Tea Express Bar By Jrink

營業中

休息中

同朋友行K11覺得攰攰地，就一齊買咗同一杯都係飲抹茶芝士丸丸，因為第二杯可以半價購買🔶抹茶芝士丸丸 hkd40因為第一次飲，就飲佢哋推介嘅特色飲品。我覺得佢抹茶嘅味道同有奶蓋都係好飲嘅，但係因為佢係芝士奶蓋，飲飲下我就覺得好滯了🥲 但係白肉係好食，而且唔係咁多地方都成日有，呢款係top 1,如果可以，同朋友分享應該啱啱好😊如果要坐，本身舖頭就冇位坐，要坐就要搵商場嘅一啲位，但都唔多，所以預咗一路行一路飲啦！

抹茶控請進.....位於K11 Art Mall ，小店只能take away，店內不設座位，但可坐在商場設置的休息區享用！今次點了抹茶芝士丸丸 $42抹茶味香濃但未至於苦澀，芝士鹹香，丸子口感嚥韌，沒有過硬或過腍，中層混合了小碎冰粒，整體不會過甜，不錯啊！下次光顧，會試試焙茶的飲品吧 😋小店還有其他茶品售賣餐目

天氣轉涼，行左一陣街舖又係時候轉返入商場暖下，上到K11頂層原來有位坐，仲有間茶飲店添。望一下餐牌，睇黎主打日式茶，價錢都係正常飲品店咁上下。🍵靜崗煎茶簡簡單單叫左杯熱嘅靜崗煎茶，咩都唔加飲原茶。熱飲係正常咖啡杯嘅大小，杯身同隔熱套都印左店家logo，很簡潔。講返杯茶，真係幾好飲，茶味清幽回甘，茶味濃郁但不苦澀👍一杯好茶黎。店家仲有得儲印花換禮品～飲品店黎講個舖面幾大，但似係pop up模式，唔知會開業幾耐呢。

K11頂頂其實係有一間細細地嘅cafe仔佢地係提倡外帶為主🥡所以就無坐位提供俾大家坐🪑真係要坐嘅話就唯有坐K11商場提供嘅坐位🍞佢地個鮮忌廉包都好出名 好吸引下不過都係決定食芭菲杯😚😚*❣️焙茶芭菲杯 $48係一個好cute cute嘅芭菲🥰當初都係因為呢一個芭菲杯吸引左我係用左日本好出名嘅達摩做做型餅乾🍪聽聞好似唔同味道個餅乾係唔同做型不過個芭菲就係唔算好大杯但成杯芭菲都收收埋埋左好多料🤤*頂: 薄薄嘅焙茶芝士奶蓋🍵+達摩做型餅乾仔🍪中: 一舊仔嘅brownie🍫+大大粒白玉🍡底: 雲呢拿雪糕🍦+焙茶啫喱☕️*❣️葡萄柚桂花烏龍 $38係佢地menu上嘅TOP 3✨✨✨最吸精嘅係有一大塊葡萄柚飲落有陣陣清香嘅桂花香味🌼仲會食到一小粒嘅葡萄柚

☺️ 小編依日下晝喺尖沙咀做完嘢，有啲口渴同熱，入咗K11涼下，諗起有間日本茶飲店想試好耐！上次摸門釘，依次再去試下！🤞🏻[ 亂闖試飲 ]🍵 抹茶牛奶 (冷) 😋😋😋😋😋依款抹茶係小編鍾意嘅口味，😚 好香濃嘅抹茶味，所加嘅牛奶🥛屬於輕滑，唔會太厚身，兩者好平衡，冇甜度，唔會苦！飲落好順口！叫凍飲亦唔會因為有冰而稀釋晒！👏🏻👏🏻👏🏻下午茶 💵 約港幣$40/人💁🏻‍♀️ 依間係自取茶飲外賣店，裝修好日系！唔會得個殼，價錢均真！真材實料！值得一試！👍🏻🙆🏻‍♀️ 最後，喜歡嘅話，歡迎follow @foodirectory.hk ！

Located on the top floor of @k11artmall, @tebbyjrink specializes in the art of brewing 🇯🇵 tea. For those not in the mood for tea, they also have an extensive beverage menu, including coffee, milk, juices and sodas ☕️🥛🧃🥤 As we were a little tired after shopping all day, we decided to go for a cup of fizzy peach 🍑 soda, which was refreshingly sweet and not as artificial as I expected. Too bad they don’t have any seats for people to take a rest though 😌

香港既夏天真的非常炎熱🔥依一間唔係第一次幫襯，但第一次無影到相所以無POST//第一次果陣叫左*焙茶芝士丸丸$42焙茶味很重，加上個人好喜歡芝士奶蓋跟白玉，簡直一流✨💕💕今次就叫左*芒果雪葩香橙紅茶$42超推薦這杯✨✨因為有雪葩，飲落去好清爽，如果好熱想解渴依杯較為適合。去果日仲係8月份，俾太陽曬到㷫烚烚芒果同香橙既配搭好醒晨開胃！加上一路飲會有少少雪葩一齊溶係咀入面，非常透心涼！下次會想試埋抹茶系列💚🍃

今次已經係我第二次飲呢間嘅抹茶第一次我試左凍嘅抹茶芝士丸丸，丸丸嘅意思係白玉。+$10可以轉做極上宇治抹茶，毫不猶豫就升級左。⭐️$42抹茶芝士丸丸+$10極上宇治抹茶餐具上跟左一支木叉(定匙羹)同紙飲管，都幾環保。佢個開口好方便飲芝士奶蓋，首先就試左芝士奶蓋先。雖然個奶蓋都幾香芝士味，但係我覺得鹹左啲。然後到抹茶，果然無令我失望一入口果陣濃濃嘅抹茶味就充滿我口腔丸丸方面十分煙韌不過可能紙飲管無乜力，所以我都係用餐具食。但有樣嘢唔好就係啲冰太碎，一吸就會吸埋啲冰，影響抹茶濃度。分隔過左幾日都係好想再飲抹茶，就返左黎再幫襯吸收上次經驗，今次我決定叫杯熱嘅抹茶，咁就唔怕啲冰影響抹茶嘅濃度，而熱飲飲起嚟令到個抹茶更加香。另一杯係男朋友叫嘅芝士士多啤梨飲品，我好乖咁冇偷飲到所以就唔評論啦。

尖沙咀𝙰𝚛𝚝 𝙼𝚊𝚕𝚕人氣茶飲店～🍵有售日本近期大熱意大利鮮忌廉包😈〰️〰️〰️〰️〰️👅 #yumyumfood尖沙咀✨忌廉包真係比想像中大個😂麵包都幾鬆軟 仲有牛油香味🧈忌廉非常澎湃🙊食落口感都幾輕盈幼滑😋亦唔會太膩👍🏻但原來開心果味都只係原味忌廉再加啲開心果粒😅係食唔到開心果味😮‍💨少少失望🤏🏻食完都幾滿足嘅 但整體就唔太抵食～試過一次就夠🤫🍴意大利鮮忌廉包 - 開心果📍𝚃𝚎𝚊 𝙴𝚡𝚙𝚛𝚎𝚜𝚜 𝙱𝚊𝚛 𝙱𝚢 𝙹𝚛𝚒𝚗𝚔🔍尖沙咀河內道18號K11購物藝術館3樓Kiosk 51

行K11無意中發現哩間茶飲店，見到好多款茶飲選擇，所以又忍唔住買返杯😆✨葡萄柚桂花烏龍 $38哩杯係Top 3產品，顏色鮮艷又靚，果肉仲好足料。葡萄柚味濃郁，而且冇苦澀味，飲落香甜；淡淡桂花味好清香；烏龍茶味好香，又夠濃味，完全冇茶嘅澀味👍🏻 所有材料嘅味道都飲到，冇俾其他味道蓋過，每啖飲落去都咬到粒粒果肉😋🔍整體感覺：職員工作有效率，雖然前面有幾個客人，但買完之後一分鐘左右就有得攞，夠快手👍🏻 飲品賣相同顏色都好靚，味道都一樣好飲。店舖所有飲品都係半糖，健康之餘，飲落都唔怕太甜影響材料原味，味道配得剛剛好，夏天飲返杯夠哂清爽😍

放工行K11見到呢間舖，俾佢個舖名吸引咗，就買咗佢果杯熱伯爵朱古力奶試下 $38，聽到呢個名都覺得好吸引！自己本身好鍾意伯爵茶嘅味道，再加埋朱古力奶，真係一個perfect match呀！呢杯都係其中一款舖頭推薦嘅飲品。見佢用3.8牛乳整已經好期待，岀面都唔多鋪頭會標榜自己係3.8牛乳，所以覺得呢個價錢係值得嘅！聞落好香奶味，仲蓋過咗佢個朱古力味，飲落唔太甜，after taste先係伯爵茶味。絕對值得再飲！

已經bookmarked咗依間幾年先終於有機會去試，原來佢已經經歷過執咗又再重開返喇🙈雖然依間係主打茶飲，但我就比佢個芭菲杯吸引咗😜總共有三種口味：焙茶、咖啡、士多啤梨，每款嘅材料配搭都唔同嫁💁🏻‍♀️-既然佢係主打茶類，所以我最後就揀咗焙茶口味🍦依款嘅最中餅造型係達摩 ，如果係咖啡味就配招財貓，士多啤梨味就會配熊仔🧸-成杯芭菲唔算大，但我都食到總共有七種材料都好豐富嫁😋由上至下分別有：最中餅、焙茶粉、焙茶芝士奶蓋、朱古力布朗尼、白玉、雲呢拿雪糕、焙茶啫喱💁🏻‍♀️雪糕有食到雲尼拿籽👍🏻brownie裡面有果仁粒好有口感🤤不過亦係當中最濃味嘅配料，建議留到最後先食😉-而成杯嘅最驚喜位係佢嘅焙茶芝士奶蓋🤩整得好好食呀，奶蓋夠杰身，有焙茶味嘅同時亦帶有芝士嘅鹹香🤤見佢啲茶飲都有得加奶蓋但得原味，不過都應該會係正嘅，下次一定會去再試吓🥰

行行下有啲口渴，即刻Search下邊度有手搖飲品飲下😋 就比呢間好靚嘅茶飲店吸引咗😍💛凍伯爵朱古力奶 ($40)聞落好香朱古力味🍫 成杯嘢飲唔會好Dry，亦唔會係死甜/太苦，因為有Earl Grey中和咗。開頭飲個陣朱古力味較濃，飲到咁上下，Earl Grey清香嘅味道就慢慢出嚟😋💛凍香橙抹茶 ($38)我本身就唔太鍾意抹茶，因為第一次食某甜品店嘅抹茶，覺得勁苦，食完仲同朋友一齊肚痾，從此之後就有心理陰影😓但🐡嗌咗嚟飲，所以我諗住飲兩啖試下。點知❗️佢橙味偏重，令到杯嘢飲易入口咗。飲落好似大學Reu個陣溝嘅Fruit Jungle咁，好Surprise😂

我係前一日見到有人介紹呢杯嘢 作為長期對抹茶瘋狂嘅我 第二日就即刻走咗去試🍵佢係做takeaway嘅🥡不過我見到有啲相好似之前係有忌廉包賣，但係我見佢Menu完全唔見有 可能已經冇咗。☕️完全睇得出店舖對茶嘅講究🫖 Counter見到有文字去解術每一款茶葉💬普遍飲品的價錢係唔平，但店舖位置坐落於K11，亦係真黃店💛不妨一試🥰🥜抹茶芝士丸丸 $42我叫左微糖。親眼見住佢將一層厚厚嘅芝士奶蓋不上去🧀😍即刻流口水🤤芝士奶蓋好厚好滑 芝士味香濃 但唔會好漏😍我最怕啲飲到好漏嘅芝士奶蓋😅抹茶味濃郁，有啲苦又有啲回甘，唔甜🥰 (但係如果比較喜愛重奶味抹茶嘅你就唔係好啱飲呢款) 仲有大佬就係佢啲白玉😍😍超好咬！超煙韌！ 飲到底嘅時候仲有，就撈埋啲奶蓋加抹茶一齊包住粒白玉咁食，好幸福😍呢杯嘢勁飽肚，星期六嘅晏晝我就淨係用呢一杯嘢做lunch了😋

Tea express bar by jrink抹茶芝士丸丸價錢💲: $42好味程度😋: 4.6/5!服務🍴: 4/5環境🗾: /性價比🥢: 3.7/5回頭率😚: 4.6/5!-上一篇太長的關係，決定呢篇偷個懶🤪 不過都係一樣好出色好高分的一篇！飲完好滿足，好似飲左杯甜品咁！中意抹茶的大家要睇落去啦😆-✅✅抹茶芝士丸丸。面頭厚厚一層芝士奶蓋，中間係抹茶+抹茶沙冰，底下係鮮奶+白玉🥰 呢杯只可以叫小甜，但飲落完全唔過甜(平時要微糖)。奶蓋好挺身，唔會好易沉，味道帶小鹹同濃濃的芝士香，入口順滑濃厚😚 抹茶啱啱好拎到平衡，濃得來唔會苦澀，有小小回甘(一般人都接受到的程度)😌 mix埋全杯就好似係matcha latte咁💛 底下的丸丸好多粒，入到尾仲有剩。好好咬好煙韌，有d糯米粉香，食晒真係會好飽！(不過丸丸都係重點，記得唔好走左佢🤣)-呢杯令我幾難忘，朋友試完都大讚！打得好的奶蓋+matcha latte沙冰+丸子🍡 真係好滿足！經過尖沙咀我都會想去買了😋 (希望唔係個日水準特別好啦🤭)