影片
港鐵尖沙咀/尖東站 B1/ N5 出口
繼續閱讀
營業時間
星期一至四
11:00 - 22:30
星期五至六
11:30 - 23:30
星期日
11:00 - 22:00
以上資料只供參考, 請與餐廳確認詳情
招牌菜
買左10:25飛同男友睇戲,見仲有成個鐘,我地又唔多肚餓,經過呢度就諗住食件cake坐陣啦~因為個陣時候都唔早,所以cake的選擇真係唔多~我地簡左Strawberry Light Cheese同Yuzu Cheesecake,店員問我地有冇the one戲飛,原來有9折~正!不得不讚的係店員好nice好有耐性~Yuzu Cheesecake有淡淡的柚子味,食落唔會太甜Strawberry Light Cheese我同男友都勁讚!個草莓醬實在太好食啦~加埋軟棉棉的芝士餅底, 食多幾件都得~!總括黎講.呢度坐得幾舒服,服務同食物都唔錯,下次經過會再黎~
繼續閱讀
約左老友睇戲, 諗住未夠時間行下街, 但老友又話呢排返工辛苦, 咁啱就停左喺The Coffee Room 門口，首先第一個讚係店員，佢見我地望緊Ｄ蛋糕，佢好主動咁遞兩個MENU俾我地睇，仲嘗試去介紹我地有咩好飲。個個主動又唔會好乞人憎好似BOUTIQUE嗰D SALES咁。然後我地兩個就商量一下要唔要坐低。見到有兩個圓碌碌既蛋糕，名又唔太識就去問下佢咩黎。好似話係法國黎既蛋糕，老友超級祟法就話要一個。咁我就揀左另一款朱古力榛子既蛋糕。然後我問店員有冇咩特別又提神既嘢飲，佢就話齋啡有手沖，Espresso 同D我唔記得既嘢。但今日又唔想飲熱嘢, 就試下個Espresso Pop。個店員再三確定我係咪要呢杯嘢飲，佢話味道會比較重，同埋因為汽水本身既汽會令到個Creama(?)會厚身左，會甘苦味會比較出，然後先飲到本身個味同埋汽水既味。好似幾得意咁，所以都照嗌。店員叫左我先坐低，然後會送啲嘢過黎俾我地。先嚟2件蛋糕，店員原來冇同我地講，本身白舐晒既蛋糕，原來會用火槍燒左個面先拎出黎。個面有少少焦幾香口，但個蛋白依然好滑，唔會好甜，個心有少少海綿蛋糕，不過有少少濕。我個朱古力榛子，好香榛子味，差唔多啖啖都有ＮＵＴＳ，佢中間有少少好似檸檬同橙既味，ＢＡＬＡＮＣＥ返本身朱古力既甜。最後個咖啡。。。。當我地喺度食蛋糕既時候，先醒起要睇OpenRice。。。見到有人飲過呢杯嘢，話有怪味。。會心頓時，沈左！當佢黎到我面前，我先有少少怯，所以由老友先去代我試味。我見到佢個樣，我唔知到底係好飲，定唔好飲。所以我再試，然後我。。。唔知點去講。老友突然開聲話，好似佢嗰時喺法國飲既一樣。個泡，聞落係可樂既甜，但係飲落去，個泡，好滑，但又好強既咖啡味，少少苦，但又帶Ｄ甜，再飲落個咖啡，佢冇平時飲嗰Ｄ好苦既Espresso既味，反而會有少少酸，然後佢有Ｄ唔似可樂既汽，好似再細粒Ｄ既泡炸左條脷，好刺激。最後我杯嘢，係比我老友搶左黎飲，然後我得返半罐可樂老友話左要將呢度加入佢個LIST，話Ｄ嘢食好似返左法國咁。。食個甜品啫，唔駛變思鄉呀？
繼續閱讀
預左朋友仔遲到，所以就算超過 30 分鐘心情依然平靜。等到呆晒又行到無野再行，唯有是但坐低飲杯咖啡好過啦。剛剛好見到有間 cafe 咪求其叫杯野休息吓，有 Espresso 喎，啱晒。Espresso Pop，可樂溝濃縮齋啡？店員有責任心地收錢前先向我介紹清楚，讚。唔係掛！真係可樂溝濃縮齋啡？無緊要，做食家最緊要有冒險精神！黎就黎啦！有氣齋啡，撞埋有種澀味又帶點薑味，怪怪的！夠難飲實夠晒提神啦，咖啡因上再加咖啡因，數係咁計既，但我只飲到一半，實在有點難入口，唔啱口味。
繼續閱讀
雖然d位好開揚 不過買杯咖啡坐幾耐都得夠暢快！試左Americano34蚊一杯價錢合理！味道唔會太苦澀對我黎講岩飲不過聞落就無乜特別咖啡香但呢度勝左夠causal個店員都唔會理你坐幾耐下次幾個女仔想傾計會再黎呢度！
繼續閱讀
在The One的五樓有一個小小的角落，有一間少少的coffee shop。當天跟一眾友人相約吃一個豐富晚飯，在這之前我們到處逛了逛。逛到有點兒累了，就不自覺地想找個地方休息一下。突然就看到了她，「The coffe room」。當時是下午四時多，有數檯客人，但不爆滿。這店採用了半自助形式，先到櫃檯付款，後有店員送來咖啡。而且是有最低消費。我們也點了每人一杯咖啡，沒有點另外的蛋糕甚麼的。Caramel Latte X 2這杯我覺得相當好喝。奶和咖啡的比例做得很好，奶泡細滑，潤喉。焦糖味不重，不會很甜，喜歡喝一點點甜的人會好喜歡。Rose Latte是朋友點的，她說一般，比Habitu的差很多，味很淡。Rose Latte Skimmed Milk比Rose Latte更淡味，完全喝不出有玫瑰味在裡面。但對我個人來言，我是蠻喜歡她們家的咖啡。但有一點，就是杯碟的配色問題上…一套咖啡杯碟，最好看的是一套，同一種顏色。但我們來了四杯的咖啡，沒有一套是配同色的。如果是這店的主意，要把咖啡杯與杯碟錯配的話，那麼，我是覺得相當失敗。原本很美的天藍色配上鮮黃色，有說不出的怪。而酒紅色配天藍色…唉…另外最後有一小段要說，就是店員的服務態度。有一男店員的態度真的必需改善，如果還沒有睡醒就上班，對店的名聲會有很大的影響。我跟這位男店員說了四遍我要點甚麼咖啡，我朋友也說…她也要說好幾遍他才聽得到。而且樣子極度不耐煩的，令人反感。
繼續閱讀