影片
營業時間
星期一至五
13:00 - 22:00
星期六至日
12:00 - 22:00
以上資料只供參考, 請與餐廳確認詳情
突然間好想食蛋糕，經過九龍城一間地舖角位嘅蛋糕甜品店，而且位置開陽，就入去逛一逛。店舖嘅櫥櫃已有多款可以即買嘅蛋糕，還有一些布丁燒同埋小蛋糕等等口味，多款選擇。見到店舖嘅招牌阿華田流心蛋糕非常吸引，趁着一陣同媽咪爹哋一齊食飯，咁多人可以一齊share個蛋糕🍰，最後買咗一個。職員非常體貼，因為食飯位置距離九龍城也有一段距離，店員隨即安排冰袋裝住蛋糕，就算蛋糕去到餐廳仍然能夠保持低溫。一刀切落阿華田流心蛋糕中間嘅阿華田流心滲透晒出來，表面蛋糕還有些脆口的口感，食落去估唔到阿華田味道非常濃郁，而且蛋糕質感鬆軟，值得一試。
繼續閱讀
有時食完飯都會去品嚐其他美食，早排又去咗附近食飯順便去攞蛋糕，當然有食過呢間蛋糕店嘅半熟蜂蜜蛋糕而且蛋糕口味都會不定期推出，今次就買咗流華半熟蜂蜜蛋糕（阿華田），仲可以order咗張糖紙用咗自己鍾意嘅相製作出來，放喺蛋糕上面用來慶祝紀念夠晒特別，再由店員都會提乾冰用來保持蛋糕溫度方便大家取回家食用夠細心，不過都要等一陣先可食用，輕輕切開香軟蛋糕已見用料十足仲已聞到清香蜂蜜味外，另一主角阿華田都一樣咁香濃，先食番一件入口外層鬆軟香綿內裏食到啖啖濃密嘅阿華田之餘，口感亦香滑十足，而且食落又甜而不漏真係越食越滋味，眨吓眼又食晒又要等下次再食過。
繼續閱讀
之前一直知道呢度嘅半熟流心蜂蜜蛋糕好食未試過，今次終於試到😍第一次試阿華田味😍❤️個蛋糕質感好正好濕潤，入面有半流心效果，好好味！🤤食前要響雪櫃拎出嚟放大概15至20分鐘，不過可能蛋糕之前雪得太凍，下次應該要放室溫耐多少少流心效果應該會更好🤔～好快已經可以食晒成個一啲都唔滯～😛但阿華田味未算好突出，下次要試埋個蜂蜜味同埋earl grey味先得！😍😙😆🤘🏻
繼續閱讀
最初先見到佢嘅外表唔覺得好吸引，但由於我好鍾意阿華田，又好鍾意食甜品...🤪🤪咁啱見到呢一個蛋糕，有阿華田味～就即管試吓啦...☺️哈哈😜店員好細心咁樣問我幾耐返到屋企，佢就預返乾冰份量～返到屋企蛋糕仲好凍👍🏻但我已經急不及待，立刻要食了～😈😈之後一切開入面係軟心㗎😍😍如果再解凍多少少，個口感相信會更加好～男朋友唔鍾意食甜野，都覺得呢個蛋糕唔太甜幾好食，下一次我要試其他味道，而且$88一個我覺得差唔多，都值得嘅😋
繼續閱讀
今日約咗朋友喺九龍城食泰國菜慶祝生日,之前見到呢間Sweet Grace 蛋糕店見寫住【流心蛋糕尊門店】而且又見到D蛋糕好得意而價錢亦合理，仲可以印相寫金句都幾特別！蛋糕選擇都唔少架！有朱古力味，伯爵奶茶味，阿華田味,同芒果味，tiramisu ，草莓同原味等……當然佢地唔係只得蛋糕賣都有其他甜品賣架，有布甸燒， 花盆蛋糕， 半熟芝士迷你蛋糕....一早幾日前經過就去訂一個同好友分享！而且我就揀咗幅好友最鍾愛既貓貓相送俾佢！張相係獨立同蛋糕分開交俾客人，然後自行於食之前先放上蛋糕面㗎！！阿華田半熟蛋糕，口感軟滑，阿華田味濃，好味！！而且SIZE細細個好適合飯後食， 唔會太漏而太飽！
繼續閱讀