Sueno (已結業)

Sueno 感覺係灣仔抵食餐廳之一，環境唔係特別好，但幾有格調，充滿工業風。食過幾次，今次試下lunch set 嘅油封鴨腿($168)。賣相討好，睇落鴨皮好脆，實際上都係脆皮。但入面嘅鴨肉就差少少，有啲乾，唔夠juicy，有啲可惜。如果入面稍為多汁啲，簡直抵食到爛。伴碟嘅蔬菜幾新鮮可以一食👍🏻。個set仲有南瓜湯同薯仔沙律，幾欣賞個南瓜湯，你話佢超甜又唔係但係就係好refresh又有南瓜味🥰值得一試。

If i had wanted to order food through an app i would have stayed at home ! Unfortunately that was the dining experience at Sueno. Want water, order through an app.  Want food, order through an app. But the problem was the app was not reliable cos after waiting for 35mins (menu says food we ordered required a 30mins waiting time), my friend went to personally find the staff to ask them where was the wine we ordered through the app. Only then did they come running and realized our food and drinks

今個月生日🎂7月之星有成4個人🥳🎂上網見到好似好好味個西班牙海鮮飯🥘吸引左我來試，一入門口暗暗地夠氣氛，book左樓上，啲員工好有禮貌招待。。。。。野食質素都好好，最正係個西班牙海鮮飯，同慢煮乳豬，價錢適中，會再推薦朋友來食🥰😘

脫離居家工作，可以四出覓食，令到沉睡的鬥志重燃起來！是日的午餐吃西班牙菜，先上桌的蒜蓉大蝦乃西班牙小食當中小人的至愛：蒜香濃郁又入味，蝦肉夠香，爽彈有致，吃着超過瘾，風味相當獨特，一刻清碟！不少餐廳都會供應各類的焗蘑菇菜式，這兒的蘑菇肉厚味濃，夾雜著柔和的芝士味道和口感都相當不錯，雖則並非甚麼驚為天人之作，不過就是食得出有分別，值得一試。煮八爪魚就是一條大八爪魚鬚，肉質果然夠挺 - 挺得有點靭！肉是無味的，蘸了碟上的汁亦於事無補，正所謂試過就算。魷魚筒配大蝦，又是一道不太討好的菜式。蝦是大隻的，魷魚筒亦然，奈何都燒得不夠香，突出不了食材本身的鮮味。主菜方案感覺好像本地化了些，似乎餐廳在正宗西班牙風味與地道茶記之間取得了平衡。

1. 服務差: 成間餐廳得我地呢一枱, 2個女侍應好被動, 成日企埋一起傾計. 叫到先做.  埋單走嗰陣 一句多謝都冇. 尢如在茶餐廳用饍. 2. 價錢貴: 乳豬4,5 舊, 3百幾蚊. 唔扺食. 叫咗蝦意粉, 沙律, 燒雞, 咁就九百幾蚊.  3. 意粉一般, 蝦較新鮮. 4. 當日係為咗慶祝紀念日, 特意嚟呢間餐廳, 呢個侍應亦知, 而且我地少食西班牙菜., 又睇到呢度既好評. 所以嚟試下.  但最後係失望, 完全無賓至如回歸既感覺. 早知去食迥轉壽司好過. 

同朋友一齊想喺灣仔食一餐晚飯經過呢間西班牙店覺得好似唔錯所以就入咗嚟😗環境位置有少少迫，如果可以坐得闊落啲就好😵‍💫食物方面嘅西班牙飯一定要叫定先因為製作需時其餘食物叫咗一個青口，青口好有驚喜食落口熟得啱啱好👯‍♀️好嫩好鮮甜👍意粉微辣十分惹味，蝦都有6隻但意粉就少咗啲啲😶龍蝦小漢堡點樣好好咁樣幫我哋分開咗三份，我哋每人都可以食到，味道都好好味最後嚟到重頭戲西班牙飯，覺得有啲失望始終最期待就係呢個，飯唔算好入味，而且入口比較乾

坦白講真係好少寫食評但係呢間真係唔寫唔得，先講裝修格局，樓上排位非常之擠迫而且亦係茶餐廳佈局，叫咗一個所謂最出名乳豬同埋幾樣小食，首先八爪魚非常韌，正宗西班牙野冇可能會韌得咁緊要，另外叫咗個蟹肉球非常之油膩，完全係茶餐廳嗰浸油膩味道，去到主菜嘅乳豬真係等同燒味舖嘅乳豬咁上下，但係價錢就係幾倍，而且骨非常多肉就少，另外嗌咗一咋sangria，倒出嚟只係得兩杯仲要莫名其妙放咗荔枝入去。你都算叫做正常已經係甜品嘅chiro, 但無論形狀同味道上同正宗西班牙chiro都爭非常之遠只係相對下冇咁難食，總括而言味道只係去到茶餐廳水準但係學人做西班牙菜，連放響度俾你用嘅茄汁調味料都係用超級市場最平嗰種，但係價錢就收到足，叫咗咁小野埋單要成千蚊。差唔多係我食過最難食嘅西班牙菜。居然有人話佢啲乳豬好食，我唔知佢係冇味覺定係打手。

見到OpenRice勁多好評，又話海鮮飯好正，之後就走咗去食啦😮‍💨興致勃勃，點知售罄，心諗咁好賣，其他嘢應該都好食掛⋯⋯叫咗個豬鞍架，$228仲要+1，好貴，食落都幾乾同埋鞋濕濕，真係唔夠食😮‍💨羊架好少少，不過都係要$228加一上碟都好生下⋯⋯不過就冇so味，味道係OK，但係價錢貴，份量少今次嗌嘅食物唔算多，唔知係咪因為唔係我唔識得叫😂😂但原來我朋友都有食過呢一間，好好彩地食過西班牙飯，原來份量係偏細，價錢又比較貴⋯連水都要加錢🙀😖真係好一般嘅體驗😓

Farewell 同事飯局，唔太識睇西班牙菜色名清所以請店員介紹，我哋冇特別要求，點知嚟咗9個 starter, very surprise 好好味呀！佢唔會淨得黑毛豬同沙律，非常有創意。我最鍾意 tartar, bikini sandwich 同 ham croquettes. 因為驚食唔晒主菜只叫咗最脆口嘅豬手同西班牙海鮮飯. 女士們又點會唔要 churro 做完美句號

平時食西班牙菜通常最吸引我嘅係一大堆tapas配Sangria!Sueno 嘅Tapas 款式相對比較少，所以淨係叫左炸青椒、bikini sandwich同埋兩款croquettes 比較出色嘅係ham croquettes,咬落去creamy 得黎又帶有咸香～炸青椒正常水平～bikini sandwich 我覺得唔夠牛油啦同埋其實就好似一個普通拉絲芝士火腿包🤷🏻‍♀️可能之前食過taparoom 嘅鵝肝bikni sandwich 太驚為天人所以覺得呢個冇咩特別😬至於crab popper 做好乾，係充滿蟹肉但係就係一副急凍現成蟹肉嘅味道，可以直接skip!食完tapas 成餐飯嘅高潮位終於出現啦！就係烤乳豬！講真呢個份量收我三百幾蚊我係覺得有啲貴嘅～但係佢真係好食！皮脆肉嫩！調味啱啱好唔會過咸，唯一缺點就係少囉🥲隔離嘅菠蘿係凍嘅上邊有啲焦糖面…咁我覺得港式串燒嘅燒菠蘿出色啲，不如你唔好比菠蘿換多少少乳豬比我🥺之後我哋仲食咗西班牙海鮮飯，個飯比較濕但係個海鮮味係幾鮮，不過我食開比較重口味覺得呢個有啲淡～同埋佢個帶子同埋蝦真係乾到嚇死人！最後我仲食埋churros配多杯咖啡～企番起身先

好少食西班牙菜，突然好想食西班牙飯 今日就去灣仔試吓🥳衝住西班牙飯黎既我，當然有嗌啦，再嗌多幾個小食，包括燒乳豬，燒八爪魚同燒牛脷等。小食當中最欣賞乳豬，燒得好脆好嫩，唔似中菜食開既乳豬。不過牛脷就無味。主角西班牙飯最令人失望，完全唔正宗，食左幾啖已經唔想食，甜到係茄膏撈飯咁。食到一半仲見到廚師無戴口罩煮野食，真係唔開胃，明知客人會見到都咁。

冇得去旅行，係香港搵下西班牙菜食，最近去咗灣仔 ，係囍帖街附近嘅小店，環境都幾有情調👍🏻烤乳豬:先點咗我面前呢個烤乳豬, 好有驚喜, 唔係中式乳豬口感, 面層脆皮薄薄一片, 肉質嫩滑, 必點之選呀!仲有伴碟嘅焦糖燒菠蘿, 好鮮甜, 一齊食好夾又唔油膩!香炸蟹波:前菜點嘅呢個蟹波, 粒粒都好大粒足料, 內面有滿滿嘅蟹肉, 外層炸皮薄薄地, 認真唔錯!西班牙蛋餅:另外仲叫咗小食, 第一次食西班牙蛋餅, 一見到有好可愛嘅感覺, 連埋煎pan上, 賣相好靚之餘, 蛋餅幾厚身, 蛋香味仲好出, 蛋餅幾厚身😋P.S: 如果星期一至六 2-7pm去係Happy Hour, 有beer同wine by glass都幾抵飲！

開咗成朝會， lunch time想同班同事chill d休息下。最後嚟咗呢一度，樓上有個corner可以容納得到多啲人，一齊傾計好開心！Lunch set嘅選擇都唔少，最後我揀咗墨魚汁pasta!! 一於唔顧儀態地食返餐好😂可能因為坐得比較角落，嘢食都等咗好一陣先到😂意粉嘅韌度啱啱好，每條意粉上面都掛咗creamy嘅墨魚汁。墨魚汁唔算太濃，偏奶味，但係勝在都夠熱，味道香而不油膩。配搭嘅海鮮唔多，但都算對得住個價錢。過開黎附近可以試吓😋😋

前文提要︰原本想去Wingman食個lunch，點知都未落order，已經一肚氣！唯有去附近餐廳食個午餐消消氣。行過創活cafe，但menu唔係幾啱食，最後見到Sueno，見到外面Menu價錢幾低，就決定一試！一坐低攞起個menu先發覺出面$68個飯係外賣價錢XDDD 坐低最平一個餐要$138，突然貴咗一倍LOL 但都坐低咗，就試下啦。佢叫左個烤雞，我叫咗個蟹肉risotto。首先嚟咗個餐湯--椰菜花忌廉湯有啲驚喜喎，一入口椰菜花味好出，再嗒真啲就有creamy既味道。有兩塊法包跟湯，浸一浸，食得。蟹肉risotto ($158)第一啖真係有蟹味湧出嚟，類面仲有露笋同菇菇。個risotto好滑，露芛都好嫩口，忌廉得嚟又唔會好heavy，推薦！烤雞 ($138)唔記得咗個醬名，但係個汁好惹味，有啲印度feel，但唔辣既。雞肉都烤得嫰滑。伴碟有薯仔、翠玉瓜、甜椒同杏胞菇。lunch set有跟餐飲，不過凍飲加$5就有啲貴。食物有質素，價錢唔貴但都唔平，有機會可以再試！

朋友談起吃tapas 和西班牙菜，話有間餐廳要去試吓，因為無期待之下，兩枱八個人都話驚喜甚多。 然後講起sueno 呢個名字真心無聽過，而且都無特別係社文平台 呢啲媒體成日見到，引起我嘅興趣。 於是一次晚餐家人話食西班牙野，我放棄了出名嘅IFC西班牙菜，轉而去小店。為咗就係呢到嘅乳豬。 呢間係名符其實嘅小店，唔多人，店只是得十張枱內，十足西班牙街頭你隨便發堀到的無限驚喜店，轉個角就有驚人的美味。 當然要點sangria ，有pink 有red 有white ，我地杯杯都想試下，白酒反而驚喜最大，那些水果，多到好似食糖水咁。 吃蟹肉扁意大利麵時我不期然想起波霸奶茶，那個狂野又過份，蟹肉直頭係波濤洶湧，勁過份，意粉炒得上佳，愛辣就更加無敵，因為用上大量黑椒去炒，炒得好有生氣，未試過食完意粉都有大堆蟹肉。 香炸蟹波，有種說不出的好，出色的外層，炸功貼近那些五星級的中菜。 八爪魚當然係大推，同樣一種tapas，在海港城的一間名店，賣的價錢真係離地好多，係同樣貴價的灣仔地段，我又覺得價錢合理。 烤乳豬才是主角，送上嘅配菜絕對精彩，乳豬的外皮脆得