Thailand King

營業中

休息中

這間餐廳位於尖沙咀的嘉蘭圍小巷內，我望住Google Maps都繞了一個大圈先搵到，名副其實是間隱世泰菜酒吧。店舖空間不算太大座位不多，不過就好開揚唔焗促，而且佈置幾有泰式風格，重點是泰國菜餚確係幾好食，價錢亦唔算貴。生蝦刺身6隻 $148食泰國菜當然要食生蝦啦，大大隻的生蝦配上傳統泰式醬汁、蒜頭及辣椒，將蝦的鮮味帶到更高層次，醒胃又好食，還貼心地伴有炸得香口的蝦頭。豬肉生菜包 $98豬肉碎不算太辣，偏咸但卻好惹味，用新鮮爽脆的生菜包著一齊食，正好中和了咸味平衡返，正。花膠冬陰公湯 $78第一次食冬陰公湯竟然有花膠，而且花膠算大塊，還有三隻大蝦及多種菇類配料，一大碗兩個人share好足夠，這個價錢真係超值。燒豬頸肉 $88豬頸肉份量好多，肉質肥瘦均勻，燒至微焦香，嫩滑有咬口又有少許油脂，即使不醮泰式醬汁都已經好好食，醮上酸酸辣辣的醬汁當然就更惹味。魷魚桶2隻 $88原隻魷魚上陣，切成一條條好均稱，肉質爽口富彈性，配埋酸辣汁，微辣惹味！ 太陽蛋配酸辣肉碎意粉（轉炒飯) $108本身此道菜應是配意粉，但我們又想食炒飯，店家竟然肯配合，哈。酸辣肉碎配帶點菠蘿香甜的炒飯，又幾好味喎。雜果汁 $

喺加連威老道轉入一條橫巷，小巷入口已經即刻見到一間門口搭建了bar 枱嘅 Thailand King ⭐️⭐️泰式餐廳x 酒吧啱哂星期五返工嚟放鬆😎 chill 返晚🥂🍻🍸唔好睇小小店，餐廳內有不少大台啱哂一大班朋友嚟gathering ，開放式廚房仲有一條長長吧枱，大廚亦相當friendly ，喜歡邊煮邊同客人交流🤭🤭打開厚厚一本餐牌見到美食種類繁多，咖喱、燒物、泰式小食、主食、甜品應有盡有，連drink list 都有5-6頁🤭🤭燒原隻大啡菇🍄‍🟫一客有兩粒原隻大啡菇，上枱時已經幫忙切開一件件👍🏻大啡菇燒完之後完全係爆汁💦💦唔需要特別調味都相當好食燒焦糖鮮菠蘿🍍必點推薦，一客有兩串，每串三件，性價比高👍🏻有別其他燒菠蘿，Thailand king 仲會係菠蘿面上放上砂糖再燒成薄脆嘅焦糖片，雙重口感👍🏻泰式豬頸肉🐷份量相當大份🤣豬頸肉燒得好香但唔會乾身，沾上泰式酸辣醬一齊食好開胃🤤？泰式香茅椰汁🥥雞湯清甜creamy 椰汁雞湯好足料，椰汁🥥甜而不膩，雞髀肉啖啖肉，肉質又相當嫩滑❤️😋青咖哩軟殼蟹 + 薄餅🦀咖哩軟殼蟹可以揀黃、紅、青咖哩，我地揀咗青咖哩😆軟殼蟹有兩大隻🦀🥰即叫即炸，仲脆卜卜

同男友喺尖沙咀拍拖食飯，突然想食泰國嘢，即時search見到呢間不錯，就膽粗粗入左去😋入面環境都幾寬敞，我哋見到menu咁多選擇，都唔覺意嗌多左🫢荔枝沙冰 $58；蘋果汁 $48我哋冇嗌酒，改嗌左嘢飲。上桌時有驚豔，賣相不錯，見到紫紅花，覺得好有渡假feel，即時聯想自己訓喺沙灘長椅上吹住海風嘆世界☺️燒原隻大啡菇 $48大啡菇好新鮮，好有菇味，仲特別肥美軟嫩🤭泰式燒多春魚 $78嚟左6條，多春魚配類似魚露嘅酸甜醬，更加清新！青咖喱豬頸肉 配蒜蓉包 $98+$25豬頸肉好味，好爽滑彈牙；蒜蓉包都好脆口，蒜蓉好惹味，點青咖喱最正！香茅煮海蜆 $128香濃花雕酒味，浸哂入蜆肉度，感覺呢款同時好適合下酒！芒果蟹肉炒飯 $108芒果幾清甜，配有蟹肉、蛋絲同香蔥，幾有口感芒果糯米飯配椰子雪芭 $108椰汁岩岩整熱淋上，糯米唔黏牙，溫溫甜甜好正！最鍾意係椰子雪芭，真係放喺一個椰子殼入面，幾趣緻！雪芭好軟滑，椰子味亦都好香濃，推薦一定要食😋

呢間泰國餐廳小店唔算太起眼，都係朋友帶路過黎開餐，今次叫左帶子他他柚子沙律($98)、黃咖哩軟殼蟹($148)、蒜蓉牛油法包$(25)、芒果蟹肉炒飯($108)、火山排骨(12支骨)($248)、Thai Tea($38)、Lychee Smoothie($58)由於間鋪唔算好大，所以座位有限，另外呢到都有BAR枱位可以坐帶子他他柚子沙律：帶子他他新鮮滑溜，配上柚子，酸甜開胃。帶子同柚子嘅香氣同埋酸味令整個沙律更加有層次感，清新開胃😁黃咖哩軟殼蟹：軟殼蟹炸得金黃酥脆，外脆內嫩，配上香濃嘅黃咖哩汁，味道濃郁但唔會過重，正😋蒜蓉牛油法包 ：呢個追加項目係用黎點咖喱食，蒜蓉牛油香氣撲鼻，法包外脆內軟，本身就咁食都好正，點埋咖喱汁更加惹味🤤芒果蟹肉炒飯：泰國餐廳菠蘿炒飯就食得多，芒果比較少見一於試下，芒果嘅甜味同蟹肉嘅鮮味配合得天衣無縫，飯粒炒得乾身，味道層次豐富😉火山排骨 ：一共有12件排骨，份量十足，排骨煮得入味，肉質嫩滑，配埋特製嘅醬汁，味道酸酸甜甜中帶辣，唔錯😁Lychee Smoothie：超級大杯，非常抵飲🤩荔枝味道香甜，幾清新，飲落去好順口，特別適合夏天飲，透心涼🥰Thai Te

今晚約咗朋友過嚟食飯 我哋都好鍾意食泰國菜揀咗呢間座位比較開揚啲嘅餐廳 店內採用暖光燈泡仲有少少酒樽吊燈裝飾 加埋好多綠草包圍感覺真係好似坐咗喺泰國咁 打卡嘅話呃到吓人兩個女仔收工過嚟好餓 叫咗以下幾樣嘢食- - - - - - - - - - - - - - - - - - - - - - - -1. 咖喱軟殼蟹(黃咖喱)+蒜蓉牛油法包隻軟殼蟹好似都有完整一隻 分開4份上面淋咗黃咖喱醬 金黃酥脆蟹殼有啲光澤另外仲有紅/青咖喱可揀 聽店員講係比較辣揀咗嘅黃咖喱好香 香料味同蟹肉鮮味好夾隻蟹外脆內嫩 清晰見到入面白色蟹肉額外加配蒜蓉牛油法包 帶有濃郁牛油香氣浸落啲黃咖喱醬度 吸收晒啲精華 好正！！2. 燒豬頸肉燒豬頸肉賣相都好吸引 表面微微焦脆入面仲好鮮嫩多汁 幾鍾意佢脂肪分布均勻咬落嗰陣 豬肉汁液會喺口中瞬間流出即刻分泌更多口水XD 味道覺得鹹香適中加埋有個酸辣醬汁可點 中和返肉嘅油膩感3. 四式拼盤(蟹餅、墨魚餅、蝦餅、春卷)呢個拼盤有啲震撼 因為都幾大碟啱晒同朋友一齊分享 豐富味覺每款炸物都好特別 口感都唔一樣蟹餅外脆內嫩、蟹肉就好鮮美墨魚餅嘅墨魚香氣濃郁、口感彈牙蝦餅帶有海鮮甜味

琴日嚟到尖沙咀搵食，見到呢間喺小巷入面嘅泰國菜唔係好多人，就入去試一試～店面唔大，但都坐得舒服豬肉肉碎生菜包呢個肉碎有個爐座熱佢，可以保持到食物嘅溫度👍🏻肉碎炒得好香，帶有少少辣味，配上生菜包住食。生菜好爽脆，清爽嘅生菜配上香辣嘅肉碎都好夾～椰汁雞湯呢個湯好足料！好多件嫩滑嘅雞肉喺入面👍🏻個湯好鮮甜，帶有淡淡嘅椰香味泰式安格斯牛西冷牛扒我地就叫左5成熟，熟度都控制得唔錯，配上酸酸甜甜嘅泰式醬汁，中和左牛嘅油膩感，忍唔住一啖接住一啖咁食！作為配菜嘅薯條都係熱辣辣炸起，外脆內軟👍🏻焦糖咖啡琴日天氣好凍，飲返杯暖笠笠嘅咖啡暖下胃就最好不過啦西柚asahi sour本身好中意西柚嘅我當然要試下啦！酒味唔會好強，好順口，配埋薯條做下酒菜就一流！-overall嚟講，性價比幾高！食物足料又大份，好啱一大班朋友嚟聚餐，推薦大家嚟試下！

Thailand King 喺尖沙咀，四周好熱鬧，交通又方便，真係好適合同朋友聚餐或者家庭出來食飯🥳餐廳嘅裝潢雖然係bar setting，但又好有泰國風味，入到去即刻有種好chill嘅感覺🎶🌸椰子雞湯呢碗湯真係正～湯底清甜，椰子香味同雞肉味混合得好好，飲一啖特別舒服。加埋左泰式既香料，所以飲完唔會好濟好開胃🌸蟹肉煎蛋煎蛋外脆內軟，蟹肉嘅鮮甜味同雞蛋香氣搭得正。呢道小吃好適合當前菜，食一啖停唔到，真係好好味。🌸芒果蟹肉炒飯呢份炒飯色澤靚，米飯粒粒分明，蟹肉好鮮嫩，仲有啲芒果果肉，甜甜的味道，真係搭得好好。☺️🌸帶子柚子沙律呢道沙律清新又開胃，帶子滑嫩，搭配柚子的酸甜，食落去特別爽口。喺咁熱嘅天氣，真係一啖一啖咁食，非常開胃！🌸泰式北海道帶子刺身帶子好fresh，口感滑，配上泰式醬汁，味道更加好。呢道菜真係令我對海鮮的新鮮度刮目相看，原來泰式醬同帶子係咁夾🎶🌸芒果冰沙 & 荔枝冰沙🌸朋友今日話唔飲酒，就試下佢嘅smoothie ~ 冰沙超大杯～！係啤酒杯size 有feel 🍻呢兩款飲品都好好飲，芒果冰沙清爽可口，仲要係夏天飲特別舒服。荔枝冰沙則香甜濃郁，飲完心情都好好，為整頓餐加分🥳總括

餐廳喺尖沙咀的嘉蘭圍小巷內，鬧市入面隱閉嘅空間座位唔算多但每張枱都好舒服好chill裝修都好有特色，全晚都播住好有格調嘅playlist當然餐廳重點之一都係食物，兩個人叫咗兩個主食、小食同埋飲品每樣都好好食又好夠份量超滿足嘅一個晚上泰式蟹肉蛋餅除咗蟹肉之外仲有菜蔬係入面，口感好豐富蛋嘅份量超多，厚實又充滿蛋香仲有是拉差辣椒醬做沾醬，喺一種有香甜口味嘅辣椒醬甜味佔嘅比例較多，有小小辣勁但相對溫和加埋蛋餅平衡返泰式煎安格式牛西冷配薯條牛西冷上面舖滿泰式醬料，酸酸辣辣好開胃外面煎到焦糖色，而內部仲保持住微嫩粉紅肉質仲充滿嫩度薯條即炸即上脆卜卜熱糯焫焫好正泰式豬頸肉豬頸肉肥瘦均衡食落充滿燒烤嘅香味，每一啖嘅口感鮮嫩帶脆又有油香仲有酸辣醬汁做沾醬，好夠辣好過癮炸蝦餅蝦膠好足料厚實，口感好豐富炸到金黃酥脆好好味Young Coconut & Green apple soda椰青夠晒清甜，椰肉都好易離殼Soda好飲之餘仲好打卡able因為今日揸車所以無飲到酒，環境氛圍好適合一齊飲酒chill下食好野

同友人喺尖沙咀行街，經過呢間泰菜環境好chill，有個小露台，幾特別，就食入去食個晚飯。安格斯牛肉沙律 - 酸酸辣辣好開胃，牛肉大大塊，絕不欺場，前菜嚟講份量都幾多。馬拉盞炒芥蘭 - 好淋，好入味豬肉生菜包 - 辣辣地，味道正宗，生菜中和咗個辣味，健康好味！椰子雞湯 - 好香椰子味，椰香十足。雞肉好明顯醃過，好入味，而且好滑溜。雞湯味道濃郁，好足料。燒魷魚筒 - 好香口，燒得剛剛好，點埋酸甜汁好惹味。友人超鍾意！燒豬頸肉 - 好彈牙，炭燒味好香，大大碟好啱幾個人share。蟹肉蛋餅 - 好飽肚，可以代替carbs。好重蛋香味，點埋辣椒醬更好味。睇得出用咗好多蛋，足料到爆！以為係間酒吧，估唔到食物咁出色，款式亦夠多，價錢合理！

尖沙咀特色泰國餐廳將酒吧同餐廳結合另外仲有戶外呼吸好地方，餐廳環境夠晒闊落又舒適 ，地點又方便，尖沙咀地鐵站行過嚟又唔遠，收工過嚟食啲嘢飲番杯，氣氛相當唔錯，員工很友善，都會推介我們有咩好食🇹🇭四色拼盤（蟹餅、墨魚餅、蝦餅、春卷）$208炸物 外層炸至金黃 賣相已經好有食慾 咬落脆口蝦餅入口彈牙，墨魚餅內𥚃還加了一些栗米粒 有增加口感層次 蠻加分，炸春卷都好好食本身外皮一定要脆 餡料豐富 但食落完全冇油膩感超好食🇹🇭🐷燒豬頸肉$88豬頸肉肉質爽口咬落彈牙 ，豬頸肉經炭烤嘅烹調方法，帶點焦焦味搭配上醬汁 ，風味同口感特別有feel 🇹🇭火山排骨$248好好食 個人建議用手食 撕開啲肉一梳梳咁食，肉質嫩滑，又夠味道🇹🇭花膠冬陰功湯最好飲嘅冬陰功湯 就係要帶啲辣飲完要滿頭大汗至夠爽 ，湯入面大量香料配合埋花膠真心值得推薦飲品點了比較受歡迎芒果沙冰，鮮青檸梳打芒果沙𣲙大大杯 ，粒粒果肉加上芒果香味，凍冰冰，食完辣飲番啖成個人爽曬

無意中係Openrice發現呢間泰國嘢 因為開到凌晨兩點🕑岩晒我呢啲夜鬼 去到有啲酒吧feel 岩哂一大班人放工嚟chill 下🍻食物選擇好多 估唔到份量咁大 我地都唔覺意嗌多左嘢食🙈🥬泰式肉碎生菜包（豬肉）呢個必食推介‼️肉碎炒得好香 酸酸辣辣 超開胃 包住塊生菜一齊食 好爽脆 食完一嚿忍唔住再食落去 好快清哂😋🍖燒豬頸肉外面燒到脆卜卜 但咬落去完全唔會硬 肉質好鮮嫩多汁 配左個酸辣醬汁 份量仲好多🥭芒果蟹肉炒飯芒果酸酸甜甜同蟹肉一齊食又幾夾 炒飯炒得好乾身 粒粒分明💥火山排骨有十二件排骨 炆到軟腍腍入味 有啲酸酸甜甜泰式醬汁 嚿嚿都好多肉 最後都係太飽食唔哂🥥芒果糯米飯伴椰子雪芭要留個肚食芒果糯米飯🍚糯米淋上椰汁 好味道 加埋個椰子雪葩 奶香味好重 好香椰子味😋🍧荔枝沙冰超大杯嘅荔枝沙冰 上面有幾粒荔枝肉 一杯都夠兩個人飲 除左啤酒仲有其他cocktail 🍸📍 Thailand King (尖沙咀)尖沙咀加連威老道 嘉蘭圍 22-22A 號地舖

🌷🌷Thailand King 🌷🌷今晚品嘗了一家位於尖沙咀隱蔽的、性價比高的泰菜餐廳；適逢近Halloween，餐廳佈置好有氣氛，有情調，食物高質、具特色，值得來捧場！🌸 帶子他他柚子沙律超多柚子，帶點微辣，帶子鮮甜👍🏻🌸 四式拼盤 （蟹餅、墨魚餅、蝦餅、春卷）蟹餅四件：炸得脆脆的，非常香口墨魚餅四塊：好彈牙！蝦餅兩塊切開四件：炸得非常香脆春卷兩條切開四件：大大條的，餡料豐富🌸 椰子雞湯香噴噴的椰子雞湯，鮮甜！雞肉嫩滑！🌸 焦糖鮮菠蘿（2串）、原隻大啡菇（2隻）鮮菠蘿燒得焦香，非常多汁，好好味！🌸 芒果沙冰超大杯，泰國芒果的清香，好飲！餐廳環境舒適，食物款式多樣、精緻，服務周到，只是地點有點隱蔽！

Book左慶祝生日，預留咗張佈置咗嘅枱更加分👍🏻彈彈炸蝦餅、炸物同牛串燒都唔錯，大部份食物質素都幾好，仲愈夜愈旺場🌟🌟🌟🌟🌟5星服務，下次會再黎😎

星期日約左朋友係尖沙咀睇戲行街, 夜晚去左嘉蘭圍既一間泰式酒吧餐廳。我哋叫左泰式生蝦, 蝦肉新鮮, 爽口彈牙, 配搭上泰式酸辣汁, 十分惹味, 蝦頭炸得香脆, 入面有好多蝦膏。泰式冬蔭功湯, 材料豐富, 有花膠大蝦秀珍菇等, 味道酸辣濃郁, 十分開胃。泰式蝦餅炸得好脆, 食落爽口彈牙, 配上泰式辣醬, 味道更佳。泰式蠔餅煎得酥脆, 唔會太厚粉, 蠔仔份量十足, 蛋香味濃, 加埋秘製醬汁更惹味。餐廳半開放式設計, 環境開揚, 我哋坐係bar檯用餐, 感覺好relax。

今日放工同朋友嚟到尖沙咀飲吓嘢食吓嘢，見到網上好多人推介呢間台式餐廳酒吧，無論係嘢食定係酒都唔錯，一直bookmark咗好耐，今日終於有機會嚟試！入到嚟感覺好chill ，同一般酒吧差唔多，但係以泰式嘢食主打嘅酒吧真係第一次嚟，俾我感覺好特別好新鮮。我哋嗌咗個煎安格斯西冷牛扒同埋燒豬仔骨伴薯條，牛扒我哋嗌咗五成熟，煎得啱啱好，肉質鮮嫩，粉紅色嘅牛肉非常吸引，爆曬肉汁，最特別嘅係包括埋泰式調味，酸酸地辣辣地，味道出奇地夾，都幾有驚喜，同平時西餐食開嘅牛扒完全唔同，都幾值得一試！豬仔骨係即叫即，焗得啱啱好食落層皮有少少脆，但係豬肉就幾軟熟，配埋一大兜即炸薯條，真係食到好飽好滿足，最後配埋杯tequila lemon同埋 milk chocolate同朋友一路飲一路傾偈都幾放鬆寫意，係一個唔錯嘅放鬆地方！