Sweetology (已結業)

服務員服務態度非常一般的餐廳。餐牌圖案和實物不同，顧客查詢一下，便在客人背後說麻煩。請問如何做服務行業。食物味道亦是一般。唯一可取的是全日不收加一服務費和比較容易搵到位。

下午茶嘅時間，想找一間店舖食完蛋糕傾吓計。見到餐廳都算幾舒服，開放式設計，就喺戲院隔離，見到餐廳人唔算太多，加上全日也不收+1服務費，就和朋友一試。。點左一份soufflé pancakes, 蛋糕的品質很差，雖然是即叫即整，soufflé 完全不鬆軟，蛋味欠奉，口感粗糙，不可以說是難食，但是一點也不好吃，應該不會再去，個人觀感是包裝得比較高級一點的茶餐廳，可惜沒有茶餐廳的風味。。另外點了一份西多士，不過不失，這樣的質素和價錢，應該不會再有下一次。

見到afternoon menu 平均60-100就有一個餐（主食+野飲） 岩曬想平平地嘆個tea 兩個人 Ordered左日式汁煮豚肉溫泉蛋丼 同strawberry pancake有三大塊豚肉 味道偏咸 主要都係日式醬油味 肉質似叉燒 半肥瘦 蛋汁配埋飯食一流👍🏻 份量算大份 男仔食曬成碗飯會飽 唔同一般tea set既份量Pancake不過不失 有三塊鬆餅 一球士多啤梨雪糕 配上cream同strawberry sauce 少少士多啤梨肉Pancake不夠鬆軟 做唔到好fluffy到空氣既感覺 雪糕夠曬甜 整體來講不過不失

好鍾意有甜品提供的餐廳，因為我們一家是甜品控（我老公唔知）。在OpenRice 揾啊揾⋯⋯有啦⋯⋯就揀呢間，剛好不是太多人，有位。不是太迫，有空間感。價錢不是太貴（晚餐來說），但為何沒有OpenRice 的甜品，老公話係咁多。叫咗大家各自喜歡的，烏冬估不到咁彈牙，好過好多貴餐廳。豬扒都大塊，味道一般，不過不失。松露醬好像花生醬一樣，沒什麼特色。蛋糕唔掂，如美X的，有點失望。最後發現還有另一menu ，不過太遲了，未有機會試試。

今日去食個下午茶, 我哋叫了蘋果汁有椰果（餐牌上寫着的）, 但杯嘢飲來到時係冇椰果！ 叫咗一個鬆餅雲呢拿雪糕，製造時間需要20分鐘，不過不失啦，沒有大驚喜！沒有加一服務費費。

伏伏伏伏伏伏伏伏伏！！！相信入黎睇食評既你都係睇下有無人同你一樣覺得劣我只可以講 為左打呢篇食評 我特登down呢個app 開埋account 黎寫佢有幾差我從來都無食過咁難食既雞排 又乾又硬又無味 d飯仲要爛蓉蓉 醫院既碎餐都好食過佢多多聲！如果你未食過 信我 千祈千祈唔好試🤢🤮🤢🤮🤢🤮🤢🤮🤢🤮

本來都冇諗住食呢間餐廳其實原本見佢主要係食甜品都有少少擔心但係星期五人多就唔計所以就照等出乎意料之外呢間餐廳好快就有位我叫咗一個溫泉蛋豬軟骨烏冬諗住都冇乜事但係真係估唔到啲食物係唔熱就年湯底都只係微暖啲豬軟骨同埋配菜食落全部都係凍嘅如果最後先落湯的話冇理由會凍到咁起碼面個層係暖由於個湯都只係微暖所以就算我將啲食物塞落個烏冬底度都令唔到啲食物入面變熱如果將呢個溫度嘅湯食生牛肉湯可以嘅話啲牛肉係會熟唔到十分之無奈豬軟骨嘅味道其實唔差但係溫度對於食物來講都好重要希望餐廳可以正視一下呢個問題食湯麵夠熱係一個好基本嘅要求

晏晝經過，見到甜品個樣好似好靚，雖然都知麻麻地，不過都試下先。叫左一個炸蝦烏冬，然後叫咗一個朱古力多士。個烏冬一放上枱個下，我已經知道，一定唔得。首先啲忌廉係未煮得熟曬，仲有好多一嚿嚿唔均勻嘅忌廉粉⋯⋯⋯個湯係冇味。然後啲烏冬煮到就嚟爛，一夾即斷嗰種。炸蝦普通。而朱古力多士，首先SIZE細得可憐。咁味道就無太大問題，同某間餐廳嘅雪糕多司差不多，但雪糕無人咁多囉！如果食雪糕多士係呢個價錢，而有呢個咁嘅質素，我大把可以選擇。呢間野，嗯⋯⋯⋯⋯⋯⋯試一次算數！

呵 你睇完標題仲入黎 就知你係想黎食花生🚨🥴講明先 我寫食評好均真 唔理好醜 好食先讚🤫.呢日我係食完葵廣d雞翼先出現係附近搵食發現昔日甜牙牙變左Sweet-o-logy 就去試下點知 出第一碟就令到我同男友對望 爆笑.原因係我地用對茶木toast既期望等sweetology既toast特濃五重朱古力蜜糖多士磚伴雪糕說好的五重朱古力？說好的蜜糖多士磚....size係好影響第一印象 我隻手仲大過佢心諗 好味都放過你👻多士磚無蜜糖味 烤得太乾 勁熱氣無左多士既口感朱古力竟然係一塊塊......我知道我唔係食緊茶木但係同我地諗既差太遠成個多士磚有半個都係cream而Cream都算係好食 雪糕都正常發揮但係 失望囉 你知道的.然後我地上OpenRice睇CM 果然係劣評如潮但係唔夠飽都要繼續叫 就叫左個pancake蜂蜜玉桂伴雪糕正所謂無期望就無失望 望落pancake有三層已經好impressive😛咬落濕濕地 重蛋味 唔夠清新脫俗😂😂😂但係夾蜂蜜已經好正 總結係 我唔會再去架啦😂😂😂😂 你自己識揀啦

平日lunch time好多人要排隊，難得今日星期日嚟到竟然唔使排隊就試下。蒲燒鰻飯：條鰻魚都好大條,蒲燒醬汁比較Salty 🙈 條鰻魚夠大攞返d分，六十幾蚊個餐嚟講都ok啦 。New York Cheesecake : 用40蚊試咗咗有cheesecake，完全嘥錢 😭冇乜芝士味嘅 杯熱奶茶好似飲水咁，早知叫熱檸水就算。冇下次😭

見無咩人就揀左呢間食晚飯，食物一般，不過不失。但最令人生氣嘅係，我地叫左心太軟，食完叫佢上。佢就話係咪真係要？因為要整十分鐘，我地話無問題，可以等。點知等左3個字倒都未見就問下，侍應話原來失敗左所以要再整過，話等多2，3分鐘。我見咁就照等，點知等多15分鐘都未有就再問，又話等多幾分鐘，我又再等多一分鐘倒，最後忍唔住要取消，total等左半個幾鐘。其實整唔到又或者有咩問題可以一早講，要浪費半個幾鐘等，仲要等唔到真係好曬人時間。希望舖頭嘅員工可以睇到呢個留言，下次如果再有同樣情況，師傅唔識整好，唔夠材料定有其他問題都好，唔好再浪費其他人時間了。謝謝

因為看到劣評數量頗多，即使在葵涌工作了幾年也一直沒有光顧「Sweetology」。今天卻是有不知什麼風把筆者吹過來了。店內裝潢頗雅緻。但如圖所見，座位之間相隔有點近，私隱度不太好。午巿只供應全日套餐，選擇不多。筆者與友人則點了一個精選二人套餐，人均消費$90。十分普通的沙律，就是一堆沙律菜拌上芝麻醬。沙律菜的新鮮度還好。瑞士汁香甜，把雞翼滷得入味；雞翼肉質不算特別嫩滑，但也不是鞋身。不過恕筆者直言，頭兩道菜未見任何特色。賣相有點欠佳的主菜，扒類都是原塊上碟。吉列豬扒炸得香脆，但炸粉外皮偏厚，肉質頗鬆軟。汁燒雞扒帶有少許黑椒味，雞皮沒有燒烤的金黃香脆，部分位置肉質較實。味道談不上很好吃，但也不算太伏。烏冬麵質煙韌度欠佳。但奶白色的湯底有意外驚喜，入口有芝士忌廉香。甜品配以一個迷你朱古力冬甩。冬甩一早備好，放在雪櫃中。冬甩中間有流心餡，甜甜的朱古力香味十分吸引。初試這間「Sweetology」，整體印象中規中矩，沒有想像中的差劣。

適逢復活節假期 商場人來人往大部分食肆都大排長龍經過這間餐廳 見沒有人排隊而且又有套餐 價錢合理 還全日免加一所以就入座了咖哩吉列魚柳飯意想不到有兩大塊炸魚柳雖然唔知係咩魚 但起碼沒腥味飯量足夠 但咖哩汁偏少配有兩舊薯仔和紅蘿蔔紅蘿蔔很硬而且完全不入味

噚日 (19-4-2019 Fri)耶穌受難節晏晝,同老公行完旺角回程,見落大雨,不如喺葵芳落車,咁就唔會整濕自己,但老公話食甜品=.=”,咁入嚟新都會搵啦,我想食窩夫雪糕,就諗起地下有呢間餐廳,於是行嚟,見到有窩夫雪糕$48.00,亦有同樣$48.00嘅鬆餅配雪糕,於是決定呢間,我哋等咗大約5分鐘就有位,由於喺等嘅時侯已經決定要咩嘢,所以好快就叫呢兩個餐,餐飲就要熱檸水同熱奶茶.5分鐘後,士多啤梨窩夫雪糕到嚟,窩夫呈心形,但我冇諗到咁細件.先就咁食窩夫,只有微暖唔熱,都仍脆脆地嘅,加埋士多啤梨雪糕同食就更加係凍晒.味道: 2.7分之後兩杯飲品到嚟,熱奶茶茶味比奶味重同甘啲,加咗糖分別都唔大.味道: 1.5分大約7分鐘後,鬆餅配雪糕到嚟,呢個都熱熱地,佢已經夠甜,係鬆軟嘅.味道: 3.3分抵食係2.5分環境:今次我哋坐中間位,以為比上次坐嘅位置會涼啲,但原來唔係,一樣咁熱.上次食評: https://www.openrice.com/zh/hongkong/review/%E6%8A%B5%E9%A3%9F-e3083862

以窩夫、包類為主。價錢唔算係特別便宜。下午茶選擇唔太多，牛角包熱辣辣，好好味。材料都十分充足。唔使排隊就有位。都夠飽肚。下午茶都可以嘅。待應就麻麻，好趕時間咁。