The Boathouse (已結業)

網上見到赤柱地摽結業的消息後就決定要和朋友來作最後的朝聖～餐廳座落於赤柱大街轉角位的藍屋(已被塗成黃色)，可能因為就快結業嘅關係，去到嘅時候已經坐滿晒人都要等一段時間先有戶外位。不過戶外嘅環境有啲凌亂，餐枱餐具地下都有少少污糟，而且坐低叫店員攞兩杯水叫咗幾次到最後主菜食到一半先至有......我哋叫咗兩個Lunch Special, 一個和牛漢堡同一個公司三文治雞肉卷，不包括前菜及飲品。兩個餐嘅份量以下午茶來講都算足夠，可能係一早準備定嘅關係所以兩個都唔係好夠熱，味道都叫普通；不過可以享受到赤柱大街嘅風景同氣氛已經好好～

趁住【The Boathouse】結業前嘅最後一個weekend，專登去舊地重遊食個lunch😌之前一日擔心無位，諗住打電話訂位先⋯點知打咗好多次都無人聽🤪唯有碰下運氣直接walk in，果然不出所料，店外出現少見嘅人龍😯烈日當空之下好彩唔算等咗好耐，大概十五分鐘左右就有位（限時90分鐘）。我哋order咗個【海鮮拼盤】，食物質素就算一般般都已經唔重要，重點係對住無敵靚景懷舊一番🥰

去到赤柱，見到一間黃色嘅餐廳好多人排隊，咁就排隊去試一試，食完之後先發現佢哋即將要結業，感覺好可惜！佢地成餐廳都非常之有渡假嘅感覺，而且佢牆身成間都係以黃色為主，非常之搶眼！好適合大家過嚟打卡影相，但唔知佢結業之後仲會唔會保留呢？排左一陣間再可以開入去坐低，咁我就嗌左佢哋嘅三文魚同雞肉wrap，再配合埋啤酒，簡直係一流，你望出去就已經可以見到海邊，真係一個好嘆假期！係嘢食方面，分量好大份，但係唔算話好好食！雞肉同埋三文魚都比較硬！

同老伴住港島假日最鐘意去赤柱。當中赤柱大街都係經常去嘅地方啦！早排睇新聞見倒我地久不久就去嘅the boathouse 將會結業！襯聖誕假期立即去多一次懷念一下！我地坐最下層。對住門口位置，都不斷好多人排隊等位，大家都同我一樣想臨結業幫襯多一次吧！希望有緣再見！🐟煙三文魚沙律Salmon Carpoaccio $118 ～煙三文魚同醬汁好味，唔馬虎 🦞海鮮筒配白酒汁 Bucket Assorted seafood (Large) $278 ～白酒汁🍶海鮮筒係招牌菜仍然好好味！個汁配埋蒜蓉包食一流架！青口新鮮爽口！大蜆軟硬剛好！🍝  意大利雲吞Porcini Ravioli  $162 ～略重芝士味但松露味都好香嘅！🍔和牛漢堡   Beef Burger $162～ 漢堡唔乾幾juicy. 配牛油果醬同煙肉，份量大！唔錯！

*✲ﾟ*。🍔赤柱黃色外牆三層高餐廳🙆🏻‍♀️

去過赤柱大街一定會見過呢間咁鮮艷奪目嘅餐廳😆
有室內室外座位 💁🏻‍♀️個景同外牆真係好靚 好啱打卡📷不過食物質素一般 好失望 好少會叫左都唔食哂😕 
價錢偏貴 試左一次 唔會回訪🙈和牛漢堡個包比塊漢堡嘅油整淋哂😵雖然係話係和牛 不過我覺得冇咩牛味😕蒜辣加菲蟹肉意粉只係食到橄欖油味🙊
蟹肉都得好少 完全唔值呢個價錢😞
-✨ 和牛漢堡 Wagyu Burger ($162)✨ 蒜辣加菲蟹肉意粉 Spanner Crab Spaghetti ($198)-📍The Boathouse 
赤柱赤柱大街86-88號
-#cafefoodsnap_Stanley#cafefoodsnap_burger

《廢物女孩👭食の覺醒》#赤柱篇👧🏿向左碌碌◀️◀️-🍴House club chicken tortilla wrap HKD 138比想像中大嚿 仲有薯條都比想像中多🤯睇相仲以為係細細嚿 仲驚唔夠飽🙈除左雞肉外 餡料有煙肉 小茴香 雞蛋同乾蕃茄 所以成個卷仲係包到超大一碌😂雞肉好Juicy好嫩 加上有超多小茴香 所以食落去味道好清新 感覺好健康🤤薯條炸得香香脆脆 又係食到停唔到口🙈🍴Somked salmon tortilla wrap HKD 142有煙三文魚 小茴香 羽衣甘藍 羊奶芝士同牛油果醬 又係卷到好大碌😂煙三文魚咸咸地 有好濃嘅煙熏味 加上清新嘅沙律菜 同濃郁嘅羊奶芝士 口感好有層次🤤呢款比起雞肉卷味道會較濃郁🤤🍴Wet Woody HKD 88考慮左好耐飲唔飲酒好 但係見到佢係menu張相實在太靚 最後都係決定左飲呢杯Wet woody🙈主調係peach and pineapple blended with Vodka and Spiced Rum🍸首先賣相真係好靚 有日落黃昏嘅感覺🤪味道上 最上層嘅果蓉 mix埋下層嘅酒 味道都幾match 但係就略微有少少似藥水味🙈-💡

The Boathouse係我同男朋友都好鍾意嘅餐廳，佢位於赤柱大街一角，黃色外牆好搶眼，有室外露台座位，望住個海食嘢特別舒服☺️Grilled steak本身醃得幾入味，加埋炒洋蔥同芝士蘑菇食落好香口，麵包亦有烘過，比預期中更好食。配菜嘅薯條亦都好好味，加啲胡椒調味或者點茄汁一樣正，食唔停口。嚟到啲咁chill又有外國feel嘅地方就想嗌番份Fish and Chips～依度嘅炸魚薯條份量好多，有tartar sauce、malt vinegar同檸檬自由配搭。炸魚唧咗檸檬汁清新解膩，炸粉唔厚亦都炸得好脆冇分離，同麥芽醋幾夾，點他他醬就更惹味。吹住海風傾下計飲番杯smoothie同啤酒，咁先係放假加嘛😌

原先book左8點鐘開始晚飯，差不多8點45分先到達，好在待應哥哥話無問題，即時入場叫野食，叫左海鮮桶，安格斯牛扒，蟹肉多士，烤羊架，海鮮桶入面既海鮮食得出好新鮮下，蝦，青口，蜆肉，味道鮮甜，佢個白汁同D海鮮好夾下，真係值得推介既，安格斯牛扒，唔算好厚切，正常厚度，有咬口，唔會咬唔開，薯條熱既，真係有炸過既，蟹肉多士都幾好食，不過size就細咗少少，烤羊架都唔錯，完全冇羶味，加埋佢果D醬，都幾好食😋到左切生日蛋糕，影返張大合照既時候，隔離枱兩位好靚既小姐姐好好人，主動幫我地揸機影，真係非常之唔該晒😘，如果兩位小姐有睇到我呢個post，記得留個言，留低聯絡方法，有小禮物送返俾你，最後大家食埋蛋糕，10點收工走人，開心哂😆😆😆

📍Stanley📍...我覺得萬聖節可以去睇人扮鬼扮馬就好似一年一度既大事咁🙇🏻‍♀️🙇🏻‍♀️🙇🏻‍♀️🙇🏻‍♀️🙇🏻‍♀️而且好多時都見到好多化妝好叻既人好得意的👼🏻👼🏻👼🏻但要我呢個老人家逼去中環絕對係mission impossible 😣😣😣🙇🏻‍♀️🙇🏻‍♀️🙇🏻‍♀️ 所以去左赤柱💁‍♀️ 呢邊沿路上唔多人扮鬼扮馬😯😯😯不過好多qq ge french bulldog 👼🏻👼🏻👼🏻我見到至少有10隻🥺🥺🥺🥺.. .📍海鮮盤💰33x.00📌 6.9 / 10分呢盤有冰既海鮮盤係signature 黎👼🏻👼🏻👼🏻佢入邊有青口， 龍蝦仔， 普通我地屋企炒個種橙魷殻蝦， 帶子， 帶子鮮甜， 其他海鮮正常， 龍蝦比較遜色， 有小小小小小既鞋口， 點醋， 辣椒醬食的呀😃😃...📍 牛肋骨💰2xx.00📌 7.6 / 10 分牛肋骨入邊有4舊， 每舊都好入味👼🏻👼🏻👼🏻入邊仲有蘿蔔同好creamy薯泥， 一大淡咁食好Nom Nom Nom nom nom 😊😊😊😊😊———————————————————————.📌環境：7 / 10分 （ 咁岩坐rooftop 最邊既位👼🏻👼🏻👼🏻， 吹風吹到頭甩😂

揸車入咗赤柱，就梗係要試吓呢間打卡必到餐廳！訂咗6點，早咗去，平日冇咁人所以都可以早入座。實際真實reception唔知係咩，求其搵咗個位入去，只見一個菲籍女士座咗係度，就同佢講訂咗位啦，之後就咁叫我哋上去，但餐廳有3層，佢又冇講邊層先係🤦🏻‍♂️🤦🏻‍♂️但上到去之後其他員工其實都唔錯，主要都係外籍嘅。我同朋友叫咗海鮮桶、沙律🥗，同一個扒。海鮮桶確係有哂3款嘢，但得2隻蝦，唔夠喉。沙律就清新開胃，平平無奇。扒叫咗5成，但都係香港一貫作風，太熟！好在最尾甜品補返數。呢啲打卡餐廳真係嚟一次就夠，其實隔離仲有好多嘢揀，如果再去真係可以試！

放假幫女友慶生，出唔到國去赤柱逛逛遠離都市侷促感覺，而用餐赤柱都有不少選擇，見小黃屋分類為慶祝紀念日好選擇，就揀左作為晚餐地點。我亦有在預約時標明是為寫上為女友慶祝生日。可能我地於平日到赤柱，無論行街定食飯都唔多人。雖然比起預約時間早15分鐘到，侍應亦先安排我地先坐下，等佢地整理好窗邊座位再安排調位。由於係慶生，價錢唔係最大考慮，最緊要食得開心，兩個人食到既菜色亦有限，好彩女友都非常滿意美中不知係見唔到其他食評提及的 death by chocolate 可以點，亦未見有生日寫盤，後來翻查可能預約時用英文寫上要求會比較容易處理，最後我地點左個lava cake, 我覺得都算得上係甜品推薦。晚餐整體感覺唔錯

下午2點幾的假期都要排10 mins 先有位Wagyu Beef Burger $162最多人叫呢個餐叫左7成 但都係有D 乾 有D鞋口Burger 來講真係麻麻薯條係新鮮炸 好脆 好好食Truffle Ravioli $162呢個唔係Lunch menu Truffle 都幾香 幾濃意大利雲吞煮得剛好 汁份量的控制都唔錯但唔知點解咬到d 類似蟹殼的硬物仲要咬到幾次好多人來呢到食野打卡 但其實赤柱來講有更加多好的選擇非常一般

星期一放假，入左赤柱high tea, 想試小黃屋好耐喇，見今日唔多人於是入去tea 一tea, 由於食左早餐都冇幾耐，所以只點左兩個小食一個湯，粟米濃湯，好濃好甜，唔係一般罐頭湯嚟，蟹肉多士，有驚喜，個sauce 好好味，雜錦海鮮桶，個藍青口好正，整體來講樣樣都好滿意。環境算唔錯，可惜坐唔倒window seat, 啲侍應都好有禮貌，一坐低就比左一啲白色紙袋你放口罩用，下次一定要嚟試下佢哋啲晚餐水準。

赤柱藍屋都變左黃屋啦。諗起巨輪呢首歌，”時代變，人物風景都改變” “時代變，又一間消失小店” 呢度Menu算少選擇，同埋Lunch竟然冇Set😅叫左煙三文魚墨西哥卷$142，如果唔計偏咸既薯條，都算幾清新健康既，煙三文魚配羊奶芝士，係我的最愛，食呢個冇個輸。和牛漢堡$162，叫個時俾人問漢堡要幾成熟，如果唔想下場慘，叫全熟啦😂呢個和牛扒唔錯，牛味濃重，仲好juicy，配搭牛油果醬，脆香煙肉同洋蔥👍的確幾出色

疫情咁鬱悶，一於遠征一下去赤柱。入左去一間好顯眼既黃色小屋🏡，呢到欣賞到海景又可以吹下海風🌀，浪漫又舒暢，同男朋友👩‍❤️‍👨重拾一下拍拖既感覺。💓 和牛漢堡🍔：入面有和牛、煙肉、洋蔥、番茄、生菜、牛油果醬同埋車打芝士🧀我揀左要medium well，食落好juicy🤤因為太足料，我將個🍔分開左4舊黎食😂😆💓煙三文魚墨西哥卷 ：入面有小茴香、羽衣甘藍、煙三文魚、羊奶芝士同埋牛油果醬🥑呢個食落覺得好Fresh，唔會覺得好膩❗以上2款都配埋🍟嫁☺️炸得好酥脆好香、薯味又濃🤤💡Lunch menu唔包飲品，須另外加配。加＄20就有凍檸水、檸茶，但感覺加＄40要杯白酒🍸抵好多😛