sweet'spice

營業中

休息中

因為喺附近返學，所以成日都去愛民附近睇吓有咩食。呢間韓國嘢已經喺愛民好耐，每次我都會去食佢個炸雞，因為佢個炸雞整得好好食。而且佢成個餐廳嘅環境嘅感覺，好似住家飯咁樣。所以好鍾意呢間餐廳。

點了人參雞湯-有參味. 雞骨煲得很久接近化. 有心機.BBQ牛肉餅 應該係牛肉混雜菜 煎得唔錯 但有少少硬 唔夠香 但証明係人手整唔係現貨/交來咁樣的價錢 尖沙咀無三舊水落唔到樓啦....

平時放lunch想d無咁頹既野，就會去韓國餐食下。呢間餐廳由韓國人開，所以d野食都好正寫宗韓國菜。出面閒閒地食個韓國菜都要七十幾八十蚊，但呢間勝在價錢夠平民化。試左個韓式辣味豬肉飯，d辣味好似一次比一次辣，但辣得黎好香口。d飯就用左珍珠米，煮得岩岩好，十分吸引。仲有學生價都係37蚊咋。朋友就試左甜酸炸雞飯，我個人更加推介呢個餐，因為酸酸甜甜好開胃，炸雞炸得岩岩好，下次我會再食呢個餐。食飯仲會跟一碗海帶湯，食之前飲更加開胃，十分抵食。

一向喜歡食韓菜，知道何文田有間由韓國人開嘅餐廳，即刻想試試。餐廳唔算好大，播住韓流歌曲，有在家嘅感覺。餐牌就寫喺牆上面，午餐同晚餐menu唔同，星期一至五同星期六日都有唔同。店員推介赤魚，上到枱果然好香好吸引，條魚賣相超正。條魚係有條中間大骨，仲有少少側邊嘅細骨，但已經炸到脆晒，所以可以盡情大啖食。條魚啖啖肉，魚上面嘅調味好惹味，少少辣，係有種食極唔夠嘅感覺。呢條魚係必食推介！另一個餐係牛肉蛋飯，一樣有前菜同埋海帶湯。牛肉煎得香口惹味，炒蛋亦好味。加咗自家製醬汁，甜甜地配牛肉同蛋，好特別。晚餐來講，唔算貴，但食到韓國嘅味道同埋友善店員的服務。

有日落堂行山上愛民探險 發現呢間快餐形式既韓國野 不過lunch hour超多中學生 都幾逼下😂order完搵左個面壁既位置 等左大約10分鐘先叫我number 有少少耐...我就食左呢個甜辣炸雞伴飯 一開頭睇錯左係拌飯 仲係度諗點解係白飯加碟雞既 ohh原來係伴飯...🙈 炸雞份量都幾多 有7 8大舊 肉質就一般般啦 唔算特別嫩滑 唔夠熱同唔夠脆 白飯偏軟熟 撈埋甜辣醬都幾惹味~跟餐仲有海帶湯 超多海帶der!! 清清地 唔算太鹹 中和下頭先隻辣 唔錯 btw有學生證平好多架 原價要$47 宜家平成6蚊 $41炸!!😋

何文田個站其實離愛民邨唔算近, 上上落落都成10分鐘先到愛民邨之前地鐵通車時, 各大報導都話愛民有咩食有咩食, 但係其實愛民都比領展收購左, 性價比極有限囉。唯一好處係我仲有學生證, 仲有學生生份先可以平幾蚊。今日簡左呢間sweet'spice, 就係見佢有學生價先入去食, 如果叫set lunch 都平到6蚊既。我叫果個係甜酸炸雞件飯, 個樣有D似咕嚕肉, 隻味都有D似, 甜甜地又酸酸地,雞係一早炸定的, 肉唔算滑, 千其唔好同出面D 炸雞「皮脆肉嫩」比較, 呢到係食唔到的。飯我當然唔係expect 係韓國米, 面且仲煮得有D爛, 成個湯最正宗的我覺得係個海帶湯, 而個湯唔算太咸, 正正常常。總括黎講, 如果係特登去的話, 那就不必了。如果係經過, gam 就支持小店對抗領展都可以既~

Open Rice 曾經介紹過呢間餐廳係由真·韓國人主理, 主打家庭式韓食，今日就從各連鎖店中走出來試試小店風味。Sweet'spice 位於愛民邨, 要花一點時間才能找到。店鋪面積細小, 遇到公大或土木工程署放飯時間, 難免人頭湧湧, 要背貼背。今次叫了牛肉湯, 韓式牛肉湯其實有很多種做法, 有港人最愛煲到奶白色的雪濃湯. 有蘿蔔牛肉湯, 而這店供應的是我最愛的辣牛肉湯, 辣牛肉湯, 湯頭裡最重要的有牛肉絲與蕨菜, 是這道湯最大的特色，可能為迎合港人的辣度, 這湯不夠我在韓國噶的辣, 然而已經夠過癮。湯頭材料豐富, 除了有牛肉, 蕨菜, 也有豆芽, 洋蔥絲, 蔥絲, 紅辣椒圈, 青辣椒圈,肉少少而菜多多, 很好。白飯也大碗，然而美中不足的是飯煮得比較爛。總括而言, 香港不是很多韓國菜館會煮辣牛肉湯。在這韓韓國人打理的小店能吃到「真」韓國風味, 已經很滿足了。

今天上午11時左右下課，又是吃午餐的時間！跟朋友討論一下，決定由學校行去愛民邨的sweetspice吃一個韓國午餐😁由於時間尚早的關係，我們一行3人到達時，餐廳裡仍有很多位，很快就找到位子坐下來看了餐牌後，我決定點1號餐的「蘿蔔牛湯飯」，學生優惠價只需39蚊，雖然比學校食堂貴一點，但是比起外面的餐廳就便宜牛弄到很軟身，值得一讚，不過麵豉湯就比較鹹，希望可以改善一下☺

最愛小店，因為小店多數都有其獨有的'人情味'呢間韓國家庭主理嘅韓食小店已試過好多次， 每樣野都食得出堅。韓味今次食辣牛肋肉飯， 飯係珍珠米， 配以燜牛肋肉，入面好多大葱同生蒜，伴飯一流， 配菜係芽菜， 味清新， 一濃一淡非配合很好， 係一個人食飯好選擇。

暑假訓到2-3點，食個快靚正、勁飽既飯，填補下寂寞的肚子好後悔最近先試呢間韓食平－好味－多餸－老闆伯伯好好人點左個8號好似叫「泡菜豬肉飯」？由於D餸係整定，所以點完就即刻拎得！送碗海帶麵豉湯有時會送前菜比我地伴飯雖然佢紅卜卜，但唔辣架好足料好多肉，食到勁飽只係三十幾蚊，咁平既正宗韓食去邊搵？（佢有D即點即煮既，＄60-＄100不等）係愛民數一數二既正野值得一試－－－－－－－－－－－－－－－－－－－－－－－－－－－伯伯好好人架，如果你識韓文可以同佢傾下1、2句，人在異鄉好悶架嘛。又可以學下韓文

尼返啲到本身想食返個炸醬麵但點知過左下午茶嗰個時段 冇得食... 死死地氣咁叫左個燒汁炒牛肉飯呢個牛肉飯就好似吉野家啲牛肉飯咁 不過佢啲配菜就多好多 啲牛肉都幾入味 仲我就覺得佢唔係幾夠汁 因為本人都係中意用汁撈飯食既 而且佢啲飯就爛左啲咁啦幫個飯加分既就係佢隔離碗海帶湯啦 同上次一樣都係好飲 一有海帶湯就成個餐都好有韓國feel

嗰日肚餓 諗住兜轉愛民睇下有乜好食啦 望望下發現到一間有韓文字既舖頭 好搶眼啊 一瞬間就行左入去啦一入到去發現 冇客既? 喺我坐底到食完野走人既嗰一段時間 除左我同朋友之外就得3個客 我嗰時呆一呆 呢間野會唔會係伏尼架呢 唔理啦都入左尼都係食埋先走啦嗰時正值下午茶時間 嗰到又有下午茶餐 就叫左一個떡볶이同一個炸醬麵炒年糕並唔係一條條嗰啲 只係一片片嗰啲 不過冇所謂啦 都係年糕啫 年糕煮得啱啱好 唔會太腍 又夠晒彈牙 個年糕仲有好多配菜 有韓式魚蛋 加埋韓式呢兩個字好似真係唔同啲 個醬呢辣得尼又甜甜地 好過癮 我本身就唔係好食得辣既 但佢個辣度我又接受到咁啦個炸醫麵我個人覺得好好味 佢個汁入面有啲細細片既五花肉 個汁又夠晒味 而佢個麵又係喺韓國食到既粗粗地好彈牙嗰種麵 所以我好中意呢個炸醬面啊順帶一提佢個餐都會跟住一碗海帶湯 都係好飲既其實佢啲野食真係幾好味 但佢少客既程度我真係有啲訝異

今日走過何文田愛民村，餓了，便到一間韓式餐廳吃個飯。叫了一個雞肉飯少辣 $37(學生/長者$30) ，價錢算過得去了。這家餐廳的裝修佈置很有特色，黑白對比製造時尚感。好的是：店員都很有禮貌，令人有家一樣的感覺，(聽說是一家人經營的)，更送我一碟小菜飯和菜餚分成兩小碗，考慮到食客不一定愛菜汁混白飯辣味可接受；並有麵豉湯，味道容易入口。欠佳的是：上餐速度有待提升白飯水分過多，像粢飯一樣份量較少整體上這家店值得一再光顧

又到了happy Friday，因為第二天我哋成家人都唔洗翻工翻學，所以我哋就由九龍灣老遠地去到何文田食飯，唔系老友推薦，我真系唔知原來愛民裡面都有韓國野食，因為印象中愛民來來去去都系得連鎖快餐同幾間茶記，不過老友真系無介紹錯，尼間sweetspice值得我哋山長水遠走去食，尼間餐廳d韓國菜好正宗，而且價錢合理，重點系選擇夠多,一間細細ge店鋪就已經有20幾款主食同埋差唔多10款小食,基本上每樣野我哋都想試,可惜我哋一家四口吃不了那麼多,所以只order左4個主食同兩個小食一起share,主食方面我哋點左燒鰻魚飯  三色燒烤伴飯   韓式年糕湯餃子同埋人參雞湯,而小食就叫左海鮮pizza同韓式粉絲,食物水準真系好好,尤其系三色燒烤拌飯  人參雞湯同埋海鮮pizza,先講下個三色燒烤伴飯套餐,尼個餐真系好抵食,印象中好似賣60幾蚊,但就已經有湯有前菜,三色燒烤裡面都好豐富,有燒多春魚 燒牛仔骨同埋燒豬腩肉,豬腩肉一d都唔肥，而且燒得好香。而人参雞湯就好足料而且同我哋上次去首爾飲ge好似，證明夠地道，d雞肉仲好嫩滑，所以最後比母親大人食曬，好彩我仲有個海鮮pizza，pizza 的size

開左幾個月都未幫襯過, 咁啱見佢近日多左幾個飯款就試下啦一行三人, 叫左炸醬麵 $52, 烤豬腩肉飯$60, 同埋三色燒烤(多春魚,豬腩肉,牛筋骨)飯 ($62) 野食係幾好味, 同埋冇咩味精, 炸醬麵既麵係有點似烏冬麵, 好滑溜. 配以切碎既尤魚,菇,青瓜,青豆放面, 味道濃郁烤豬腩肉飯同埋三色燒烤飯肥而不膩, 仲有熱騰騰既麵豉湯 可能臨收工, 老闆送左炒粉絲比各檯客人. 好多新食肆食過一次都已經知道會唔會再幫襯, 呢間就一定會再來. 不過出菜方面有D慢, 希望以後有所改善. 仲有星期一係休息架.