Terrace in seaside (SOHO West)

營業中

休息中

今日去咗海岸公園散步，晚餐就係行過SOHO West 見到靚靚的Terrace in seaside食嗰度風景好靚唔只因為對住海邊，全海景包括港島維港海景，仲因為佢高咗一層，睇到嘅景色同喺海邊行完全唔一樣。依度非常適合買杯嘢飲對住個海，靜靜地休閒過一日。我哋叫咗杯 帶點驚喜的香印提子奶蓋綠茶，裏面有好多原粒香印提子果肉，好甜，好美味，仲好靚之後我哋再叫咗個嫩綠蘆筍蟹肉飯卷做主食，清爽嘅蘆筍配上好大量嘅蟹肉，飯嘅調味亦都相當夾，份量好大，夠晒兩個人食，另一份主食叫咗啖啖蟹肉千層麵$128，千層麵非常大份，真係啖啖蟹肉，肉汁亦都非常豐盈，飲品仲點咗杯濟州柑橘乳酪$68，一大隻濟州柑原個奉上，果肉非常甜，杯乳酪都非常好飲，甜品我哋叫咗黑白熊貓 Oreo蛋糕卷，個熊貓相當精緻，應該係蛋白糖霜做嘅。傍晚時分唔多人真係好舒服。

SOHO West呢間「Terrace in Seaside」系一間充滿度假風情的餐廳，環境優雅舒適，讓人感到放鬆。餐廳的設計靈感來自釜山海邊的度假屋，內部裝潢以自然木色和柔和燈光為主，傍晚時分望住維港日落景色令人陶醉。soho west分店配合整個打卡空間的熊貓主題，推出全新限定餐牌，「熊貓萌萌來襲」青提寒天啫喱奶蓋清新可口，青提的酸甜與滑順的奶蓋好夾，芝士夠香但依然飲到青提香甜。黑白熊貓Oreo蛋糕卷小熊貓形狀cream，打卡一流，朱古力蛋糕口感滑順，充滿Oreo餅碎，口感層次豐富。濟洲柑橘乳酪梳打顏色配搭非常靚，口感酸酸甜甜帶有清新的柑橘味，爽口又清新。啖啖蟹肉千層麵蟹肉豐富，千層麵賣相唔錯，每一層麵皮都吸收了濃郁的醬汁，份量仲十分足夠。嫩綠薏筍蟹肉飯卷飯卷份量超級足夠，啖啖都係蟹肉，搭配新鮮的薏筍味道清新而不膩。

食過幾間分店，今次吸引我去咗新開既SOHO WEST分店✨有戶外坐位，對住開揚海景，早同夜景都唔同感覺，係度用餐份外寫意1️⃣嫩綠蘆筍蟹肉飯卷 $98蟹肉鮮甜，配上清新蘆筍，份量好足好滿足😌2️⃣啖啖蟹肉千層麵 $128樣子賣相極吸引🤩每層麵皮都夾雜著滿滿蟹肉餡料，味道濃郁，口感豐富，好滋味👍🏻3️⃣青提寒天啫喱奶蓋 $58棉密奶蓋，飽滿大粒嘅香印提子配上綠茶🍵清新自然，解渴醒神✨4️⃣濟洲柑橘乳酸梳打 $46柑橘甜再加乳酸，類似益力多味道，感覺好爽😄5️⃣黑白熊貓Oreo蛋糕卷 $62蛋糕卷朱古力🍫味濃，仲有熊貓🐼造型熊貓仔好可愛😍本舍分店期間限定至11月尾，要把握時間嚟試啦😎

🦀淡淡蟹肉千層麵 $128介紹食物之前，真係要介紹下呢度個環境😆估唔到係長沙灣食飯都睇到維港嘅海景，打卡真係靚到爆，食完飯又可以係出面嘅海濱長廊行下🥳呢間Cafe小編就唔係第一次食，一直覺得佢地啲食物非常精緻又高質，而且會定期轉Menu，keep住比到新鮮感大家🫶估唔到今次新推出近期好Hit嘅蟹皇千層麵，配料同千層麵十分之夾，已經非常之想encore😭.🍊濟州柑橘乳酪 $68呢個杯絕對係餐廳嘅signature，因為餐廳本身都係用柑桔同橙色做主題，而且飲品外觀非常打卡able🥰味道酸酸甜甜，解膩一流✌️.💰人均消費：～$200.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

今晚同朋友去咗呢間韓國過江龍餐廳食晚飯，餐廳主打韓式洋輕食，柑橘色的佈置加木系設計，感覺輕鬆又寫意。最近有幾款以熊貓為主題的美食同飲品，非常可愛😍。嫩綠蘆筍蟹肉飯卷飯卷份量十足，內有鮮嫩蘆筍，口感爽脆，配搭鮮美的蟹肉，好滿足。⁠啖啖蟹肉千層麵每一層麵皮都包著滿滿的蟹肉餡料，啖啖蟹肉，口感好豐富又惹味。青提寒天啫喱奶蓋香甜又飽滿的香印提子，加上綿密的奶蓋與清新綠茶，底層仲有寒天啫喱，香甜又清新。濟州柑橘乳酪招牌飲品，原個柑橘好可愛，味道酸酸甜甜，入面仲有果肉~黑白熊貓Oreo蛋糕蛋糕賣相好可愛🐼蛋糕軟綿配搭Oreo味嘅忌廉，整體不太甜。

位於新開嘅商場SOHO West，南昌站行過嚟好快到，對住海濱長廊嘅座位相當搶手，好彩坐到最後一張，對住個海用餐非常chill~ 🔘⁠啖啖蟹肉千層麵蕃茄醬汁香濃，再加上芝士、蟹黃、蟹肉同蟹籽，千層麵吸收晒各樣食材嘅精華，味道豐富濃郁，好貼心已切好六份，方便食用~🔘嫩綠蘆筍蟹肉飯卷熊貓餐牌係期間限定嘅Menu，飯卷配色同熊貓相似，餡料主要係蘆筍同蟹肉，再灑上芝麻調味，比平時食到嘅韓式飯卷味道更清淡一點~ 🔘黑白熊貓Oreo蛋糕卷熊貓造型可愛度爆燈，蛋糕濕潤柔軟，配搭Oreo味嘅忌廉，整體不太甜，口感唔錯~ 🔘濟州柑橘乳酪 餐廳嘅招牌飲品，味道酸甜解膩，柑橘原個上，飲品裏面亦有唔少柑橘果肉~🔘青提寒天啫喱奶蓋口感層次非常豐富嘅一杯飲品，青提清甜，寒天啫喱Q彈~

最近去維港匯探朋友，然後一齊去左樓下一間好有特色嘅韓式小清新餐廳，佢哋以濟洲甜橘為主題，整個環境都好靚！🤭🤭好合適「打卡」📷📷入到去，牆身用咗橘色同白色搭配，仲有啲可愛嘅橘子裝飾，感覺好似行入咗一個果園，真係好舒服。😍😍我哋首先試咗😆蘆筍蟹肉飯卷，呢個飯卷包住新鮮嘅蘆筍同蟹肉，口感好清脆，蟹肉味道亦都鮮美，配合嘅醬汁非常好味，食落去一點都唔油膩，真係好適合炎熱的天氣！🤭跟住嚟嘅係濟洲甜橘無骨炸雞半份😬😬，呢個炸雞真係好正！外面炸得金黃酥脆，裡面肉質嫩滑，橘味醬汁酸酸甜甜，仲有搭配嘅甘薯薯條，香脆可口，食完真係想再叫多一份！🥰😋然後係😉啖啖蟹肉千層麵😉呢道菜每一層都夾住滿滿嘅蟹肉，白醬濃郁，食落去真係好滿足，蟹肉鮮味喺口中爆發，絕對值得一試。👍🏻甜品方面，我哋點咗😏黑白熊貓造型Oreo蛋糕卷，外形可愛，味道亦好好，Oreo嘅香味同奶油嘅甜度完美結合，食落去鬆軟，真係好享受。🙂‍↔️🙂‍↔️🙌🏻最後，飲品方面，我試咗😊香印提子奶蓋綠茶🙌🏻味道清新，奶蓋滑順，綠茶嘅清香好適合搭配；而😘濟洲甜橘乳酪😋則酸酸甜甜，飲完之後心情更加愉快。👍🏻🤭總括來講，呢間餐廳無論係裝修定係食物，都非常有心思，係一個

🌸長沙灣Terrace in seaside🌸環境方面，Terrace in seaside無論是室內或戶外座位都提供絕佳的觀海視野，讓你在品嚐美食的同時，也能享受海風輕拂的舒適感。🌊1. **青提寒天啫喱奶蓋** 這款飲品以清新的青提為主調，搭配上層冰爽的啫喱奶蓋和寒天珍珠，口感層次分明，令人一喝就愛上！❄️🍇2. **嫩綠蘆筍蟹肉飯卷** 外層蘆筍綿密爽脆，內裡飯卷則融入了鮮美蟹肉，讓人回味無窮！🍣🦀3. **黑白熊貓Oreo蛋糕** 這款蛋糕創意滿分！黑白相間的Oreo碎灑在上層，內裡則是細軟的奶油餅體，甜而不膩，餅乾愛好者絕對不能錯過！🍰🐻4. **帶點驚喜的香印提子奶蓋綠茶** 這款特調奶茶將香印提子的果香融入綠茶中，再搭配上層奶蓋，不僅顏值高，口感更是清新獨特，帶給你意想不到的驚喜！🍵🍇5. **啖啖蟹肉千層麵** 最後來說說這款超人氣的千層麵，每一層都包裹著鮮美的蟹肉🦀🍜#Terraceinseaside #coffee #omurice #Cafe #打卡 #Chill #度假

之前同另一半去完玩之後嚟咗SOHO west呢個新商場，坦白講呢個商場係非常之垃圾，不過始終都要醫肚，最後就選擇咗呢間餐廳。嗰日夜晚顧客唔多，我哋成功坐到窗邊位，個景色係望住西九龍以及港島嘅海岸線，令人心曠神怡。坐得都算舒服，頗為寬敞，侍應服務態度正正常常，上菜速度可接受。我嘅另一半就嗌咗個brunch，而我就嗌咗個八爪魚飯卷，雖然份量唔係好大，但係都足以令人飽肚，味道亦都唔錯。(可以參考我附上的圖片)兩個人食都唔過$300 ，性價比非常高，值得一試。

之前睇人留言話員工態度差，今日真係見識到。今日帶媽媽去食，咁啱又冇人排隊。入到去有三張吉枱，職員當時示意座邊張都得，其中2張係中間位置，職員仲話近陽台仲有1張，咁帶媽媽去望吓（真係望，冇行埋去座） ，一望之下，張枱位於係正陽台門口，有待應行過就自動開門，總之其實係不停開同關門，所以冇人願意座個個位。 由於媽媽怕熱同吹風，所以想坐中間張吉枱，結果一回望，突然間後面來咗4個人，佢就比咗個2張吉枱佢地座。 職員叫我地重新排過位。我問職員點解要重新排？明明我哋入來先，佢話係你地唔要陽台位，所以要重新排，我話我哋都未座低過，同埋點解唔係安排咗我哋先？係對話其間，咁啱門口又有兩個位，個職員帶過我哋去坐，點知一坐低後面有個職員喺度大聲講「大肚婆大晒㗎啦」 ，我係大肚，但都唔關我有冇大肚事我又冇打尖。做咩無啦啦要咁樣喺度話我？由於我聽唔清楚係邊個職員講，咁跟住我繼續同帶位職員講你哋而家咩態度？點解要咁樣話大肚婆大哂？ 而家我又唔係打尖？ 我又冇話我大肚唔洗排隊。跟住同一時間有另外一個職員行過嚟放低餐牌，然後擰轉面講咗一句黐線。 真係10萬個委屈。我都冇打尖，又俾你大大聲喺間餐廳講大肚婆大晒。搞到啲人以

Terrace in Seaside (SOHO West) 早餐食評環境與氛圍Terrace in Seaside位於長沙灣荔盈街10號SOHO West 1樓101號舖 。擁有無敵海景和舒適的用餐環境。餐廳的設計為韓式小清新系列 餐廳設有室內和室外用餐位置 讓顧客可以在陽光下享受清晨的微風。非常適合家庭聚餐或朋友小聚。服務店員較為年輕 態度算為友好 清楚了解餐牌食物食物牛油果巴馬火腿鹹窩夫 $52窩夫口感鬆軟 與牛油果和巴馬火腿配搭非常合適有少量沙律菜伴碟 作為早餐是一個不錯的選擇糖心蛋煙肉青瓜卷 $48味道較為清淡 除了煙肉的鹹味 青瓜和糖心蛋沒有太多調味 另有薯仔沙律半碟 士多啤梨蜜糖熱香餅 $38一個賣相很好的早餐 熱香餅為一口份量 另有草莓柑橘和藍莓 蜜糖味道較甜 (ps如果可以轉為楓糖漿味道會較為可口 )總結Terrace in Seaside的早餐美味 而且性價比很高閒日不用排隊 而且環境優雅 無論是與朋友聚會還是獨自享受，這裡都是理想的選擇。下次想要享受悠閒的早晨時光，這裡絕對值得一試。

我從未寫過食評但係今次我真係覺得不可理喻所以忍不住寫。。。喺香港食咁耐嘢都未遇過嘅。。。真係奇聞一樁希望店主留意到反思吓班員工團隊發生咩事一開波落單Staff跟我說甜品落order就會即整好，我落order，即上啦其後一個雞飯及飲品也來了食物飲品也發揮正常水準兩個人食咗個飯，等咗一陣甜品呢？覺得有啲唔對路就提一提個Staff要上甜品啦個Staff話好啊然後我等咗十多分鐘有Staff入到嚟問我有冇last order 我話，有啊，係一個朱古力萬聖節窩夫個Staff就話，好，明白又過咗十多分鐘另一個Staff入嚟，再問我想問你哋有冇last order 啊？我覺得詫異，Staff 之間沒有溝通的嗎？為何會重複問顧客是否需要last order？我再說自己差一個朱古力窩夫，係一開波已經落咗單，Staff 說即刻做嘅佢岌吓頭，跟住行開咗再過多十多分鐘果然，還是沒有甜品出現過我親身走去pantry 問其中一位Staff請問我的萬聖節朱古力窩夫做了沒有？等了半個多小時也沒有出現若廚房沒有做那我跟家人會離開了Staff 其後回覆我廚房剛剛落單（！？！？😵)依家準備整 (？？？？？😵)問我而家若有需要

睇番呢度啲評論原來苦主唔至我一個！星期日放假諗住同老公同隻竉物（之前都黎過問竉物可以坐外面）落街食個豐盛嘅早餐。當時早上十點個場有三成客，得一個女仔侍應，我地係出面企左一陣揮手見佢唔應就入去問可以坐出面因為有動物，佢一句就話唔可以！我心諗可能政策轉咗或者佢人手不足所以咁嘅態度，算啦。轉外賣！叫左兩個早餐90蚊唔貴，等！等！等！等左半個鐘都未有得拎，之後問佢，十問九唔應，我明白你好忙得一個人做，但都唔係咁態度，問佢要等幾耐又唔答，我哋已經唔係要求有服務，但最基本嘅對人既態度都做唔到，真係好失望！之後唔等喇要refund 又唔得！全程個女仔只係應我，唔可以！冇經理同唔得囉！最後我哋決定放棄唔等。其實你態度好啲我都會等同體諒，始終我住附近都唔想少一個選擇。永久blacklist！裝修好靚但茶餐廳呀姐都不如既態度真係有明顯嘅對比‼️

只講重點。8點開門，我們9點到，1個人都冇....己奇怪。門開了但冇人返工？！ 等左15分鐘，唔對路，走入廚房，得一個講唔正廣東話的新香港人走出來話樓面冇人返工。之后，越來越越多人，有個樓面先出，仲係度慢慢set機。落單仲要last come first serve。8點開門，9點半先有人serve......新香港新境況.....

可能係開業初期，人手極度不足！有吉枱執好都唔會即刻俾你入！收咗啲杯就就咁放晒喺水吧枱，係成座山咁，大家最近去應該都好大機會見到。然後今日等左好耐，大概45分鐘，佢俾咗張冇景嘅枱我同我小朋友！！！真心等咁耐係想邊睇景邊食嘢，佢明明有其他枱，問佢佢都係話唔俾轉！係，我有啲骨氣係可以即刻走，但等咗咁耐，我唔食小朋友都要食！我講梗係冇戴帽果個疑似經理！佢態度唔係好差，但我覺得係佢安排入座嘅問題，而且最入面最好view果度有吉枱點解唔俾我地，真係諗返都嬲，black list左一定唔會再去呢間！排隊等等極度唔人性化，佢哋慢動作執枱好似唔想招呼人入去咁，想睇景嘅大家買定外賣坐海濱一樣可以！食物係正常嘅。真心係呢間management好差，前所未有咁差！！