Sweet Scoop

營業中

休息中

It could be quite difficult to find somewhere for sweet soup or dessert in Tsim Sha Tsui as everyone knows it is always crowded, always lining up. This food court could be busy at times but still you could get a place to sit down and have your dessert.These Chinese petites are at very good price ($20/3) and they actually tasted quite nice! Other choices also available at the store.

人有個習慣，就係食完飯鍾意食甜品，lunch之後已經食咗葡撻，行到去新港中心又心思思想食嘢，落地庫扶手電梯位已經有間好吸睛嘅甜品店，跟住一路行都見到有幾枱人食緊呢個＂芒果刨冰＂，真估唔到$40大大碗好味又抵食，仲要超多芒果，係菲律賓芒果嚟架，又香又甜，d冰食到底都仲未溶，慢慢影相再食都得呀

記住黎幫襯唔好撞到相中既阿姐呀，廢事受氣啦事緣想食刨冰，咪問佢乜野係古早刨冰，答我：無晒架喇，唔使問。再問無晒古早刨冰，定無晒所有刨冰，答我：無古早姐，我有答你無刨冰咩，無呀！都算數，咁我話要紅豆刨冰，答竹：無豆類。即係點？ 我咪問佢：頭先你話淨係無古早，直家再問紅豆個啲就變成豆類都無，即係點？ 大大聲答我：咪有生果類囉！你咁趕客，唔好做丫嘛，你老闆又知唔知，生意唔好，唔係因為唔好食，係個店員有問題呀！咁悔氣就咪返工啦！

係尖沙咀要搵糖水舖唔難，但要又平，又好食，又唔洗等位既就好難！估唔到係foodcourt竟然有呢個奇迹！有幾多種類可以選擇，雪糕，中式糕點（如桂花糕，馬豆糕，芒果糕等），中式熱糖水（紅綠豆沙，蕃薯糖水，木瓜雪耳糖水等），鮮果窩夫，涼粉類，冰類都有，真係應有盡有！我點左「清湯」個名係咪好奇怪呢。原來係龍眼為主，加入雪耳，薏米，白果等，共八種，雖然其實我係揾唔齊八種既。味道比較甜，如果可以淡返少少既話會更好。

大熱天時走入黎嘆冷氣，帶好可愛嘅兒甥行過當然係想食啲凍嘢啦，由得佢哋揀，佢哋比個姨姨喺度整緊刨冰吸引住，就吱吱渣渣話要食刨冰。我仲心諗小朋友食冰會咳死，媽媽唔會俾😅點知媽媽肯喎，因為媽媽自己都為食好想食😂咁俾左錢佢地學下自己買嘢同埋找錢，排隊期間⋯前面有兩個O帶住粗金鏈嘅強國小朋友打尖🙄再加埋個製作過程係有啲慢嘅，所以等左好耐，我諗加埋都起碼有四個字，睇住個製作過程，冰搞吓變高高既雪花再拍實加即切芒果粒同煉奶同芒果醬，白雪雪嘅雪山變咗得返啲黃色，小朋友冇話等到悶仲好開心添。不過我一心以為用牛奶冰刨雪，好彩佢好足料所以好夠味好綿好好味，比起出面某啲所謂甜品專門店賣既更好食仲平，只不過$40，個姨姨仲好細心俾個多個匙仔俾佢地分黎食

去開廣東道，便去新港中心睇下有咩食兼hea下記得有間刨冰店 係台灣個種古早味刨冰本人好中意食紅豆同香芋~所以拉埋友人去食甜品猶見款款都咁吸引，叫左最原始個款同朋友SHARE蜜紅豆甜甜的，好軟好滋味椰汁加上黑糖灑上冰上，混在一起吃 令冰充滿甜奶香 好吃另外腰豆同芋頭都煮得好淋同易咬，味道可口芋頭咁淡味都嘗得到~~~食到lum lum脷

行過海防道見到有架大食代宣傳車，我就八八掛掛去望下啦，點知係派緊coupon! 原來新港大食代裝修完，而家做 promotion 吸引人去，coupon 都幾抵用，$30 減 $5，$50 減 $10 去到見到刨冰幾吸引，好，就食你！ 店員攞左一大舊冰出黎刨，睇住過程都幾過癮，兩下工夫舊冰就變左冰粉喇。 個刨冰都好大個，一份兩人 share。 刨冰好幼細，入口綿綿咁！料有眼睇，好足料，紅豆芋頭腰豆配黑糖+椰奶，食到最後一啖都仲有料食。芋頭值得一提係夠粉，凍食又有啲咬口，加埋其他豆食都好夾～我用左 coupon 埋單 $27，趁而家優惠仲做緊（好似到18號？），去尖沙咀就不如去呢度食野，慳得一蚊得一蚊！

於foodcourt內吃過晚飯後，就來到甜品，每次到大食代晚飯後也總會想起大大碗的刨冰～有三色刨冰、芒果刨冰、紅豆刨冰及雙色包冰等～另外還有少量中式甜品及燉品～紅豆刨冰［評分：6/10］以前大多是點了三色刨冰，這次就選擇了紅豆刨冰一試，同樣是在大大座的冰山上放上大量的紅豆，再淋上糖漿及椰漿，入口頗甜，少加一點糖漿比較好，而紅豆則大大粒的份量十足，不過由於份量甚多，所以較適合二人分享海底椰燉雪蛤膏正當興高采烈地捧著刨冰之制，發現友人的面色有變，突然醒起他的感冒還未康復，然後笑說我對病人還真好呢. . . 算吧，就再給他買一個滋潤的熱燉品！雪蛤膏已預先燉好，加入了少量雪蛤膏及切成條狀的海底椰，味道較為清淡，應該頗適合病人吧～祝他早日康復啦～Sweet Scoop (尖沙咀)尖沙咀廣東道30號新港中心底層大食代15號舖～～～～～～～～～～～～～～味道：6/10環境：6/10服務：6/10衛生 : 6/10抵食 : 6/10

出街食完晚飯食甜品已經係近期既 '指定動作'. 新港中心呢個food court真係好多o野食. 好令我諗起新加坡既 food courts. Sweet Scoop 價錢真係好低食...當然要求都不要太高吧.馬豆糕,芒果糕,芝麻榚第一口食芝麻榚...酸既...無再食 馬豆糕,芒果糕 都 ok 不太甜.但唔夠軟身. $5個想點.芋頭西米露太甜了. 其他都 ok . $15 一碗.呢個時勢應該都好難搵了. (如果有請告知本人)

一向愛吃甜品，路經新港中心都會黎依間食刨冰^_^同上次一樣叫左個芒果刨冰倆分食，好多果肉，外觀吸引。但明顯味淡過之前。吾知系米太少芒果汁？食左幾啖就無咩芒果味na.不過佢啲冰真系刨得好碎！正！希望下次食吾好咁淡啦！

我們一眾兄弟姊妹由長沙灣的教堂，跟車到中港城，先與新郎家人到 <皇潮匯> 取場。然後，我們便可以自由活動！ 我們三位姊妹走到新娘房，打扮一番之後，走出去...兄弟們已經不見人！有位姊妹建議到新港中心大食代，真是 Good idea! 反正，主人家邀請親友飲宴，相信會比較早開席，還是食些少東西吧！我們兜了一個圈，<Sweet Scoop> 甜品店始終最吸引我們三位姊妹！ 甜品選擇並不少！令人花多眼亂！ 而且，價錢平宜！十幾 $ 已有交易！可惜！這裡燉蛋及燉奶，沒有供應！ 我選擇：芋頭西米露 $16感覺清新健康，加入椰漿後，令香味昇華！攪拌後仍不失滑溜！濃稀得宜！入口清甜潤喉！ 芋頭勝在夠粉，西米則發得太腍，甚至黏住一起！ 缺乏煙韌質感！西米是最敗筆的一環！ 整體只是一般！有位姊妹選擇：湯丸她說湯丸美味！薑湯底是清清地，還夠薑味！另一位姊妹選擇：糕點大約 $15/3 件！相當抵食！ 而且，凍冰冰！食完透心涼！怎料！我們回到 <皇潮匯> 時，一眾兄弟們坐在 Reception 守候我們三位姊妹呢！ So sorry!

係呢個商場逛了一會，想吃點甜品，這兒 Food Court 只有這一間甜品店，不是很情願地叫了個是日甜品套餐，小妹還記得幾個星期前試過這兒嘅甜點，只是一般已矣。芒果糯米加檸檬意米水 ($27)芒果糯米是糯米包着整片芒果肉，外面沾了椰絲，糯米都幾軟綿綿的，不太“痴”牙，芒果肉不酸帶點甜味，幾OK。檸檬意米水，意米本身沒甚麼味，可以說幾淡，聰明地加上檸檬令飲品有味道得來又不會太強烈，不錯。可惜係意米不太腍，小妹很久以前都試過用意米煲糖水，意米要先浸一段時間水，然後再煮多些少時間才會腍的，若果連意米都做到腍的話，腍腍滑滑的，這杯凍飲就好正啦。不過整體都比小妹上次試時好好多，希望再過一段時間再試，會更上一樓層啦！

睇完戲之後，自己一個搭船去尖沙咀。是夜算是清空一片，乘船可看到維港兩岸燈火熣燦跟出維港向遠洋方向的漆黑寂靜形成強烈對比，卻又出奇地相容；海浪拍打着船身，時而湧上時而退下，微風跟音樂伴隨着我（我帶着MP3呢），此時此刻，有說不出的輕鬆 …不過收到朋友的SMS，於是就找個地方食宵夜順便聽她“發牢騷”囉！唉！就去新港中心的Food Court啦，因為商埸外有巴士返到小妹屋企樓下。找個甜品當宵夜，Sweet Scoop有兩款sweet set of the day，我要了芒果pancake 加龍眼冰，另加一個芒果黑糯米。單憑外表，唔講都估佢唔到喺芒果pancake，不過裡面啲cream同芒果肉都可以，外面塊皮就極像雲吞皮。龍眼冰不是太甜，可惜杯飲品欠缺龍眼味。芒果黑糯米尚算不錯，不浠不杰，尚算不錯。只是邊食邊聽“牢騷”原來都 …

第一次係度寫食評... 多多指教 今晚同朋友係尖沙嘴食飯, 食完飯, 行陣街就想食甜品, 行經新港中心, 見到下面有大食代就去望下, Food court 就只有呢間甜品店, 我地決定試下我地order 左以下食品: 芝麻糊: 朋友覺得完全無味, 好似溝左好多生粉水咁, 食唔出有芝麻糊味楊枝甘露布甸: 都係無味, 重有D乾身.由於做緊promotion, 凡購買$16以上的甜品 / 糖水, 可以$10換購糕點三件 (原價$14三件), 我地order 甜品同時都買左三件糕點1. 椰汁紫米糕: 算係最好食的糕點2. 桂花紅豆糕: 分上下層, 上層桂花糕部分無桂花味, 下層紅豆糕都OK3. 三寶糕: 見到用料足所以試下, 不過D豆好硬, 朋友用叉切開時連叉都整斷左 我同朋友都好鐘意食甜品, 每次食甜品都只會覺得唔夠喉, 但今次..... 我地都食剩, 因為實在好難食. 跟住有位叔叔幫我地執拾, 他手裡拿著另一個托盤, 托盤上有兩碗食剩了的涼粉, 我地懷疑, 究竟係人地食唔晒, 定係同我地一樣, 覺得難食呢? 下次都唔會幫襯啦!

M & I ordered dessert He gets us the mango juice n sago - WRONG choicethe mango juice n mango milk are very diluted...the mango are not particularly fresh, but there's enough mango in the bowl The sago...it's ok, but ar...just the whole thing put together...it's really not that appealingand we have the red bean + yellow bean jelloThe red bean is still hard in the jelloThe jello is not really sweet at all, and not red bean tastethe yellow bean is softer than the red beanthe coconut jello is ok