影片
港鐵元朗站 A 出口, 步行約11分鐘
繼續閱讀
電話號碼
68558447
營業時間
今日營業
12:00 - 22:00
星期一至二
12:00 - 22:00
星期三
全日休息
星期四至日
12:00 - 22:00
以上資料只供參考, 請與餐廳確認詳情
元朗國多好嘢就好多人都知，作為大西北地膽foodie，有時真係覺得好想推廣俾人知這區的隱世美食。夜晚收工特登來到係元朗鳳悠南街的Taco 's Friday，此店始創於屯門，年初時係元朗開設第二分店，屬區內比較少有，主打西班牙Taco，burrito，巨型漢堡和一系列西班牙小食的店舖；餐廳老闆係一個對煮食好有passion的年輕人，唔單止對食材講究，對主食，配菜，什至乎醬汁等，都堅持純手工炮製，務求讓小食美食都出得大場面，再加上老闆的親和力，一整好哂廚房嘅單，就出舖面招乎客人，跟客人傾偈，最攪笑係老闆可以跟你無所不談，好似同緊friend吹水咁，個人覺得佢嘅social能力超高呀！ 🔮水牛城雞翼整成單骨雞翼，容易食得來，亦相對較易入味和快熟，即叫即炸，表面粉漿薄又脆口，鷄肉又滑嫩，最正係上個淋上一層自家製的水牛城辣醬，酸辣惹味又creamy，辣度剛好，仲要雞中翼切開一半都大大件，有成10隻，都真係幾抵 🔮墨西哥烤嫩雞芝士Taco這款Taco是小店最受歡迎的其中一款，老闆特登選用雞腿腓，再以外國入口香料醃味，以慢烤的形式煮雞腓，鮮嫩無比，咬落勁juicy呀！面頭還有一層厚厚的烤溶芝士，芝味濃郁; on top再塗上一層沙律醬和紅椒粉，味道很有層次，超級惹味，仲有一份有兩件，每件都份量十足，真係抵食又滋味呀！ 🔮Nacho配墨西哥辣肉醬食西班牙菜又點少得Nacho，極度建議一定要跟配墨西哥辣肉醬，呢個辣肉醬係老闆每日新鮮炮製的，用料絕不求其，醬汁入面有勁多肉碎，所以醬有香濃的肉味，而且入面還加入不少燈籠椒和扁豆等，增加口感，再混入各種香料醬汁等，無論味道口感都有層層遞進之感，難怪連老闆都話呢個醬係小店的秘密武器呀！
繼續閱讀
🌮🍅 Taco Friday - 元朗🍽️🌮在元朗的一家已墨西哥食物為主打的餐廳- Taco Friday！這家位於元朗鳳攸南街的餐廳，以墨西哥風味的塔可餅為主打，絕對是喜歡墨西哥小食必來。蕃茄莎莎黃金魚柳塔可餅配脆皮玉米片$98！這款塔可餅的魚柳炸得金黃酥脆，入口帶著微微的辣味，與新鮮的蕃茄莎莎完美搭配。每一口都能感受到魚柳的鮮嫩和蕃茄莎莎的酸甜，而配上脆皮玉米片，更增添了口感的層次。跟餐點了蜜糖桂花烏龍茶$18。迷人的桂花香氣，口感清爽順滑，加上微微的蜜糖甜味，清涼解渴，最啱食完墨西哥小食時飲。Taco Friday雖然位於小巷，但遠離熙來攘往的街道，平時都元朗尋幽探秘搵好嘢食，喺呢度會發現新大陸。Taco Friday (元朗)元朗鳳攸南街3號好順景大廈2座地下49號舖#TacoFriday #墨西哥美食 #元朗餐廳 #塔可餅 #蕃茄莎莎黃金魚柳塔可餅#烏龍茶 #instafoodie #foodblog #foodreview #foodiegram #foodphotography #foodstagram #foodlover #yummy #delicious #foodporn #foodgasm #foodadventures #foodexplorer #foodinspiration #foodjourney #foodblogger #foodlover #foodiecommunity
繼續閱讀
元朗一向多特色小店，最近雞地食街入面就開咗間主打墨西哥同美國嘅小食店🤤，入面有Taco、漢堡、拖鞋包同Nacho、薯條🍟，性價比都算高，$88就有主食、小食同飲品！🍽️店鋪走工業風，唔係好大，得兩張枱同一排bar枱，應該主力做外賣，亦好啱放工快食一餐！😆店長都幾吹得，喺香港小有嘅人情味！🌮煙燻黑椒牛肉芝士Taco's配Nacho”s + 蜜糖桂花烏龍茶 $88Taco夾住芝士、好多片煙燻牛肉同蕃茄莎莎，食落有微微嘅辣同鹹香，味道豐富，賣相亦好繽紛！而Nacho脆卜卜，上面有酸忌廉、牛油果醬同蕃茄莎莎，好開胃！蜜糖桂花烏龍茶涼涼哋，唔熱唔凍，可以即刻飲，解渴又解辣！🥪蜜糖芥末烤雞拖鞋包配薯條 + 玫瑰茉莉花茶 $88拖鞋包份量好足，好軟熟，入面嘅烤雞、芝士、蔬菜都好豐富，食到超飽！薯條係厚切嘅，外脆內軟，配埋玫瑰茉莉花茶就無咁熱氣🍰香濃朱古力蛋糕 $26朱古力蛋糕都幾濃朱古力味，慕絲同海綿蛋糕有層次，口感唔會太過單一，整體都OK！
繼續閱讀
聽谷友講開左間新Taco店，在雞地食街的小巷中，特意同朋友黎試下。位置原來在麴町小丸子對面，紅紙都未搣。店內只有12個坐位，主要做外賣生意，外賣訂單可是響不停。⭐煙燻黑椒牛肉芝士Taco配Nacho自己就揀左食taco，香港真係唔多地方有得食，都幾期待呢度㗎。賣相唔錯，餅皮有芝士烘過，煙燻牛肉鹹香，仲有微辣的bbq醬，味道豐富好好味🤤附上的nacho有大量酸忌廉同牛油果醬，仲有蕃茄莎莎，脆口滋味🤤⭐安格斯牛肉美式經典巨人漢堡配薯條朋友點了漢堡，好厚好大個，點先可以一啖咬得落呢😂漢堡入面夾了牛肉扒、蛋、煙肉、生菜、蕃茄同芝士，芝士半瀜好正，漢堡肉有肉香又多肉汁，麵包亦烘得香脆，高質👍⭐芝士焗肉醬千層麵另外仲單點左千層麵，正呀好多芝士，肉醬酸酸甜甜調味不錯，不過個人愛辣，滴幾滴Tabasco仲惹味😋⭐蘑菇湯跟餐飲品有汽水或茶啡，仲有冬季限定嘅蘑菇湯，菇味香濃湯又湯，飲完暖笠笠😋味道一流，但店內坐位不多同抽風一般，個人主張外賣好點。
繼續閱讀
6點幾等咗一個鐘，然後職員同我講有人留座得15分鐘進食，我話唔合理，落單到上菜都唔止15分鐘，點樣喺15分鐘內交檯？然後有檯大家庭喺入面食完吹水，一檯兩人食完吹水唔提示，有人book咗檯，出面幾張飛等緊都唔會提醒。失望，即走。😑
繼續閱讀