影片
港鐵油麻地站 C 出口, 步行約4分鐘
繼續閱讀
電話號碼
59008363
營業時間
今日營業
09:00 - 18:00
星期一至日
09:00 - 18:00
以上資料只供參考, 請與餐廳確認詳情
朝頭早九點見冇乜人入去食啦，嗌咗個佢話手指公嘅公司三文治，菜都冇條；唯一好處就係夠熱。餐肉火腿芝士蛋正常發揮。我阿媽叫咗個腸仔煎蛋多士，冇乜特別。我就要咗個Flat white，佢話同人哋唔同，即管試吓，我覺得好普通。今日嘅焦點嚟 》我阿媽唔飲咖啡叫咗杯熱朱古力，上到嚟成隻杯半個唇膏印仍然響杯度🤬 係血紅色 （唔係淺淺一個）係半個嘴！ 跟住我話仲有成個唇膏印喎？！跟住佢話哎呀唔好意思。。。 有冇洗杯？ 佢應該就咁將個杯熱朱古力倒落另外隻杯度。以後都唔會再來！ 成間舖頭得三個人佢會有幾忙？
繼續閱讀
見寫住syphon coffee專門店，專程嚟試一試。點咗杯Ethiopia Guji嘅虹吸，諗住比較大路，相對穩陣。\一試難忘，因為好難飲，極度失望，完全冇風味、冇果味、冇香氣，淨係得個苦字，亦稱唔上係醇厚。虹吸式應該比手沖更能將咖啡的風味特出。即使傳統日式咖啡店用深焙嘅咖啡豆，都可以將單豆咖啡嘅特性做到出嚟。所以唔關深炒淺炒事，呢杯啡係 零！風！味！劣質程度似便利店coffee! 或更差。\臨走店員/ barista 問我覺得杯啡如何，我直言冇乜風味。佢竟然回應：Guji嘅特性就係甘香醇厚。我話：其實唔係，如果咁講所有咖啡都要甘香醇厚，但係單品咖啡就係需要有風味，我係完完全全飲唔到有任何香味，唔fruity亦唔nutty……佢最後亂答話：咁要試吓11號，我完全冇睇11號係咩產地，直接走人。好明顯個barista係死撐亂吹，冇誠意。\我唔知究竟係barista學藝未精，定係本身啲咖啡豆有問題。態度上亦唔似對咖啡有要求，似係想蒙混過關。對於自稱虹吸式咖啡專門店而沖出如此垃圾，實在好離譜！！😡😡
繼續閱讀
我與友人飲咗好多年精品咖啡，路過見到店名叫Syphon Coffee，諗咗一陣。。。決定入去試吓。總括嚟講，唔該店員、老闆重新再學吓咖啡先開。這餐廳以精品咖啡作為賣點，幾十款唔同產區嘅咖啡豆，最淺嘅已經係中炒。其實冇淺炒都唔係問題，因為日本主流都唔興淺炒，同樣帶出不同咖啡豆嘅特色。好啦，所以我哋叫咗一杯中炒嘅尼加拉瓜，不過這都不是重點。重點係，店員真係唔識的：我地：「你地有無啲炒得淺啲嘅豆？」店員：「淡啲呀？」我地非常愕然，唔明佢講乜，心諗：「乜野呀？」我地再問：「唔係，有冇炒得淺啲嘅豆？」店員：「炒得淺啲淡啲。」頓時間，我同友人真係着咗，有點想噴血的感覺我地：「炒得淺唔代表會淡啲個喎。」店員仲要再兜，我哋已經唔想同佢講咁多，直接嗌咗一杯。而呢杯咖啡亦都係呢位店員沖泡的。其實我只有聽過，沖得薄身，而唔係淡啲。呢樣係喺咖啡沖泡手法上面嘅調整，整杯咖啡唔係會淡咗，而係出嘅味道，同埋層次會唔同咗。無論你沖深炒豆或是淺炒豆，都可以調整。到我哋真係飲呢杯咖啡啦，好簡單，佢帶唔出一杯syphon coffee嘅特色。其實佢啲豆炒得咁深，正常都會帶一點點朱古力或者焦糖甜味，二如果用syphon（虹吸），一般都會比filter / pour over甜少少，一般果甜味會更突出。好可惜我哋手上呢杯尼加拉瓜係一啲甜味都冇。嘢食真係非常之一般，價錢亦唔係好平。咖啡當然就一啲都唔值呢個價錢啦！佢嘅咖啡豆質量一啲都唔高，都要$60一杯。離開之後友人問我，「我哋係唔係好harsh？」我話：「呢間餐廳個名叫syphon coffee，以虹吸咖啡做招徠。佢咁有guts 咁樣定位自己間舖頭，唔係唔stand the challenge 嘛？」我成日都覺得精品咖啡，真係要入民間，而唔係繼續留喺中產世界，為中產文化獨有。不過，係普及精品咖啡嘅同時，唔該都唔好影衰呢種文化。我真係唔知道呢位店員，同左幾多位油麻地嘅街坊講「炒得淺啲即係淡啲」，真係唔好散播Fake News。
繼續閱讀
見相片唔差，又想食漢堡，即管試一次，午餐時間都唔滿座，係舒服嘅，不過，入店後一啲咖啡味都無，唔太似佢主打多種專業咖啡店😅食物賣相基本上唔差，但就係家庭式嘅吝嗇材料，變相差咗好貴黑松露意粉，差不多食唔到黑松露味，上枱好香，但係黑椒味，黑松露醬只有尾指甲大少份量，收$78有點騙人了😅如果呢個收平廿蚊係蘑菇白汁意粉會好好多，個白汁都好味，可有3-4星，但宜家只值2星彩椒煙肉味道太健康啦，太清淡，應該可以更好味牛油果夾餅（無記錯的話$48)，牛油果算多，醬汁少但同事都接受少汁乾身，沙律菜都有點醬汁漢堡加錢轉牛肉，醬汁就只有包底少少，無肉汁關係，漢堡太乾，漢堡肉較實，味道濃，可能唔係手打肉，菜都算得上新鮮，不過西生菜賣相唔夠好睇，除咗太乾之外，味道都唔錯。沙律菜有幾滴沙律醬綠茶咖啡，啡味同樣好淡。朱古力奶又係淡，同事甚至話淡過麥記😆以四五十蚊杯真係太貴凍利賓納唔洗廿蚊，夠味相對抵飲😅😁基本味道唔係差唔係難食，如果唔係咁孤寒吝嗇所有味道材料醬汁，其實可以更好，但呢個價就太貴唔值了，尤其咖啡朱古力奶
繼續閱讀
Walked into this half empty coffee shop at lunch hour with all seated customers already served their meals. Ordered a takeaway large latte for $58 and ended up waiting for 15 minutes when my order was the only one in the kitchen. When I requested for no plastic bag, I was told by the barista that he recommended I keep it because the plastic lid was ill-fitted and that he warned me to be wary when drinking from the cup in case of spillage. I ended up drinking straight from the cup without the lid and was greeted by the underwhelming sight of a cha-chaan-teng (local fast food restaurant) looking frothless coffee that was scalding hot and nearly had my tongue burnt. I later found out from the menu that I had to add on $5 in order to get foamed milk - seriously? I have already paid $58 for a coffee which is significantly priced above average for the area. The taste was also below mediocre - I could definitely make better coffee at home with my nespresso machine. Will not recommend.
繼續閱讀