Sweetology (已結業)

今日同一個朋友兩個人去食tea，叫左一個炸蝦烏冬，一個士多啤梨窩夫,加左一份雞翼同埋跟餐有一杯水果冰茶，真係食到一肚氣。。原本打算搵個地方傾下計食少少野,所以諗住share食物..當烏冬尼到嘅時候,我地問店員拎兩隻碗仔，店員顯出一副不屑嘅表情,好似覺得我地兩個叫一碗烏冬好窮咁。。當我同朋友分烏冬去碗仔嘅時候，未開始食，已經見到分出尼嘅其中一隻碗仔有昆蟲浸喺啲湯裡面。。就叫店員幫我地換一碗烏冬，點知店員淨係拎走左有昆蟲嘅碗仔，轉身便離去。。剩餘嘅烏冬我地真係唔想繼續食,就叫左個經理過嚟,點知經理勁晦氣咁話“咁咪同你地換過一碗囉“。。作為消費嘅顧客,先勿論食物嘅質素,你煮得難食都算,但係清潔同衛生嘅食物真係一個基本嘅標準｡｡當第二碗烏冬尼到嘅時候, 我地問經理拎返兩隻碗仔尼share，點知經理勁冇禮貌大力掉隻碗落枱，我同朋友都唔明點解尼食嘢仲要受你氣，諗住食完嘢快快離開。。點知一開始分嘅時候，湯裏面又有另一隻昆蟲。。我地都唔知應唔應該再叫佢換第二次，只想問經理點解換尼換去都會有蟲，難道整一碗乾乾淨淨嘅烏冬真係咁難？點知經理回應“其實隻昆蟲係咪剛剛飛落去碗嘢裏面,環境有昆蟲唔出奇“。。我同朋

呢間餐廳有日式同西式美食 門口仲有好多甜品 我個日試左牛角包 🥐 好硊好香口 沙拉🥗尚算新鮮 而燒豚肉烏冬用嘅係讚岐 仲有個豚肉係超好食 有驚喜 重點係價錢合理 會再一戰！但個cheesecake有進步空間🤫快d bookmark啦🔖-The croissant is crispy and the egg salad is quite fresh. However, there is still room of improvement for the cheesecake and other desserts. Overall, the CP value is quite high !-性價比：🤤🤤🤤🤤⚪️飽肚：🤤🤤🤤⚪️⚪️味道：🤤🤤🤤🤤⚪️環境：🤤🤤🤤🤤⚪️服務：🤤🤤🤤⚪️⚪️Score：85/100

確實門面及個店名吸引了我入去，所以話呢包裝幾咁重要因不用等位關係，入左去，門口的甜品賣相都吸引，就是搞不清他主要是賣甜點還是...座位不過不失，如果帶小朋友就又點逼食物方面 並不是太差，只不過呢下一次就。。。 不會再食賣相普通 份量小左d 一個要正常分量的女仔 有點不夠味道其實又ok 嘅 服務方面 可以好小小 看得出有點不耐煩的感覺 （但只是正常落單，絕不是要求多多，好像好唔開心咁）如果10分滿分都會比5 分， 但全部分會比食物既.

當天的午餐就落腳在 葵芳 - 新都會的 Sweetology ~Menu ~既然是午市時段 , 筆者也簡單的點了一個 lunch, 和風御飯系列 - 日式咖哩吉列魚柳飯 (跟餐飲) $66 ~ 餐飲 , 選擇了凍水果茶 , 味道清香輕甜 , 還算不錯 ~ 日式咖哩吉列魚柳飯 : 賣相不錯 , 很有一種 "大碗飯" 的概念 , 吉列魚柳竟然有兩條 , 雖然不知道是什麼魚肉做成的 , 吃起上來都嫩滑而不會有腥味 , 魚柳的吉列外層算是炸得金黃鬆脆而不會過硬 , 日式咖哩汁的味道甜中帶點微辣 , 除了魚柳外還配有很多蔬菜 , 感覺吃得很健康 ~本篇完 ~

一到星期日中午. 新都會廣場每一間餐廳都係要排隊原先唸住食冰室. 但係排隊條龐要兜2個彎所以就去左隔離舖食三大兩小 order了3個餐主要係醫飽小朋友肚仔蒲燒鰻魚飯 (鰻魚基本上唔會唔好食. 不過就唔夠汁)和風照燒汁雞扒飯 (普普通通, 不過不失, 反而呢個飯就多汁啦)日式雞蛋沙律角包 (2個波形食得比較麻煩, 食一邊時, 另一邊又好易跌出黎 )如果中午來說, 算不差但等餐時間都破耐如果下次再有選擇，我應該唔會再黎呢間嚕。

我係正常女士，成日都話要減肥，但又會好想食甜品，次次諗住食少少吾怕嘅😂😂😂所以我個quota好珍貴，食左吾好味嘅甜品係會好嬲!今日心情吾好，好想食甜野，好想飲果茶，其實心想去茶木，但又吾想去到旺角尖沙咀，就係附近葵芳新都會啦，見裝修吾錯諗住吾會太差，咁就伏左啦！叫左個鬆餅雪糕，同熱嘅水果綠茶，因為話吾可以跟餐，唯有另外叫啦，先黎個熱水果茶，好細壺但要38蚊都吾緊要，但係極之難飲，完全無水果味，咁打開蓋食d水果粒啦，有士多啤梨，奇異果同好似係橙肉，但全部都係無味，如果你嘅水果係酸都好d, 但係無味，仲食到係好乾嘅水果肉！ 感覺就係飲緊杯，茶包沖嘅無咩茶味嘅茶😔😔個鬆餅黎啦，又係超細件，又係超難食，我去美心買件旦糕好過佢幾倍真心嬲，難食要食左佢，但我今日個食甜品quota無左啦！

第一次食到啲咁難食嘅甜品，要整得難食其實都幾難，俾個like話說今日睇完電影，見有少少餓唔想食正餐於是就試吓呢間甜品，我9點35分左右入到去坐，等左好耐終於落到單(52分)人手就得三個計埋店長，一個長期係收銀位，另外兩個就出餐抹枱執嘢一腳踢，等左好耐先有人嚟幫我地落單，雖然態度良好，但係依然有啲不滿，不過算啦然後我問佢哋攞咗兩杯水，飲得出係水喉水(唔知有冇過濾)，其中一杯污糟到唔想飲唔知睇唔睇得出有油浮面+杯口有積+有塵之後等左好耐，係10:25分個甜品終於到，大大話話喺入邊坐左超過九個字先有得食，諗住佢哋應該唔夠人手，有得食就算啦點知嚟到得丁屎咁大個，只係高過個杯少少，Menu張圖影到鬼死咁大，真係俾佢呃到然後冇錯我又再一次"算啦好食就得"唔係我誇張，佢真係冇改錯名，硬過磚頭，小小蜜糖味都冇，乾爭爭，好似食緊冇蒜蓉嘅蒜蓉法包，但好神奇冇燶味，我唔係食過呢啲麵包磚好多次，但我都知道應該係外脆內軟，充滿蜜糖非常邪惡，只能說佢好善良我應該相信openrice，明知佢咁多負平就唔應該試等左咁耐比60幾蚊食啲咁嘅嘢

過開黎葵芳，同朋友諗住搵個地方食下野見到sweetology，記得以前九龍塘都有分店，質素都ok，價錢又唔貴，就入去食喺唔知幾時，原來菜式已經由西式變成日式，同朋友一人叫左一碗烏冬🍜，再加黑松露薯條🍟烏冬非常普通，與自家煮沒什麼分別，「流心蛋」亦不流心，豬軟骨算是不過不失，拉回點分數薯條算係ok, 但略嫌黑松露醬唔夠濃比較好嘅係價錢經濟，基本上都唔洗等位，而且空間較為寬敞，但相比而前，質素相差幾遠🙈🙈

早前約咗閨蜜去葵芳行街，血拼完畢想坐底嘆下Tea。雖然葵廣好多小食，不過講到要好好坐底傾下計當然最好都係過返隔離新都會廣場啦！搵咗間外觀幾靚嘅甜品鋪。我地就係戲院附近發現咗間外觀幾靚嘅甜品店！成間店鋪用都係以黑白色為主，裝修擺設仲好有ins風格tim！睇menu既相片我揀咗一個Tiramisu梳乎厘，但係原來係我誤會咗🤣🤣黎到見到佢比較偏向蛋糕質地，睇返先知原來係鬆餅🙈🙈3層食完會好飽Tiramisu忌廉同咖啡味雪糕好夾閨蜜就叫咗個芒果伴窩夫加雪芭，雪芭酸酸甜甜好開胃，但加咗朱古力醬既芒果味道好似唔係好夾🙈見到menu晚市有好多西餐意粉價錢大約$60/$70，下次可以一試！

葵芳都算多野食，行行下搵搵下就試下黎呢間食lunch,結果係失望，可能呢間主打食甜品? 所以lunch set 質素係一般吧，不過杯野飲係失望，得個甜字。。。點了日式燒汁雞扒飯，鮮果冰茶。日式燒汁雞扒飯，燒汁都算多，飯沒有特別。雞扒就得一塊所以唔太飽唔太夠，雞扒口感還可以，不過紅蘿蔔就口感差，唔林的，可能用黎裝飾而已。鮮果冰茶，賣相已經唔得。再飲落去，得個甜既感覺。。。而且杯內都沒有任何生果粒係度，未點個時以為同其他地方既生果茶一樣，都會有幾粒生果，原來唔係，所以幾失望下。總結無下次。

之前聽過朋友講話呢間啲甜品好食😋，咁我就一於同朋友嚟試下。一打開餐牌，都幾多甜品想食。今次我哋先試個士多啤梨多士磚雪糕，朱古力鬆餅Pancake。又叫左最愛嘅抹茶拿鐵latte😍，我朋友叫咗個蜜糖玫瑰花茶🌹。個多士磚超正！因為佢成舊多士磚都係脆嘅，連個心都脆，重有牛油香味，再夾埋雪糕同埋忌廉一齊食… 嘩，真係超好味！😋😍 從來冇喺出邊食過咁正，之前食嗰間 Pokx Café 舊多士磚只係脆表面，入面係林嘅。但係呢舊size啱啱好之餘，舊多士全舊都係脆嘅，而家諗起都覺得超好味，好想再食🤤🥰至於個鬆餅pancake都好好味，好鬆軟，夾埋啲忌廉同雪糕一齊食，正！😋我杯抹茶latte（掛住飲忘記咗影相）都好香濃好飲🍵。我朋友叫嗰杯蜜糖玫瑰花茶🌹擺上枱已經好吸引，亦都好香甜好飲。真係一個好享受好滿足嘅下午茶😋🥰，下次一定要再嚟！超讚👍💯

喺葵芳廣場行完街見有啲肚餓，想搵間好啲嘅餐廳坐低慢慢食啲嘢，見到呢間嘅餐牌睇落幾好，所以就入咗去食啦。因為我同朋友都唔係好肚餓，所以淨係嗌左兩樣小食，分別係一口西多士同埋炸吉列豬扒。雖然佢上菜有啲慢，但係兩款小食嘅賣相都非常好。一口西多士外皮鬆脆，入邊有花生醬，出邊又有朱古力醬，大細適中又抵食。炸吉列豬扒啲肉好林唔會太乾，外皮好脆，又唔會太多炸粉，配埋佢個沙律醬簡直一流。希望下次可以試埋佢其他嘢食啦。

下班後跟死黨飯聚，不想食得太hea，但又不想太貴，就選了這間。可能它以甜品作主打，正餐選擇不算很多，主要是日本料理。我們點了溫泉蛋叉燒烏冬、鰻魚飯及咖哩吉列魚柳飯。溫泉蛋叉燒烏冬，叉燒有嚼口，入味。烏冬也彈牙。鰻魚飯，鰻魚大大塊。我最憎食到鰻魚有骨，慶幸這裡的鰻魚是沒有骨的。咖哩吉列魚柳飯，魚柳也是大大塊，香脆。如果多些咖哩汁會更加好。玫瑰花茶，有驚喜，用上這樣雅致的茶壺，而且茶很香。看見鄰桌點了甜品，賣相都很吸引，本來想吃，但朋友趕著回家照顧小朋友，沒來得及吃就要走了。下次一定要來試試這兒的甜品！

送完阿囡上畫劇，老婆想吃早餐，諗住去文華港式茶餐廳，點知見條人龍長到得人驚，好在隔離仲有間SWEET-O-LOGY，呢度嘅早餐有英式和港式之分，一國兩制下之下，我選擇了港式，老婆就揀英式。英式早餐-滋味雞扒早餐（$42）雞扒有陣陣香草味再用橄欖油煎，雞蛋選用一級大蛋，香腸也是洋腸，用料上乘岩曬香港女士要求。港式早餐-餐肉煎蛋出前一丁（$38）地道港式早餐又點可以唔食餐蛋麵呢？若然想加添些少前宗主國的味道，餐包可揀英式牛角包。餐肉厚切，煎太陽蛋夠大隻，Yummy!飲埋杯熱咖啡，偷得浮生半日閒，感覺太正啦！

事情 ，總是不明就裡地發生。冷不妨好友相約葵芳小聚，話閘子一開啟，口水就一路流過了午飯時間。找一家可以一邊醫肚，一邊繼續話題的餐廳，朋友帶我來到Sweetology......小店，裝修得非常簡潔明亮。坐低各自叫左遲來的lunch，我好麵，故叫了碗「月見溫泉蛋豬軟骨烏冬」 $66烏冬軟硬適中，彈牙好味。豬軟骨骨肉軟稔，非常入味。溫泉蛋，金黃潔白分明，流心效果明顯，食得出係日本蛋。配上金菇、紫菜等澆上七分滿清湯，配搭新奇，不油不膩，健康之選！朋友向來無飯不歡，叫了碗「日式咖喱吉列豬扒飯」 $66非常的適，白飯上一塊吉列豬扒，以日式咖喱汁和其它配菜托底。朋友一啖接一啖，清到不剩一滴，所以我估應該不錯，畢竟朋友一向嘴刁。一路傾，侍應一路主動加水，毫無趕客或不耐凡。寫呢篇食評前見到眾多負評，不禁疑惑：「這真不是我所見的水準啊！」我覺得，如果這小店能繼續堅持我當日所感受的：１. 主動介入貼心服務２.  出品簡單但不求其３. 保持環境簡潔明亮何愁搵唔到知音！