影片
港鐵觀塘站 B2 出口, 步行約4分鐘
繼續閱讀
電話號碼
21109148
68884188
營業時間
今日營業
詳細營業時間
星期一
詳細營業時間
星期二
全日休息
星期三至日
詳細營業時間
*星期一至日: 12:30-21:00
星期二: 休息 不定時 休息
以上資料只供參考, 請與餐廳確認詳情
食家推介
已經太耐無去旅行, 好似已經遺忘左生蠔既味道!🥹去觀塘行街, 記得有間 "The Fat Oyster" 啲生蠔款式多又新鮮, 即刻坐低食留打先😏價錢比之前貴左好多, 同埋而家以 size 咁計, 唔想諗, 就叫左個基本餐 - 正常 size 12隻 $298!🦪 有3款生蠔, 每款4隻! 唔知係咪太耐無食, 個感覺真係正到不得了!🥹 生蠔雖然唔算大隻, 但好有肉, 好飽滿, 海水味濃, 蠔肉非常鮮甜😍食完12隻, 海水味留喺口腔中既感覺好懷念, 真係唔捨得食 / 飲其他野!🤣🤣
繼續閱讀
觀塘樓上店有呢間食生蠔同刺身海鮮嘅專門店，生蠔種類都算多，唔同大小嘅生蠔都有得揀，今次我哋揀咗🦪 𝑯𝒂𝒓𝒕𝒚 𝑰𝒓𝒊𝒔𝒉 &𝑾𝒉𝒊𝒕𝒆 𝑷𝒆𝒂𝒓𝒍 🦪，生蠔大大隻，鮮甜多汁，可以試到唔同嘅生蠔👍🏻仲試咗手指公咁大舊嘅馬糞海膽🤩呢個海膽我哋放咗落口品嚐完都讚口不絕，新鮮得來再配上佢配埋嘅豉油同wasabi，又係另一種風味👍🏻而呢度嘅員工亦都好好傾，佢哋會因應你鍾意嘅口味介紹返邊隻生蠔適合你😋
繼續閱讀
呢間其實去過好幾次, 每次都食蠔, 每次都滿意, 除咗呢次, 但偏偏係我特登帶朋友黎試嘅呢次先黎唔得. 激死人. 我地點咗個下午茶B餐同劍魚腩刺身.下午茶B餐 ($268): 有愛爾蘭, 法國, 南非同法國愛爾蘭混血生蠔 + 白酒或指定飲品. d 蠔好快就到, 老闆亦有介紹食嘅次序, 好細心. 但佢今次唔介紹次序都得, 因為每隻都係得一種味 -- 鹹味/海水味. 鹹味已經完完全全蓋過蠔嘅鮮味.... 劍魚腩刺身 ($218)諗住頭先d 蠔唔得, 就希望呢個刺身好食補番數.... 但係又只有頭同尾嘅3-4 塊可以食, 因為成舊刺身都未融雪, 仲要係硬嘅. 一塊未融雪嘅刺身仲可以有乜野味道可言. 冰嘅味道. $218 食雪味, 一路食, 一路 X.
繼續閱讀
第一次惠顧大約是半年前至一年前，當時覺得女店員真係好串，講話包括：我哋呢度無其他醬，我哋係靚蠔黎，你想要食啲醬蓋住啲腥味，你哋去第二間。靚蠔落少少檸檬已經得㗎啦！事後仲有其他對話。。。。。嗯⋯⋯是挺有個性的佢講到又好似幾有道理之後二人都不太食蠔，叫了1-7試食，加$98海膽。海膽雖無十分鮮，但$98蚊叫做照出望外。唔臭少甜。懵懵懂懂之間只覺得好食😋——————-第二次惠顧，咁啱有人想影相，女店員已講不能拍照📷同樣地，又叫了1-7 兩sets。今次終於逐隻試出真味只記得幾隻味No.4 美國蠔 口感突出 鮮甜重 厚肉No.6 好肥美No.3 店員話係好多人喜歡，較creamy.其實呢度野食真係ok....我會再幫襯
繼續閱讀
零經驗寫食評，幫襯The Fat Oyster都好多年，介紹咗俾佢的朋友個個到依家都幫襯緊佢哋。今晚去咗個朋友屋企食飯，原本佢叫我介紹食蠔的鋪頭俾佢，結果見到個冰袋唔係The Fat Oyster，啲蠔又無平時咁新鮮，問朋友佢哋今日無開咩？朋友話上咗openrice見到啲食評好差，費事搏啦😅。吓，我上星期六先去完食，啱啱貨到，平時食開佢哋獨家代理愛爾蘭GG蠔，超級好味，鮮甜厚肉又濃味，跟住選埋白珍珠，問老闆娘仲有咩介紹，佢叫我選majestic, 佢話白珍珠今日無咁靚，瘦少少，如果你好想食，我GG選肥啲俾你。平時我實聽佢介紹，點知我朋友一定想食，結果上枱GG特別靚，白珍珠係瘦啲，但都新鮮。講真依家做生意好似佢咁誠實都好少㗎，加上佢哋免費開蠔，又唔衝水，開得靚，價錢又平，買一打送6隻平過出面20-30%，開咗太瘦又唔俾客，係度買一路都係信心質素保證。頭先看完啲負評，笑了😅，幫襯都無都可以評頭品足，義憤填膺。大家應該上佢個社交平台page上 thefatoyster2016看下佢哋產品每日出得幾誇張。生蠔靚唔使講，特別留意佢的牛扒一流。我駡鬼我朋友你唔信佢都信下我幫襯佢哋咁耐啦，來來去去都係話人態度唔好，咁就驚到唔敢訂，諗吓點解會對你態度唔好呢？希望佢哋繼續努力加油，香港需要一些有質素要求高的小商店，否則真係以後食蠔要去超市或高檔餐廳啦。一個支持有品質小店的食客
繼續閱讀