影片
港鐵油麻地站 A2 出口, 步行約5分鐘
繼續閱讀
電話號碼
26138099
營業時間
今日營業
12:00 - 22:00
星期一至五
12:00 - 22:00
以上資料只供參考, 請與餐廳確認詳情
去東南亞旅遊變到危險，但掛住d泰國美食一樣可以係香港食到🤩今日來到新開的Tamarind雖然已經是下午2點多但依然人氣滿滿要等一陣位先有得入餐廳裝修同佈置好有泰國大排檔既感覺招牌蟹肉炒飯($128)果然係招牌！炒得好有鑊氣，乾身兼粒粒分明，而且蟹肉份量足，加上青檸食落超fresh唔會油膩，係高水準既炒飯飛天通菜($68)加入香蒜和辣椒炒，簡簡單單已經夠曬好味，每次食泰餐都必點沙嗲豬肉串($58）即叫即燒
繼續閱讀
今日同朋友去旺角行街睇戲，睇完戲之後就去通菜街行街買嘢，就見到有一間泰國餐廳，出面門口有好多客人喺度排隊，亦聞到有好香嘅食物味道，咁我哋都排隊入去食，好彩都係排咗10分鐘就可以入去，因為入邊啲位都唔少㗎。這間泰國餐廳叫做Tamarind，位於旺角通菜街1號威達商業大廈地下K&L號舖，港鐵油麻地站A2出口，行幾分鐘就到，非常方便。入到餐廳見到環境不錯，地方都寬敞，枱凳都整齊都令人坐得舒服，裝修乾淨光猛，以泰國款式為主調，仲有得聽泰國歌曲，真係令人食得開心。餐牌雖然得一張，但食物款式都不少，有主食、小食、沙律、粉麵飯、甜品、飲品，我哋就叫咗泰式牛肉炒河粉、鹹蛋青木瓜沙律、芒果糯米飯、泰式綠奶茶，我哋叫完嘢食之後就見到主食嘅曼谷火山排骨來咗隔離枱，份排骨份量非常大，又不停有煙出嚟，亦聞到好香嘅肉味，賣相非常正，我哋真係下次要再來食。泰式牛肉炒河粉係泰國最具代表性美食之一，非常有鑊氣，牛肉炒得好有香氣，肉質又鮮嫩，食落好有汁感，泰式河粉咬落口香香滑滑同煙煙韌韌，非常好食，同普通河粉不一樣，醬汁味道香濃，鲜香可口，好配合牛肉、河粉、鮮菜、香蔥、青檸汁一起吃。鹹蛋青木瓜沙律賣相都靚，睇落有好多顏色，有黃色嘅木瓜、橙色嘅紅蘿蔔、紅色嘅蕃茄仔、鮮紅色嘅辣椒、青色嘅青豆、白色嘅花生、微紅色嘅蝦米，金黃色嘅鹹蛋，同沙律嘅味道一齊食都好夾，味道有辣味酸味甜味鹹味，真係令人食得開心開胃。芒果糯米飯是一種傳統泰國甜品，主要材料有芒果、糯米飯與椰奶，芒果鮮嫩多汁，香甜可口，糯米飯甜中帶鹹，甜甜鹹鹹的好滋味，又有軟糯綿密嘅咀嚼感，加上份量恰到好處嘅濃醇椰奶香味，讓人一吃就忘不掉。泰式綠奶茶是泰國的特色茶飲，香濃滑順，有綠茶獨特的清香味，味道香濃又不會太甜，顏色艷麗又獨具奶香，係令人愛喝嘅飲品，這間餐廳嘅食物質素好，店員嘅服務態度亦都好，好值得來食。
繼續閱讀
星期日經過旺角通菜街, 發現開左幾間新餐廳, 今次去左其中一間新開既泰國餐廳食飯。店內裝潢得幾有特色, 以泰式大排檔做主題,。我哋揀左幾款食物, 泰式和牛船麵, 有和牛, 炸豬皮和牛丸等配料, 湯底濃郁, 帶有船面湯底既甜味, 和牛肉質軟嫩。泰式虎蝦炒金邊粉, 金邊粉炒得乾身唔油膩, 口感煙韌, 大蝦爽滑彈牙, 加入芽菜, 蝦米, 豆乾等配料等, 撈埋花生碎和乾辣椒一齊食, 酸辣惹味。最後叫左杯芒果沙冰, 用新鮮芒果整成, 入口軟綿, 味道香甜。呢度好適合一班朋友黎食飯, 氣氛幾好。
繼續閱讀
旺角新開張的泰國菜餐廳，餐廳的裝潢很地道，像是身處泰國街邊的小攤檔用餐！餐廳採用開放式廚房，廚師團隊全是泰國藉，難怪出品很接近泰國口味，而且定價非常貼地，人均百多元已經很豐富！⤫ ⤫ ⤫ ⤫ ⤫ ⤫ ⤫ ⤫ ⤫ ⤫<泰式牛肉炒河粉> $78<泰式燒豬頸肉> $68<飛天炒通菜> $68點了幾款菜式都是廚師推介，個人大推泰式牛肉炒河粉，河粉質地很煙韌有口感，不規則大小不一的，炒得很有鑊氣，牛肉的肉味亦很突出！泰式燒豬頸肉有炭燒的味道，每塊都切很大片而且有厚度，吃起來啖啖肉，沾上自家製醬汁很惹味！泰國菜必點的飛天炒通菜，口味偏濃一點，會帶些辣勁，份量來說也挺多的！
繼續閱讀
最近旺角開咗幾間泰國餐廳 平日晚上都大排長龍今日見條龍唔算好長 就排隊試吓 臭魚其實唔係咩魚 而係發酵魚露 味道濃烈加埋本新沙律既 酸甜、 辣配搭爽脆既青木瓜同 花生口感層次好豐富 泰北咖喱雞金麵我發現香港唔係好多泰國菜餐廳有呢道菜所以見到我都會點 泰北咖喱唔算辣 但咖喱味十分濃稠 加埋椰汁、芫荽、洋蔥、檸檬等配料 好開胃 唔食到膩嘅感覺用咗金麵 略粗嘅麵條吸收晒湯頭嘅精華 雞髀食落啖啖肉 唔鞋口 泰式虎蝦金邊粉炒得好有鑊氣 虎蝦炒得好爽甜 金邊粉煙韌彈牙每條麵條都食到酸酸甜甜嘅味道愈食愈開胃眼見好多人點左火山排骨食賣相好吸引 下次要再黎試下先得
繼續閱讀