Te Quick Pasta & Herb Tea (已結業)

其實呢間野都泥過好幾次，主要都係有時想搵d特別既地方唔想食板前呀，麻布先泥。我今次食佢既tuna意粉真係不值一提，成碟野都好乾，食過呢間野既人都會知佢地既意粉乾，少少汁都冇既。我自己覺得意粉幾特別幾好味，不過連tuna都乾就真係唔太得啦，加上魚味同佢地隻香草不是太夾，食落真係好麻麻，聞落更加....另外佢地新出既白汁意粉好普通，同出面既差唔多，弊在size又細細地，如果想食呢款好第間西餐廳食好過...地方係幾特別，不過門口收錢個女人冇表情架，收錢，叫你坐入去，係咁多，走都唔會講byebye (企正門口，又唔係忙緊)。紙巾果d野要自己行去搵。唯一可以讚既就係個蒜蓉包，真係好香好好食，每次都係聞到佢隻味先會盲中中咁又入過去.....

這個價錢這個質素給它OK是仁至義盡了但鑑於永沒下次的關係對不起啦...簡簡單單的快餐店全店皆是白色的可能不太注重裝修和打理桌椅有點舊(也有些不甚美觀的漬...)老實說其實美心mx/大快活更新淨食物選擇不多 (對比起和樂的上百款來說...)只有20款差不多的意粉和2款極普通的沙律 2人要了一份意粉(連凍檸茶一杯)+芝麻醬沙律出菜比一般快餐店還要快坐下不夠一分鐘便有東西吃香草松子仁意粉 (pinenut spaghetti in pesto sauce) $45跟來的蒜蓉牛油法包熱脆也不會硬掘掘不過那個意粉實在太"略水"意粉份量雖然多(我想差不多有300g乾麵啦....)不過只有數顆一點也沒松子味的松子仁,更不用說咬口了但意粉的口感確是不錯可是我們不知道這是否日本意粉的特色 (比意式的幼)這裡跟和樂一樣吃完好口渴,但吃時又不覺它很多味精奇怪~pesto sauce雖然沾滿每一條麵條但味道太清淡了我們下了差不多半瓶芝士粉呢 芝麻醬沙律 $22正確來說是芝麻醬撈生菜罷施捨一兩顆車厘茄便好了幸好生菜也尚算新鮮爽脆否則這$22便花得太肉赤了附送的凍檸茶最離奇初初的幾口完全沒甜味心想可能是SELL健

這個商場位處「旺中帶靜」很多人問了又問都不明身在何處第一次來這處看見只有簡陋的裝修行過就走了今次下雨天想吃得了能點才再回來簡陋裝修依然但布置好像有點進步對照起來價錢不便宜單憑其有如cafe的外表很難相像有這樣的水準但原來總壇是在六本木呢如果把日本feel的環境都帶來就更好不過價錢就可能更貴了鮮茄海鮮意粉+凍檸水海鮮不算很多蜆蝦大帶子魷魚各有少許味道反倒不錯更重要的是第一次真正明白al dente的意思真的真的很彈牙再配上伴碟的脆脆蒜蓉包整體都很配合有下場、不想吃得太飽或者想再吃甜品的話是很好的選擇

間野細細間...全店得3個人..2男1女.和風沙律值得一試....正啊...d菜爽啊..明太子意粉...好靚又好味...服務態度超友善..買野果時同講你好...走果時又會同你講多謝晒拜拜...第一次感受到香港架餐廳係有咁好態度

日期：2008年1月9日原來係買完先至坐係度等食，鋪頭細細好壓迫，ｄ櫈令人坐得唔舒服，份量同價錢不相稱．虎蝦茄汁意粉配凍檸茶（HK$68）：蝦唔夠爽口，茄汁味都幾夠．日本菇蜆肉意粉配凍檸茶（HK$68）：個白汁有ｄ辣辣地，意粉好煙靭，幾唔錯．凍檸茶一般，意粉上既蒜蓉包好正．

12.3 (Mon) dinner上次去megabox都想試，但太多人，今次終於一試呢間『速食意粉店』，不過以後都應該唔會再試（但好過panash）。- 虎蝦茄汁意粉($68)：幾隻蝦，朋友話酸得有點兒像嘔吐物。（但呢個係chef's recommendation)- 唔記得咩青汁松子意粉($45)：汁幾特別，意粉texture幾好，但好油，『料』得幾粒松子。兩個意粉都送basic飲品，e.g. lemon tea。想唔駛等位可以黎呢度，個廚師得閒到會走出舖外。p.s. 呢個新商場人流好少，但其實幾多野睇。

成日都食Pizza hut或者Delifrance的意粉, 但真的不太滿意, 首次食這個意粉專門店, 真是驚喜萬分~~~~叫了個鮮菇蜆肉意粉, 2分鐘就有得食真係估佢唔到, 佢唔同一般的意粉咁creamy, 佢係比較水的, 菇味超香濃, 蜆肉都異常新鮮, 冇沙, 意粉都好有咬口, 真係好美味, 可能真係因為佢冇用長時間煮所以特別有咬勁, 佢o個個好liquid的汁合了菇同蜆的精華, 超級鮮甜lei~~~而佢個蒜蓉包都係正o野, 好脆口好重蒜蓉味, 一定好食過pizza hut.和風芝麻醬沙律, d菜好fresh, 芝麻醬係好有趣的source, 我覺得幾好, 而同事就超愛, 去親都食lei, haha~~~但可惜好貴ar....

昨晚2人來,叫:1)和風芝麻醬沙律-應是羅馬生菜,好新鮮,脆甜-除此之外,有小小黃紅椒粒帶起顏色-個麻醬唔知點溝,質感薄身(非杰type),幾惹味-不俗2)乾蒜橄欖油炒意粉-無嘜料,有d乾蒜片和1條小紅椒乾作點綴-麵質不腍,友人讚唔錯,個人偏好如果硬d就更好喇-鹹度適中,略嫌油小小-包1杯飲品3)茄子煙肉茄汁意粉-d料都幾小,只有4-5件小茄子和些煙肉片-麵質如上-亦包1杯飲品-習慣了食飯前先訂位,但waiter說沒有訂位的service,到才了解原因。因形式似euro go go或大家樂,要買好了票再就坐。還set幾張佔埋舖外商場位置-環境沒華麗,不過是走簡約style,以白色為主-選擇幾小,沙律只有2款,十多款清1式意粉和飲品(都有花茶揀)

第二次黎呢度食意粉，鍾意呢到靜靜地，上菜又快脆，買左飛坐落兩分鐘就上菜，而且每碟意粉都送好味蒜蓉飽同一杯野飲，如果唔飲野仲可以儲印, 儲夠十個可以換一碟意粉。今次叫左肉碎茄子忌廉番茄意粉，d意粉好爽又唔硬，個汁又好開胃，好好味。

阿J其實發現左呢間舖好耐,一直都無上去試,早幾日有機會就同阿A去試下:蒜味橄欖油炒意粉-炒得好香,味道唔錯,但配料及份量都比較少,食完都唔係幾夠,意粉偏硬,個人喜好意粉偏硬,所以覺得好好味忌廉汁火腿磨菇意粉-一句講晒,好味下次一定會再去試其他意粉。

我係第一次喺Open Rice打"開評喇!", 亦係呢間餐廳喺Open Rice既第一個食評, 實在係有D Surprise同開心!! 話說係3月10日逛完啱啱開張既H&M, 再搭"叮叮"過去銅鑼灣繼續血拼!! 行下買下到咗晚飯時間, 好友"本小姐"介紹呢間食日式意粉速食既餐廳, 佢話幾好食, 同埋我又未去過咪試下囉~ 初頭去到發覺間舖頭細細, 以白色為主既開放式設計(睇哂成個廚房), 計埋廚師得3個人既舖頭仔, 而且係自助式收費(好似大家樂咁先俾錢, 跟住坐低等佢地囉碟意粉俾你), 種種印象令我對呢間餐廳既食物質素唔係抱好大既期望... 但係原來冇期望至會有超大既驚喜!!! 果度有幾多選擇, 茄汁大蝦意粉(唔係好記得全名, 係咁上下)係當日既推介, 鍾意食蝦既我諗都唔諗就點咗呢個, 上台既時候賣相普通, 但係食落好好味!! 先講個蝦, 9成係急凍, 之但係食落有蝦味, 唔鹹, 有少少鮮甜! 跟住到個汁, 鮮茄得嚟又有少少茄肉, 唔錯唔錯! 最後主角居然係意粉, 何解呢? 因為佢地個意粉勁得, 唔會太淋冇口感同埋成pat野咁, 亦都唔會太硬到口感差! 佢地既意粉爽口兼彈牙, 我自已就從