The Americano By Texas Burger (已結業)

荔枝角俾我嘅印象就係工廠區同香工,估唔到可以搵到水準不俗嘅egg benedict食因為星期六嘅關係,店內人客不多,環境顯得格外舒適！兩個女生可以試到嘅菜式唔多,我哋一齊share咗smoke salmon egg benedict 同埋portobello mushroom salad Egg benedict真心不錯,細心之處係喺個底同埋個煙三文魚之間夾雜住一啲好像紫菜嘅東東@@食落更添香口但又唔會太咸,而切落去嗰一下啲蛋漿湧出,真係忍唔想要映底如果嗰個伴碟嘅薯餅唔好咁乾身呢味菜就perfect喇~~另外,大啡菇食落鮮味多汁,啱曬我呢啲好菇之徙只係略嫌旁邊嘅沙律菜好似不是太新鮮...至於飲品,我點咗個rose latte,賣相幾好,飲落玫瑰味又唔會太搶,可以一試!

今日約左朋友去行街街👯點知佢介紹話去荔枝角工廈食lunch去之前仲諗工廠區乜唔係得茶記咋咩🤔好啦，又try try佢先一去到要坐貨lift（巧似巧恐怖）一出lift 就見到間餐廳入到去 咦！環境幾靚喎💕跟手就叫左一個波特菇沙律同埋三文魚egg Benedict👆🏻沙律菜唔係好新鮮咁，不過賣相同味道搭夠👆🏻隻蛋生熟度幾好，恰到好處👍🏻 三文魚分量都幾多，唔會食食下得返d包跟餐可以order $34 以下嘅飲品Over 左可以補差價，所以補錢叫左呢個Hazelnut chocolate 朱古力味好濃郁，但蓋過左hazelnut 嘅味道，不過整體都好飲嘅💕地方大，又舒適服務都唔錯同朋友仔坐下hea 下嘅好地方

咁岩係閒日黎到荔枝角有野做,諗住發掘下程班長以外既可能性。​估唔到今次搵左既餐廳都係係程班長個層, 一入去,裝修行既係工業風,空間感足夠,檯好大,坐得唔算舒服,但唔會好逼。落單有a-la-carte同set dinner 既分別, 當時因為我地唔知set dinner加既係咩湯咩飲品，稍為問左一下,問完之後諗左一陣要定唔要setdinner, 店員姐姐已經好快咁扔低我地話你諗下先喇@@最終我地想飲野就叫左一個散餐加一個set dinner. A-la-carte 我地叫左個牛肝菌risotto, 而set dinner叫左個burger. Burger set 有包到薯條, 呢到檯上已經有hinz既ketchup 同mustard 隨意加,都幾好。薯條都係香脆既。男人話Burger好食, 個漢堡都真心多肉汁，而我個risotto呢,我完全食唔到同見唔到有牛肝菌!!!! 飲品我地叫左杯Guava soda, 雖然都估係一般既soda加syrup, 但估唔到佢比想像中無咁死甜,反而可以一試。總的來說, 呢個價錢, 我會expect好少少既服務同食物質素要平均啲。店員們一直處於少少西面既狀態

落咗8號風球嘅晚上 6個人去食dinner當時得幾枱客人 所以唔駛等位分別叫咗dinner set嘅一個4號餐、三個7號同兩個8號餐dinner set有餐湯同沙律揀自己鍾意食豆腐就揀咗呢個東南亞豆腐沙律好特別嘅豆腐 類似有少少酥炸嘅感覺不過有啲朋友就覺得好重薑味可能唔食薑嘅人要留意返我自己就覺得薑味可以接受自己揀咗8號餐嘅菠蘿蝦餅漢堡好清新本身唔係好鍾意食小黃瓜但呢個幾甜幾fresh 唔錯啲薯條好值得讚 真係好好味就算擺咗一輪都仲熱同埋無冧晒嘅講返個burger 菠蘿同蝦餅真係好夾好甜嘅菠蘿加上炸嘅蝦餅中和返炸嘅感覺 無咁滯但有朋友話覺得蝦餅有啲硬份量好足 個包嘅實物係比圖中大嘅我同另一個女仔朋友都食咗好耐先食得晒真係好飽 男仔朋友都話夠晒大件都好飽4號餐係墨魚汁海鮮意粉咁朋友話份量少咗啲 但啲青口好好食仲食到成口都係墨汁話好juicy喎7號係牛肉burger佢哋都話好好食 牛肉唔會好老 叫咗3杯Peach soda 好似有少少酒味正正常常咁啦 仲有少少香草味仲有3杯凍檸水/茶 都係正常無咩特別最後就係我哋買咗蛋糕慶祝生日職員都好好人幫我哋雪住先到拎出嚟嗰陣又幫我哋點埋蠟燭咁好細心好

唔會再去餐廳雖在工廈內但環境ok地方也頗寬闊, 剛去到感覺還不錯。可惜服務差。食物並不如想像中好。 頭盤小食OK, Burger OK, 湯OK, Seafood Risotto 太咸與餐牌圖片內的海鮮有差別。點了熱飲但又冇糖，waitress 要叫了又叫才有反應（完全欠缺主動), 満枱食完的餐具碗碟多到差㸃連飲品都放不下但看見也不收！這種服務態度有更好的食物也不會再去。真失望，可惜！要客人回頭光顧，這種服務真的要不得。

和同事一起午餐，當然要選家貴價餐廳吃盡公司啦。先來一大盤開胃的沙律，許許多多酸酸甜甜的沙律菜，令我和同事二人以為自己是頭山羊，吃著永無止境的草。然後是Tiramisu Latte，不過不失，拉花不錯。接著是我期待已久的馳名漢堡。我選了菠蘿蝦堡。麵包皮沒有灑上我愛的白芝麻。多汁美味的原塊菠蘿，加上看到內裡原隻蝦的炸蝦扒，還有炸得香脆的著條，實在令人垂涎。但難怪賣過百，份量那麼大，花了許多時間食用，而且把我們吃得很撐!

放完大假， 好耐冇同同事一齊 lunch。今日，同事帶我去食好嘢。佢話去公司附近億利大廈, 其實呢座大廈有好多食肆。以前，我都試過其中幾間。我仲以為食番之前嗰幾間，佢帶我食新嘢。環境好寬敞，很舒服。今日試左2個 lunch set.Lunch set 前菜可選沙律 or 餐湯我揀左餐湯，味道濃郁我地 order 左慢煮美國牛肉絲薄餅。個 pizza 皮薄而且皮邊脆卜卜，火箭菜好新鮮，加左小小甜醋，好好味再揀左一碟肉醬闊條麵 share。濶條麵有嚼勁，肉醬味道濃郁。Lunch set 還包一杯 $34 以內飲品。呢杯cappuccino 完结了美味午餐。💕

話說好多朋友都話想試呢間餐廳 咁我就諗住試左先 ok就帶其他朋友試啦。一點半去到餐廳去到話兩位，要我坐門口ok，但入面係有好多位嫁喎，到我走個刻三點幾都無人坐嫁喎，算數啦坐正個出菜位都無所謂啦。好啦咁就開始睇menu啦，e?乜餐都無既?淨係得八定十個course可以單點$128+，咁我就望下周圍啦，見到隔離枱睇緊lunch/brunch menu喎！佢地係早我一張枱入嫁炸喎！一分鐘都無喎！咁我就問個男待應啦，我: 係米有另外一個menu嫁？可以俾份我嗎？男: 係呀，你等等。我一等就等左五分鐘都無俾我如果大家有去過就知出菜位係入單既隔離，姐係我坐左係兩樣野既中間位啦。我想再問之制，入單到個位姐姐仔好大聲咁樣鬧佢啲同事，（都話無咯！）你同我收晒啲menu唔好俾人見到！下？你當我係傻定聾呢？咁我即刻再叫個男待應啦，好野，你睇我唔到既最高境界！揮晒手叫晒唔該無視來回踱步喎！FINE! 我即時叫左另一個女待應 p.s俾人鬧個個女: 有咩幫到你？我: 我想問你地唔係有另一個menu咩？你同事應左又唔俾我。女: 今日無。我: 下？姐係今日無餐既？女: 係呀！ (72度斜角扭頭)我: 咁點解隔離枱有？

放工後與朋友原本打算在D2 place覓食，但比對面億利大廈的'德州漢堡'招牌吸引，就上去try try我就order左佢既招牌德州漢堡，漢堡夾住洋蔥圈煙肉同主角牛肉，充滿驚喜！雖然煙肉製作得有d太乾，但是牛肉相當juicy一d都唔dry配埋個醬汁，以佢既價錢跟埋一份薯條同醋瓜，真係好唔錯值得一試。 雞翼同沙律味道都不錯，美中不足既係當日咖啡機壞左，試唔到佢既咖啡，可惜。 價錢合理，環境舒適，岩哂同朋友聚會

去了長沙灣的Aeon購物，之後就在The Americano 食晚餐，鄰近地鐵站的工廈都算就腳。是天后的Texas burger分店，想試好耐架喇~~卡位可以望到街境，仲有天氣瓶裝飾。Dinner set 配$34 飲品，想點番石榴梳打，不過全部soda賣完，但竟然有menu沒有的熱情果味。熱情果再加些薄荷菜，味道都幾fresh~一個紅菜頭湯、東南亞沙律，湯味道不錯，而沙律中有豆卜特別。德州燒烤漢堡 $148來到這裡必要試的burger，賣相已經好吸引~~Burger 已預早整齊切好一半，好貼心。麵包烤得好香脆的那種，而漢堡入味鬆化，配上洋蔥圈更添惹味。西西里風情煎春雞$178一論上檯已嗅到陣陣誘人香味了雞肉仍是保持嫩滑，醬汁以芝士、蕃茄為主，惹味又開胃。是晚主菜味道十分有水準。

荔枝角工廈多，所以除左一般大型連鎖店同地鋪茶餐廳，仲有好多樓上餐廳，今次去嘅The Americano就係其中一間一入門口就發現原來佢係天后Texas Burger嘅分店食晚餐有得揀dinner set，我今次就揀左濃味車打芝士牛肉漢堡餐湯係粟米忌廉湯，有粒粒粟米，唔會太咸。而個漢堡的質素真係令人驚喜！份量比一般大，牛肉漢堡肉汁豐富，加上濃味的半溶芝士，真係絕配！旁邊的薯條一定係岩岩炸起又熱又脆身，正！不過個burger真係太大，小心食到好論盡

成日都講土地供應問題，影響晒香港的衣食住行，住而家有幾困難簡直唔洗講，提都唔想提，作為真‧香港人的你同我完全可以心照，但香港人另一方面最叻的就係逆境自強玩食腦，食方面又有咩影響? 咪就係鋪租貴到一個點，大家紛紛都向上發展，講緊的向上當然唔係大陸，係講緊工廠樓上鋪個人認為工廠樓上鋪除左個大堂同部電梯核突左少少之外，其實好處都幾多，租平地方大之餘，仲唔洗個餐廳門口對正馬路食廢氣一睇係咪就明晒咩叫地方夠大，試問如果你唔係大集團，有幾可可以係地鋪租到咁大個鋪位？今日好早就到左，到達的時候仲係無咩人，但半個鐘後已經差唔多坐滿晒餐廳叫AMERICANO，名副其實係食美國菜，BURGER、炸薯條、水牛城雞翼，通通都係經典代表菜色椰菜煙肉湯呢個配搭幾特別，多數餐湯唔係俾羅宋就係忌廉，椰菜煙肉湯唔係好飲到椰菜味，煙肉味較濃EARL GREY ($2)跟餐的EARL GREY只係加$2，十分抵飲，平過自己買茶包ICED VANILLA LATTE ($8)特飲加$8，冰多左少少，如果唔係雲尼拿味應該更突出，整體表現不錯經典意式羅勒肉醬闊條麵 ($138)呢個係穩陣之選，有兩塊蒜蓉包跟上，醬汁材料好豐富，有

工廈餐廳價錢實際，總有意外驚喜，早前吃了個不太滿意的漢堡，一直念念不忘此事，終於找到了一間評語不錯的，於是帶著孩子來大快朵頤！餐廳在億利工業中心1樓，一出電梯右手邊就會看到，門有點重，要用力推開，絕非上了鎖哦！進入餐廳，感覺開揚寬敞，陳設有品味。餐牌有主餐牌及Dinner set，主餐牌中的Brunch menu也能點！筆者於是點了最愛的美式班尼廸克蛋，以及點了兩個晚餐。每桌均備有茄汁、芥末等方便顧客，十分細心。套餐 - Daily Soup是日餐湯是青豆湯，豆味沒有被忌廉等調味掩蓋，也沒有草腥味，算很不錯。寶寶也喝了很多。Brunch menu - Eggs Benedict $88接著先來了Benedict，與餐牌圖文相符！以English Muffin作底，配上處理得恰到好處的煙肉（不會太硬），加上了菠菜葉，上面放了漲卜卜的水波蛋，淋上荷蘭醬，十分傳統，十分完美！配合薯餅與沙律，等不及啦！我開動了！一切開水波蛋，蛋汁一湧而出，雖以English Muffin作底但很易切開，配合來吃很好吃，但沒有想像中甜，其實此菜想給予5星，因為整體配合得很好，真的算很好吃，但因蛋汁不夠濃郁，未及

舊同事轉左新工, 難得有時間就出黎食個飯. 荔枝角工廈入面最多美食, 呢棟大廈都算數一數二, 最後揀左呢間西餐.環境好舒服, 有梳化位, 感覺唔會太迫, 可以邊食邊傾.呢度主打burger, 不過我怕食到好"論盡", 所以都係要左普通西餐dinner set.西西里香煎春雞, 一客有三塊, 個底仲有脆米, 份量十足.雞厚肉, 食落嫩滑入味, 煎過表面特別香口, 配上咸咸地既醬汁, 感覺唔漏, 無飽濟感.下面既脆米幾得意, 脆脆地, 平時較少食呢個配搭.另外要多個小食, 酥炸珍寶雞翼, 外面炸得幾脆, 雞肉滑溜, 配上燒烤醬, 味道剛好, 好開胃. Set dinner包餐飲同沙律, 咖啡香滑, 易入口.

今日有個朋友帶左我去長沙灣既工廠大廈到搵野食。真係唔講都唔知係到有甘好既野食啊。。都係第一樣。我最喜歡既咖啡。又係一杯好好飲既咖啡啊。 有好多種唔同既口味。 只係為左杯咖啡都值得黎啊!!!!第二樣好食既野就係。。 佢地既薯條啊。 真係超好食超好食。 又新鮮。好脆。 真係值得推介佢啲意粉同烤肉都好正。最重要係環境好。坐的舒服。一啲都唔迫。。唯一一個問題就係staff 好似唔多夠。。 服務有少少跟唔上。 除此之外。 樣樣都好好!