Teresa Festival (已結業)

《Teresa Festival》好多年前，我還在金鐘工作時，已經同朋友來過一次，陪什麼人來? 黎得食 cake，當然係同女性朋友來啦，唔通兩個人男人坐係 cake shop 食甜品咩，如果我有此舉動，我也許要掛上屬於我自己的彩虹旗幟。事隔6年了，上次同我同行同來的女生已為人妻，我亦已另外成家立室。說真的，說短不短的五、六年時間，周圍的人和事，變化非常之大。是次，我也是同女生來，是我年輕時在英國生活時，舊公司同事的閨蜜好友，我們午飯後想起甜品，在修頓的我，想起了《Teresa Festival》，於是，我又再一次帶女生來這一家小小的蛋糕屋，食 cake。小小的餅店，沒有特別為客人提供飲料，卻有一排面對著大街的堂食位置。同友人來，每人一件 cake，感覺份外的寫意，也有一種令你覺得自己身處外國大城市街頭的感覺。朋友要的是 Chocolate Moose，很美妙的圓球型 mini pastry，口感香滑，未古力味濃郁，另外，圍邊有可愛的朱古力粒，有軟而甜的朱古力 moose 做主體，有香脆可口的朱古力粒在外層，夠朱古力也夠甜，不錯。Blueberry Cheesecake，是很鬆軟，而且我

為了獎肥髀默書成績好！所以收工去買靚餅獎佢！呢間經常搭車經過！門面好靚！田園感覺好清新！今日特登行去買，地點唔近地鐵站，燈光柔和，地方乾淨！因為已經將近收工時間！雪櫃內嘅西餅唔多！食家推介嘅「Double Cheese cake」都無！我企在雪櫃前揀餅，店員對我笑一笑叫我慢慢，我見到其中兩款餅好靚！就叫店員包起外賣！店員放入盒包好再收錢！個包裝盒粉金色！幾簡約硬淨！只收現金，唔算方便！返屋企打開，兩件餅仲好靚仔！店家會比張雪花形狀嘅蛋糕紙墊底，好靚好相襯！滑新白桃慕絲餅上面白桃啫喱上浮住幾片細金箔，不過白桃肉唔多，餅底脆脆，但有啲散！好清好靚，慕絲好滑，白桃味道清甜唔假，好味！玫瑰花慕絲餅：一樣有金箔在面，同白桃係相同樣，不過係粉紅色，多了幾片乾玫瑰花瓣在面，賣相靚，慕絲好滑，味道有護膚乳嘅感覺，花味蛋糕係好易出現呢個情況，味道強少許就會假，要做到香但清新好難！味道其實好味的！店員態度和藹，氣氛好靜！唔知點解，出面係繁忙嘅灣仔收工時間，車來車往，但入到呢間店會覺得好靜！好似出面嘅繁忙係唔關自己事一樣！

為食的我路經cake shop常忍不住停下來看一看，上星期六，經過灣仔這間cake shop, 入內看看某些蛋糕做得頗別緻，於是買下兩件試試~ 玫瑰花味的那件慕司蛋糕不錯，雖然我本身不太喜歡玫瑰花的味道，但這件cake我卻頗喜歡，至於荔枝味的那件慕司蛋糕則較清新，另外，兩件蛋糕都很軟綿綿，感覺有點像吃布丁。說實在，如果5粒星是滿分，這兩件cake我會給3粒星，所以呢，喜歡蛋糕的朋友也可以一試~

近年最樂意收到的禮物之一, 必定是Teresa Festival 的 Assorted Cookies!!! 慶幸沒有朋友送我10大最唔想收的聖誕禮物(e.g. 暖包/相架/茶杯/頸巾) 這個店子只有2間分店, 價錢不便宜, 味道非常好, 且較小人會買到, 感覺上較罕有, 收到份外開心...平時會收Quarry Bay店買, 今日同事去灣仔開會, 拜託佢幫忙係Wanchai店買, 等下係咪真係隔離飯香... 因為人手包裝, 每包Assorted Cookies都不是100%一樣的, 包裝內有綠茶味的都給同事先搶了... 嗚嗚...Honey話杏仁片好好味, 好香脆, 我當然是先搶奪朱古力味的啦, 朱古力味唔太甜但勁濃味, 好正... 花花曲奇味道其實幾似果隻大鳥果Jam餅... 黑芝麻曲奇好香, 感覺上健康D... 咖啡味同牛油味都好好味, 焦糖杏仁好香甜好好味... 每款都加入了不同的果仁, 有唔同口感之餘又健康...重點係, 全部都好鬆化, Yummy Yummy!!! 唔使2日食晒, 留唔到平安夜, 哈哈...

記得第一次去 teresa 既原因係因為要訂結婚蛋糕，當時食到 teresa 既蛋糕時，好開心，因為試到一間好味既蛋糕都真係好難得！我地訂既係 opera，好多人都覺得佢個 opera 蛋糕好好味，而我地自己就覺得朱古力味夠，但可以甜多少少。個人認為其實由訂蛋糕，直到食到個蛋糕成個過程都興奮好期待，所以個次個 comment 好好。2013/11/16 5pm相反尋日去個感覺就好大出入，我覺得自己係唔應該再去呢間野。我會因為心情好先會想食多d甜野，所以又叫老公去 teresa 一齊試埋其他蛋糕啦。首先一入左門口 2 位店員唔笑都算，感覺我地好似阻住佢地傾計咁…就係呢一點都已經令我地冇左簡蛋糕既樂趣。由於有屋企人唔食得杏仁既原因，所以我地再問問店員，有咩蛋糕會落左杏仁粉/杏仁呢？店員先給一個不耐煩既表情再回應：下？Almond 味咪有囉。（佢唔係直接咁講，但做出黎既感覺係咁）之後就比人 kill 晒mood！今次都買左3件，番屋企食既時候明顯冇第一次咁開心，所以個蛋糕既水準差左比人掠奪左開心既情緒。

在熙來攘往的皇后大道等朋友下班，見到安靜優雅的蛋糕店如獲至寶立即入去點件蛋糕稍稍歇息正猶豫點什麼蛋糕才好的時候，店員細心的給我方向︰cheese / chocolate / mousse？mousse, please!於是就按店員的推介，點了white peach mousse白桃mousse清新，中間的sponge cake柔軟，整體感覺頗light唯美中不足是餅底不脆，似乎已放了一段時間而且蛋糕面的白桃好硬... 令分數打了點折扣...

睇食評見到好多人讚佢既蛋糕又靚又正我去到都見到係幾精緻但今次係想買佢地既曲奇佢有好多包裝，有大有細唔同款既都有我貪心既梗係想試多Ｄ唔同既口味一黎就睇中依包咁靚仔既曲奇岩哂我心意唔太多但又有好多唔同款！！真係隻隻唔同架，好吸引會令人望好耐心大心細唔知試邊塊好因為片片睇落都好食最重要係佢手製曲奇既心意食落唔會過甜，又好香牛油味重有唔同口感既任君選擇有ＮＵＴＳ，有ＣＲＥＡＭ，有朱古力既都齊滿足哂～

午飯時偶爾會經過「Teresa Festival 」，裝修優雅別緻，走浪漫的古典風。雖設有 4-5 個堂食位置，但玻璃面向大街，很容易給途人看到食相，有點不好意思。每天供應約 8 款散件蛋糕，可惜來過幾次都跟 opera 無緣喔 我最愛的「軟硬雙層巴士古古力芝士蛋糕」。質地濕潤，古古力香濃厚實。雖然是很重的古古力比例，但沒有 awfully chocolate 那般濃稠，非常好吃。第二至愛是「精選粟子慕思餅」。這裡的栗子慕思，有別於其他餅店，不是粉粉的粟子蓉。栗子被打成慕思狀，棉棉細滑。頂層有一顆新鮮栗子，更是錦上添花。大獲好評的「Walnut Nepolian」。每層都很酥脆，忌廉也不甜膩，若能加添士多啤梨果肉就更好 很不錯的 「Tiramisu」，非常軟熟，每一口都像吃棉花。Mascarpone 芝士和可可的比例完美，酒味不重。我不愛帶酒味的蛋糕，所以特別喜歡這裡的出品。只有這個「香蕉 Oreo 餅芝士蛋糕」不太滿意，香蕉味薄弱，Oreo 味也不太突出。頂層的 Oreo 餅是稔的，如果餅底都用上 Oreo 餅，味道可能會更一致。Teresa Festival 的蛋糕有三大優點，吸引

2012年 最後一天 我頭一篇食評。上一次光顧這小店已快要一年前。今天跟友人逛街時忽發奇想 好不吃點甜食?(雖然是在節食中，但今天就破例吧^^)灣仔近來是開了不少甜品店但我有點偏愛小店，故向友人推介這店我點了sacher 友人要了marble double cheesecakesacher最上層的巧克力較硬、味道較濃厚，配起下層的巧克力海綿蛋糕有反差口感)但吃到最後有點太甜的感覺，吃不下了-,-p.s 我已經是甜魔一名~~友人的很清新又不失cheese的味道 good!上層類像cream的 我估計是也加了cheese但吃起來也很有口感!總括而言，很不錯但即使是甜魔也要當心!質量很小 吃起來可是很有份量~~最好是三人二份看著街上的行人我們細味 分享 苦甜明天1月1日 希望有如意的一年^^明天 又是keep fit 之路!

記得多年前同太太 (當年還是女朋友) 到過這間 CAKE SHOP 食TEA兩口子座在店舖內向街的位置今天因公事路過此舖, 剛好是下午 TEA TIME (雖然不肚餓 )記得當年吃的是朱古力 CAKE, 但今日沒有胃口所以問店員有什麼介紹. 店員非常有禮. 介紹了 FRUIT CHEESE CAKE看著SIZE 不大, 相信難不倒我 價錢是 $32. 我覺得不算太貴吧 味道不錯, 面的水果味道尚算不錯.CHEESE CAKE 有微微酸的味道與面的水果很配襯另外 CHEESE CAKE 的質感很好, 有很好的 CHEESE 味很容易的幾下便 KO 了它與店員言談間得知舖已經6年多,希望香港繼續有讓這些店舖生存的空間. 會是小市民的福氣

同事生日, 買幾件cake大家一齊慶祝下. 第一次幫襯, 店員推介圖中右上角的馳名cheese cake. 開頭我怕會好"漏", 店員話唔會,仲話個cake有不同口感. 壽星女食後果然話好得 其餘幾款一致好評, 唔會太甜, 但又好"足味", 我食左邊第二件的Rasberry truffle, 好香朱古力味, 但又不會好滯.每款大致$32-36不等, 買滿$100儲一個印仔, 儲滿唔記得幾多個就送一件cake咁.下次再有同事生日, 可以再買嚟食. 好味!

同事們是日故作神秘，原來提早一天為我慶生記得一次她們提及過Teresa Festival 有款以Oreo做的蛋糕，我表示大感興趣想不到，她們仍然記得，真是非常細心，又有我心Oreo Cheese Cake當第一眼見到時，還以為是芝麻蛋糕，不過細看就會見到一塊一塊的oreo餅在蛋糕上Oreo四塊完整的以士多啤梨拓著，雪過的奧利奧餅乾有點腍是無可避免以小鵝蛋形的oreo忌廉一球一球的把整個圓形覆蓋著，手功精緻忌廉有三層，下面則是香濃鬆軟的朱古力蛋糕，最底層就是以oreo做成的餅底，質地實而脆對於我這個Oreo控，簡單是個完美的生日蛋糕，感謝我的同事們大家不知不覺已經相處了一年多了，時間飛快這年多，大家感覺真是像一家人，當中我亦見證著她(他)們人生中最重要的日子，結婚到生兒育女以前在舊公司沒有的，現在卻深深體會到，亦同時間接地令我改變了對某些事的看法和人生觀雖然不知往後的日子會否改變，但希望這段珍貴的友情會一直延續下去再次感謝我親愛的同事們！

已經幫襯左呢間鋪好幾年, 第1次就係食佢件拿破侖. 真係頂呱呱!!! 之後耐唔耐都去下呢間鋪想重溫舊夢.可惜次次黎, 有8成都話賣曬...有幸前幾日, 咁岩去開wan chai 食lunch, 食完就去Teresa Festival 碰碰運氣! WOW!! 竟然仲有last one, so lucky.由於同行有另外一個朋友, 我地想買左一件, 店員推介左new york cheese cake.wow!!! 拿破侖個look 已經夠殺食, 仲要好好味, 個crispy, d 合桃又香口, d cream 又夠滑!! 好正呀!!new york cheese cake 相反冇拿破侖咁sweet, 但都好好味.拿破侖仲係我心中既number one!!!

TERESA算是精品CAKE SHOP的始祖, 當年食還覺得OK.最近一次幫親,其服務真的嚇了我一跳昨天打去訂切餅, 1, 我打去hotline說, 我想訂2打cake, 星期一才拿. answer : 小姐態度麻麻的說 -最小要order 3打, 仲唔可以選擇咩味我說好, 無問題2. 甘可唔可以向人地屋企門口拿, 因為要比人suprise (我會show單比你個同事睇去proof我係買cake個個)answer: 唔得, 我地除了office及街舖及一定要入屋, 其他我地唔送我說甘唔緊要啦, 我向屋內收 3. 佢問我想送貨幾點?我說下午得唔得得answer : 唔得只可以3點到我說甘好啦, 我就你4, 到最後我說甘幾多錢?answer : 我以最貴個件計$36 x 36, 你就比$1296-5. 甘我問, 甘你係米會比返黎個價錢既cake我?answer: 都說唔可以選擇當佢甘樣答我時, 我就禮貌的說, 甘讓我想想吧.有需要再打來我常常都會在不同的cake shop order - take away + delivery service. 我估真係teresa既服務態度係最"好"

上兩個星期六，我出灣仔食嘢。沿途經過皇后大道東，見到有間門面裝修典雅嘅 cake shop <Teresa Festival>； 走入去一望，除咗蛋糕之外，仲有朱古力及曲奇餅。店內有 4 張坐得幾舒服嘅圓凳，望住窗外，感覺悠閒！蛋糕款式繁多！ 比較同是灣仔區嘅 <Ginger Bakery> 更多選擇！每件設計精緻！睇見都流口水！杏仁焦糖慕思餅 $32主要以杏仁為食材，頗有新鮮感！而且食得健康！ 打碎杏仁混入慕思中，令口感更突出！每一啖都咬到杏仁碎，略帶嚼勁！慕思甜味點到即止，中間夾雜一層原味海綿蛋糕，清甜軟滑！至於蛋糕頂嘅忌廉，幼滑細膩！富雙重口感的一件蛋糕！值得一試！