Studio Caffeine (廟街)

營業中

休息中

最近我去咗 Studio Caffeine，試咗佢哋嘅 All Day Breakfast，真係好開心呀！😍環境 🌈一入到店，環境就好有藝術感，牆上有啲靚靚嘅畫作，燈光柔和，感覺好放鬆✨。座位間距啱啱好，唔會覺得擠迫，適合同朋友聚會或者一個人靜靜享受美好嘅早餐時光。音樂又唔會太大聲，正好配合到我哋嘅聊天！🎶衛生 🧼講到衛生，Studio Caffeine 做得好仔細！桌面同椅子都保持得好乾淨，呢啲細節都令我覺得安心。餐具都洗得好乾淨，食嘢時心情都會好啲！食物 🍽️而家講講我試咗嘅 All Day Breakfast，真係好豐富呀！首先，滑蛋簡直係完美！🥚 蛋黃流心，口感滑溜，配埋啲香腸同火腿，味道好搭，令人食完仲想再嚐多啖！😋再來係納豆，對於鍾意健康嘅朋友，呢個選擇真係唔錯！納豆嘅口感有啲滑滑嘅，搭配埋其他食材，味道平衡得好好！🍽️至於蕃茄仔，鮮甜可口，增添咗整體嘅清新感🍅。煙三文魚包沙律就係另一個驚喜！煙三文魚好新鮮，配合沙律菜，口感清脆，仲有啲特製醬汁，真係好味到爆！🥗最後，大啡菇就係我心目中嘅 MVP！🍄 煮得恰到好處，香氣四溢，咬落去肉質鮮嫩，搭配其他食物真係好搭！

超耐無去 studio caffeine 最近終於去開附近又有時間嘆個啡同甜品(*´∀｀)首先叫左🍷 Signature Trio $88用三款手法呈現佢地既 Seasonal咖啡（個時係Trinity Blended), 分別係 Coldbrew ，Milkbrew 同 Punch (mocktail ), 好岩炎夏既飲品，亦好岩貪心既我🙈可以試下唔同口味. 下午茶時間（Weekday 2~6pm) 正價購買飲品，可以半價加配小食甜品！(≧▽≦)叫左個 Homemade tiramisu (半價$39) , 同我好耐以前既印象好唔同wor！有驚喜(ㆁωㆁ*)好似係另一間餐廳既 Tiramisu DIY, 自己點/倒D espresso (咖啡酒？）落去手指餅，然後連埋D 芝士一齊食😋😋之後忍唔住叫多杯 FlatWhite （$46) 同 homemade scone (半價 $21)😹😹鍾意個個jam係類似士多啤梨puree 夠酸夠清新，唔係平時就咁個D果jam超級滿足既 tea time 💕走既時候買多罐 Studio Caffeine 同 Carbon Brew 聯手釀造既 啡酒

叫咗個Brownie配雪糕個雪糕個Waitress拎出嚟嗰陣已經半溶影兩張相已經變晒水已經喺室內地方都用得咁快希望餐廳可以檢討一下🥲🥲叫咗個焙茶‎latte都冇咩特別當日仲好多人啲人傾偈都幾嘈

HAPPY SUN!!!!!!!!!!!😆Monster All Day Breakfast $115🥳💛超級豐富既全日早餐 📍佐敦區 Studio Caffeine 9/10 呢間啲咖啡好出名☕️黎到星期六 點都要食好啲 佢有分好多級既all day breakfast分別有 超級全日早餐$115美式全日早餐$105經典全日早餐$85素菜全日早餐$95我就叫左最多野食果一款食完好飽 最欣賞係個大啡菇同麵包我仲叫咗一杯咖啡佢嘅咖啡10分香濃，果然係冠軍咖啡。佢嘅全日早餐都唔錯，又唔同款式，尤其是佢嘅牛油果同煎蛋香滑得來又好軟熟。店裏面有relax既感覺 播住英文歌同放左唔同既書 如果你好中意研究咖啡既話 你一定要黎試下 好適合星期六日黎Hea🥰

一直都聽聞呢間咖啡店好飲，今次路經終於可以試吓啦。⭕️pour over☕️要Ethiopia 耶加豆，豆嘅description係葡萄🍇、朱古力、士多啤梨🍓、車厘子🍒。飲落去有微微提子香同朱古力，都幾好飲；後段凍咗會出返少少酸味，都唔錯。同埋好欣賞佢會比埋磨好嘅豆粉、甜杯、酸杯，有誠意同認真之作，會再去！⭕️Tiramisu估唔到好得喎，Tiramisu有層次，而且夠濕潤，咖啡、芝士都好香🤤。

⍥ 美式全日早餐 ❙ $125全日早餐選擇眾多，我地都揀左好一陣。煙三文魚、煙肉、茄汁豆、芝士大啡菇、車厘茄、兩條紐倫堡腸、炒滑蛋及兩片奶油餐包，豐富但平庸，食落幾夠份量，史生都飽。⍥ 冬陰功醬配虎蝦扁意粉 ❙ $145泰式融入意粉比較少見，扁意粉多數唔會煮得太稔，呢個都唔例外，掛汁力唔差，有虎蝦、車厘茄及菇菇，與其講冬陰功醬，不如形容為汁？湯？唔係太有冬陰功果種香料味，反而似帶辣又酸酸地既蕃茄汁，呢個定價的話，我預期要更好。

星期日開車來到佐敦，光顧這間經過多次的Cafe，發現全街沒有錶位，幸好Cafe門口有一空位，拍好車後等了15分鐘位置正式入座。點了一份意大利奶油芝士醬配蟹肉意大利麵（$135) 以及一份凍美式咖啡($46)，意粉看上去比較乾身，但實質啖啖蟹肉，，每一啖都沾滿蟹肉，絕不揸流攤，對得起價位🫢不夠10分鐘便清掉了家人點了超級全日早餐($135)及一杯Latte，早餐份量十足，非常適合男士的胃量😆聽聞佐敦只是其中一間分店，火炭還有另一間，佐敦地理位置方便👍🏻只是能泊車的位置不多，建議可搭交通工具到訪😊

裝修完，第一次幫襯，可能因為下午茶時間，冇乜人，感覺非常舒服。整個格局雖然都是一條長形，不過有打橫向街望嘅座位，也有拍場的座位以前常常吃All day Breakfast，今天只叫了一杯咖啡，一邊看書，一邊喝咖啡，過了從容的一個下午。

我全日早餐最期待嘅提子消失咗, 變咗做瓜, 但係啲瓜好難食, 另外三文魚嘅份量比從前細咗一半… 唔知發生咩問題… 老闆要留意一下.除此之外，其餘食物水準不變……………..

一間coffee shop，最忌唔係食物麻麻，而係坐得唔舒服。位於廟街嘅”Studio Caffeine”，人氣爆棚，周末來午餐要等位是理所當然。不過，呢間coffee shop嘅座位安排就認真麻麻。過份擠迫，通道窄，二人座和隔離太近，根本就係搭枱，坐得相當唔舒服。更要命的是，餐廳出品偏慢，落單後25分鐘才有咖啡 (30分鐘才上正餐all day)，而座位隔籬就係廚房，洗碗聲不絕於耳。可以話，嘢食未上我已經對佢印象相當差。其實，餐廳的咖啡出品很好，甚至說是近來最好的latte也不為過。至於不同種類的all day，用料亦有不同。美式全日早餐啱晒大胃王食肉獸，連炒蛋都比起超級全日早餐來得大。而超級全日早餐就有蔬菜生果，比較平衡。(隔離枱的egg benedict看來都好有水準。) 食物質素算是非常好，配料都熱辣辣，炒蛋、腸、牛角包，比不少Cafe都做得好，而且份量絕對對得住價錢。不過，坐得唔舒服嘅咖啡室，始終係硬傷，我就唔會再嚟了。

朋友介紹嘅Cafe, 試左個熱門嘅American All Day Breakfast 🍳🍞(美式全日早餐)，份量已經好夠！特別中意佢個芝士焗大啡菇😍😍唔夠食的話，大家可以叫佢個加量級Monster All Day Breakfast「超級全日早餐」，包你夠哂飽！🤣🤣🌟𝘼𝙢𝙚𝙧𝙞𝙘𝙖𝙣 𝘼𝙡𝙡 𝘿𝙖𝙮 𝘽𝙧𝙚𝙖𝙠𝙛𝙖𝙨𝙩美式全日早餐sᴍᴏᴋᴇᴅ sᴀʟᴍᴏɴ| ʙᴀᴄᴏɴ| ɴᴜʀᴇᴍʙᴇʀɢ sᴀᴜsᴀɢᴇ| ᴋᴀsᴇᴋʀᴀɪɴᴇʀ sᴀᴜsᴀɢᴇ| ᴘᴏʀᴛᴏʙᴇʟʟᴏ ᴡɪᴛʜ ᴄʜᴇᴇsᴇ| sᴄʀᴀᴍʙʟᴇᴅ ᴇɢɢ| ᴄʜᴇʀʀʏ ᴛᴏᴍᴀᴛᴏᴇs| ʜᴏᴍᴇᴍᴀᴅᴇ ʙᴀᴋᴇᴅ ʙᴇᴀɴs| ʙᴜᴛᴛᴇʀ ʙʀɪᴏᴄʜᴇ煙三文魚| 煙肉 | 紐倫堡腸| 芝士脆皮腸|芝士大啡菇| 炒滑蛋| 車厘茄| 秘製焗豆| 法式奶油餐包

今日嚟到佐敦，有嘆一杯咖啡嘅時間，於是嚟咗呢間喺廟街嘅Studio Caffeine✨ 平日呢條廟街唔算多人但原來已經隱藏住好幾間Coffee Shop🤭雖然係平日，但入邊都有啲人食緊嘢一入門口已經好鍾意鋪頭嘅裝修風格😍型格得嚟又時尚牆仲貼住好多咖啡嘅證書，唔知係咪真係好飲呢🤩Smashed Avocado with Salmon Sourdough🍞絕對有驚喜😍 Sourdough 脆身，有烘過配搭埋一定份量嘅牛油果同煙三文魚😍真係💯 冇得輸🫶🏻🫶🏻

年初三，其實第三次幫襯不過今次順便叫多個甜品因為冇其他食物供應 所以揀咗個Tiramisu 外賣($78)啲手指餅仲係硬冇浸過咖啡酒，支外賣木叉篤極都篤唔入完全食唔到淨係食cream🫣

夜晚想同朋友慢慢食下飯傾下計，上網搵到呢間餐廳可以慢慢坐，冇限時。餐廳野食種類唔算好多。冬陰公醬配虎蝦意粉 $145蒜香本菇配帶子意粉$135意式煙肉卡邦尼配巴馬火腿意粉 $135意大利奶油芝上醬配蟹肉意粉$135黑牛安格斯西冷配 蜜糖芥末醬 $138呢到意粉味道都幾好，不話份量就少左d。蒜香本菇配帶子意粉覺得偏油，冬陰公醬配虎蝦意粉覺得最好食，辣辣地，蝦都好食😊沙律就普普通通，冇咩特別。另外仲叫左幾款是日蛋糕，不過最好食係個TIRAMISU🤣🤣想傾計呢間餐廳幾好，野食就性價比唔太高。

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯週末最休閒瞓到黃朝百晏先起身，之後就係同朋友一齊去Cafe嗰度食all day breakfast,今次搵個方便大家嘅位置喺佐敦，然後飲杯靚咖啡，大家講吓八卦嘢笑吓咁😅佢哋個all day breakfast真係非常之豐富，見到已經好大碟，有齊以下材料沙律菜，煙三文魚，煙肉，紐倫堡腸，芝士大啡菇，炒滑蛋，車厘茄，新鮮水果，秘製焗豆 法式奶油餐包，成個配搭同埋組合都好豐富班尼迪蛋配巴馬火腿飽滿又大隻嘅班尼迪蛋，切開會見到流心啲蛋黃，同充滿咸香嘅火腿一齊食好邪惡呀。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯Studio Caffeine (廟街) (佐敦)佐敦廟街284號地舖⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯