The Field by sensory ZERO (守運樓)

營業中

休息中

今日經過葵芳去馬會買六合彩，發現裏面竟然有間餐廳，就諗住反正都要食Lunch，不如入去試下。叫咗個滑蛋炸雞飯，飯粒分明，滑蛋嫩滑，加上炸雞香脆多汁，味道不錯！另外，仲有汽水送，真係幾抵食。餐廳裏面仲有遊戲可以玩，不過如果趕時間就唔好過來吃，因為等餐時間都要20-30分鐘，用餐環境都幾有趣。整體嚟講，呢次用餐經歷都幾愉快，值得推薦！😊🍛🥤

最近馬會個app彈咗有個優惠俾我，原來都有啲現金消費券可以喺呢間餐廳度食，佢哋嘅環境都唔錯，仲有遊戲玩添，員工嘅服務態度都幾好，不過餐單嘅選擇相對嚟講就比較少，主要都係西式為主，如果加入少少中菜元素就會更加多元化👍

馬會俾咗啲優惠券我，喺呢間餐廳食嘢，可以有啲折頭，咁一於幫襯下！ 嘢食幾高質喎，叫左個卡邦尼意粉，服務好好，好有笑容，除咗有嘢食之外，呢度仲有嘢玩，有足球機，或者係模擬賽馬，都幾好玩！放假食嘢兼可以放鬆一下，推介👍

第一次黎食lunch 見新開 裝修幾靚 人流唔算多點知中曬伏 叫左個日式和牛飯 $62 成個飯凍冰冰  份量又少啲牛肉硬到咬唔郁 個牛肉汁勁鹹排隊落單等勁耐出餐又等勁耐非常失望🥲

咁岩經過馬會， 諗住攞錢， 原來有間coffee shop 係度， 見唔多人我就買左罐檸檬鐵觀音，喺熱嘅天氣飲都好解渴， 之外裡面有射足球game同埋PS 賽車遊戲 GT7 ，仲要係有軚盤玩，最後仲有模擬跑馬機， 如果冇做運動跑千二米真係會好攰。

第一次去馬會餐廳，環境又幾正😍，餐廳旁有書籍漫畫睇，Lunch 時間唔多人，雖然餐點的份量看起來不多，但其實剛剛好。餐點有一點點辣味，這種微辣的味道為整體菜品增添了一些刺激和風味。聽職員講，平時還會有工作坊可以免費參與。

平時去葵芳，一定去葵廣，頂樓掃街已經係必然動作。今次朋友仔帶我行遠少少去到麥記旁，行入去，成個打咭cafe 咁。好有feel 我叫咗個下午茶餐，精美牛角包+ 特色Americano。佢話要叫咩「痴根朱古力」，實係好鬼型！我話幾$ ，咁嘅排場，預咗俾人🔪。加埋都係$100鬆D，嚇死。搵個位坐低，好鬼正，靚到！我地周圍影，都冇人話，不停轉位影靚相。認真一百幾十宜家去快餐都要，仲要搵個位舒服坐下都難。試下去星巴你，買杯啡加件餅幾$。我同朋友仔，坐成個幾鐘都冇俾人白眼，反宜有職員同我地傾計，問我地食物意見，做完送咗每人一張贈券😏😏。即係今次免費🫣，我唔敢出聲。下次嚟葵芳玩，一攰一定過嚟hea 下。

下晝同friend行街，經過榮芳路投注站，好奇入黎望下，點知發現入面有間餐廳，咪坐低食下野第一次過黎食野，揀咗下午茶餐，牛角包+雞翼，食物係即叫即整，牛角包香脆鬆軟，好好味呢間餐廳最特別嘅地方，係佢喺賽馬主題特色餐廳，有2隻大大嘅馬仔公仔比你影相，真係好cute好吸睛隔離仲有遊戲機玩，同埋其他賽馬足球遊戲，可以又食又玩，爽而且職員服務態度良好，環境又舒適安靜，食完仲可以順便去買張六合彩，真係一舉多得估唔到馬會都有咁好玩嘅地方，諗住下次帶埋其他朋友一齊黎打卡

一個人可以待上一個下午～現代新式投注站裝修，在滿滿的馬仔圍住的狀態下，讓人舒適且愜意，也是超讚～.澳洲M5+和牛溫泉蛋飯🍳和牛🥩肉質鮮嫩多汁，口感較細膩，配上一顆溫泉蛋🥚真係好好吃😋，誰能對和牛溫泉蛋飯說不呢！ ！ ！癡_線朱古力滿滿的朱古力🍫香氣四溢，而且一點也不會膩，賣相也超正，用嚟打卡一流，不愧是招牌🔥香港遊玩不妨睇睇這篇攻略吧～全部遊戲體驗都是🆓免費的喔！足足🈶️三層樓活動可以體驗足球場設計很特別喜歡足球的可以來這感受一下氛圍 還有不同的足球擺設