The Cool Cousins Cafe & Noodle Bar

營業中

休息中

出開觀塘當然要試下之前已bookmark 既餐廳la, 餐廳內有一d 好特別既poster 裝飾，店主good taste👍打開menu 真係有選擇困難ga, 樣樣都好正咁，最終就試左IC 水牛城炸雞burger, 果然不負所望🤩一黎到已經比個勁厚既外型吸引左。講下個burger 先，上下層麵包好有心機地用牛油煎到香脆再加埋大量既楓糖，齋食包都好好食。中間夾左兩大球gelato 同一大舊炸到好脆又淋左滿滿水牛城醬既炸雞🤤 本人非常鐘意鹹甜一齊食既效果，真係好正。成個lunch set 除左burger 仲跟埋薯條，沙律仲有冷泡茶。真係非常飽肚。超推薦lee 間餐廳，如果大家鐘意鹹甜鹹甜既感覺絕對唔可以錯過呀！

想去觀塘覓食，又想要性價比高、食物款式選擇夠多、高性價比……；於是小妹波波決定去駱駝漆大廈覓食店內唔止播放歐美舊歌，而且更掛滿一幅幅油畫、海報及一張張嘅明信片，令成間店嘅藝術氣息瞬間提升🍔🍔🍔🍔🍔招牌72小時安格斯小排漢堡🍔 + 黑松露雙重芝士薯條🍟（$147）塗滿牛油嘅麵包經過輕輕烘焗過後，啖啖都滲出淡淡牛油香，而且口感外脆內軟～經過慢煮嘅安格斯牛小排口感軟滑得嚟又夠晒Juicy，而且配上手工芝士 + 自製煙燻BBQ汁、墨西哥辣椒，仲有羽衣甘藍、焦糖洋蔥……等配料，啱啱好中和翻牛小排嘅油膩感至於薯條，擺耐咗都唔會變得太腍身；不過小妹略嫌黑松露芝士醬質地太稀😓，而且薯條唔太掛醬日本新加利亞麥茶🌾 $15🍔🍔🍔🍔🍔小妹覺得店員嘅服務細心、有禮，而且每枱桌都放有隔板，令食客與食客之間都有少許距離；總括嚟講，呢間小店的確值得我再次幫襯😊💕

😌 小編自從冇喺觀塘一帶打滾，就已經甚少嚟依區覓食，連約朋友飯聚都好少揀依區。咁啱早排幫朋友去工廈拎嘢，就上網search定餐廳，順理成章食埋lunch再周圍行下～ 🤓🍜 香煎法式鴨髀 · 金邊粉 · 冬蔭茄湯 😋😋😋😋湯麵一到就已經聞到好濃烈嘅冬蔭香料味，但出奇地湯頭一啲都唔辣，夾雜住香料嘅番茄🍅蓉湯，飲落有鮮茄甜味，比想像中清淡 😲 金邊粉煮得軟熟，每次夾起都掛滿湯底嘅香料；🦆法式鴨髀好香，唔油而乾身，肉質容易咬開；炸豬皮夠脆口、夠長、夠多；醃蘿蔔為湯底帶嚟微微酸度 ☺️午餐 💵💵 約港幣$90/人💁🏻‍♀️ QR code落單後等咗大約15分鐘就上枱，周末午市嚟到，都有近半街外客入座，坐嘅地方唔會好逼。佢哋嘅漢堡包🍔係招牌菜，有興趣可以睇下menu啱唔啱食～🙆🏻‍♀️ 最後，喜歡嘅話，歡迎follow @foodirectory.hk ！

又來到觀塘的駱駝漆大廈，今天和朋友來到在這個覓食聖地，決定試試一間以創意漢堡為主打的餐廳 🍔😋😋 初次打開餐牌，就被琳琅滿目的選擇吸引住，幾乎每款漢堡都有獨特的配搭，與一般餐廳常見的選項截然不同，令人一度眼花繚亂。最後，我們選了兩款漢堡，再搭配兩款特色小食share~ 🤭1. Smoked BBQ Brisket Burger 🥩✨牛腩肉經過燻烤處理，散發煙燻香氣，配上滿滿的BBQ醬汁，每一口都充滿層次感。牛肉的質感令人驚喜，外層微焦，內裡卻保留了豐富的肉汁。調味方面略偏重口味，對喜歡濃郁風味的人來說，絕對是一個不容錯過的選擇。裡面亦有芥末和酸瓜搭配，有助解膩 👍🏻2. 蕃薯條 + 花生醬 ❤️這款搭配堪稱「邪惡熱量爆炸組合」，但同時也是最大的驚喜 🔥 酥脆的蕃薯條本身帶有一絲自然甜味，配上濃郁的花生醬，甜中帶鹹，粗粒花生口感豐富。這種創意的配搭在其他地方不常見，對於喜歡嘗新的食客，絕對會是一個讓人眼前一亮的選擇 🤭🤭 3. 薯條 + 黑松露芝士 🍟相比起前兩款，這道小食的表現就稍顯普通。薯條黑松露的香氣不算突出，芝士的濃郁感亦一般。需要特別注意的是，這道小食一定要趁熱吃，因為一旦芝士

🏷️The Cool Cousins Cafe & Noodle Bar🍔📍觀塘開源道60號駱駝漆大廈第三座11樓J室(港鐵觀塘站B2出口，步行約3分鐘)📞3425 4611由上年見到YouTuber介紹佢個雪糕炸雞burger ，就一直心思思想一試究竟😋終於有時間過嚟trytry，即刻同男友一人一個填填肚仔🤎小店用Qr code落單，每個漢堡即叫即整，等大約15mins🤎熱辣辣🌞一坐低就見到呢個我心心念念既雪糕炸雞burger ($129)🌝一嚟到我即刻哇…賣相超級吸引😳😳伴碟就揀左同樣被推薦既花生楓糖蕃薯條🍠(跟餐+$23)超級邪惡！伴碟沙律不過不失🥹Burger 唔好諗住可以一啖咬曬，因為厚到根本冇可能🤣我先咬左啖雞，水牛城醬好突出，加埋雪糕既甜，岩岩好可以中和一下，但略嫌會令到成個漢堡濕得滯，而且冰火效果唔出，但整體連埋一齊食，食用效果好特別🌝 推薦指數3️⃣/5️⃣相反蕃薯條連楓糖花生醬幾特別，如果脆啲就更加理想，食下食都食晒成碟🤣推薦指數3️⃣.5️⃣/5️⃣呢個「招牌 72 小時安格斯牛小排漢堡」（$129）果然可以叫做招牌🤣因為一咬落去肉汁即刻咇曬出嚟，同男朋友即刻搶食，個人食落覺得有啲似B

🇹🇭🥢🍜令人難忘嘅冬陰功🔔QR code 點餐✅香煎法式鴨脾•金邊粉 • 冬蔭茄湯•泰式魚餅 -$98隻鴨髀真係煎得好靚，皮香肉嫩，調味剛好，好好味😋。另外係為咗冬蔭茄湯，所以再訪呢一間店，個湯雖然好紅，但係其實唔辣，反而係有蕃茄嘅酸味加埋冬陰功嘅酸味，好香濃得黎亦好開胃。配料亦都有好多，除咗好多蕃茄肉、仲有兩片酸蘿蔔、芽菜、芫荽、炸豬皮、蔥。另外亦都有兩塊泰式魚餅另上，有少少辣，但係都好香口。浸湯食或者就咁食都得。✅牛油果法式鴨脾布里漢堡 -$138呢個漢堡係我朋友食，我自己就冇試，不過個樣真係好靚，個包睇落好軟熟，好吸引亦都好足料。有好厚嘅牛油果醬、去骨嘅鴨髀片、墨西哥粟米片、紫椰菜、芝士等。跟餐仲有有薯條同埋羽衣甘藍沙律，薯條幾脆口幾好食。✅飲品會送一杯免費嘅飲品熱嘅話係綠茶，凍嘅話係香橙紅茶。

Bookmark左好耐呢間burger，咁啱今日5半係觀塘，諗住咁早應該唔洗等位就黎試下！時間尚早，得我一個客，樓面超熱心，服務好到好似去左高級餐廳咁😂句頭唔好意思句尾唔該曬。俾左個二人位我。Menu唔洗點睇，係衝著吞拿魚扒黎嘅！餐有跟飲品同薯條，飲品只有冷熱茶唔洗加錢，揀左凍茶，正正常常，算大杯。薯條加錢有各種加料，全部都幾吸引，揀左花生醬。一上菜，我手機已經按捺不住，真係大大份！😍好香！包面有烤過，脆卜卜，印左店名，微妙嘅儀式感😂味道係唔錯！扒有魚味、唔腥，冇想像中鮮，不過算係雞蛋裏挑骨頭，實在已經係唔錯。加埋有啲脆脆係入面，醬汁量適中，唔會乾，又唔會爆漏汁/浸淋個包。作為熱量愛好者嘅我非常期待亦非常滿意嘅係呢個！花生醬蕃薯條！蕃薯條夠脆唔油，花生醬又香又濃，仲有粒粒花生碎☺️實在係完美！光速清左盤，大滿足！😇我係算大食同鍾意食heavy野😂如果正常女仔食量可能會食唔曬，可能可以嗌啲小食再share，花生醬有機會會覺得膩啲，可以試下其他薯條，睇落都吸引，例如手撕豬薯條，估計都唔錯。

The Cool Cousins Cafe & Noodle Bar📍：觀塘開源道60號駱駝漆大廈第三座11樓J室🚗：觀塘地鐵B2出口 步行3分鐘📞：+852 3425-4611💲：~HKD80-130/head for lunchFood quality✔️：香煎法式鴨脾、烤大啡菇黑松露芝士牛肉漢堡、招牌72小時安格斯牛小排漢堡總結：😋一間極重口味嘅漢堡店 位處工廈但價錢都冇話特別抵 不過食物🥘非常足料又惹味 係濃味人士必試點😋漢堡試咗烤大啡菇黑松露芝士牛肉漢堡同招牌72小時安格斯牛小排漢堡 兩個都好好食 但係厚到基本冇可能一啖食得哂 大啡菇🍄‍🟫非常juicy 爆汁黑松露味都好重 漢堡厚身牛味都濃 好惹味😋招牌72小時安格斯牛小排漢堡係牛味濃郁x10之選 我個人鍾意淡口味會推薦大啡菇 呢個比較啱男士啖啖肉夠哂滿意👍🏼😋主要係賣漢堡但唔知點解會有法國菜香煎法式鴨脾賣🤣 呢個好驚喜 但真係非常重口味到食到最尾會膩 女士建議同朋友share🤔午市款式冇話特別多 就係7款漢堡同2款麵 跟餐有薯條🍟或熱/冰茶 亦都可以加錢叫特飲😨環境可以話冇裝修可言 以呢個定價環境就唔合格了 另外預約咗準時到

♨️其實已經相隔一段時間，未有品嚐佢哋嘅漢堡。今日第一次嘗試烤吞拿魚扒莎莎漢堡。一上枱，三文魚扒嘅暗粉紅色賣相就讓人垂涎欲滴。一口咬落去，更加係驚喜連連，彷彿正在品嚐新鮮刺身，肉質肥厚鬆化。搭配微甜軟嫩嘅洋蔥、爽脆紫椰菜，再加上酸甜嘅莎莎醬，整體感覺清新爽朗，層次分明，別有一番鮮甜滋味。♨️再次品嚐72小時安格斯牛小排漢堡，依然讓人驚艷。牛肉味道濃厚，肉質鬆軟。一口咬落去，BBQ醬汁爆滿口腔，完美地提升左整體風味。焦糖洋蔥混合烤蘑菇，香氣撲鼻，同羽衣甘藍嘅爽脆口感形成絕妙嘅對比。濃郁芝士更為呢款漢堡增添左豐富嘅層次感。漢堡包塗上牛油，微焦香濃，又不失令人愉快嘅鬆軟感覺，整體份量十足，讓人每一口都回味無窮。♨️伴碟薯條亦值得一讚，薯條飽滿粗壯，而且仍然保持一定暖度，金黃酥脆，再加上酸酸甜甜嘅沙律點綴其中，更增添幾分健康感覺。

呢間啲裝修設計branding都好靚。不過啲漢堡價位好高，最平嗰個都要$108，冇得單叫，選擇唔跟薯條、沙律、飲品，對細食嘅我太不friendly但我又好想試佢啲漢堡。烤大啡菇黑松露芝士牛肉漢堡視覺上好吸引，芝士流晒出嚟。啲薯條可以點啲黑松露芝士，馬上變咗黑松露芝士薯條，咁樣幾好食。啲沙律菜食得出係新鮮、貴價靚菜可惜重點來了，整個包都好乾，唔夠味，有幾點希望改善。第一，個包一啲都唔脆，煎/ 烘唔夠就夾料，好似甚至冇烘過?! (因為見到有pat黃色，應該係芥末醬喺個白雪雪嘅包底)。好失望，以為包底脆係漢堡店expect應該要有嘅第二，成個包都好乾身，牛肉冇肉汁，個包除咗黑松露芝士之外，係真係冇其他醬汁…… 唯一見到嘅可能係芥末醬，不過都俾個包吸收晒。食嘅時候，除咗溶溶哋咗嘅芝士之外，完全冇醬汁滴出嚟 個芝士雖然係流心，但完全提供唔到水份。食漢堡包嚟講冇汁滴出嚟，其實係好唔尋常。第三，黑松露芝士，但食落完全冇黑松露味，香味亦都冇，可能係比芝士嘅鹹味蓋過？但我真係食唔出有認真呢個價位期望一定係高啲，但真係用返漢堡嚟比較有更多更好味、價位仲要可以平三倍嘅選擇。 >> 觀塘漢堡推

真係好耐冇去食了👅前排見到有人po又咁岩係觀塘就上咗去食💕店員仲好nice!!要注意小店網絡較差可以入佢wifi上網🛜🔸烤大啡菇黑松露芝士牛肉漢堡🍔 $118相隔咗咁耐再去食真係充滿驚喜😳漢堡扒超大塊好足料仲要滿滿肉汁,牛味唔會過重😚而大啡菇又係多汁夾埋漢堡扒一齊真係好正🍄‍🟫黑松露醬也頗濃厚的令成個層次更豐富😚漢堡包用牛油烘過微脆,配料還有蕃茄,羽衣甘藍和生洋蔥🧅平時唔太鐘意食羽衣甘藍夾埋漢堡一齊反而可接受🥰成個包真係好大個又好好食忍唔住食哂🤭套餐還包埋了薯條和黑醋汁沙律,就正正常常~🤤好味度 : 8/10🔙回頭率 : 8/10

最近行過駱駝漆搵嘢食，見到頂層有間小店有位入去試吓，食完發現幾有驚喜，值得推薦👍🏻環境🏠成間店大概可以坐到二三十人，內部設計非常有特色，有好多好得意嘅掛畫同擺設，仲有一個櫃裝晒唔同年代麥當勞嘅非賣品，童年回憶即刻返晒嚟🤓餐廳有好多有趣嘅設計作品，等嘢食時絕對值得周圍慢慢睇吓🖼️食物🍔Ahi Tuna Salsa Burger烤吞拿魚扒莎莎漢堡漢堡一上枱已經覺得好ig-able，但份量都唔少，絕對夠飽😋呢度嘅漢堡包都有刻上店舖招牌，外觀好有心思💕漢堡包有好多配料，食落去個口味非常夾，微酸嘅莎莎醬中和咗吞拿魚扒嘅油脂，食落非常之開胃😝美中不足嘅係薯條唔夠熱，呢度扣咗少少分🙌🏻Signature 72-hour BBQ Short Rib Burger 招牌72小時安格斯牛小排漢堡呢個漢堡份量都係唔細，最搶眼嘅羽衣甘藍非常新鮮，牛小排嘅牛味都好濃郁，但最impressive反而係作為配角嘅洋蔥🧅好多漢堡都只會放生洋蔥上去，但係呢個漢堡嘅洋蔥係經過處理，食落去甜甜地，唔知係唔係用焦糖煎過？睇得出餐廳就算係配料都放咗心機去處理🫶🏻Tom Yum Noodle Soup with Classic D

工廈覓食 自從食過一次後 🧑🏽‍🦱一直念念不忘（🧑🏽‍🦱對食物既記憶猶如金魚）星期日中午時段 全場滿座相比附近食店 的確高下立見由於有對比 二訪覺得比上次遜色但我地依然支持觀塘人氣小店 @@thecoolcousinshkLunch menu主食+薯條+指定飲品薯條比以前幼身一如既往走軟稔路線喜歡食脆口薯條會失望啦而且凍凍地 比較失色⍥ 牛油果法式鴨髀布里漢堡用左布里歐漢堡 質感比較軟熟很大一個 要一啖過都唔容易每啖都食到入味又肉質軟稔既鴨髀肉調味甜甜的 夾著布里芝士 紫椰菜 牛油果醬 清新又開胃 第一次見粟米脆片加入burger口感立即被提升 食完飽左九成⍥ 烤吞拿魚扒莎莎漢堡由於史生對佢念念不忘 所以必須要encore包包橫切面相當誘人 可惜今次整體都遜色啲 上次漢堡包烘焙得極致香脆 今次個包濕濕稔稔 少失望吞拿魚扒中間呈粉嫩 黑白芝麻煎封外圍印象上次吞拿魚比較大塊 食到尾都有肉而今次魚扒細啲 而調味一如既往好⍥ 鹹檸梳打⍥ 鹹檸樂食左咁多heavy野 飲啲有氣凍野即刻cool down晒 真心爽

📍位於觀塘工廈，有次咁岩經過bookmark左，今次終於試到！我係雪糕炸雞漢堡包同吞拿魚莎莎漢堡之間掙扎左好耐，最後驚太肥揀左後面🐠而同行者就揀左期間限定既牛肉漢堡包🍔佢一上盤，個份量澎湃到大家都哇一聲！吞拿魚扒有我幾個手掌咁厚🤤再配搭埋莎莎醬，入口成件事好清新✨而且外面層包係有烘過，口感好脆，又食到有牛油味，就算就咁食一塊包都超好食😻😻我同朋友未食完成個包，都已經講緊下次要再黎食🤣價錢百幾蚊，都夠飽足成日又好滿足🥰

餐廳都幾多款揀，最後眼花繚亂之中揀咗呢一款安格斯牛小排漢堡塊肉又好有誠意，唔係啲薄薄一塊，所以成啖咬落去都啖啖肉加上醬汁的加成，連埋炒洋蔥，成個漢堡都唔算好油膩，值得一試！