The Grove

營業中

休息中

有一種味道總會憶記起味道，思念來了就行動吧！專程來到大圍田心村搵阿Roy 牛肉麵。麵質煙韌有彈性有麵香👍牛肉屬牛腱位有根香滑軟腍非常入味🫶🏼🫶🏼湯底香濃帶微辣好惹味。服務員態度有禮貌，真係要多支持香港飲食業。

大圍田心村台食台灣野🤤叫咗個香噴噴滷肉飯，滷肉拌麵，鹽酥雞，酥炸豆腐👍呢間台灣餐廳味道偏淡，不過可以介紹下去嘅咖啡都係即磨，我個人比較喜歡佢哋嘅飲品，同埋佢哋可以坐室外個環境都好舒適，打下卡，放鬆下一流

成日係外賣app見到依間餐廳 見到有做優惠 就試左佢既牛肉麵 比想像中有水準 佢個湯底好香牛肉味 真係好好味 會令你好想係咁飲佢😂😂 牛肉方面就正正常常 有4件左右 啲牛肉都算淋 另外 仲會有一條小唐菜🤣🤣 整體來講 都幾值得一試！

我係附近嘅學生。自從食咗一次之後，我就迷上咗呢間餐廳喺中午嘅時候經常嚟呢間台灣美食餐廳食飯，仲有學生優惠呢間餐廳嘅台灣味好正宗，不論係食物定嘢飲，都有濃厚嘅台灣風味餐廳裝潢設計好好，服務態度都好好，員工出餐快捷友善。用手機落單，非常智能化，快捷方便👍🏻以前一向食阿roy牛肉麵，自從出咗麻辣鴨血之後我就日日都食真係太好食啦，彷彿去咗台灣雖然學校附近有唔少嘅餐廳選擇，但係呢間台灣餐廳依舊係我嘅第一選擇絕對要俾個五星好評啊

我係呢間台灣美食餐廳附近嘅學生。每日朝頭早冇食早餐，每日就係等放食飯，第一時間沖去台灣餐廳度食。最鍾意嘅就係半筋半腩牛肉麵，再配上珍珠奶綠少冰少甜。簡直可以舒緩我一日嘅疲勞。每日上堂就係等食飯，同同學仔嘅話題都係：「中午食台灣嘢」一諗到畢業之後就食唔到，我就好傷心。但係我都會抵擋不了美食嘅誘惑，even畢咗業我都會返嚟食！極度推介大家嚟食，餐廳嘅服務員都好好態度。一個字正呀！！！唔嚟食就走寶！！！

呢到嘅台灣菜每一款都特別引人注目，美酒佳餚俱全大圍好多學生仔鍾意，亦將台灣特色嘅小食推向香港人，盡享國際美譽。麵食喺台灣嘅地位，絕非「熱門」兩個字足以形容。講真果句，呢度有超多麵食款嘅式，等您嚟品嚐,有唔同風味,例如有香腸肉燥飯/麵,鹽酥雞肉燥飯/麵,滷水麵等等，都令人流晒口水！而且有不同的款式嘅飲品任君選擇,有抵飲 跟餐免費嘅泡沫紅茶, 綠茶 ,有口感甜膩,珍珠軟糯彈口嘅台式珍珠奶茶,有解渴解膩，百喝不厭,而且飲咗回甘令人流连忘返嘅鴨屎香檸檬茶 等等！真係各有特色,每款都想試一次！雖然第一次食可能會覺得加一服務費可能略貴,但對比於市面上其他台灣美食餐廳,呢間真係良心好多,只需50,60蚊就有一餐抵食嘅用餐體驗！至於學生更加抵食,可以減10蚊！比起啲連鎖餐廳仲抵！至於服務方面,呢間餐廳用手機點餐,十份方便！社恐嘅朋友唔洗再驚啦！而且,最重要嘅係！呢間餐廳嘅服務態度好好！員工禮貌接待,比起附近所謂嘅"日料"餐廳不知好幾多！至少佢唔會踢你出餐廳門口30幾度干等(笑)就算坐出面嘅位都有風扇吹著！,更重要係！呢度風景都唔錯,係打卡好去處！所以想抵玩抵食嘅話,真心推介你嚟呢度！

這間餐廳主打台灣菜其中肉燥拌面是一道令人回味無窮的美食，品嘗過後，我對它給予了高度的好評。以下是我對肉燥拌面的食後評價👍🏻🙌🏻首先，肉燥拌面的口感令人難以抗拒😋。麵條爽滑有嚼勁，與細膩的肉燥醬汁相互融合，每一口都充滿了滿足感。肉燥醬汁的濃郁口味與麵條的咬勁完美搭配，使得整個味覺體驗豐富而令人愉悅🤩🥰。其次，肉燥拌面的調味醬汁非常美味❣️。那濃郁的豬肉香氣其他秘制調料的調和，賦予了肉燥醬汁獨特的風味。每一口都能感受到醬汁中的深層次味道，令人回味無窮。在香港也能食到正宗的台灣肉燥拌麵‼️‼️最重要的是，肉燥拌面能夠令人飽腹且滿足。本人是一名學生，平日中午特別喜愛光臨這間餐廳 ，又有學生優惠，同時分量也非常足夠，用便宜的價錢來吃一份正宗台灣美食，性價比十分高（與茶X 春x堂相比）。加上餐廳環境優美，衛生情況良好，店員的服務態度也非常不錯，因此我十分推薦這間餐廳，特別是在附近上學的學生。最後我強烈推薦嘗試肉燥拌面！相信你也會被它的美味所征服！💖💘

難得可以係學校附近搵到一間台灣嘢，抱住一個試伏嘅心情入到去，點知居然出乎意料地好味🤤尤其是肉燥拌面，印象深刻！麵條好彈牙，唔會好淋，加埋足料嘅肉燥醬，十分好味。肉燥係多到食唔晒！出面好多舖淨係俾得個少少🤏肉燥，但呢間舖唔會囉，真係好足料！招牌牛肉麵都十分好味，湯汁入面有少少辣味中和咗甜味，配埋好爽口嘅牛肉，好適合冬天凍凍地嘅時候去食，一啖麵一啖湯，即刻成個人暖晒，再加埋珍珠奶茶，真心好chill😋

本人呢，係喺隆亨村附近讀中學，所以平時放lunch都間唔中會嚟食，不過一向都對食鴨血、豬紅類似嘅嘢冇乜興趣。直到有一日試咗一下呢間舖嘅麻辣鴨血牛肉麵，唔試唔知，一試難忘，回味無窮，個鴨血非常鮮香嫩滑，入口即溶，非常之美味！從此愛上食鴨血，並且每次嚟食都會叫麻辣鴨血牛肉麵，極力推介大家嚟食！而且份量仲要好足（冇加底）完完全全夠我哋呢啲學生哥食。跟餐嘅話仲有綠茶紅茶送添！係炎熱嘅夏天，嚟上一杯凍綠茶，簡直冇得彈！

平時夜晚見呢間台灣嘢唔算好多人食，膽粗粗試吓佢嘅晚市，估唔到水準係比出邊嘅台灣嘢仲高。😆😆Dinner set呀Roy牛肉麵$80🍜牛肉麵湯底有少少辣，味道香濃而不膩，飲完都唔會話好口渴，麵軟硬適中，烹調時間啱啱好。牛肉入味之餘，唔會好似出邊啲餐廳咁硬，一咬啲肉就會散開，但同時保留口感。前菜🍟🍧套餐除咗煮食之外，仲有兩款前菜，有地瓜條同爆珠冰粉，我好地瓜條切到好似操薯咁，食落有番薯味之餘，又唔會覺得太大油益味，配埋梅粉好夾，不過可能我哋太晏食，薯條唔係太脆。爆珠冰粉只有微甜，食完無罪惡感。Dinner set+$23 黃金脆皮雞肉卷雞肉卷同台灣夜市嘅質素相符，雞肉滑，皮脆，非常惹味。台式肉鬆芝士蛋餅$42喺台灣食嗰啲蛋餅全部都係熟蛋，但係呢間嘅蛋有少少生，食落感覺好似有啲汁，成個口感都非常好，唔會太乾。🐣

經過田心村見有間台灣野就去試一試除左有牛肉麵、肉燥拌麵同滷肉飯仲有麻辣鴨血牛肉麵，好少見到就試試佢麻辣鴨血牛肉麵 - 可少辣/加辣上枱第一口試咗佢個湯😋😋一試便愛上，味道入口先係濃濃嘅牛肉湯味，然後麻辣嘅味道慢慢滲出黎，好正😍先試佢鴨血，質感好特別唔係硬身，吸收左麻辣湯精華，跟住牛肉好有驚喜，通常見到咁厚身嘅牛肉類似牛𦟌部位，都會怕佢好硬身好難嘴嚼，但呢幾塊牛肉完全唔硬仲好嫩，輕輕一咬就可以咬開，明顯有花心機處理牛肉食材，配埋呢個湯底一流。這些小店比起連鎖店，配搭及處理食材更有心思，支持小店。

之前有個朋友成日話呢間既牛肉麵好好食成日都想試，今日終於去左🫣 個牛肉麵真係唔錯，同平時出面既唔同，有d微辣，好驚喜另外見佢有臭豆腐，我本人就唔太好臭豆腐，但朋友點左份黎試，佢話好好食，係佢食過最好食既臭豆腐😯不過間鋪既人話個臭豆腐唔係時時有，食到係好好彩😬仲有麻辣鴨血豆腐，呢個我想講個「麻辣豆腐」好好食🤤，好入味，佢係炸過再煮，好有口感飲品方面，叫左杯鴨屎香😆，都茶底都幾好飲，好適合夏天飲，又可以解下辣😊值得推薦

係大圍返工，其實附近啲cafe甚難食，食完好少返轉頭個種，環境亦係欠奉。呢間台式餐廳都食過幾次，今次想讚下五花腩，因為肥豬肉唔多，好多瘦肉，高蛋白質！讚！另外，個Bagel夠煙勒，但完全唔夾厚厚的五花腩，夾唔實黎食，而Bagel都係配三文魚、藍莓醬之類比較好食，配腩汁味道好怪🥹最後，地瓜條不過不失，好飽！但價錢$80/1人，加埋珍珠奶茶🧋如下可以$60/1人，會好抵食😂

7點10分叫既外賣🤧7點50分先有如果要等甘耐 應該落單個時通知聲同我同時間入去堂食既人都食完都未有得拎😔最慘係見住遲過我既人都拎走外賣遲過我黎但堂食既人都食緊我就係外面餵蚊 到拎到啦 返去一打開竟然無餐具本身心情已經吾好 呢下仲差野食 水準無乜特別啦不過我叫既泡菜肥牛飯 入面既泡菜吾係我認知既泡菜可能我見識少啦今次只係非常特別想表達 佢地好混亂明知人地等左甘耐 一句吾好意思都無應該吾會再一下次啦味道吾係特別岀色 價錢吾平 又等得耐

念念不忘的味道，想你喔！🍜你的阿Roy 牛肉麵跟以往一樣依然腍滑入味不黐牙，麵條仍是爽口彈牙淡淡麵香， 湯汁清而味濃，喜歡你依然不變。👍🍺台灣來的手工啤酒是有咖啡味道的，味道也很特別。今天下著毛毛細雨坐在外面更有詩意。👍👆🏻