SUKIYA すき家 (Commercial Unit)

營業中

休息中

今日8號風球，下午12:40就落波出12:00出去睇吓有咩食好多舖頭都未開。即刻上網睇吓附近有咩餐廳開見到Sukiya廿四小時營業，今日就去買嚟食先。去到問店員牛肉飯，L，LL同Mega有咩分別？店員好細心咁解釋其實飯份量係冇分別，係牛肉量嘅分別，大係一份牛肉，大大多一份Mega係三份，咁我就話要Mega另外嗌咗個炸雞小食五粒加多個溫泉蛋。買到返公司一打開牛嘅份量真係好多有成一個飯牛肉，炸雞香脆可口略嫌細粒，我有叫店員啲飯要多汁，打開啲飯真係每一粒都有牛肉汁，但係珍珠米軟硬適中，試一試個牛肉薄切有肉汁又不會太肥，又有香甜嘅洋蔥相伴，堪稱價廉物美超值

成日都有條龍喺出邊排隊，心想一定又係啲乜嘢貴價嘢，原來係平民餐，星期日嘅晏晝兩點左右，好彩唔使排隊就入到餐廳入邊，幫襯嘅有內地遊客同埋女傭，望吓啲餐牌肉vs菜嘅份量非常balance, 因為隔幾個舖位就會吉野家，我諗會唔會啲人唔會去吉野家呢間度食呢？😜原因除咗呢度嘅價錢平D, 味道亦都好D。有三個姐姐加一個哥哥做serve，感覺尚算禮貌，亦都會主動送上清茶一杯，因為係平價食店，所以一定要搭枱，我覺得對得住個價錢。👍

今早早餐無食蛋，下午就來個：W溫泉蛋牛井飯吧👍🏻👍🏻牛肉可接受，唔軔、又唔會有太多肥膏，份量ok;汁的份量足夠送飯;溫泉蛋用獨立小膠盒盛載，半熟、流心，撈飯又得，或就咁食又可，正😝我要咗個”小”size 的牛井($35), 對女生而言都已足夠, 好抵食。同其他Sukiya 一樣，要堂食都預咗排隊，想食真係要等一等。＊依兩次叫同樣的飯都只比一隻蛋我，要行返轉頭攞返另一隻蛋，大家攞外賣時真係要睇一睇🫤

order雙溫泉蛋牛 職員都覆我W溫泉蛋牛等餐中途要覆電話聽到嗌number對咗number就拎走個飯結果只係俾咗一隻溫泉蛋係咪要逼食客疑神疑鬼 一定要check單同份嘢食先走得？ 係消費者嘅責任?

日本人朝早好鐘意食飯，米氣米氣便是早上吃米飯的「飯食」，有報道之出米飯因為是一粒一粒的，好好的咀嚼可以讓腸胃慢慢消化・吸收，安穩的讓血糖上升，讓血糖長時間維持。 米飯給予腦部安定的葡萄糖供給源。我一星期總有一日去這家食早餐，又平又好味又飽。有好多選擇牛肉元氣朝食、牛肉鯖魚朝食、鯖魚朝食、牛肉鮭魚朝食、鮭魚朝食、牛肉小碟朝食及元氣朝食，一份可說相當豐富，還可另外加點單品，可以睇自己心情任選自由搭配。我通常食鯖魚朝食，煎到恰恰好的魚肉，不柴，搭配日式吃法海苔加醬油，這早餐更有一番滋味喔~加杯冰紅茶，為了在早晨開啟元氣的每一天，好好的吃米飯吧！完滿的一天就啟動~

叫老公返工前買牛肉鯖魚飯，我中午叮熱做lunch。配菜係非常少嘅生椰菜、紅蘿蔔絲，好在有紫菜絲吊下味。鯖魚有餐盒面咁長，薄薄地有鹹味，神奇嘅係條魚可能比較「後生」，一條骨都冇，呢樣好好！牛肉有四五小片，都ok，只係亁左D。$39冇飲品，少少貴，不過做lunch都ok。

今日喺會展收工同咗成班同事一齊去呢間牛丼度食飯排隊嘅時間基本上係九個字左右，但係我哋嗰陣時已經係10:00店員非常之少，所以你入到去基本上係要等店員食物嘅質素我覺得比較一般，但係價錢算係平嘅

點咗大咖喱牛肉飯，加炸雞小食。外賣盒內只有飯同咖喱汁同炸雞。牛肉完全冇。點餐時間大概9:55pm, 太晏所以冇牛肉？會唔會過份咗少少！之前未延長收鋪時間，間鋪已經趕住收工咁！不知所謂

香港百物騰貴，二十多元可以食一個牛肉飯，簡直是傳奇。這店雖然牛肉飯只是二十多元，但牛肉味美，肉質也不錯，與同類型日本牛肉飯店舖味道一樣，但價錢就便宜很多，實在價廉物美，值得品嚐。

在灣仔工作完，又是一個人食飯的時間。經常都會經過SUKIYA すき家，每次經過都見到有排隊的人。今日見到只有三個人排隊，決定試一試，不用5分鐘，就可以坐低，再禁鐘叫店員點餐。牛肉炙燒豚雙拼丼(L) $66 配沙律套餐(+$10) 餐廳牛肉飯的選擇多，都猶豫了一陣先決定到要選擇哪一個。想一次過試牛肉同豚肉，所有叫了牛肉炙燒豚雙拼丼(L)。出外食飯有時都補充下蔬菜，再加配了沙律套餐，除了沙律，更可以選擇麵豉湯或者飲品。當日的天氣太熱，飲一啖冰紅茶，十分透心涼。沙律是椰菜沙律，加上芝麻醬，很開胃。牛肉炙燒豚雙拼丼的肉類份量正常，豚肉比牛肉多，兩者都是薄切肉片。味道是大家熟悉的日式牛肉飯味道，由肉類搭配甜甜的日式燒汁，加上焦糖化的洋蔥同日本珍珠米，味道又熟悉又好味。不論是燒汁牛肉或者炙燒豚肉，兩者肥瘦剛剛好，不會鞋口又下飯。即使飯的份量多，因為燒汁同肉類份量剛好，不會有白飯剩的情況。比起一開初，SUKIYA すき家多了不同的分店，排隊人潮也沒有那麼多。如果掛住日式牛肉飯味道，呢間餐廳是好味又抵食的選擇。

灣仔sukiyaki,呢間在灣仔地鐵站A3出口行幾分鐘就到，位置非常方便！在幾個月前已經開咗，不過我見太多人排隊，不試住😂而家兩點幾食下午茶不用排隊，今日叫了一個鰻魚牛肉飯，加$15有青菜和蜆面豉湯!味道還可以，青菜太多蒜蓉😂蜆湯不錯（蜆份量不少）提一提：堂食要坐低㩒鐘仔落單，如果你先付款，就會當了你係外賣😆

灣仔店試過，太古店同油麻地店都試過，發現肉糧越來越少。好似今次叫個M size的叻b咖哩牛肉飯，飯量同肉量唔成比例，雖然話有汁撈飯，都唔係得5小塊啩? M size 係咁, 咁叫S size咪得一塊? 今次是近月第3次光顧，確認不是單次失誤，以後可以不幫襯了。

係咪間間Sukiya任何時間都要排隊?Idiot當日2個人中午12點15分左右排咗成大半個鐘先有位夏天喺戶外等咁耐食個快餐都真係令人幾抗拒...不過職員姐姐都好好人 間唔中會出嚟安撫我哋話就快有位仲安排咗張獨立2人枱俾我哋 坐得舒服啲~👩🏻‍🍳Idiots翻兜之選         ❤️‍🔥 熱溶芝士牛肉丼 $45芝士加TABASCO呢個配搭都幾有驚喜!芝士份量都幾多 普通牛肉丼唔會乾而且辣味會中和芝士嘅膩不過如果肉量多D就更好了~❤️‍🔥 跟餐+10青菜份量都幾多 中午有菜食感覺上均衡啲~而且青菜都算嫩 不過略嫌味道偏咸飲品可以揀汽水或者紅茶 不過不失如果可以加錢轉抹茶牛奶就更加好了

SUKIYA すき家 (灣仔)食物: 燒牛丼😋😋😋加配炸雞套餐😋😋-冰紅茶溫泉蛋燒牛丼😋😋青菜套餐😋😋-冰紅茶燒牛丼加配炸雞套餐：叫左M size,但份量都幾多，肉的份量亦唔少，加加埋啲汁，好好味😋👍🏻。加左炸雞套餐連飲品，炸雞唔算好細塊，好好味。溫泉蛋燒牛丼加配青菜套餐：溫泉蛋係另上的，青菜份量原以為好細碟，但點知都幾多。冰紅茶：甜味適中，可惜只有凍飲，沒有熱飲。總結: 環境唔錯，位唔算多，食物幾好味，臨近收鋪，仍有唔少人排隊，只是晚上9:30便截單，如晚上光顧，還是要早點去到，值得一試。分數 食物: 7/10環境: 7/10服務: 8/10推介: 7/10上菜速度: 8/10地址: 灣仔莊士敦道138號Commercial Unit 1地下1-2號舖

本身諗住開張嗰日食，但實在太多人，所以開張後幾日先黎食其實食過其他分店，長期有人排隊，呢間亦唔例外，放工衝過黎都仲係要排隊，不過就排幾個姐。位於灣仔既呢間分店，灣仔返工既我午飯時間真係唔敢黎，因為佢好平好抵食，所以排到天荒地老都無得食。灣仔如果有餐廳係想食既就等夜晚了，晚飯時間係少啲人既。話說同同事講開先發現無咩人食過，咁所以講下點樣食啦（其實我都只係食過幾次），首先去到門口實見好多人，但會有條隊係寫住堂食，想堂食就排堂食隊，無得攞飛，排隊only，排到你店員執好台就會安排你入座。入座之後揀好食咩禁制搵店員落單，之後食完就拎單去出面埋單。另外有條隊係外賣，外賣就排外賣。唔好排錯，講開又講，話說試食當日有個個樣似殺人犯既呀叔係店入面鬼鬼鼠鼠望黎望去，店員見佢拎住外賣飛，就叫佢出去等外賣，但個呀叔最後鬼鬼鼠鼠坐低左。座位係由店員安排，基本上係唔會搭台，灣仔分店基本上都係獨食打工仔，所以其實每台都係一個客，咁個呀叔就變左同人搭台，但店員最後無趕佢走，反而拎埋餐係佢，仲要完全無理過俾人搭台既食客，真係。。。可能因為呀叔個樣太似最近期既殺人犯，佢坐低之後仲好賤咁笑。。。呢刻我都唔知講咩好。。。個