SUKIYA すき家 (時尚坊(第2期))

營業中

休息中

成日排長龍嘅牛肉飯～((通常要排隊我都係叫外賣或者唔食🤣🤣)) 今日行過見冇人排就入去堂食~ 食物味道平靚正~價錢親民 味道份量都好 仲有好多選擇，而且今次員工服務都唔錯👍🏻👍🏻，之前外賣嘅時候試過一次想要牛肉汁，比個女店員話要叫野食嗰陣時講 等佢地直接加落飯，因為佢地冇外賣碗仔~今次堂食 又唔記得落單嗰時講，見到碗飯有啲乾先記得🥲🥲，不過今次個男店員好好 好好禮貌咁比我👍🏻👍🏻🥹🥹🥹

相隔數月之後再次到訪，食物質素和衞生降低咗。特別有幾點想寫。1. 店內服務員清潔之後便到了其他崗位，沒有指示同事或外面等候的客人可以入去，直至我哋再次詢問，因為明明有幾枱吉2. 座位需要自己再抹先乾淨3. 餐盤好濕，如圖所示都可以看見唔乾淨4. 青菜好鹹喺出邊食嘢，最緊要係衛生，其次就係飲食質素。所以希望可以有點改善。

係黃埔shopping 之後行到腳累又肚餓，我就去近近地一間餐廳去食啦～睇到openrice 對呢間餐廳評價唔錯，就決定一試我當時好想食芝士見到熱溶三式芝士牛丼就叫左見到很多嘢飲，最後叫左宇治抹茶牛奶。職員上菜速度超快，唔使10分鐘就有得食。味道超正芝士唔會食咗幾啖之後飽，佢會令人一啖接一啖咁食宇治抹茶牛奶，佢個抹茶唔苦，抹茶唔會蓋過牛奶味，唔錯最後到咗soso點評時間(full mark🌕🌕🌕🌕🌕)：味道：🌕🌕🌕🌕🌕環境衛生：🌕🌕🌕🌕抵食：🌕🌕🌕🌕🌕服務：🌕🌕🌕🌕

📌 SUKIYA すき家 - 紅磡黃埔天地時尚坊(第2期)地下G6B號舖🗓(26/4) 星期日 ⏰ 下午3點左右 💈特式：呢間日本牛肉飯專門店，相信香港朋友仔一d都唔陌生，但唔知有無人都有同感，佢地嘅食物質素/環境/服務都比之前有明顯下滑好多，以下我會解釋下點解我會咁講。🥩🍔🌭🌮🥗🥯🥘🍲🍝🍣🥟🍤🍱食物：今日都係去我比較近嘅黃埔分店試佢地新出嘅京蔥絲牛肉飯。京蔥絲牛丼/香辣京蔥絲牛丼 - 首先上枱時用嗰個托盤好濕好多水，另外個丼碗都無清潔乾淨，表面有漬同痴立立。食物出品方面，個飯一放低已經係唔熱，重點京蔥絲用料唔靚，又切得唔夠幼身，纖維好粗鞋，食落好韌有渣。其中一個丼叫左套餐，有包炸雞同飲品，炸雞都係上枱已經唔熱，好似擺左好耐咁，令人完全無食慾。🍽環境及🤵🏻🤵🏻‍♀️🤵🏻‍♂️服務：餐廳環境就一向都迫，但而家加埋職員安排得唔好就更加差。我今日去到完全無人招呼，咁我知道呢間店一向都係職員安排坐位，咁我就企係門口入少少等，但等左2~3分鐘都無人理我，正當我準備行入去自己搵位時就有職員叫我等安排坐位。之後職員就安排左我同朋友坐一張長卡位嘅入面中間位，但該坐位兩邊都坐左食客，枱與枱

見唔洗等位於是就試呢間啦，黃埔返工咁耐都未有機會試，原因係次次都排晒隊所以一直無機會試得到。我地兩個人叫咗以下兩個餐︰W溫泉蛋牛丼豚肉味噌湯炸雞套餐同餐牌的圖片唔同，隻溫泉蛋係另上而唔係喺碗飯上面，同埋D炸雞唔夠熱。泡菜牛丼再加一杯宇治抹茶牛奶，呢個餐OK嘅，其實佢嘅質素同吉X家差唔多啦，杯宇治抹茶牛奶都OK的，不過就略甜。其實佢D野食味道係OK嘅，不過店員嘅服務就麻麻地，可能係太忙的關係(成日都要排隊)又或者唔夠人手啦，希望可以改善啦。

唔知食左咩 愈食愈難食 ‘垃圾’幾個月前食過一次都還好 正常 今次去食 食到成肚氣 多過食物 首先 服務態度極差 有位女侍應生 叫 Ka Wxxx下單時 態度極級無禮貌 非常不友善 （ 譚仔姨姨都好過佢的態度）食物方面 難食 份量少 仲差過碟頭飯 圖片同現實相差懸殊叫左個牛肉韓式拌飯 同溫泉蛋燒肉丼 大家睇唔唔睇到 飯仲多個d 餸幾多 牛肉我幾啖食完 （女生食量) 芽菜 通菜 得幾條 好似剩菜咁 誇張到咁… 我真係第一次諗真 咁既質素 品質服務 我食吉野家 / 2餸飯 都好過佢 Or 俾貴d 食其他日本 韓國餐廳 內的飯 都得都唔明點解晚飯時段仲會有人排隊…（其實我本來諗住食壽司郎 點知都係咁多人排隊 又見依間無人先食 點知出曬事…）

第一次嚟呢度食，難食到嘔！！！！飯冇飯味，肉又冇肉味，仲差過大快活大家樂快餐廳，完全吃不下！！侍應態度惡劣到不得了，多謝都唔識講，呼呼喝喝，班侍應基本禮貌都唔識！！！

員工服務態度欠佳 啲牛肉吉野家仲好食過佢啲炸雞完全唔新鮮 😡不值得排隊 環境質素非常低 所有嘢都唔係新鮮 落咗單1分鐘，全部都好似加熱就可以上菜 火鍋完全係勁少食物 一啲都唔值得咁嘅價錢😡

想試試牛肉飯又不想要排隊 (在於角位近馬路口排隊有點不便) 周日一早八時許便到達. 很少早餐吃飯, 想試試有甚麼不同, 但其實也很久沒吃過牛肉飯了. 醬汁味道很豐富, 不知怎樣形容, 但飯就有少少硬, 畢竟是否煮好飯等著賣. 所以, 外出吃飯很少叫白飯來吃.其實有早餐點的不過只想試牛丼. 可能還早, 所以只得一個服務員, 有時候踢腳一點. 吃完8時半, 人流開始多了, 也有帶著行李箱的食客.想試試牛肉飯或其他, 也可一早晨運, 然後跑來吃一頓早飯, 也是一個不錯的選擇.

快靚正之選，飽肚得嚟有質素。燒牛肉飯，真係有燒牛肉個種燒烤味，唔錯唔錯，個飯又好有口感，個人喜歡食呢間多過吉xx😁叫咗杯特飲➡️黑糖啫喱紅茶牛奶唔好將佢同珍奶比較，味道都不錯的🙂

食完嗰間新嘢咖啡完全唔飽買個牛肉飯返去食總之堂食要個早餐set仲抵又有配菜又有湯又有雞蛋呢個乜都冇又一樣價錢好蝕底呀自己一個人食有啲尷尬啲人自己食都係坐巴枱臺位下次都鼓起勇氣自己堂食

初初開嘅時候見好多人排隊，一路都冇食，有幾次早咗放工，見冇咩人排隊，入去試吓係咪真係咁好食入到去好快有職員安排座位，佢哋會講日文歡迎你因為諗住食七成飽完去上堂，所以叫咗個M size嘅泡菜牛丼飯嚟到size啱啱好，係我平時食開嘅份量，好足料，牛肉同泡菜味好夾，平時我食唔到辣，而呢一個泡菜嘅辣度我食到，食唔到辣嘅朋友可以試吓呢個👍🏻👍🏻最後我係清晒成碗飯😋😋餐具擺晒喺側邊自己拎，全部都係即用即棄嘅餐具整體嚟講，無論入座、點餐、送餐所有嘢都好流暢，食物味道好味新鮮，價錢親民，滿足回鋪再食指數：💛💛💛💛💛/5星滿分（今次已經食咗第四、五次了🤭）

📌 SUKIYA すき家 - 紅磡黃埔天地時尚坊(第2期)地下G6B號舖🗓(30/10) 星期日 ⏰ 中午12點左右 💈特式：呢間由日本開嚟香港嘅牛肉飯專門店相信大家一d都唔陌生，唔經唔覺由第一間旺角店開業都而家已經3年，不過人潮當然無之前咁踴躍，亦見店舖會不定時推出新產品吸引顧客，但可能真係開耐左，我覺得質素比之前有明顯下滑。🥩🍔🌭🌮🥗🥯🥘🍲🍝🍣🥟🍤🍱食物：餐廳而家係香港共有4間分店，我今次就去左黃埔分店，當時係星期日lunch時段，但竟然都完全唔洗等位，可以黃埔都真係唔少好野食，所以呢間牛肉飯已經唔太吸引了，但都等我同大家講下味道先。溫泉蛋蘑菇多蜜醬牛丼沙律套餐🥚🍄🐮🍚 - 呢個蘑菇多蜜醬牛丼我係第一次試，首先個蘑菇醬味有少少似KFC蘑菇飯個醬汁，但明顯濃味d香d好食d，另外都仲食到少少松露嘅味道，但唔太多，牛肉方面就係佢地一貫嘅牛丼牛肉。☕️🍵🥤🧋🍺🍷🥃🍹🧉🍾🍶🥛飲品 - 飲品佢今期推介係紅芋牛奶，不過問過職員話套餐唔可以加錢轉呢個，要另外散叫，咁我個餐本身包左杯綠茶，所以就無試，不過我就覺得餐廳可以考慮下套餐可以加錢轉佢地攞介嘅新飲品，咁靈活性會大d。🍽環境：餐

價錢實惠，味道可口，又夠飽肚😍😍同朋友嚟食，叫左人氣最高嘅熱溶三式芝士牛丼，同埋微辣嘅香蔥溫泉蛋燒肉丼😋😋😋加埋套餐都只係加10蚊，我哋叫左青菜套餐，配一杯野飲，同一碟青菜，營養均衡🤤🤤🤤個芝士牛丼真係超好食！佢會附送Tabasco辣汁，好襯個芝士牛丼🤩🤩，好正🥰🥰🥰，啲芝士又超多，拉曬絲😍😍😍而個香蔥溫泉蛋燒肉丼好豐富，又有蔥又有溫泉蛋撈飯，風味十足，一啲都唔乾。個燒肉比起牛丼嘅牛味道較濃，價錢多$10，都抵食嘅😘😘

路過黄埔，見門外排隊人龍，即時諗起吉野家，抬頭一望食乜，被餐廳外滿蔥粒的丼飯所吸引，等了十五分鐘，終於可以入內。一看餐牌價錢，L size午餐平均6x至7x，視乎個人食量選擇可選M size的較便宜. 是次進食雙溫泉蛋牛肉丼飯+燒雞餐。食物方面，牛肉質感比吉野家美味，冇咁散，比較實有咬口，至於炸雞方面，相對普通冇任何吸引，下次光管會選擇豚肉，加$10有一碟菜味道唔錯。