SUN HARU

營業中

休息中

約很久不見的朋友飯聚，選了這家裝飾有玩味的韓國餐廳來打打卡。除了裝修得繽紛有趣，令人感覺開心放鬆，食物價錢相當吸引，韓國菜來說，十分划算，而且份量大，味道也十分不錯呢！坐下便送上泡菜，可以自助任添啊！我們很喜歡這裡的泡菜，酸辣度適中不苦澀，添了又添。先來兩杯沙冰，每杯份量驚人！賣相不錯，價錢更是超值！士多啤梨沙冰$26，特飲來說，價錢是便宜的，見到沙冰堆滿杯上四吋之高，份量多得驚人，士多啤梨味非常突出，還有新鮮果肉，酸甜味適中，絕對是益街坊價錢，高質素飲料。蜜桃乳酪沙冰$28，一樣是挑戰性的大杯，蜜桃味較淡，乳酪味微微酸甜，很清新。不禁問職員，一直都是這麼大杯嗎？是的，真的是這麼大杯。記得中環某沙冰店，吃沙冰甜品要一百多元，現在不到三十元已經吃到高質素沙冰，超值！招牌炸雞來了，無骨炸雞半隻$88，有三款醬汁選擇：甜辣、蜂蜜芥末、牛油蜜糖。炸雞真的炸得很好，外面炸漿不會太厚，脆脆的口感不會太粉，裏面雞肉熟度剛好，仍然保留肉汁，口感軟滑。點上喜歡的醬汁，變成不同的風味，真的滋味十足。豬肉炒粉絲$75，份量多，炒得夠香，微辣，喜歡這裏的醬汁不會死鹹，調配得香口而不油膩，充滿芝麻香，加上雜菜帶

泡菜醃蘿蔔：這款泡菜醃蘿蔔帶來了一股香酸爽口的風味，讓人回味無窮。蘿蔔的脆脆質地與泡菜的醃製香氣完美融合，帶來了一種獨特的酸甜滋味。每一口都充滿了豐富的鮮味和微妙的香料調味，給您帶來一場口腹之慾的美味冒險。炸雞水冷麵：這份炸雞水冷麵給了傳統麵食全新的風貌。熱辣的炸雞肉搭配清涼的水冷麵，形成了一種獨特的對比感。炸雞外酥內嫩，搭配著清爽的麵條，讓您在每一口中感受到不同口感的完美結合。這道菜肴不僅令人驚艷，更讓您品嚐到獨特的風味饗宴。石頭鍋飯：石頭鍋飯帶來了一種濃郁的香氣和口感，讓您彷彿置身於傳統的石頭鍋中。米飯與各種美味配料在高溫石頭鍋中烹煮，散發出令人垂涎的誘人香氣。每一口飯粒都充滿了石頭鍋的獨特風味，讓您一試難忘，回味無窮。藍天乳酸：藍天乳酸帶來了一種清新的風味和健康的享受。這款乳酸飲料口感柔和，帶有微微的酸甜，讓您在一口中感受到涼爽的滋味。清新的藍天乳酸讓人耳目一新，成為您日常生活中的健康選擇。

同朋友都好鍾意食炸雞韓國菜, 適逢今日係粉嶺行街, 就係一間打卡韓國餐廳SUN HARU 享受一餐充滿驚喜嘅晚餐!餐牌是厚厚的, 食物種類繁多, 一口氣order了四款美食大家開心share食!蜂蜜芥末無骨炸雞order了半份, 甜甜地好開胃呢, 好鍾意香脆嘅外皮, 加上炸雞啖啖肉, 肉質好鮮嫩! 喜歡呢個紫菜包飯裏面嘅餡料豐富, 包括有青瓜, 黃瓜, 玉子等, 就咁睇色彩好繽紛, 食落去口感豐富好有咬口好足料啊有着獨特的韓式風味之石頭鍋飯, 我哋就揀選搭配我最愛半肥瘦的腩肉, 上枱時賣相同樣Colourful, 米飯搭配各色時令蔬菜, 營養健康又充滿食慾, 自行加入獨特的辣椒醬和秘制調味料混合, 令石鍋鍋飯的味道醇厚濃烈, 仲有香脆嘅飯焦增加口感牛肉大醬湯跟飯有滿滿的牛肉和豆腐, 湯底調得很好, 味道適中不會過鹹, 豆腐很滑溜, 牛肉香濃而且很腍, 送飯一流! 最後一人一杯飲品, 必叫凍檸茶爽爽喉嚨!

我叫咗個部隊鍋，來到時好似我自己屋企煮個麵既感覺好難食呀大佬，係我人生食過最難食既麵,係成個人被雷劈2下咁！仲要唔平架，唔係講笑！佢好似人哋買菜既人求其入去煮比你咁！仲有個2隻炸雞係無味道囉，想點大佬仲乾過我塊面呀！好難食呀，我真係好小會上來踩人！你想中伏就入來同埋咁既水平夠膽開地舖我真係服咗佢，咁難食完全唔係廚師黎煮，都可以開門做生意！我唸都有幾多人中過伏食完呢餐我真係大開眼界，竟然可以難食到咁地步

同老婆行過門口，見到有間韓國菜，膽粗粗就入去試試，點知從未試過中伏得咁緊要！！！首先，餐廳完全無服務可言！點餐/追單/埋單要客入去廚房搵侍應！！牛肉石鍋飯，食唔到有咩味道，牛肉得兩塊，唔知以為自己食緊兒童餐！部隊鍋仲垃圾！！就咁攞過辛辣面，比一條腸，午餐肉，幾嚿翠玉瓜，就收人88蚊！簡直係欺騙！！炸雞，完全冇醃過，無味，好恐怖！！仲聲稱係招牌！連最簡單嘅凍0茶，都係無味！呢間餐廳食物水準完全業餘水平！垃圾！大家不要中伏！

**食評：Sun Haru**今日喺旺角女人街行街，行到攰攰哋，就見到間細細間嘅Sun Haru，睇落幾舒服，索性入去食返餐飽。揀咗個2-3人套餐，啱啱好夠我哋幾個人分嚟試。首先上嚟嘅係蜂蜜芥末無骨炸雞，呢個真係好正！雞肉炸得脆卜卜，外面包住一層甜甜嘅蜂蜜芥末醬，味道又香又惹味，完全冇油膩感，食到最後一嚿都唔覺膩。跟住就係牛肉炒粉絲，粉絲煮得啱啱好，唔會太爛，牛肉仲好juicy，帶住少少甜甜嘅醬汁，食完真係有啲回味。每一口都充滿香氣，簡直係唔捨得停口。韓式飯卷亦都唔錯，飯粒粒分明，裡面嘅材料都好新鮮，咬落去有口感。呢個係份量啱啱好，當前菜或者小食都得。最後嘅蜜桃沙冰同芒果沙冰真係正到無得彈，夏天嚟杯凍冰冰嘅沙冰，清爽又解渴，果味夠濃郁，好有果肉嘅感覺，唔會太甜，飲完有種特別清新嘅感覺。總括嚟講，Sun Haru係一間真心值得推介嘅小店，唔單止環境舒適，食物質素亦非常有水準。下次嚟旺角，呢度一定係我哋必到嘅地方之一！

之前見到啲comment 麻麻地就一直冇試，但係收工收得晏，收工先買又買唔切，屋企人咁啱係附近食飯就決定試下佢，預先叫屋企人買定，估唔到隔左9個字返到屋企啲野食都仲暖暖哋😙叫左個一人set泡菜湯飯，包炸雞同飲品😆湯同飯會分開裝。不過我食左幾啖先影相，搞到佢賣相唔係幾好🤣但係唔影響味道！係幾好食！啲人話堂食炸雞鞋口，唔知係咪佢哋睇完comment改善左，啲炸雞都滑身，唔算好鞋，不過放耐左，淋就無可避免，但係味唔差Btw佢原本係有4舊的🤣整體黎講，我覺得唔差幾好食，冇想像中咁差，可以再翻桌！😋

客人唔算多 外賣都唔算多 但係我嘅外賣餃子係暖唔係熱。 原本係粉絲卷 但餐廳俾嘅係炸雞😂 不過好在係menu本身有寫 先有得換返粉絲卷。 住非常近 大概5分鐘到店，希望下次可以做得更好啦！ 👍🏻👍🏻👍🏻

周圍搵吃😋夏日炎炎🌞室外三十幾度，食碗韓式冷麵就是最好不過🍜😂為了吃搜索再搜索，又比我搵到一間粉嶺少有既韓式餐廳🍜韓式水冷面紫菜雞蛋冷麵，好有水準，酸酸涼涼好開胃🥘泡菜腩肉軟滑豆腐跟飯午餐份量剛剛好，小小微辣，很地道🍕海鮮煎餅蜆肉鮮蝦香蔥，香噴噴嘅韓式雞蛋煎餅令我想起韓國街頭既小食🍗無骨炸雞 4件會上沙律醬，大大件🥤薄荷青擰梳打🥤跟餐 藍天乳酸 飲品唔會太甜剛剛好📸餐廳裏面有著可愛的壁畫和擺設，有打卡位

無意中發現隱世既韓國料理位於粉嶺聯和墟，座位寬敞，牆壁噴漆以魷魚遊戲為主題，而KAWS仲係最近門口張枱，可以同佢打卡📸都幾有氣氛😙🐔無骨炸雞（全隻）甜辣/牛油蜜糖 $158外脆內嫩，唔會炸到好乾，咬落每一啖都好有肉汁🥚韓國特色蛋卷 （紫菜明太子）$88大大份蛋卷鋪滿紫菜同明太子，內層仲有少少蛋漿半熟狀態，所以食起上黎都會好嫩滑🍲傳統豬肉泡菜湯跟飯 $65豬肉有驚喜，每舊豬肉都係有豚肉既味道，估唔到湯飯既豬肉都係咁滑，而泡菜係好食既泡菜，辣同咸味道平衡🥤薄荷青檸梳打 $26有氣泡水加薄荷青檸，食完炸雞同有少少辣嘅泡菜湯飯，飲完呢個成個人爽晒😎💙藍天乳酸 $26味道就係似可爾必思，但唔會太甜📍 SUN HARU (粉嶺)🗺️ 粉嶺聯和墟和泰街69A號泰昌樓地下C號舖

出街食中午饭，见到呢间餐厅好多人呀，入嚟试下，点咗半只鸡，鱿鱼🦑，紫菜包饭……味道都唔错，推荐，分量够足！见到的人食咗右頭煱飯都唔錯喎，下次过嚟再试过啦！唔错唔错👍

呢間嘢真係超難食，外賣送到嚟啲嘢食都凍晒，啲炸雞乾到爆，咬到勁辛苦，個炒年糕又冇味，好似浸咗水咁仲有個韓式拌飯煮到成個炒飯咁，喺屋企都炒到千祈唔好食呢間，貼錢買難受

生咗粒痱滋，但係又好想食韓國嘢，除咗炸雞之外，都有好多選擇嘅😆牛肉大醬湯跟飯~大醬湯非常夠味，用要拌飯剛剛好，當中除咗牛肉之外，仲有豆腐、洋蔥、蛋同翠玉瓜等等配料... 喉嚨唔舒服食呢個濕濕地嘅飯就會易入口啲，而且食完成個身都暖曬！韓國特色蛋捲~蛋捲非一般嘅juicy，裏面嘅蛋汁依然非常澎湃，非常軟滑，而外面嘅明太子醬，更加令鮮味提升了不少！份量亦都非常大，十分飽肚！蜂蜜檸檬茶、白桃茉莉花茶~飲品方面，唔會死甜，淡淡嘅茶香，有解膩嘅作用

完全無需要寫太多，入到去叫了三次先攞餐牌黎，最後一次仲要問番我轉頭，未攞黎咩，O嘴。招呼亂糟糟，幾枱客都有微言。又追餐牌，有D野食又無，又無俾餐具，又無飲管，又打錯單，無話可說。新開業，小小亂可以接受，但全程又差呢樣，又無呢樣，點搞😪完全未準備好食物方面，價錢中等。今晚點了炸魷魚，平平無奇。明太子玉子份量大 ，味道普通。豆腐海鮮湯飯，香辣惹味，材料份量不多，可以一試。涷蜂蜜柚子茶，淡淡的，無咩味。食品一般，人手不足，招呼完全唔掂，需要改善，唔會再去。

炸雞冇味又乾又嚡…..啲炸雞皮仲厚過雞肉 啲肉冇醃過咁 屋企整都整得好食啲炒年糕係湯浸住…根本就唔係炒年糕 係年糕湯 個湯仲要冇味 芝士冇芝士味 仲衰過小學生啲家政堂難食到唔知點形容一定唔會再嚟 貼錢買難受