影片
開飯介紹
這本土咖啡連鎖店是caffè HABITŪ的姊妹品牌，於2012年成立，以自家烘焙的咖啡豆沖泡精品咖啡，並供應多款西式熱食，讓你休閒地用餐。
繼續閱讀
營業時間
今日營業
09:00 - 22:00
星期一至五
09:00 - 22:00
星期六至日
10:00 - 22:00
公眾假期
10:00 - 22:00
以上資料只供參考, 請與餐廳確認詳情
今日一個人去完朗豪坊樓上office處理一些事務，之後到了朗豪坊搵食。看到這間餐廳的餐牌美食都不錯，而且有set dinner，又有前菜，又有主食等等～啱晒我。看過set dinner Menu~非常有彈性，可以選沙律或湯，之後揀一款主食，再可以決定加不加配小吃和甜品。我點了一款主食跟小食首先講一講餐飲～我點了一杯English Breakfast Tea,茶味香濃，有別於一般飲開的茶，又清又純，茶香撲鼻，非常不錯。我點選了配沙律，沙律菜清新爽口，配上醬汁酸酸甜甜的非常開胃，作為前菜一流。小食方面就是蟹肉野菜餅，兩件金黃色的蟹肉野菜餅，外皮脆卜卜的，切開之後非常豐富，放到口中，濃濃蟹味，而且口感帶點像薯蓉的，吃起來非常豐富。最欣賞是這個口感外脆內軟，濃郁又惹味的金黃小食。配埋醬汁更為惹味。這個小食非常推薦。主食～軟滑蛋黃醬配雲吞皮，賣相非常吸引，仲有一隻水波蛋鋪在雲吞皮上方，把蛋拌勻雲吞皮，雲吞皮半蛋汁又香又嫩滑，而且這個菜式非常的特別，雲吞皮又滑又有口感，大大片的，滑而不膩，十分特別。沒想到雲吞皮都可以做到這一道美味的菜式，有時試一試新口感，好過每一次都總是在吃意粉和通粉。除了有濃郁的蛋汁外，還有配上多汁菇類，菇類配上雲吞皮都是絕配。這道菜式非常豐富，而且很飽肚，又美味又滿足。餐廳的咖啡也相當有名，下次到來可以一試。
繼續閱讀
The coffee academics 📍位於旺角朗豪坊四樓13 號舖，電梯一上左邊就見到，餐廳位於4樓嘅一個角落，又有一排落地玻璃望出去，平台好適合朋友聚會傾偈裝飾以黑色為主，感覺高級又特別，用QR code落單簡單又方便韓式泡菜牛肉薄餅$168泡菜的辛辣刺激獨特的酸味，這種酸爽與牛肉很夾，牛肉經過精心調味和煎烤後，肉質鮮嫩，與薄餅的柔軟結合，牛肉的香氣與泡菜的獨特香味交織，香氣四溢，薄餅外層的酥脆與內餡的柔軟形成了完美的口感對比，讓每一口都充滿驚喜，加埋薄餅上面嘅芝麻更加香口味藍蟹肉牛油果沙律搭配煙三文魚$148+$25藍蟹肉的鮮甜味道，蟹肉在最底，份量相當多，牛油果的綿滑口感，夠新鮮，煙三文魚有3 大片，鹹香味道與藍蟹肉相得益彰，為沙律帶來了驚喜，搭配新鮮蔬菜，沙律中的清爽的感覺，海鮮的香氣與煙熏的獨特味道相互交融，十分好味Dirty 深層咖啡☕️嚟到咖啡店當然唔少得叫返杯咖啡享受一下，味道濃郁, 加埋奶味重嘅牛奶，真係香噴噴，真係又香又濃入口味道又夠厚喜歡咖啡的客人一定要來試一試
繼續閱讀
今日行朗豪坊，路過咁多次都無為意呢到有間coffee academics，見佢開左咁多分店都無試過，今日就睇下有咩食朗豪坊呢間裝修得幾靚好有feel，燈光柔和但成個感覺好high classcoconut water cold brew 🥥 ，果然主打咖啡既鋪頭飲落啲咖啡係香好多，飲落有點微酸，椰水味唔會好重蓋過左咖啡既味，好特別呢間麥蘆卡蜂蜜鮮奶咖啡更加吸引，先唔講佢用左紅酒杯裝，見到用麥蘆卡整咖啡真係首次！好明顯飲到有麥蘆卡蜂蜜個啲粒粒口感同甜味，不過呢個咖啡味就反而唔是太明顯，整體黎講幾好飲野食方面都唔差，感覺偏向走健康路線喇沙大蝦元貝意大利粉，意外驚喜係原來仲有好多腐卜，係人都知配喇沙一流！喇沙味好濃郁，特別係啲腐卜入晒味好正！估唔到喇沙都可以咁食牛油果蟹肉沙律，蟹肉都幾多，唔係淨係求其加啲沙律菜就算，可以睇得出花左心思配搭，顏色多元化睇落好靚，沙律醋份量岩岩好唔會太濕慢煮無激素雞胸，勁軟身一啲都唔硬，調味亦好足！
繼續閱讀
今日同friend去咗旺角朗豪坊嘅Coffee Academics hea吓，呢間cafe出名西餐同精品咖啡，今次試咗幾款招牌菜真係有驚喜！店內外裝修用左黑白調，走型格cafe路線🤟呢到亦支持手機落單勁方便野食方面首先必推個✨帶子大蝦喇沙意粉✨！諗住喇沙湯底配意粉會好怪，點知超夾！濃濃椰香加少少辣勁惹味，帶子同虎蝦大隻到嚇親人，咬落彈牙又鮮甜。最正係意粉吸晒湯汁，食完成個嘴都係喇沙香，fusion得嚟好有心思～藍蟹肉沙律🥗都唔輸蝕！滿滿嘅蟹肉鋪加上新鮮繽紛既沙律菜同蕃茄仔，食落鮮甜唔腥。配埋自家秘製醬汁，酸酸甜甜好開胃、口感好豐富！健康得嚟又唔會寡❤️想加啲protein叫左慢煮無激素雞胸肉，估唔到都可以咁嫩滑！咬落仲有肉汁，簡單配少少調味粉已經夠好味，最啱健身人士同食開清淡嘅人～咖啡控要試✨麥蘆卡蜂蜜鮮奶咖啡☕！蜜糖甜味同咖啡苦味平衡得啱啱好，飲完成個人甜入心💛朋友嗌嘅椰水🥥美式都好特別，椰子清香中和咗咖啡嘅澀味，夏天飲應該仲正！
繼續閱讀
見到咁多分店又順便經過就試一試 見到餐牌價錢都唔平 睇下值唔值TCA House bleand 話係一杯fruity味重嘅咖啡 自家拼配咖啡豆 味道都幾難入口 偏酸而且帶點奇怪花香味 我覺得完全唔夾 俾唔到清新感 只有酸澀味不帶任何咖啡香 不過喱杯平日tea set包埋就算 額外付42蚊真係唔值或者我唔識欣賞特濃咖啡牛油班戟喱個特別之處係嚿牛油係充滿咖啡香氣 俾你放上班戟等佢慢溶 令班戟充滿咖啡味 味道做得唔錯 敗筆在於件班戟質地唔靚 雖未至於一pat溶咗嘅粉 但又唔係鬆軟 偏薄身 面頭配搭幾粒杏圃同開心果醉 我覺得有啲多餘 既提升唔到佢嘅味道 又唔係for外觀 只能歸功於咖啡牛油救到佢 賣98 雖然唔算好貴 但喱個質素同咁細份絕對唔值 水煮蛋牛油果多士喱個個樣唔錯 切開個蛋漏出滿滿蛋黃汁 配三文魚 三文魚子同沙律菜 其實味道應該可以好好味 但又敗筆於啲三文魚子 好腥 破壞哂成個味道 108 嘅價錢咁嘅質素 搞唔掂嘢飲嗌咗杯 Dark Mocha 可可味濃 不過又唔算十分出色 咖啡同朱古力配搭應該唔會錯 但無令人有驚喜 話哂都值52蚊 總括嚟講 喱個質素完全唔值喱個價錢 或者我對佢有啲期望 但實在係失望 開到咁多分店無理由咁架 或者係我唔識揀好味嘅嚟食
繼續閱讀