Taylor Shellfish Farms

營業中

休息中

今日行過見到Irish 生蠔唔錯，又做五送一買咗半打返屋企食，入口無鮮甜味，仲有小小腥味，更加重要嘅係 一入口 成口蠔殼，有啲仲係好尖下 好彩我擺落個口到 習慣先輕輕咬下 如果唔係真係危險啊 ！自己喺屋企開都冇咁多蠔殼碎 之後唔信試多一隻 點知六隻都係咁🥲 搞到隻隻最後都食唔到 放到入口中都要吐返出嚟 希望貴公司 注意一下 教導員工開蠔的技巧 否則真的很危險 也令我不敢在超市來幫襯買生蠔 而且品質也一般 希望貴公司和一田也多留意超市鮮食的品質呢尖尖的蠔殼碎

朋友呀taylor嘅海鮮係唔錯，我都仲未試過，我真係好想食蠔，不過疫情關係都唔敢食咁多生蠔，唯有識啲熟嘅，係一田超市見到有特價$100 四隻燒蠔，抱住一試無妨嘅心態trytry😆啲蠔燒熟左之後就好似酒吧嘅$10隻咁細，不過不失。我食嗰時係食晒啲煙肉先，煙肉整得幾脆，唔會整到好淋同肥，然後先再食蠔，加辣醬😂，蠔味我已經唔識形容，就咁食都幾過癮，冇伏，比起芝士焗蠔更加正，最後食晒仲飲埋啲汁添😂😂

行街行到攰攰哋再加上畀個口罩焗到我頭暈剛好喺呢間超市見到有張枱 有蠔食我馬上點選一份高級街頭小食順便可以脫下口罩休息一下98蚊四隻號其實真係好抵食佢仲要即開即煮新鮮程度極高先講講佢嘅味道佢嘅蠔好新鮮好鮮甜加上佢個酸辣汁青檸味好香亦都夠辣好好味不過有個好大嘅問題如果食生蠔佢一定係好新鮮好鮮甜但係如果食燒蠔燒得就唔係好夠乾 水份太多煙肉同生蠔亦都不能溶為一體兩個味太獨立生蠔好味燒蠔好味半生熟蠔就唔好味又可以引用食神史提芬週嘅對話好好地一粒咖哩魚蛋畀你搞到冇咖哩味亦都冇魚味下次再嚟食嘅時候我一定淨係食生蠔點佢個辣汁千祈唔好同我煮

今日同老婆行完一田，行到又攰又肚餓，係呢個時候見到有幾間餐廳出現喺面前，就當然唔會放過，超市啲嘢未俾錢都照坐低食先啦一坐低，就梗係即刻試吓燒生蠔，四隻都只不過係$98，抵到爆另外見隔離枱叫咗碟炸魚薯條，睇落幾吸引，我哋都叫埋一份炸魚薯條有得揀鱸魚或者石斑，我哋試咗石斑。另外再加多份泰式虎蝦刺身。嘢食好快就全部黎晒燒生蠔隻隻都好大隻，肉質鮮甜，配埋煙肉粒真係幾夾生蝦刺身好新鮮，好耐冇食過，配埋個泰式辣汁真係完美最後個炸魚薯條外皮夠晒脆，入面肉質彈牙，薯條亦都唔會太炸，啱啱好最後再用$10加咗個原價$19既原塊芒果雪條，呢餐就啱啱好

呢個Oyster Bar係一田入面，有龍蝦、生蠔、青口等海鮮，我見呢個美式燒生蠔做梗期間優惠（$98/4隻）就試下！（原價$128）燒蠔都算相對大隻，用咗煙肉碎做topping 黎燒，食落都算新鮮，佢仲有泰式醬可以點，我點咗其中一隻試，味道都幾夾，酸酸地幾開胃～下次試下龍蝦先～

今日去左沙田一田超市，發現原來入面開左好多間食肆，雖然係一田優惠日，但食肆個邊唔算太多人，見到有間Oyster Bar，好多人坐左喺度食野，平時去食自助餐先會食生蠔，今日就同朋友試下，個店員介紹我地叫左個春卷、三款生蠔同埋個龍蝦配薯條。最好食既係個三款生蠔，我叫左一款愛爾蘭、兩款法國的，好鮮甜又大隻，每隻$4x。個春卷餡係蠔，幾特別，未試過。最後個個龍蝦配薯條，薯條好好食，龍蝦如果再大隻啲就好喇！值得一讚既係店員服務態度

沙田一田超市開返，入面有幾間food court形式既食肆，呢間Taylor Shellfish Farms係其中一間。見佢新開張有優惠就黎試下。蒸煮波士頓龍蝦配薯條-原隻龍蝦，賣相吸引，蝦肉都爽口，但未算好鮮味。配菜薯條新鮮熱辣，粗幼適中，好味。煙肉燒生蠔-蠔都算大隻多肉，煙肉咸咸香香，幾惹味，配合燒生蠔食， 都唔錯芝心蝦球-流心芝士餡，略嫌蝦球唔夠彈牙，太硬我見佢既蠔肉煎餃子都好吸引，下次有機會會試下。