Thai Fuhn

營業中

休息中

第二次幫襯這間泰式小店，今次點了一個椰青，嚐第一啖發覺有點酸味，再攞匙羹刮裏面的椰肉，竟然完全沒有椰肉。我想應該被店員刮得乾乾淨淨後再拿出來給我。當我回櫃檯問店員，他們說沒得閒刮走椰肉，但我就是實實在在刮不到肉，他給我換了一個新的，完全沒有酸味及保留原有的椰肉。而刮走椰肉的椰青，顏色混濁及帶酸味🥲真是沒良心的小店令我很失望，關乎衛生問題，缺不再光顧。

逸東酒店 Food hall 有好多選擇，質素又高，價錢又大眾化多。總體環境闊落，有好多位，可以同朋友一邊Hea 下，一邊慢慢食。- 香茅豬扒湯河湯河，豬扒係分開上，唔會浸淋曬。豬扒炸得香脆，但不油膩。湯底好重牛味，同埋香料味，有越南風味。- 沙爹串燒沙爹串燒可以揀豬，雞，如果揀牛，就要加錢。好大串，性價比高，而且燒得好香口，又唔乾。加埋沙嗲醬，好惹味。

今次簡單食咗個下午茶，越式沙嗲豬扒飯🐷配春卷，豬扒大大塊配埋香濃嘅沙嗲醬，非常惹味。食得出沙嗲醬入面有好香濃嘅花生味🥜，唔係求其用水開嗰啲，係值得一讚嘅。春卷就正正常常啦，唔算好特別但唔係難食嘅，以下午茶來講配埋呢個地方，OK啦~

粉麵雙拼加$10，豬頸肉拼扎肉總數$70，豬頸肉都幾多，不過扎肉加$10先有就得兩片，幾搞笑，即係成$5一片，佢又未至於咁好食。豬頸肉係凍嘅，味道都OK但冇醬料點配，加埋旁邊蘿蔔食就味道唔錯。 豬頸肉本身都有啲油，食兩三塊已經好膩。可能多啲扎肉少啲豬頸肉會好啲，食落冇咁油膩。但個湯底唔錯，就咁飲都可以中和油膩感。

原來逸東酒店嘅地庫改咗做food hall，我都係宜家先知！有好多唔同嘅餐廳選擇，唔同菜式都有喎，價錢大眾化，仲有唔少有名高質嘅餐廳，又唔錯喎！第日喺佐敦唔知食咩都可以落嚟搵嘢食！🔸香茅豬扒拼雞翼撈檬+龍眼冰（💰68)(8/10)撈檬超大碗，好多菜、蘿蔔、青瓜絲！撈檬汁仲有蔥油超惹味開胃！甜酸度適中！雞翼同撈檬都炸得又脆又多肉汁😆杯龍眼冰更加正，超多龍眼，超冰凍👍🏻👍🏻👍🏻價錢又唔貴，抵食！

泰式海鮮、泰式杯麵，溝埋一齊會係點？平時食個杯麵，三分鐘⏱平常不過，用嚟做正餐、宵夜都唔少得嘅懶人必備，儲糧一定有佢份。超市合你味道杯麵上面，仲有幾粒QQ地嘅蝦仁、蟹柳仔係上面，等我加水比佢哋浸吓溫泉😄，只能夠講⋯任何時候諗起，醫肚、口痕咪食囉。嘩！點知⋯呢度嚟個海鮮、杯麵係埋一齊，真係估佢唔到，係咁有特色喎。外型夠特別，泰式辣麵又惹味，好味！仲比埋個泡麵杯你打卡，差唔多每枱都點呢度菜，受歡迎程度指數甚高⋯爆曬燈😎人氣料理之一！主食～～虎蝦海鮮混亂杯麵串燒～～沙嗲汁糯米豬肉腸沙嗲汁雞肉串

Thai Fuhn🦊🍴🔹️真的泰打拋豬肉飯🔸️海陸沙叻咖哩麵🔹️冰火布朗尼🔸️三眼怪抹茶歐蕾🔹️say cheese打拋豬肉薯條下雨天泰式奶茶買一送一濃厚的泰式奶茶真的讓人很回味, 還會再來📍佐敦彌敦道380號香港逸東酒店Eaton Food Hall地下低層3號舖

🌃 食肆為泰越式料理， 主打泰式及越式小菜， 位於佐敦逸東酒店酒店地庫 food hall， food hall 聚集多個菜式於一身， 食肆以高性價比作招來， 主打大大份料理， 特色小菜有 酸辣無骨鳳爪， 燒豬頸肉，越式生牛肉湯粉， 仲有泰國冬陰功海鮮湯粉添， 另外仲有提供泰式傳統飲品及特飲。-.🍍🥘菠蘿海鮮炒飯💲 88👉 呢一個份量真的不得了， 兩三個人都應該夠食。。。👉 菠蘿炒飯嘅配料有提子乾，、 蝦仁、菠蘿、 青口、 肉鬆、洋蔥， 層次感滿滿， 食落每啖都有好豐富嘅配料， 而且提子乾落得超多， 同出面泰國餐廳零舍不同。.🌶青咖哩牛腩配蒜蓉包💲 88👉 牛腩份量幾多， 差唔多有十件， 唔會用薯仔充當牛腩， 青咖哩算幾辣， 用嚟點蒜蓉包幾惹味， 另外小編加了12蚊叫個油飯。.🌶 沙爹牛串燒💲 58👉 串燒份量有四串， 但由於牛肉串燒都太好賣關係， 淨返3串，另外一串點左雞肉， 牛肉同埋雞肉到燒得有點微燶好香口， 配上沙嗲醬好惹味。.🍹 咸檸檬梳打💲 25👉 個味道有啲咸檸七，用嚟解渴嘅首選， 感覺好清熱潤喉。.☕ 凍越式滴漏咖啡💲 28👉 凍越式滴漏咖啡比起西式咖啡味道更苦澀同埋濃厚

油尖旺區明明食肆林立，但講到又平又好坐既地方就唔多，吋金尺土既土地問題。諗黎諗去都係番黎逸東酒店地庫food court，環境又chill又係free seating，談心一流。搵到位置就揀左附近既越式河，記得之前佢係無做泰式菜系，而家有更多既選擇，於是要左一碗生牛肉湯河配凍蜜桃茶，同埋青咖喱牛腩煲配法包，飲凍泰式檸茶。由於湯頭頗熱，拎到手無耐生牛肉已經開始熟了，但食落都維持到鮮嫩，河粉既份量好足，唯一同以前唔同係辣椒粒無咁辣，唔知係咪轉左品種既關係？另外香葉都稍為少左。青咖喱汁真心夠辣，係試完即刻要飲啖茶解辣既程度，但又一路辣一路叫過癮。牛腩煮得十分腍，食得好滋味，略嫌法包太少，如果可加錢多幾塊更佳。

呢間係佐敦逸東酒店food hall嘅Thai Fûhn主打泰國同越南fusion菜🇹🇭 🇻🇳 一次過可以滿足晒同時想食越南菜同埋泰國菜嘅人～～ʕ •ᴥ•ʔ 不過嗰日想食泰國菜多啲 所以揀泰國菜🤣但其實佢仲有生牛河同埋越式春卷等等可以叫㗎 有機會下次再去試吓！第二次去逸東酒店呢個food hall 依然覺得坐得好舒服😆•泰式鮮蝦炒闊粉🦐 （$98)佢嘅配料都幾豐富有鮮蝦 櫻花蝦 雞蛋等等😍平時多數食炒金邊粉 所以今次叫咗炒闊粉嚟試吓～我覺得佢嘅質地似肥嘅河粉咁幾好食😚食落好香口 少少酸酸甜甜咁 而且份量好多😛✻ 沙爹豬/雞/牛串燒（4串）($48/$58 牛)我好鍾意食串燒所以見到又忍唔住叫🙈今次我揀咗雞同埋牛🐔🐮我覺得啲肉燒得好香口 而且肥瘦適中再點埋個沙嗲醬一齊食好滿足🤤✻ 泰式生菜包（$68）一上碟就有少少嚇親 因為估唔到份量咁多 超多豬肉碎🤣用生菜包住啲豬肉碎一齊食 呢個配搭冇得輸😌啲豬肉碎有少少辣好惹味(*¯︶¯*)✻凍龍眼冰（＄25）甜度適中而且都幾大杯 夠晒解渴☺️而且有好多粒龍眼肉好足料～另外見到隔離枱叫咗泰式冬陰功海鮮湯河好香好大碗好足料 有機會再去試吓🥰總結難得地有間

呢間係位於佐敦逸東酒店樓下 food court 嘅 Thai-Viet fusion - 泰式🇹🇭越南餐廳🇻🇳，喺佐敦站出口，過咗馬路一直行大概6分鐘就到。舖頭主打特色泰國同越南菜，餐廳亦提供傳統泰式飲品同特飲🍧🥤🧃。今次就試咗兩個主菜，一個小食，兩個特飲🤤 啱晒咁熱嘅天氣消暑！.《泰式菠蘿🍍海鮮炒飯》 $88入面嘅菠蘿都算多，都有唔同種類嘅海鮮，加埋腰果同提子乾👍🏻 食落有唔同口感，啲飯再熱少少會好食啲。《青咖喱🍛牛腩配蒜蓉包》 $88青咖喱汁調得好好食，送飯/ 點包一流，椰香味都幾出👍🏻 入面嘅青豆好好食😋 另外牛腩嘅數量都算多，蒜蓉包覺得幾脆口，適合重口味人士。《香芒🥭鮮蝦米子卷》 $68芒果粒適中，米子卷入邊嘅米粉同青瓜同紅蘿蔔絲都唔少👍🏻 配埋魚露醬。天氣熱食下口味清新嘅米子卷都唔錯。《龍眼冰🥤》 $25消暑一流！龍眼肉都幾多，甜度啱啱好👍🏻

估唔到響佐敦呢間酒店入面😉竟然有個咁大嘅Food Court😊座位闊落，環境舒適😇結果就揀咗間泰式食店😚上菜速度都真係快👍全部食物十分鐘已經準備好🤩菠蘿海鮮炒飯🍍$88海洋炒飯用料新鮮😌有蝦、魷魚、青口等😍表面灑上一層肉鬆同提子乾😉夠曬大碟，非常豐富😎泰式燒豬頸肉🐷$78豬頸肉燒到外脆內軟👍肥瘦適中，肉質好爽脆😝再配合埋個泰式酸辣汁🥳食落夠惹味，勁Juicy😋柚子鮮蝦沙律🦐$68又估唔到呢個沙律又真係幾大碟🥰好多蝦響表面，加埋柚子上去😛但如果加多少少酸甜汁咁就更加好😝整體味道清甜，感覺清新😌龍眼冰🍹$25好多龍眼肉響裡面😚夏天消暑解渴一流😙泰式奶茶🧋$25 (凍)茶味好香，飲落又唔會好甜😎Thai Fuhn (佐敦)佐敦彌敦道380號香港逸東酒店Eaton Food Hall地下低層3號舖

好耐冇去逸東食野喇～原來依加樓下個層改左做「🍽Eaton Food Hall」～仲要間間都唔失禮，其中呢間Thai Fuhn 主打高質抵食越泰菜🇻🇳🇹🇭「🦐泰式生蝦」食泰國菜前菜點可以冇生蝦刺身～夠曬凍又夠彈牙，點埋🌶泰式辣汁食好味又開胃～「炸蝦餅&🐤特色濃湯雞絲湯粉」為2個小朋友而點，炸蝦餅有即炸嘅感覺～外面脆卜卜熱辣辣，入面又彈又香😋至於濃湯雞絲湯粉，估唔到居然會有🥚鵪鶉蛋～湯底明顯係自家熬製，淡淡清雞湯味～配上滑溜河粉同雞絲，呢個組合勁夾呀～「🦐🌶泰式鮮蝦炒闊粉」闊粉有啲似闊身薯粉，好滑同彈牙～配埋鮮蝦炒香，入曬味又少少辣，絕對係惹味之選🔥「💙凍蝶豆花蜜&🍋泰式檸茶」食泰國菜點可以唔配返杯泰式飲品🍹檸茶係用正路嘅泰式茶底，茶味自然夠香～而蝶豆花蜜，微甜又有淡淡花香～2款都好解渴解辣👍🏻👍🏻

疫情以黎間唔中都會去逸東𝚜𝚝𝚊𝚢𝚌𝚊𝚝𝚒𝚘𝚗酒店地庫個𝚏𝚘𝚘𝚍 𝚑𝚊𝚕𝚕 都幾多唔同選擇ʕ•ᴥ•ʔ今次就試左主打特色泰菜同越菜嘅𝚃𝚑𝚊𝚒 𝙵𝚞̂𝚑𝚗-♡︎越式火車牛魔粉 $𝟿𝟾上枱熱辣辣好大碗好足料(●’◡’●)ﾉ牛肉入味又夠淋不錯呢🫶🏻-♡︎泰式鮮蝦炒金邊粉 $𝟾𝟾份量足而且賣相吸引比平時食開嘅炒金邊粉香料味較重略嫌𝚍 蝦唔夠入味ʕ •́؈•̀ ₎-♡︎泰式燒豬頸肉 $𝟽𝟾豬頸肉外皮焦脆配埋蘿蔔絲一齊食中和返豬頸肉嘅油膩感入口岩岩好～-♡︎龍眼冰 $𝟸𝟻泰菜同越菜一般都比較重口味 嗌返杯龍眼冰消滯解膩為呢一餐畫上完美句號🍹

逸東酒店呢個food court,食物真係應有盡有。而且環境闊落，坐得十分之舒服。每次去QE覆診，我幾乎會幫襯呢間餐廳。呢度的香茅豬扒撈檬，真係十分推介俾大家。豬扒的香茅味撲鼻而來，炸得香脆，但絕不油膩。豬扒亦都很厚身，份量足。撈檬的醬汁亦都調較得剛剛好，不會太酸，也十分夠味。整碗撈檬都配搭得很完美，清爽惹味，配埋凍檸茶，簡直一絕。整個餐61元，雖然小貴，但卻值得。