Sugar Mama

營業中

休息中

愛心小店自家製心形心太軟💚💛🧡❤️🖤🤎知道佢地得屯門/元朗有分店但呢2個地方對我地黎講真係好好好好遠今次山長水遠入到黎同媽媽一人食完一個心太軟之後🤎💚大家都忍唔住要再食多個先肯走😂😂有17種味真係好難揀呀🤤爭扎左好耐我地開頭揀左綠茶味心太軟🍵榛子朱古力味心太軟🌰🍫一切開個心太軟D朱古力同抹茶流晒出嚟🤤好滿足好幸福好正呀😍2隻味都好香濃幼滑🤤蛋糕軟綿綿👍🏻即叫即焗熱辣辣完全唔會覺得又甜又漏 所以一人食完一個之後忍唔住再叫多個share😂又爭扎好耐之後決定揀焦糖味心太軟食落有D似熱香餅既感覺🥞呢個一切開D流心爆曬出黎😳超級澎湃😍好療癒呀😍店舖細細老闆好親民🥰裏面好特別🐢🐢🐢🐢🐢🐢🐢每個角落全部都係各式各樣嘅龜🐢最特別係埋單嘅時候係自己放落個膠桶到💰自己找續💰各方面都做得非常好🥰期待下次再見😊

📍 Sugar Mama (元朗) @sugarmamayl 放工後的我一個人在街上逛，忽然想食甜品，行下行下係一條巷入面發現到呢間餐廳，隱約見到最出名就係心太軟，所以我特登上前試一試。🧡開心果心太軟（配芒果巴菲）即叫即整既心太軟，是老婆最愛的開心果口味，但其迷人奧妙之處，盡在一刀切下去時，裏面的開心果漿流出，有如火山熔岩般，慢慢流動。芒果芭菲分開三層，第一層芒果冰雪，中間係椰漿，最尾係芒果肉，一啖巴菲三種享受。🧡蘋果金寶（配雲呢拿雪糕）蘋果金寶係一款傳統英式甜品，而且外脆內軟兼暖笠笠，再配上雲呢拿雪糕，一凍一熱，冰火交融，非常好味。P.S. 我見餐廳有出售急凍心太軟，可以在家中招呼親朋戚友，或者自己享用，買嘅時候亦都有埋食譜，簡單又易整。仲有餐廳入邊仲有其他小食，即叫即整， 10分鬆脆。

有多次食心太軟經驗，好似間間差不多，呢間心太軟卻令我留下深刻印象！做到俗稱「皮薄餡靚」，不過位於小巷中，要不是朋友帶路，都不會發現那隱世心太軟專門店。鋪頭為立食店，位於街市對面窄巷盡頭，巷頭沒有明顯廣告宣傳。鋪面清晰貼上餐目一目了然。所有心太軟即落單即製，需時大約10-15分鐘，到手時新鮮熱㷫熱辣辣蛋糕皮超薄，小缺口已經湧晒濃郁熱燙抹茶醬！濃郁度剛好未到苦澀又唔溜，配清新桂花雪糕冷熱及濃輕平均，桂花味如桂花糕味道。不禁外賣一個回家慢慢享用，家中180度焗15分鐘出爐，雖然無現場食的烤焗時間精準，但同樣朱古力流心湧出！朱古力醬不太甜，今期最流行的開心果不妨一試，雖然奶味不太突出反而突出開心果味。

以前喺舊鐘聲開咗間甜品店叫做Suga Mama佢啲心太軟出名好好食原來而家回歸咗開咗喺順福糧倉對面巷仔叫咗個心太軟呢個係薄荷口味$55食物嘅質素冇變到 都係keep住以前嘅味道心太軟有好多種口味 今次就試咗薄荷味佢啲流心整得好好 好正$55包左一球雪糕 食一啖心太軟再食一啖雪糕更加夾😋不過要注意 要即刻食先可以keep到咁好味一定要佢整完嗰吓趁熱食店舖有少少企位 可以企喺嗰度食餐牌下面有兩張枱仔另外再叫咗一個芒果金寶$52佢將焗熱咗嘅芒果，加上香脆曲奇碎連埋雲呢拿雪糕一齊食呢個係我第一次食，又幾好食喎😆曲奇碎同芒果非常之夾👍🏽

心太軟($54/中size/跟雪糕球一個) + 英國皇室麵包布丁配雪糕($49）★－:+:－:+:－:+:－:+:－:+:－:+:－:+:－:+:－★​N年前食過元朗呢間Sugar MaMa個招牌心太軟好好食，原來而家搬咗去大橋街市對面7仔隔離巷仔，甜品之外亦有咸食同飲品，選擇算多；叫咗個中size心太軟，外層鬆化，一刀切落去時流心效果勁揪，朱古力漿”爸”一聲流出嚟，好治癒🍫🍫🍫🤩朱古力唔太甜唔太苦，味道啱啱好，跟一球雪糕，雪糕有好多味揀，揀咗自家製芒果芭菲，熱騰騰口感配冰凍雪糕球正！另叫咗英國皇室麵包布丁，層層壓疊嘅麵包吸晒啲蛋漿，唔會太甜，麵包體紮實綿密😌

元朗市區不嬲都有好多嘢食可以揀🤤，今次我哋就去咗一間甜品小店🍰。舖頭主打心太軟💕，除咗堂食、外賣之外，仲可以急凍買走❄️，返屋企先焗到有流心效果🔥。.🍮焦糖心太軟(中$57 / 大$114)一切落去，滿滿嘅流心醬即刻好澎湃咁💥流晒出嚟，望落真係好吸引😍！一啖食到帶有烘焙香味嘅蛋糕體🧁，點埋流心，口感香綿滿足。.🫖伯爵茶心太軟(中$57 / 大$114)份量真係夠晒大個🙌🏻，兩個人share都夠，而且係好特別嘅心心造型💕，襯返心太軟嘅主題。而且流心同蛋糕嘅比例啱啱好✌🏻，食落夠濕潤軟綿，伯爵茶味好出。.🍨豆腐雪糕球心太軟可以配埋雪糕，我哋其中一個就揀咗豆腐味🌟，食落真係好香嘅豆乳甜香味，同埋綿香嘅豆香😋。雪糕口感順口，幾好食💕。.🍪曲奇雪糕球另一個我哋就揀咗曲奇味🤩，同平時嘅曲奇雪糕一樣，甜甜香香😋，曲奇碎粒同埋忌廉牛奶味嘅雪糕係經典組合🍼，好夾。

喺中學時代嘅回憶 冇咗一陣子突然路過見到宣傳牌強勢回歸元朗！開咗喺壽富街嘅其中一條後巷環境就真係唔係10分美觀但一食返啲心太軟真係回憶返晒嚟有分大同中兩個尺寸中已經比平時出邊嘅大一個人食都已經好多會膩兩個人食啱啱好一份心太軟拼一球雪糕雪糕嘅味道都幾特別 會有榴槤開心果等等特別嘅雪糕就要加少少價錢睇到佢嘅流心效果真係心太軟界冇得輸而且味道亦都10分特別 10分出色我嗌咗酒心同埋moka 真係好好好好味！！！

元朗隱世世一心太軟今日經過壽富街見到有個細細地嘅牌仔，見到有心太軟專門店，已經差唔多好肚餓就入去睇吓巷仔入邊有一間心太軟專門店，有非常多唔同口味，除咗心太軟仲有窩夫、法式焦糖燉蛋、自家製雪糕！覺得點解對心太軟有種獨特嘅執着，一啲唔同口味嘅心太軟都製作到出嚟，好似榴槤、綠茶、芒果等等。原來佢哋仲有買埋急凍嘅心太軟，客人可以買返屋企幾時想食心太軟都可以品嚐到試吓佢哋招牌心太軟，香濃的味道四溢，切開之後軟滑流心就在蛋糕中流出來另外同事叫埋焦糖燉蛋，細滑的蛋吉士和鋪上一層香濃焦糖面形成鮮明對比，配咗兩款唔同口味雪糕都唔錯！📍sugarmama 元朗壽富街33號好利洋樓地下P鋪(711巷仔直入)

帶住狗狗🐕千里迢迢嚟，就係為咗一試佢馳名的心太軟。抵達前~10分鐘落單，店員就會預時間焗製，而雪糕就嚟到先揀口味喎。我同狗狗爸爸2個人share🍽️，點咗1個特濃朱古力🍫心太軟同埋➕$6自家製開心果雪糕🍨。我哋行慢咗少少，喺落order後12分鐘到達，店員戴頭盔👷🏻話因為早咗焗好，俾我哋做定心理準備係品質可能有問題。特濃朱古力🍫心太軟：切開，蛋糕入面的朱古力漿冇流心，冇溶岩效果，蛋糕亦冇話有啲脆的部分➕有啲軟熟的部分，食落一體都似係麵糊，勁失望❗雖然我哋嚟遲咗，不過2分鐘應該影響唔到蛋糕除流心外的其他部分。呢個心太軟以質量同價錢（$57）嚟講，比雪藏的心太軟更令人失望🥲。自家製開心果雪糕🍨：到手時雪糕好硬，完全𢳂唔到嚟食，即係冇得同心太軟同時食🍽️，所以冇辦法以雪糕中和蛋糕的甜膩又或者提升整體味道/口感。我哋無奈只好食完心太軟再食雪糕😔。由於心太軟味道偏濃，食完再食雪糕，真係唔太食得出開心果味，味道勁淡。雪糕入面有幾粒又細又「淋」的開心果碎，細細球要➕$6仲要咁唔好食🥹🥹~心太軟+雪糕索價$63。甜品的質素唔高（唯一可取之處係唔太甜），食物放喺紙盒、膠盒裡面serve客人，堂食係喺小巷（後