋友之前介紹過我食一間酒吧餐廳，所以順便去試試，食落又真係幾有驚喜喎✨呢間其實係主打鐵板同菲律賓fusion菜🍽️食物都有好多選擇，有鐵板牛扒、招牌豬手、龍蝦、牛骨髓等等，嘢食份量大份，價錢仲好親民添，聽講每逢星期五六晚仲有live band表演🎸🎶氣氛應該會好正😍✰⋆🐮牛尾牛骨髓意粉 $168鐵板牛骨髓真係第一次食！用鐵板上黎到仲係咋咋聲熱辣辣，聞落勁香濃牛味，份量好多，估唔到咁大碟都只係$168，仲要唔洗加一，CP值真係超高🌟牛尾非常軟腍，肉質滑溜，完全唔韌，係我食過最好食既牛尾🥹呢道大家黎到真係必點⭐️牛骨髓燒到金黃，輕輕用匙羹刮一刮，啲骨髓已經可以刮晒出嚟😋超濃既油香味加上入口即溶既口感真係好正🤤連個意粉都好出色，用上蒜、黑胡椒、辣椒等等調味，煮到軟硬適中，配埋牛骨髓一齊食一流✨呢道菜我真係俾滿分👍🏻✰⋆🦞西冷牛扒配龍蝦 $168西冷牛扒都好有水準，牛扒表面色澤煎得好靚，肉質柔軟，牛肉味好濃郁✨另外龍蝦都好新鮮，肉質彈牙，芝士仲可以拉絲，每一啖都好滿足！
繼續閱讀
Sticks & Fire😘😘😘有質素鐵板餐北角木星街、街道兩旁美食琳立、一間以主打鐵板、菲律賓菜的店鋪、逢五、六晚仲有菲律賓人music show、非一般鐵板享受😋✨招牌必食炸豬手$168店主推介^_^真係又幾味！大大隻🐖豬手、外皮炸脆金黃、咬口脆卜卜、黏着一層薄薄白脂肪、內層肉質、香嫩可口、蘸點特色醬、夠清新味蕾口感、🍟 厚肉薯條、外脆內軟、嘆埋支冇酒精薑啤、暢快無比！✨牛尾牛骨髓意粉$168賣相吸睛👀、牛尾燉至入味、軟腍腍、陣陣濃香牛味、骨與肉之間、白色骨膠原、彈牙有嚼口＇蒜香意粉🍝軟滑爽口、配埋牛尾汁一流！牛骨髓營養豐富、高蛋白質、低脂肪、入口溶化、滑膩醇香的口感、石榴汁、色澤艷麗、粉紅色甜甜的、有氣果汁！+$15 ginger beer +$15 GuavaSticks & Fire北角木星街23號維峯、浚滙地下6-7號舖港鐵炮台山A出口、步行約6分鐘
繼續閱讀
今天我在北角的一間餐廳享受了一頓美味的晚餐，這裡的氛圍相當迷人，還有現場樂手彈唱，讓整個用餐體驗更添色彩。餐廳的裝潢獨具特色，燈光柔和，令人感到放鬆，是一個與朋友聚會、飲酒聊天的理想場所。我們點了幾道招牌菜，包括蒜香大蝦意粉、豬肋骨和西冷牛扒配龍蝦。首先，蒜香大蝦意粉十分出色，大蝦的肉質彈牙，蒜香味濃郁，意粉的口感也非常滑順，讓人一口接一口。接著是豬肋骨，肉質鮮嫩，醬汁入味，搭配著薯條一起享用，簡直是絕配；每一口都令人滿足，讓我忍不住想再來一份。最後，西冷牛扒配龍蝦的組合更是令人驚艷。牛扒的熟度恰到好處，肉質鮮美，搭配著彈牙的龍蝦，整體風味一流。這道菜不僅視覺上吸引，味道上更是讓人印象深刻。餐廳座無虛席，建議提前預約，才能確保順利入座。總的來說，這是一個值得推薦的餐廳，無論是食物品質還是用餐氛圍都非常出色，讓我期待再次光臨。
繼續閱讀