Sweetheart

營業中

休息中

上次試完呢間既鮮奶麻糬(๑´ڡ`๑)～今次終於黎試埋呢間既招牌新鮮椰皇甜品🤤果然冇令我失望🤤💗一入舖頭已經聞到勁香椰子味🥥～椰皇甜品有芋圓、蛋白、椰皇啫喱、芒果/榴蓮、養身等系列選擇✨細數之下唔同配搭都有成22款選擇架😍樣樣都想食，有排試😋椰皇芒果 $48 (8.5/10)(芒果肉➕小丸子➕湯圓➕椰皇啫喱)芒果新鮮香甜，份量亦唔少(*´∀｀)芒果汁亦食得出係用新鮮芒果打成，好鮮甜唔會似許留山溝左糖水個種死甜🤣😛椰皇啫喱夠曬特別，椰味突出好香好清甜！同芒果好夾💛小丸子口感軟左少少，如果可以煙韌啲會更好！仲有粒芝麻湯丸，夠曬豐富呀！椰皇桃膠 $45 (8/10)可選凍/熱，我簡左凍❄️椰皇蛋白椰味香濃突出 入口幼滑😚凍食好似食緊布甸咁😝甜度亦啱啱好唔會太甜桃膠份量多 每粒晶瑩剔透 口感滑嘟嘟～仲有養顏功效 啱曬女仔食🧚🏻‍♀️兩者簡單配搭已經好好味 ლ(´ڡ`ლ)仲可以挖埋啲椰肉出黎食 好幸福呀🥰

我唔食榴連，朋友叫左個榴連公主好大陣味，不過佢話好好食 😂 我就No comment la我個椰皇雪燕好味呀！椰子入面係有燉奶、燕窩同椰汁。熱食幾補咁，但我個人覺得佢太水，奶都好林咁。但整體ok。食完後成個椰子都可以刮肉出黎，食完好飽 😋坐得較逼。但張櫈幾舒服

食完晚飯 想食個滋潤既糖水呢度就啱曬啦👍🏻嗌左個椰皇蛋白三色芋圓 （$48）首先椰皇蛋白好岀色 好鮮甜 食落去好重椰青味，啖啖肉，又爽又甜！芋圓份量唔多，但好有心思！有成4個味道，粒粒都好彈牙～🤩

飯後甜品成日唔係窩夫就楊枝甘露，真係你唔悶我都悶。荃灣被譽為美食之都，今晚叫個熟路荃灣嘅朋友帶我食啲特別嘅甜品。我哋三個叫咗三個招牌水果山，每座山都有好大份嘅水果，椰果，自己揀味嘅雪糕，同埋啫喱底，口感好豐富，啫喱底係用椰汁整成，完全對得住裝係椰殼呢個外表。😂癡喺椰殼嘅椰肉好soft，好ready俾我不出黎食 😚 連同椰汁啫喱一齊食， Perfect match嘩！榴槤，本人不予置評 😂芒果山，睇個樣都知佢足料啦！龍眼超好味超甜呀

107椰皇芒果椰皇底是用椰青水製成是啫喱，很好吃，濃濃的椰青味。口感很好。配有芒果和椰汁，兩者都是很好的配搭，但芒果肉太少了，而裡面的水丸子大小剛好，不會太大粒像湯圓，而且夠軟彈。

今日帶朋友黎試呢間甜品店，之前食過幾次主要都係試椰皇蛋白，但係夏天會想食啲消暑啲既甜品。椰皇芒果呢款甜品包括左椰皇啫喱，芒果肉，芒果汁同小丸子。第一啖食落芒果汁是新鮮果肉打成，味道略酸，非常開胃。小丸子煙韌，意外地當中原來包括左一粒芝麻湯圓，不過湯圓一般係熱食凍食既湯圓偏硬身。呢款甜品既靈魂：椰皇啫喱非常清甜，同略酸既芒果汁互補。榴槤寶藏相比本人點的椰皇芒果內容豐富很多，有榴槤肉，椰皇啫喱，牛奶布丁，椰果，金薯同椰汁鮮奶。榴槤肉意外地同椰汁鮮奶非常夾，不過重口味既榴槤肉味道太強，搶走左椰皇啫喱既香甜味，但榴槤迷一定會滿意呢款甜品。

是日收工後，約左朋友仔一齊食甜品，本身係想食pancake的，點知間舖頭冇開到，於是我地就響Openrice 度搵到呢間餐廳。去到9點幾，係食糖水既peak hour，我地響出面等左成20分鐘，中間等到太熱，我仲走入去舖頭入面涼冷氣。等左勁耐，終於入到去，本身見佢個紫薯千層蛋糕好似幾吸引咁，但呢間好似最出名係椰皇，咁就揀左椰皇桃膠花膠雪燕。上到枱，係好足料的，見到有三樣料，個甜品係水水地，好有椰香味，唔太甜，最正係個椰子唔太老，一了就了到哂d椰子肉出黎，食到超飽

朋友話成日食松記發記滿記，不如試下啲糖水小店，於是就帶左我黎呢間sweetheart喇。佢主打椰皇椰青嘅甜品，好多都係燉奶，然後有唔同嘅topping喺上面。今次第一次食，就梗係試最基本個個先啦。我地一行幾個都係叫同一個，估唔到好快就有得食喇。今次我食熱，個椰皇黎到嘅時候溫度岩岩好，唔會太熱，暖暖地。個燉奶好香椰味，但又不失牛奶/蛋白嘅味道，兩個味道完全拎到個平衡，仲要好滑好軟，火候岩岩好，一定會再黎食呀！

同大家介紹一間喺荃灣，位置一啲都唔起眼，其實位置都有啲差😂😂😂但係真係十分之出色嘅椰王甜品！😋😋佢最出名嘅淨係買椰王🤔🤔但係淨係買椰王都夠佢做，因為真係好好食😭😭😭♥️♥️♥️今次我同男朋友去食呢一間甜品舖，我就叫咗一個桃膠燉鮮奶椰皇，而男朋友唔太想食熱野，淨係叫咗個西瓜西米露黎陪我🙆🏻🙆🏻個桃膠燉鮮奶椰皇，一上嚟真係好重嘅椰王味😍😍😍好明顯係好足料嘅😍😍個燉鮮奶配埋桃膠煮，真係非常之補👍🏻好適合女士去食👍🏻👍🏻食完即刻覺得自己皮膚好咗😂😂😂椰皇裏面嘅嘢肉我仲食曬😂😂個西瓜西米露唔好睇呢一間淨係專賣椰皇，其他甜品都唔差！個西米露有好足料嘅西瓜 ！兩個人加埋$70左右，絕對抵食！

2018年最後一日約了朋友一起吃甜品然後再一起倒數！大約夜晚10:45左右到達，基本上都不太用等位！這間小店前身是只做外賣，之後搬了入店就有座位終於可以坐下慢慢享受！這次叫了椰皇燉蛋白加三色芋圓，可能因為是除夕的關係，等了快45分鐘才上菜！來到拍完照片就迫不急待先試了芋圓，味道和口感都不錯，黃色的蕃薯圓特別有蕃薯香味，是三色芋圓最好吃的！椰皇燉蛋白一如以往好吃，非常香的椰皇味的，吃完蛋白還意猶未盡的很努力去刮椰皇肉吃！結帳時不知道是否因為節日關係還送了一樽椰皇水！

超級足料既椰子甜品，d"餸"比椰汁多，Cp值高! 我覺得係荃灣最好食既甜品鋪 ，相比路德圍個幾間連鎖店，呢間真係無得輸👍🏻👍🏻只係位置輸左少少今次選了「112」椰皇8寶，桃膠，雪燕同椰汁好夾，又有咬口！而栗子同椰果都好正 好似西方甜品咬口 但有中式味道👍🏻🤣🤣如果唔係荃灣人 可能唔會發現呢間小店 但味道絕對誠意之作, 全部甜品都係即整的👍🏻，所以可能要等一等先有得食家庭式甜品店，同朋友每次荃灣食完飯 必定黎食😂絕對可以無限encore

三星期前， 朋友帶我試依間sweet 💓 heart感覺好有家既感覺， 因為睇得出佢既係一家人經營， 每位都用心做好自己崗位!第一次入去食既甜品係椰皇芋圓椰皇燉鮮奶清香滑溜，芋圓夠甄un ，不過個人應為芋圓比較少第二次入去食既甜品係椰皇桃膠椰皇燉鮮奶清香滑溜，桃膠淋左啲， 不過都可以接受第三次入去食既甜品係龍眼山有層次， 頂頭堆滿龍眼肉，第二層就有雪糕和椰果， 最底層就是椰皇啫喱，好正！連椰皇啲肉都食埋！下次想試芒果🥭蛋糕🍰大部分甜品都係$48，有咁既質素，唔算太貴👍🏼

自從成班朋友黎呢度食過第一次之後, 就留下好深印象~食完一次又一次,仲推介咗其他朋友嚟食! 因為真係好好味!食過返尋味! 一入店舖就會聞到陣陣椰子香~啲椰子望落細細個,但入面好多料!就算唔係椰子based ge 甜品, 呢個桃膠河粉都好滿一碗!唔知食咩就試下椰皇寶藏啦!我食得最多! 真係名符其實寶藏一樣ga!! 布丁好滑, 而神奇ge係就算有舊布丁係入面都仲有好多其他野~朋友點的~ 佢地都話好好食! 我試過佢地個啲, 熱ge又真喺ok wor!以甜品黎講, 呢度真係好出色!

-🦄SweetHeart-椰皇雪燕 Hkd48Rating🌕🌕🌕🌕🌑-近排好中意食燉鮮奶燉蛋類既甜品特別係係椰皇入面既燉鮮奶🤤呢個椰皇雪燕一拎出來就係熱辣辣🔥🔥直頭暖到入我心頭🤭而且燉鮮奶好滑奶味好香濃💕再加埋椰子既香甜係好夾而雪燕既份量都好足😳都有一大羹🥄最後再食埋啲椰子肉🥥真係大滿足😆啲椰子肉係好容易就刮到出來食😛有機會我都會返來呢間甜品店到食🤤感覺係一間雖然細細間但好溫暖既家庭式小店🙈💦-

呢間糖水甜品鋪食左幾次都覺得唔錯 可能位置偏僻d 而佢開張又唔係開左好耐 所以唔會好多人排隊 唔使等好耐 因為佢地大部分既食品都係即叫即整 製作真係需時 所以如果無咩耐性就唔好打攪人地喇！！呢間主打係以椰皇製作既甜品/糖水除左呢幾頁 當然佢仲有其他既野食椰皇桃膠味道清甜 用椰皇水加桃膠燉蛋白再加左少少椰漿 蛋白好滑 椰皇裡面既肉 可以輕易挖出來食 好嫩滑 整體甜味感覺好似來自於本身椰皇水既甜度 唔會食完覺得好膩如果唔鐘意食椰漿 我覺得招牌椰皇燉蛋白係一個唔錯既選擇 因為兩者係差唔多 只係少左桃膠同椰漿 椰漿紫米露呢個糖水唔會大稀亦唔會太濃稠 唔係糊狀 米同水比例大概各佔一半 我自己好怕食西米 剛好佢係無加西米紫米蔫韌適中 唔會好甜 整體來講 係