T Café 1954 (已結業)

前日(18-1-2015 Sun)朝同男友落荃灣買餸,決定o黎呢間食full breakfast, 我o地o黎到,好彩又o岩o岩有一枱卡位客走,等侍應執好o野就坐低.之後侍應俾份menu我o地話,要先出去買飛.啊.我o地揀定後,男友拎過No.返o黎等人拎餐o黎.我要$42.00o既full breakfast,有炒蛋配火腿,煙肉,豬肉腸,茄汁豆,粟米同厚多士,要鮮番茄螺絲粉,要凍檸蜜.男友要$30.00o既焗批及蛋餐C,賓尼波蛋牛油撻配火腿,煙肉,茄汁焗豆,飲熱奶茶.好快,兩杯o野飲同鮮番茄螺絲粉到o黎,之後餐都一齊到o黎.我o地開餐喇,我o既炒蛋嫩滑,茄汁豆,係來貨,冇乜好評;粟米甜甜地,幾好;火腿,煙肉亦都係來貨,但係薄片,而佢o地都冇想像中咁鹹,不過煙肉有啲乾;來貨豬肉腸味道竟然有啲怪怪,麻麻;而厚多士呢,睇見咁淺色就知烘得唔夠,而且竟然只烘一面,塗完牛油後食,唔脆,真係一啲都唔脆,咁咩o野叫多士? 之後食男友其中一個賓尼波蛋牛油撻,面上黃色o既汁有啲醋o既酸味,賓尼波蛋熟蛋白包住未熟蛋黃,合格,而牛油撻鬆脆,可以o既.之後食埋鮮番茄螺絲粉,鮮番茄已經變成茸,螺絲粉都仍爽口,番

從來香港的食市大多數只會越做越差，或保持基本的水準，不過這間餐廳倒是例外，小改善 大進步，從前的長櫈出入困難坐得不舒服，現在改了茶餐廳的枱櫈，坐得舒服出入又方便，食物上枱的速度快了，早餐的款式多了，人手多了，味道好了價錢貴了。今早本想去MOS 食早餐，但途經泰昌CAFE 突想起不如比多次機會佢啦，於是入去坐底，從前的長櫈沒了，幾好呀，早餐改了水吧多了一位員工，相信不會再像以前那麼慢。又是點餐了，一個沙茶牛肉意 配厚多士煎蛋，另一個蕃茄湯煙肉螺絲粉，菠蘿油煎蛋等，一見個沙茶牛意 牛肉很大塊 意粉較幼身但反光等，一睇便知是高筋意粉咬落果然不同，牛肉如果與翠華比就一般啦，螺線粉蕃茄湯味濃不錯，煎蛋是脆邊的很久沒食過了，但菠蘿油就像失色了小小 個皮係唔脆既，最後如果將他與翠華比較，我會選擇他縱使翠華較好味D, 但要等位 坐得又唔自在，人又多又壁又嘈，D 阿姐成日都好似想趕你走咁，服務又唔好又漏單又冇人埋，食個早餐啫點解唔舒舒服服 慢慢享受呢。

我地分別叫左卤水雞翼配西多士同班蘭芝士蛋糕。卤水雞翼得2隻西多士多個一塊，買成38 。唉～洗唔洗十蚊隻雞中翼呀？可能好好味呢～咁我地試左一d 都唔入味，只係普通浸一浸d 卤水，裡面都重係白肉囉～西多士就咁一塊面包囉去炸，比多塊都好呀～好，在試下，可能好好味~唉～有油益味囉！換下油啦～唔該。。好啦～塊班蘭蛋糕，一食落口成陣雪味，嘩~新鮮到咁~激死，食完我杯熱檸茶，d 檸檬苦。。。無奈

泰昌餅家，明明以往只是擺花街一家餅店，現在分店遍佈全港，荃灣著名商場地下也開了這樣的餐廳。店內挺寬敞，光猛亮堂。設有六張卡位，中間還有六、七張桌子，不太擠擁。環境不錯，可惜顧客要到收銀處自行落單、付款、取牌，然後方可回到座位，等待店員送上餐來。本人不太明白為何不可在座位下單，臨走才結帳兒？可解釋的就是，顧客也可以在旁邊挑選麵包，買完在堂座吃？午餐多款，選主菜後，飲料、餐湯、甜品任擇其二，總算有得揀。蕃茄湯，十分酸，有些蕃茄蓉在湯內，湯不算十分稠。由於味道太酸，不算特別美味，但至少酸會開胃。千層麵蕃茄醬不差，碎碎的蕃茄，不太酸，亦不算太稀。頂頭的麵有芝士，大約五層的千層麵，肉醬也就是剛剛好。初初端來以為太細碟，但其實吃下也會膩，所以還是夠飽的。白菌雞批配田園沙律沙律菜，看得出新鮮乾淨，現今有些食店，如宜家餐廳，菜葉有黑邊，也敢給食客的。此店的沙律混了點醋，清新開胃，不錯。大型雞批，遠看還以為是酥皮湯。底下部分較厚，就像正常雞批的底部，有點兒麥味，夠厚方可盛著雞粒，及吸了汁後都不會糊爛溶掉。而面頭的酥皮也相當不錯，鬆軟香脆，輕微甜味，清爽輕營。內裏盡是雞胸，不過雞批就是這樣，不要期望雞批內

是日吃完下午茶後仍意猶未盡，經過泰昌時被閃黃色的蛋撻吸引，baka見我貪吃的樣子便買了一起分享。分別有牛油皮和酥皮蛋撻售賣。我們選了牛油皮蛋撻（＄６），一拿上手，很明顯不是新鮮出爐，只留下微溫而已。幸好蛋撻皮散發很香牛油味，餅皮鬆化，蛋餡香濃滑溜，不俗！

全餐廰只有六張卡座, 另外兩張長枱可供大約十人坐, 當然會是經常有撘枱情況出現微熱的包, 算是多的材料, 豬柳美味, 芝士未有溶於裡面, 有點可改進的地方都是不很熱的三文治, 內裡的材料都算不錯, 火箭菜的香是整個包的主角味道, 有幾條煙肉, 肥的部分多, 整體不過不失招牌蛋撻沒令人失望, 皮香饀香而滑, 十分美味

今日放假去探屯門舊同事和她的公子, 之後去荃灣食個早餐先. 本想食嘉樂, 點知佢哋放例假 ?! 之後過對面荃新天地食T CAFE.叫賓尼廸蛋撻+火腿+煙肉+茄汁豆+凍檸蜜火腿 - OK, 唔咸煙肉 - 一般啦茄汁豆 - 罐頭貨, 但分量多 (比金翠份量大很多)賓尼廸蛋撻 - 冇睇錯, 賓尼蛋放在撻上, D汁OK呀, 蛋白有D醋味 (因為水煮蛋要加醋才做到), 但放在甜味撻上格格不入.不用加$的凍檸蜜 - 偏甜以$32食到賓尼蛋, 想點呀?

原打算跟好友到荃灣熱店荳子進餐，但到門外已大排長龍，所以轉戰荃新天地覓食！商場裡的餐廳都大排長龍，好友提議到泰昌餅家開的咖啡廳，在午餐時段去到食店門外竟然沒有人等候。泰昌餅家的蛋撻非常有名，我幾年前曾經嚐過，是頗有水準但並未到我吃過最好味的蛋撻級別。店員招呼友善，午餐時段仍有大量位置，我便選了最裡面的四人卡位位置，餐廳裝潢一覽無遺。T CAFÉ的設計結合了香港與西方的特色，既有昔日香港懷舊冰室的情懷，又帶點西式咖啡廳的優閑味道。每個卡位座都有以中國數目字寫的枱號，抬起頭，會看到仿照舊式冰室的天花風扇，環境不錯，設計新穎可見心思。店員遞上午餐餐牌，原來這裡是先點餐和付款，店員之後會接照牌號送上食物。午餐餐牌選擇以意粉與意大利飯等西餐為主。落單後店員說食品或需時10-15分鐘，不過可能因為客人較少，所以很快便上菜了。我點了Ｂ餐的煙肉蛋汁意大利粉伴西蘭花及蒜蓉包（＄４３）。意粉送上時熱辣辣，西蘭花及蒜蓉包放在意粉上，卡邦尼意粉份量很多，一看便知一定夠飽了！意粉是我喜歡的粗幼，味道不算濃郁，不過我反而喜歡這種淡淡的味道，始終太濃郁會很「漏」，煙肉很多，蠻足料。蒜蓉包烤得不錯，香脆，入口卜卜聲。

餐廳感覺唔錯，裝潢很有特色，餅店始終係餅店，做其他食品味道就嘛嘛哋了。好食就係餅類蛋糕類，飲品都OK，日式芝士蛋糕不錯，綠色很有特色。但我吃的的那個盒子，除了蘇皮蘇得岀色爽脆好吃，裹面的雞蓉很一般，唔甜唔咸，唔好吃。

大出血後，找個地方歇歇腳，吃點東西。所有連鎖咖啡店都座無虛席，突然醒起了這裡，便走過來，果然是不用等位的。柯打了巴馬火腿菠蘿包，看菠蘿包的色水已知不妥，包身更是凍的。巴馬火腿配菠蘿包，兩者完全擦不出火花，是fusion，變成confusion。我寧願吃番件傳統的菠蘿油，那冷熱交融的滋味，更合我心。既然這裡是泰昌的分枝，原以為蛋撻應該穩陣，可惜，只是一廂情願的想法，實情是唔香又唔熱。跟餐有飲品，就要杯熱啡，薄弱得很。

途經荃新天地T-cafe 1954，見到懷舊復古的裝潢，環境不錯！就試下！下午茶menu寫著有幾款「泰昌」的菜式，還有蛋撻，才知道原來係「泰昌」旗下的cafe。設有卡位及長枱。叫了下午茶套餐~「白菌雞批配田園沙律」$40，另加+$10 「巨峰提子梳打」不設加一！「白菌雞批配田園沙律」來到size都幾大件下！長型酥皮一般，尚食到牛油味，不夠鬆脆！白菌汁唔錯！磨菇和雞肉分量頗多！分量足！牛油皮批底唔錯！第二個已飽到不得了！哈 「巨峰提子梳打」顏色略深，不太感覺有梳打既汽泡！味道有些似超市個隻要放冰箱雪才變硬（日本出10支一包個D冰冰）的味道！細細粒星星係桃果肉！好可愛！味道一般！整體上：環境幾舒服，食物尚可，價錢合理！Ps. 餅店轉營多元化新嘗試對於消費者都係一件好事！還望味道有待改善！之後，買了下面一這款粟米蟹柳麵包當早餐，好足料！味道一般。

同朋友七點半左右到, 店內人很少,只有2-4檯客。其實店內空間很大, 坐得舒服但食物可以更好, 可能外面便是街市導致較多"蚊滋"圍著食物飛. 感覺不良, 希望可以改善一下。致於食物, 價錢不算太貴, 但味道一般我地兩個女仔叫2杯特飲share左一個晚餐, 唔算好飽埋單$112 (有85折), 所以都唔敢要求太高。紅豆冰好淡...濃D好飲D (多D奶同抹茶) , 不過可能因人異,因為我朋友覺得OK。個沙律有陣隔夜垃圾味(個人覺得),可能係芒果個配搭蟹出泥個味我唔慣, 但食落OK。一般,都幾多菇不過酸酸地(我唔肯定係唔係因為有''芥末芓'')

原本想打邊爐，但朋友話熱唔想打，咁就諗住食西餐，早前得知泰昌開左西餐，一於要試下，星期日的八點十五分，坐左一半人都冇，心知不秒。因為門口向馬路，又冇門，好多野不停飛黎飛去，食慾已大減。我叫左carbonara, 配蟹肉芒果沙律，沙律醬非常酸，比芒果更酸，不過有淡淡蟹肉，沙律菜有點苦。主菜極失望，勁臭青味的cream,從未食過carbonara係咁樣整法，食左一半就頂唔順。朋友話佢的磨菇湯有酸味，不過茄汁意粉正常，先前叫左杯朱古力，條飲管有毛，店員都好好即時換過杯，但新嗰杯成支飲管倒轉插，曲位向下，低級錯誤。。。

平時去楊屋道街市買菜, 多數都係去茶餐廳醫肚, 最近發現泰昌餅家係荃新天地開左間 Cafe, 平時都有食開佢D蛋韃, 覺得應該都唔會大差, 即管一試. 1:30pm 黎到, 等左一陣先有位, 兩邊D卡位好似好舒服, 但因為趕住去買菜, 未有卡位都照坐, 大檯都唔錯丫, 好闊落, 又乾淨. 揀好食咩之後去櫃檯俾錢, lunch set 都算多選擇, 價錢合理, 我同老公揀左 Carbonara 意粉同埋燒美國西冷牛肉意粉伴薯角沙律. 落單後唔洗兩分鐘, 燒西冷意粉即到, 份量以午餐黎講都算可以, 沙律菜好新鮮, 燒牛肉亦恰到好處, 仲有 pesto sauce 同 balsamic vinegar, 似模似樣, 意粉另外用個碗仔上, 可惜意粉味道好淡, 仲有小小乾. Carbonara 意粉的軟硬度適中, 但有同一弊病, 都係味道太淡, 如果面層加D芝士粉會好D, 或者落多小小煙肉令碟意粉豐富D. 旁邊的蒜蓉包值得一讚, 焗得十分香脆, 而且新鮮熱辣, 下次黎要另外叫一客淨蒜蓉包. 雖然食物仍有進步空間, 但整體是令人滿意的, 裝修幾有特色, 荃灣區黎講算係好新穎型格, 闊落又舒適. 服

和朋友郊遊後，找到這餐廳歇歇，發現驚喜！然後，找了個位置坐：雖然呢餐係我倆的第三餐，但依然戰鬥力旺盛，可以食多啲，最後叫咗三個餐；首推：熱檸蜜！(蜂蜜的味道使人一試驚喜，完全愛上！)班蘭葉味清淡得嚟帶著芝士的幼滑，伴碟的紅桑梅、藍梅、士多啤梨清甜多汁，毫不遜色，美中不足是份量少。朋友叫的沙律，火腿粒很香，芝士碎和蔬菜互相調和，十分適合夏‧午茶。明明叫咗三個茶餐，但因為太貪食的緣故，相機冇得食先最後上的是巴拿馬火腿芝士蕃茄飛碟，蕃茄起沙之餘，飛碟的外脆內嫩，咬下去，芝士仲可以拉絲；成個餐包飲品同一般茶記差不多，實在太超值！