Tapas Brew (Mikiki)

營業中

休息中

Tapas Brew的南瓜意大利燴飯讓我感到有點失望。菜品的味道和口感都相對普通，沒有給我留下深刻的印象。南瓜意大利燴飯的口感比較一般，米飯有點偏軟，缺乏燴飯應有的口感和粒粒分明的飯粒。南瓜的味道也沒有很突出，缺乏鮮甜的特點。整體而言，這道菜的味道相對平淡，缺少驚喜和特色。此外，菜品的配料和調味料也相對簡單，缺乏層次感和豐富性。我期望在一道南瓜意大利燴飯中能夠品嚐到更多的風味和調味品，但這道菜並沒有達到我的期望。總的來說，Tapas Brew的南瓜意大利燴飯是一道普通的菜品，沒有特別引人注目的地方。如果你對於口味和質量有較高的期望，可能會感到有點失望。但如果你喜歡簡單、平淡的菜品，這道南瓜意大利燴飯可能會合乎你的口味。

行山活動後，想起新蒲崗Mikiki商場地下有兩間相連的餐廳，一間供應西班牙菜式，另一間提供德國菜式。今次試西班牙海鮮飯，下次再試德國鹹豬手。我們約在1時半入坐，店舖內已有8成客人，店員殷勤招待。餐牌上Tapas signature 西班牙海鮮飯套餐在最當眼處，非常吸引。先送上是日餐湯；蕃茄湯。熱辣辣的小鑊盛著跟餐牌上一模一樣的西班牙海鮮飯。期望海鮮飯的香味撲面而來，卻稍稍失望，只有淡淡的飯香。兩隻雪白小墨魚放入口中，只有口感而沒有味道。兩塊魚肉乾巴巴的，無言😑。對餘下的兩隻蝦有少少期望。蝦頭是整隻蝦最濃味的部分，可是蝦頭是乾的，實在難以相信。蝦肉的味道都算可以😌甜品是Chocolate brownie，簡簡單單又甜甜哋都唔錯👌🏻整體來說，西班牙海鮮飯賣相唔錯，味道有進步空間。店員服務態度好，店舖面積雖小，座位尚算舒適。店外提供座位供客人享受戶外用餐。

之前經過見到lunch menu幾吸引，於是今日就去左試。點知一入到去，見到啲枱面、座位滿晒食物碎，而且啲位又好逼，環境好唔舒服，衛生情況惡劣。我地點左一個主食係煎石斑配意粉，另一個主食係豬柳配薯菜，啲食物全部都好乾，而且只有好少醬汁。配薯菜個份只有一細舊薯仔，沒有任何薯菜、薯條，其他配菜同配意粉個份一模一樣。完全無諗過配薯菜換來的是只有一細舊薯仔。另加嘅甜品係朱古力蛋糕（似brownie），但份量少，兩啖食晒。侍應服務態度唔太好，overall用膳體驗差，同樣價錢喺附近可以食到更好味嘅野食，一定唔會再食第二次。

Tapas Brew (Mikiki)滑雪 同朋友去 喵喵牆打卡同工廈玩完，肚仔餓要去搵野食！Ps. 喵喵壁畫 畫得好靚😍去到Mikiki 都有好多餐廳，不乏一些熱門的連鎖餐廳。 排隊嗰啲㗎，質素有返咁好咁上下。奈何自己又肚餓 ，又唔想排隊等位🤣咁就去咗一間比較小人啲嘅餐廳，入到去餐廳環境一流👍烤吞拿魚伴芒果莎莎吞拿魚配上芝麻烤咗之後又種魚香味，配上芒果汁🫨零舍開胃😋😋莎莎兩個字 唔知係打錯代表沙律嘅意思？！🤔️羅馬生菜包牛小扒牛小排好友肉味、不過有啲韌，要切開細細舊嚟食德式肉丸燴松露意大利飯呢個肉丸燴飯、有淡淡的黑松露味，正！

冇諗到新蒲崗工業區會有西班牙菜食，所以一有機會都去試下先🫢- 招牌蔥油雞脾意粉🍝 $58一上碟果時有少少嚇親，好大隻雞脾，份量十足🤣🤣肉質入口軟腍🐔，淋上蔥油都幾惹味但有一點點油🤤另有少量配料：番茄仔🍅、翠玉瓜，味道正常🤭呢個份量同價錢黎講，我都幾推薦大家去試下👍- 烤美國西冷牛扒配牛肝菌汁配著條🐄 $78牛扒肉質較柴同乾，沒有牛肉味，感覺OVERCOOK了😬😬個人來講，就唔係好建議大家揀呢款啦🥲感覺上性價比都冇咁大～📍 Tapas Brew - 新蒲崗新蒲崗太子道東638號Mikiki地下G02A號舖@tapas.brew.hk另有分店：大埔#justlingggxd_cafe#justlingggxd_西餐#justlingggxd_新蒲崗

放學之後同同學三個人去咗西班牙菜，對於我呢啲學生嚟講都算幾抵，每人$100左右已經食到好多嘢服務員態度非常好，成日幫我哋斟水餐廳環境好闊落，坐得好舒服，仲有露天位☺️坐落勁chill好似去咗西班牙🥴遲啲得閒一定會再去🤭

我嗰日選擇坐室外，佢地喺室外嘅枱上有一個呼喚侍應嘅鐘，我地禁左好幾次又等左一陣都冇人回應，咁唯有自己入餐廳攞餐牌，當侍應知道我地坐喺室外，然後一直都冇人比碟比餐具比水，無任何招呼，直到落單都係我地自己行去搵侍應。咁都算喇，我地落完單，先至有餐具，只係得餐具😥然後生蠔上到黎，我地等左陣依然冇分食碟，我地又要搵侍應攞，我地明明2個人，侍應都可以淨係攞一隻過黎😓成餐飯，全部侍應都係目無表情，講野無語調，令人感覺很差，對於呢個價位嘅餐廳真係不能接受。至於食物質素是還好的，一齊正常，但都唔值呢個價錢。呢個質素同付岀的價錢仍有大把選擇，所以冇下次喇。

上週五食飯時間與同事訂左位去食，到左之後即刻同店員落單，但半小時過左連野飲都冇，最後追問下發現係漏左落單，因為午膳時間本身就只有不足一小時仲同我漏左落單，我們就十分愕然同憤怒，經理見我地好嫐就主動提供補償小食比我地。我地當時覺得經理可能講笑，下次點會記得我地。。。但今日我地其他一大班同事約左去同一集團的餐廳食飯，我地見職員服飾一樣，於是試下問睇下係咪真係有小食補償然後發現經理仲記得我地，並真係比左小食我地！ 加上經理週五同今日的服務態度都十分好，反而漏左落單的職員個日連一句抱歉都欠缺，差別很大。經理見我地今日叫左一大班同事黎食飯，亦很舒爽地主動提供埋小食比一同到訪的同事，令同事都贊不絕口👍總括而言，週五的食物味道可能因為趕住比我地而味道差左d，今日的午餐因為正常出菜而味道不錯👍 同事見到亦表示經理人咁好，會繼續幫襯！希望餐廳的職員能保持同經理一樣嘅職業修養！

地區不是高級地方，正常午餐都不如，茶記好食過一仟倍，西班牙餐廳....完全相片與實物不一樣，但價錢就同大市通脹合符標準，以後不敢再踏入此店，有d驚。😡😡😡

都未試過寫食評，但今次真係幾忙都幫一幫你哋宣傳吓，唔寫唔得！食物質素未至於好難食，普普通通嘅食物，唔緊要~都係覺得有得坐outdoor 同朋友傾吓計都尚算ok!! 但貴公司新蒲崗分店嘅員工真係有待培訓，我自問每句我都會講唔該同麻煩晒，員工冇表情唔緊要，但態度差，落單似我同佢打工咁俾番面口我哋睇。。收錢同事態度又係差！嘩！幾好脾氣嘅客都唔會想再幫襯！一個員工咁都不特止，仲要兩個，真係唔會再去受氣食餐飯！完！

嗰日去咗新蒲崗搵食，經過呢間食西班牙菜嘅餐廳，見到佢個Menu好似咩都有幾吸引，所以就試吓。餐廳外面喺行人路有一個section，可以帶狗同食煙。我哋就揀咗坐入邊，可能餐廳唔係太大，所以啲位都幾迫。望一望個Menu，原來佢係同隔離德國餐廳Das Bier 同一集團，個Menu啲嘢都幾相似。即係西班牙餐廳其實係可以食到德國嘢嘅😆。我哋試咗佢哋嘅signature海鮮西班牙炒飯，啲海鮮不是太新鮮，兩隻蝦都係梅嘅。個青口同德國豬手就正常既。另外我仲嗌咗杯黑啤，點知飲咗一啖覺得有啲酸味，佢哋最後換咗杯Stella俾我。嘢食同服務都中下，我諗應該唔會再嚟。

Mikiki出邊有幾間餐廳，都係Pet friendly,均設有外面嘅座位。今次係星期日下午去食飯，平時喺外賣平台都見到呢間餐廳，不過睇佢餐牌晚飯價錢都偏貴，所以都冇乜嗌。今次經過見到有lunch set，價錢中等，屬於經濟實惠嘅西餐廳。同老婆嗌咗一個牛扒一個豬扒，牛扒味道爭少少，豬扒製作方法特別，味道唔錯，不過食到最尾會有啲乾。欣賞佢有薯菜，薯仔都好大個👍🏻總括來講覺得lunch質素唔算太高，可能晚飯會好啲！

放假行開黎新蒲崗，想食西又見到Tapas Brew做西班牙菜，好難得咁專，就一於試下，店既裝修唔錯又有户外位，好有外國餐廳既味道如果唔係太熱一定坐出面，餐牌睇落原來同隔離德國餐廳互通，所以西班牙同德國野都有美國西冷牛扒 🤍🤍🤍🤍🤍🤍🤍🤍🤍🤍薯菜 💖💖💖🤍🤍🤍🤍🤍🤍🤍南瓜餐湯 💖💖🤍🤍🤍🤍🤍🤍🤍🤍先飲南瓜湯，正正常常，味道唔差但無乜食材味，一個心係俾賣相成個係set lunch黎既，西冷牛扒，無問幾成熟已經有啲驚，上枱賣相好靚，擺盤幾吸引薯菜係Grilled vegetable，樣同味道都唔錯牛扒，一切已經知死，切返百拎下都未切開，硬過個頭，食到牙都甩，無咩肉質或味道可言好得人驚，係我食過最難食既扒，茶記扒都好食一百倍份量又少，雖然係set，但都無咁誇張架，同系列餐廳以後不了，好坐都無用

原先打算去的地區真的什麼都沒有可能只是因為在下不會路吧畢竟自己這些年裡都只會工作沒有對週邊事物有一點的探索好吧 既然什麼都沒有便去隔離村看看似是熟悉又很陌生的地方打開Open Rice一看眼前就有家西班牙餐廳不用多加思索 就它吧Scrambled Eggs w Chorizo & Crispy Potato $88最先到的是這個熱熱又滑溜的蛋沒有重調味 吃出淡淡的食材鮮美對在下而言有點肥的辣腸咸咸的 剛好配上淡淡的蛋還有底下的炸薯幼絲增添了口感與層次不過最好是夾著一起吃不然會有些許油溢味細的餐湯配蒜茸包在下偏向西湯多於中湯光是它滿滿的甘荀肉渣口感已經大贏蕃茄微酸會在後味中慢慢佔據你的味蕾充滿口腔蒜茸包被我放冷了才開始吃味道大減不過鬆軟度就維持得很好依然是脆的包皮咬下去直接軟棉棉的感覺很捧香草雞肉芝士薄餅 $58首先吸引到在大的是日餐大忌<Hamakuchi san的盤子> 就是浜口的盤子雖然在下個人不太介意不過還是一直被吸引目光😂皮又薄又脆 帶著點香氣汁醬不多但足夠也不會讓人有膩感不過雞味..臭臭的抱歉啊 在下個人要求太高盡管幾十塊的食物還是要挑請勿見怪裡面有些許起司🧀️

去到新蒲崗，因為已經係下午茶時間唔想食太多嘢，同時間又想食啲特色少少嘅西食嘢，咁食西班牙點心 Tapas 絕對係不二之選。今次所介紹嘅 Tapas Brew 位於新蒲崗 Mikiki，位置非常之方便，而且環境都好好。前菜我叫咗個餐湯配麵包，味道還好，唔係話太特別，不過餐湯加麵包本身有冇得輸。Tapas 方面我叫咗個羅馬生菜包牛小排，原本我冇咩特別期望，純粹想有啲菜有啲肉清新啲。但係佢嘅醬汁同埋牛肉嘅鮮嫩係有驚喜嘅，食落去首先係羅馬生菜嘅水份同鮮香，之後感覺到牛肉嫩滑嘅質感，然後就係鹹味恰到好處嘅醬汁，使到整個菜式非常之有層次。之後我仲叫咗個 tea set 嘅希臘乳酪紅莓脆蛋糕，蛋糕表層酸溜溜嘅希臘乳酪配上唔會嘅鮮甜中和咗先前菜式嘅鹹味同埋油膩嘅感覺，為成個下午茶畫上完美嘅句號。另外，呢個 tea set 值得一讚嘅係飲品任飲，我叫咗個凍奶茶，甚至第二杯可以飲檸茶都得，服務非常之周到，絕對係加分位。