TATA KSR 韓式。燒烤 (已結業)

天氣轉冷！好想食啲暖野😆經過呢間新開既韓國餐廳就同朋友入左去食！原因係俾佢個部隊鍋吸引左😆🧡呢間餐廳小店裝修 設計簡單 有啲似韓國居酒屋 適合2人簡單傾計慢慢食! 亦都有高櫈位岩曬feel! 牆上都有介紹牛既部位🤡 仲有佢既價錢合理！食韓國野其中一樣野既係佢既餐前小食😜今日呢到就有泡菜！食泡菜真係令你胃口大開😂可以預備食更多野😆另外仲order左隆重登場既部隊鍋 天氣好凍食呢個真係好正！呢個係2人份量🤩入面有2個辛辣麵 仲有好多配菜 啲丸都係高質丸好彈牙！芝士係畫龍點睛😆呢個部隊鍋辣得黎又好易入口！不經意就好快清曬成鍋！

嚟到長沙灣，經過見到呢間良心小店，又因為掛住疫情前嘅首爾旅行，所以想食下韓國菜，於是就入咗去韓式炸醬麵炸醬麵的口感彈牙，啲汁望落好似好重口味，但其實唔會太濃，加埋青瓜，入口味道唔錯。份量都幾多，一定食得飽。所以，可以下次叫一煮食，其他叫小食。芝心豬扒飯跟餐可樂。炸豬扒就食得多，但原來佢所講嘅芝心，就真係豬扒裏面放入左芝士，我都唔知道佢係點樣整到出嚟。不過，係幾好味，但就要加埋沙律醬就更加正！泡菜本身唔太食得辣，但呢間餐廳既泡菜味道唔會太辣，又醃得入味；所以，就算豬扒飯啲豬扒食晒，都可以用泡菜搭救返！烤蛋烤蛋有驚喜，入面加咗粟米同芝士，又好香蛋味，味道好夾。同埋份量都幾足夠，我諗三四隻雞蛋都可能有～係一到幾飽嘅小食。

同同事去長沙灣做完野想食埋飯先返屋企休息，我地見到哩間小店，一於入去幫親下，原來餐廳係間韓國小餐廳，內裡只有十幾個位，同事一眼見到有炸醬麵食，話要試下同韓國果款有無唔同。我點左餐廳招牌炒飯，配流心芝士蛋及泡菜。食物即叫即煮，所以都要等侯一點時間，等侯既時間有電視相伴為趣，我地坐位旁邊有個緣份牆，當中定左些小規則及由店主負責主理連絡，感覺都幾Funny, 唔知有無人真係報名呢？同事既炸醬麵好多醬汁，當中有些薯仔粒，麵身軟滑彈牙，朋友略嫌醬汁太多偏濃味。TaTa蛋炒飯，面層鋪滿碎紫菜絲，好香，飯身採用珍珠米，粒粒都被蛋汁包住，有些肉粒、蔥粒、午餐肉粒伴炒，簡單又美味。流心芝士蛋：厚身得黎口感都嫩滑，食到第二嚿先有芝士，芝士軟身奶味重，如果可均勻捲在蛋中會更美味。韓國泡菜：份量雖然唔多，我同朋友都搶住食，唔算太辣，大白菜依然保留爽脆口感。睇住韓劇食韓國菜，同事掛住留戀於睇韓劇劇情多於欣賞食物。

🇰🇷TATA KSR🇰🇷今日經過長沙灣，食左間韓國餐廳。 招牌太光猛，完全睇唔到個個店名🤣 入面地方唔算大，紫粉色既霓虹燈照滿全店， 個感覺好溫暖，好似日本果啲居酒屋咁。啲啤酒先$18 一支，超抵飲。 餐廳幅超大既IU畫像， 仲有佢代言既燒酒，睇呢店主好中意IU🤣🌟泡菜炒飯（$58）🌟泡菜份量好多，裡面仲要紫菜，豬腩肉等等， 辣辣地幾惹味。❤️❤️❤️❤️-----------------🌟芝心豬扒飯（$78）🌟掛住影相， 拉絲又熱騰騰既芝心豬扒比我攤凍左。 呢碟菜有創意得尼味道同口感都一百分。 脆卜卜既豬扒裡面有爆多既流心芝士， 超有誠意。 食到停唔到口🤤 如果多幾塊豬扒會開心啲。 ❤️❤️❤️❤️❤️----------------🧈 烤蛋（$25）🧈呢個烤蛋雖然個名好平凡，但係出奇地好食。 個蛋有少少似日式玉子燒， 甜甜地，裡面有粟米， 軟綿綿且內有乾坤， 仲有香濃芝士，口感好豐富。❤️❤️❤️❤️❤️----------------雖然只係間小店， 但係誠意十足，每碟菜式都有特色， 唔係一味抄。 所以味道獨特，具有創意。 等候時間頗長，因為每碟菜都即叫即整。 仲有我發現餐廳仲有個緣份牆🤣 比單身既你招男女

今日去咗長沙灣食韓國野😋✨TATA KOREAN STYLE ✨他他韓式燒烤～我哋揀咗啲小食同埋招牌飯🍚分別係叫咗泡菜炒飯同埋芝心豬扒飯。泡菜炒飯好入味😍😍每粒飯都係吸收晒醬汁嘅精華，仲有少少芝麻同埋紫菜，咬落去好有口感。呢個飯唔會好辣，味道啱啱好。跟餐仲會有泡菜同埋嘢飲送埋👏🏻芝心豬扒飯超級正$78 絕對係良心價～～～燒汁豬扒入面全部都係芝士🧀惹味得來又唔會好”漏”～推薦👍🏻將蛋黃醬同埋青瓜絲撈埋個飯一齊食，超好味😋要再encore ! 另外仲有個小食，蛋卷🥚咬落去都係啖啖芝士🤤其實呢間店仲有部隊鍋同埋燒烤燒烤好似都好吸引性價比好高又唔會話太貴，下次經開長沙灣要再試✨支持一下小店💕

今日跟朋友行完D2 place 就去左長沙灣果頭填肚🙈🙈 鐘意試食唔同地方小店既我地發現一間韓式小店🤤💛💛見到其價錢都幾相宜 但質素唔差 餐廳都用心地製作食物😝👏我跟朋友2個人就叫左TATA部隊鍋 (2人份量) share 嚟食 去韓國旅行既感覺番番嚟喇！別看少呢個鍋 我地2個女仔食都覺得份量有點多xdd 而且其芝士真係落了好多 結果啖啖食落口都有好濃郁既芝士味🔥🧀夠哂邪惡😈個部隊鍋既材料都唔少 除了即食麵 仲有午餐肉 翠玉瓜 牛丸 泡菜 同韓國年糕 🤟🏻非常惹味！雖然今日天氣未算好凍 但係呢到冷氣好夠 環境舒服 食部隊鍋完全不成問題！部隊鍋既泡菜唔夠喉 所以我地再叫多d泡菜慢慢歎😹 啲泡菜唔係好辣 味道岩岩好 👏口感很爽口 👍另外我地都有食芝士粟米蛋餅 蛋香很重 🤤入面夾著啲香濃芝士真係好好味！而且有啲粟米粒令到它更有咬口 是一個推介既小食呀🤭最後我地$230 埋單 價錢相宜野食又滿足🤟🏻會再返嚟支持小店呀！☺️

長沙灣雖然食肆林立，但係講起韓國🇰🇷餐廳選擇不多今日和朋友去了長沙灣的Tata韓式餐廳食晚飯一入到去間餐廳就見到有IU啦 當堂好似去咗韓國咁見到啲嘢食又相宜大概$60-$70就會有前菜啦煮食啦同埋飲品最貼心嘅係每張枱嘅位置都會有一個插頭俾你叉電韓國泡菜超開胃我同朋友叫咗一個Tata炒飯我點左一個芝心豬扒飯，流心芝士不得了！一食落口，啲芝士爆曬出嚟啊，肉味超濃郁！仲有好多青瓜絲解油膩！真係感動到我味蕾！我朋友就叫咗個Tata蛋炒飯入邊有雞蛋，午餐肉、紫菜、豬肉同埋有少少菜咁樣炒飯粒粒分明，食落去唔油膩，值得一試本來想試個丸子牛骨湯，可惜今日店沒有提供，於是叫左個韓式蛋卷又係流心cheese超級正，有蛋香，超級好食！

呢間隱世小店喺蘇屋村附近，其都唔係唔太近大馬路，不過係難得嘅良心小店，咁啱經過附近就去試吓啦！落單方式幾有趣，係scan Qr code落單，落單個版面同方式都清晰易用。叫咗個泡菜炒飯。其實炒得都好香。入面泡菜嘅量都好多，而且有啲肉粒，口感同味道都幾好。不過個飯就真係幾辣，唔太食得辣嘅可能就要注意了。另外又叫咗個部隊鍋，入面都幾多食材，同朋友食的確一流。唯一略嫌佢下面個麵底有啲淋，可能換個種麵就會好食啲。呢個芝士腐皮嘅串燒都幾好食。整體嚟講呢間韓式食肆都高質，唔錯！

收工又到食飯時間，就同同事係附近搜刮一下啦。路邊韓式小店，鋪面五大，但五臟俱全。裝修都係韓式風，有係韓國街邊小店同三五知己吹水飲酒噶feel。食飯期間仲發現有薑B靚仔卡添。整體價錢唔算貴，60-70左右。我地叫左兩個飯，搭配小食同埋飲品。泡菜炒飯少少辣，炒飯夠乾身，泡菜好夠味，搭配埋紫菜一齊撈飯，我一個人都食曬甘大碗。芝心豬扒飯個豬扒煎到好酥脆，夾開真係勁芝心，食落又唔膩，配埋黃瓜絲，撈飯都一流。烤雞蛋竟然出奇嫩口，裡面都會有芝士夾住，食落嫩滑，醬汁味道都搭配得幾好。飲品就係正常可樂同埋王老吉啦。總括黎講店鋪係韓式小店，主打韓式料理。值得一提，店內就得一名男店員（店主？），服務又得，入廚房仲得，都好犀利啊。

難得去荔枝角D2 place行街，朋友仔話想食韓國菜，就上網搵下資料，發現係長沙灣有間韓國小店，決定由荔枝角行去長沙灣小店，約15分鐘到達小店。個人覺得小店較難發現，原因係小妹係一位路痴😂叫左一碗芝心豬扒飯，炸豬扒即叫即炸，非常香脆，肉質不會太硬，入面仲有流心芝士真係一流，真係好邪惡。飯既份量很多，有紫菜、青瓜、燒汁同少許沙侓醬可讓撈飯。另外叫了一碗泡菜炒飯，不會太辣，有紫菜和少許雞粒。芝士蛋卷真係好好味，蛋很滑，而且裏面有拉絲芝士，蛋不會太熟，半熟蛋漿和芝士溶化既混合，很不錯。小店內有3張4人枱，還有吧枱。店內環境舒服，重點係枱與枱之間不會太近，坐得很舒服，而且每張枱都有一盒紙巾，真的很貼心。

前排同男朋友講起好耐冇去韓國旅行 想食下韓國菜感受下韓國嘅氣氛 佢就搵咗長沙灣附近一間好有韓國特色嘅小店😍😍😍一入到去就已經覺得好似去咗韓國咁 牆上面黏咗好多韓國藝人代言燒酒廣告嘅海報 仲有大大張嘅IU海報 Kpop粉打卡一流👍🏻👍🏻👍🏻我哋叫咗一個韓式炸醬麵 感覺上佢嘅味道同我哋之前去韓國食嘅時候有少少唔同 但又真係幾好食喎 食完一啖又一啖🤣👍🏻我哋仲叫咗一個芝心豬扒飯 豬扒入邊係空心嘅 分咗四件 有芝士醬喺入面 可以享受到爆芝嘅感覺 炸得皮脆肉嫩 仲有啲青瓜絲配喺面 又唔會太漏喎😍套餐包括左小食嘅 小食係雞蛋卷 大大份有六塊 煮得啱啱好 唔會太熟 入口仲好嫩滑😎另外呢度都有飲品提供 有烏龍茶汽水同埋王老吉

依間韓式食店位於長沙灣，門面唔顯眼，都幾隱世。好欣賞呢間店舖有緣份天注定。仲可以幫人做配對。失戀嘅人不妨去幫襯一下，試吓自己嘅姻緣運氣。試吓搵一個一樣鍾意韓劇嘅另一半韓式炸醬麵，個名好special。食完真係有個衝動想去睇韓劇, 賣相好似唔吸引黑蚊蚊一Patpat嘅炸醬, 撈埋非常彈牙嘅韓式拉麵。係好正宗嘅韓國風味。 更加估唔到可以揀王老吉。流心芝士韓式飯配上紫菜碎青瓜絲加上甜甜地嘅醬汁相當野味。 芝士玉子燒，出面食一卷都幾十蚊依個都相當抵食。滑蛋加cheese. 留心嘅芝士有香濃嘅芝士味加上滑蛋香濃嘅蛋味，可以一試。Lunch 韓式快餐都值得一試。 炸醬麵反而最抵讚，好正宗嘅韓式風味。下次試吓去晚餐嘅燒烤。

一坐低就發現好多菜式停售滿心期待想食炸雞但原來要訂。。。最後叫左部隊鍋，炸醬麵，蒜香茄子，魷魚鬚等左好耐，第一樣上既係部隊鍋湯滾一開蓋就心感不妙公仔麵缺貨轉左 生麵！生麵完全唔match囉！碗湯糊哂 完全唔得！最後退貨🙅🏻‍♀️炸醬麵普通，蒜香茄子幾好食最後等左一陣，原來魷魚鬚被cancel左。。。題外話員工係廚房無戴口罩，又食煙好唔衞生🙅🏻‍♀️唔該唔好貼IU poster出黎招生意大家千求唔好幫襯！！！

長沙灣lunch小店，餐廳座位唔多，勝在有部大電視，如果自己一個人嚟食lunch都唔怕悶， lunch唔算多人排隊，係長沙灣少有嘅韓國菜餐廳， 可以send底 try tryTATA蛋炒飯 一上枱都幾大碗，材料亦幾豐富，有腸仔、蛋、豬肉粒，同埋大量紫菜同芝麻作調味， 炒飯炒得好香，而且飯粒粒分明，可以話係一個有鑊氣嘅炒飯！食得好滋味👍粟米芝士蛋卷跟餐配呢個蛋卷都幾好食，份量有5件添，粟米及芝士份量十足，芝士半溶仲喺狀態非常滋味，蛋捲嘅軟熟程度剛剛好，又唔會太乾，呢道小食我都幾鍾意食👍炸醬麵每次睇韓劇都好想食嘅炸醬麵，男女主角每次都會食得津津有味，呢度配有青瓜絲，食落可以解膩

屋邨商場通常都離不開各大連鎖快餐廳，不過轉個彎就見到呢間新開嘅韓國餐廳，其中見到IU呢幅壁畫都幾有韓國feel~我地點左個芝心豬扒飯$78落左單之後聽到師傅不斷用刀背拍豬扒,我諗就係要將塊豬扒拍到變薄之後, 喺豬扒中放入芝士再炸至金黃, 所以食落好香口啊!炸醬面$58我其實好少食炸醬面, 一開始見到咁黑嘅原來黑黑的醬係用黑豆做的，加埋d蔬菜和一點碎豬肉火炒後，再淋在麵上，即撈即食好過癮芝士煎卷蛋芝士溶化做成流心效果, 好滑啊!