48
3
1
| 餐廳: | TEAHOUSE/BARHOUSE @wellwellwell |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
以上資料只供參考, 請與餐廳確認詳情
相關文章
入座前睇餐牌，望完冇乜期望，因食物款式少，set dinner類似花園餐廳的選擇，所以做定心理建設：花多少少錢換花園餐廳的食物質素+PP地段+餐廳比較cozy同cyber的環境。Set dinner冇素食，而餐牌入面亦冇素食的主菜，唯一的素食係牛油果柚子藜麥沙律或蔬菜類串燒，素食者嚟到，都幾絕望~牛油果柚子藜麥沙律：$118；沙律好快送上，份量亦有驚喜，滿滿的一大碗，柚子肉相當多；柚子「大大梳」，酸中帶甜，開胃好食；墊底有生菜同紫椰菜，沙律菜爽口、新鮮；牛油果軟滑；蕎麥的口感幾係軟硬適中；沙律仲有少量車厘茄；醬汁係柚子醋，無糖而好鹹，如果加番少少甜味或溝淡啲會較易入口；整體嚟講，呢個沙律唔hea，雖然影相唔算靚，但食物質素幾高2位朋友點咗set dinner，分別係西冷同牛柳。送餐時好似花園餐廳咁，醬汁另上，而牛柳送上時，侍應有問需唔需要幫手淋汁，不過上西冷時就只係直接放低醬汁。晚餐包湯/沙律、飲品、甜品同無限添加的薯條，計落抵食過散嗌好多，不過，食物擺盤係花園餐廳水準。同行朋友食清光，相信食物質素唔差，而肉的份量亦唔少。扒類的配菜係少量蔬菜如幾件南瓜，但套餐可無限追加薯條，薯條唔油，炸得非常脆，應該熱氣但好食，除跟餐的2份薯條外，我哋亦額外追加2份原味雞蛋仔伴雪糕：跟餐甜品；正常portion係$88，呢個係迷你版，有3粒雞蛋仔+1小球雲呢拿雪糕；上檯時覺得好奇怪，因為雪糕球上放咗1塊假葉點綴，有少少畫蛇添足之餘，亦擔心塊膠葉唔衛生，同埋望落太假，唔放好過；雞蛋仔過硬，唔好食；雲呢拿雪糕正常，但冇雲呢拿的香味同味道整體嚟講，餐廳座落PP，喺happy Friday以$198食晚餐，冇限時任坐，薯條任食，收費算合理偏低，但可能而家市道低迷，餐廳唔係full house。服務方面，侍應反應積極，但有2個位可以留意：（1）送上鐵板餐時，塊鐵板都熱，但侍應忘記提醒朋友，最後，朋友唔小心掂到而「辣親」手；（2）我哋坐喺弧形卡位，每次侍應斟水，都係最方便的方式，企喺我哋椅背，喺2個人之間，從後伸手倒水，就算係熱水，侍應都冇收走隻杯又或者兜番去我哋前面/旁邊加水，每次加水感覺好危險，好驚佢離遠睇唔清水位，會將滾水直接倒落嚟，所以，如果侍應提高安全意識就好喇。呢度所有飲品、食物會好似茶餐廳出菜咁，差唔多一次過送曬上檯，所以感覺幾快餐。最後，要讚的係，雖然餐牌上冇乜素食選擇，但侍應（可能係經理）幾有同理心，聽到我查詢素食，就話西餐呢面選擇少，中菜會好啲，而佢亦提出可以同廚房溝通，煮雜菜炒飯當set dinner，餐廳肯為食客做多少少，值得欣賞！
繼續閱讀
在太古廣場的Tea House享用了一頓寧靜的早晨。68元的B套餐份量十足，配搭恰到好處。雜菌忌廉湯米粉是亮點，湯底濃郁不膩，新鮮蘑菇的香氣與忌廉的柔滑完美融合，米粉吸滿湯汁後更添美味。炒蛋的賣相搶眼，金黃蓬鬆的蛋液被細火慢炒至半熟狀態，口感綿密滑嫩。配上的多士烤至恰到好處，外層金黃酥脆，內裡保持鬆軟。熱奶茶選用優質茶葉，奶香濃郁，茶味香醇，比一般茶餐廳的水準要高。環境舒適，餐具擺盤講究，服務態度親切，整體用餐體驗令人愉悅。雖然價格比一般茶餐廳稍高，但考慮到地段和品質，68元的定價尚算合理。若想享受一頓悠閒的早餐，這裡絕對是不錯的選擇。
繼續閱讀
除夕夜同朋友去食飯傾計，晚飯時間7點幾左右都唔多人，可以直入，唔洗等位🤩 一見個menu 有鐵板餐就即刻想食😍 叫左個牛柳鐵板餐，有湯同餐包同甜品跟埋，都唔洗$200, 喺金鐘呢d 地帶仲要位置咁方便，呢個價錢好抵食😋如果同行既人都叫同一個menu 既餐，可以大家都無限任食薯條😍 由於我地唔係太餓，所以薯條食唔到太多，冇要呢個offer. 因為想叫甜品食，所以冇叫2個正餐，反而叫左串燒。鐵板餐d 牛柳好厚身，叫左7成熟，好味😋😋 份量好夠🤩跟餐餐湯 , 唔知點解我地呢杯同隔離枱個杯份量差好遠，人地有4分3咁多，我地得半杯🤔 味道都好味既跟餐餐包跟餐奶茶跟餐薯條，如果同枱既人一齊叫鐵板餐，就可以免費任食薯條跟餐甜品，唔大份，但試食下都幾好沙嗲豬肉串好味，d 肉好易離籤，沙嗲醬都好好味😋雪糕窩夫 😋如果多d 雪糕會更正😋😋食物好食，地點位置好好，餐廳環境偏暗，服務一般，明明唔多客，落單時都催我地
繼續閱讀
太古廣場裏面，貴價高級食材嘅茶餐廳。地段嚟講價錢算合理，套餐埋單唔駛$200蚊。平日中午12點正都仲有位，12點半後完全滿座。但唔會趕客或限時食幾耐，環境舒適《蜜汁西班牙叉燒煎蛋飯（套餐）》隻蛋好靚好濃下面啲叉燒我認為太肥，有一半以上都係肥膏叉燒汁另上，但非常鹹，可以唔落都得。套餐跟一小杯南瓜湯，味道ok，唔會太濃。我認為性價比比較低⋯《馬來海南雞飯》都係隻雞比較肥，肉質算滑。個飯同醬嘅味道唔錯。
繼續閱讀
2097 瀏覽
大食會約咗去金鐘名酒店度食福建菜，蕃薯Uncle例牌飯前要尋歡，為怕大雨喺室外走黎走去，結果就喺連接著酒店嘅太古廣場搵咗間「井」。面積寬廣開揚嘅餐廳分開茶室及酒館兩個區域。酒鬼當然係坐近酒吧啦！半露出商場嘅散座未必人人啱坐，因為路過嘅人都鍾意望幾望，講真俾咁多人望真係唔係咁自在。此外，部份梳化櫈係冇椅背嘅，飲大咗兩杯絕對有危險，幸好經驗老道嘅長輩攞位時見狀即指明要求全部要坐厚墊絨櫈。兩頁飲品牌簡單易明。歡樂時光設為每日下午三點至八點，限定酒品可享特價優惠。三口子各自點選心頭好，小肥杯意大利氣泡酒係新樽斟出，夠凍又夠氣。商場餐店「井」地方企理衛生，服務生好有效率。指定酒酒嘅歡樂價雖則唔算特別平，但因屬美心集團，埋單可用盡Eatizen儲下嘅分數，仲可以撈埋太古會籍啲積分當錢洗，經理哥哥即使要轉機都完全冇兼煩，嘻嘻，抵細佬加分俾個笑臉佢！
繼續閱讀